شفت سياره متعطله في البر تساعدهم ولا تعطيها الخامس ؟؟

[راعي عنيزة]

السلام عليكم ورحمة الله وبركاته

اسعد الله صباحكم ان كنتم في صباح
واسعد الله مساكم ان كنتم في مساء

لنفرض اخي الحبيب انك كنت لحالك او معك واحد وتمشون في الليل في بر بعيد وموحش
وشفت سياره متعطله والي فيها يشرون لك

هل توقف وتساعدهم ؟
هل تكبس الدعسه وتخلي اصابع رجولك يويدزن من شبك الموتر وتلقمها الخامس ولو حصل السادس ؟

انا شخصيا ما اوقف لهم على كل حال وما اروح واخليهم على كل حال

اناظر اول شي الموتر اذا كان زين والوجيه سمحه وعددهم قليل اوقف والحافظ الله

اما اذا صارت السياره شبهه والوجيه ودره والعدد واجد
لا والله العمر واحد والجري نص الجدعنه :) باحط رجلي واغمت الدعسه

يالله شباب كل واحد يحط لنا ردة فعله بصراحه وبدون حيا ولا هيلطه ;)

[القماري]

حياك الله ياراعي عنيزة
وبالنسبة لي ما أعتقد أني أقدر أساعدهم وخصوصا أن كنت لحالي، في النهار إحتمال المساعدة لاكن الليل !!!؟ - البر وبدون شيء في الليل يرعب خصوصا وأنت لحالك . وبصراحه فيه ناس ماودك حتى تمر حولهم (يعني أذكر مرة أني لقيت واحد منوخ تنويخ بموتره - كابرس في الرمل ولمن آشر لي يطلب المساعدة وجيته - طلع خوينا نظيف مرة وما وده حتى يشبك القلص بموتره خايف تتوسخ ملابسة ولد الأكابر وبعد الشيل والحط قام يتفلسف بالكلام ومسوي نفسه بطل ، والله أنه رفع ضغطي إلى 550 من زود هرجه وسخافته . وبعد كذا حتى مشكور ما قالها .

[عبدالعزيز الدباسي]

من ناحيتي اذا صارو اللي متعطلين عائلة ((لازم اوقف واساعد))

واذا صارو شباب ادقق بالاشكال ان كانها لحى غانمه فيبشرون بسعدهم وفزعتنا معهم

وان كانو ((سلق حفيانه)) (اعزكم الله) لا تعطيهم بال وعطهم اشكل

وان كانت اشكالهم من اللي انتم خابرين (اللهم لا شماته) حط رجلك وادعس الموتر

ولاتنسى المثل المصري (ايقولو جبان ولا يقولو الله يرحمه)

[هواوي]

والله موضوع حلو

انا راعي فزعات فعشان كذا المواقف كثير ومنها الغريب ووالطريف

ولكن عاده اوقف واساعد بغض النظر عن لاشكل وثانيا الواحد يعرفهل هم فعلا في مشكله او فخ

عموما مره لقيت ناس مغرزين ورحت اساعدهم لقيتهم في حاله سكراانيين مره مره والله احرق كفرات سيارتهم ما يدرون هم وقفوني ويشرون رحت لقيتهم كلهم مسدحين والي ياشر هو الوحيد الي فيه شده يتكلم فيهم وكنا 2انا وواحد شرواكم عاد ما اهتمكينا لهم سحبنا سيارتهم بمساعده النشيط وخوي ما نزل من السياره قلت اقعد للطواري وخل الروسي جاهز المهم سحبنا السياره وبدال ما يقول لنا شكرا قام يسبنا عاد خويي مسكه مع راسه رجت انا ريوس وسحبناء مسافه بعيده واخوياه والله ما درو عنا فكيناه وهو مغمي عليه ميت حي الله واعلم

الموقف الثاني لقيت شايب مغرز وطلعته وحلف ان اروح معه البيت واصر اصرار عجيب ورحت معه اثاريه معزوم ويبيني اوصله طبعا وصلته وععشيت معه ونصب عليهم قالهم اني ولد كلهم شياب نصابين قال واحد منهم انه قابلني عند البيت قبل كم يوم وهو نصاب طبعا

وفيه مواقف ما اقولها لان ما احد بيصدقها

وشكرا للموضوع الرائع يا راعي عنيزه

[خــشــــــــــم]

موضوع مهم والله يا راعي عنيزه تشكر عليه
المشكله انه كشف شجاعه بعض الشباب فى هذا المنتدى,, معاي يا خلفهم!
ما علينا , المهم اكثر من مره تعطلت وتمنيت الشقرديه والنشاما والحمد لله ما تخلى.. لا بد يطلع لك احد , واخرهم راعي وايت سوداني يوم اهل السيارات الكشخه وانا على الزفلت يعشقونها بالخامس وقف لي اخونا السوداني وما سويتله شي غير اني شكرته ودعيت له بكل خير:-) لكن , يا كثر الي يحط رجله , واختلف معكم فى الحكم على الناس من اشكالهم ,
والي يكشت كم يوم فى البر بيختلف وجهه ويغبر اذا انه مغرز او متعطل ويحاول يصلح موتره بالقوايل المهم يا شباب احيانا بعض العطالات شينه يمكن فيها حياه او موت, ولا تخافون الحمد لله امن وامان وشعبنا طيب والحمد لله . خبركم ما عندنا 911 ياصلونك وين ما كنت وبسرعه فا لازم نفزع لبعض , ما عليكم من شكله واخلاقه (مو شغلكم) المهم عمل الخير ,
اذا تركته يموت على شان شكله او ظنك انه مو تمام اعتقد انك خسرت اجر انقاذ روح وشاركت فى .... فارجوكم اذا شفتوني متعطل لا تخلوني مع العلم ان شكلي اول يوم فى الرحلات كشخه وتركت التـتـن منذ مبطي.

[الجسار]

والله اذا يسااااااااااااهل ساعته :P واذا كنت مستعجل يعني افكرررررر :P

[راعي عنيزة]

القماري
هلا بالغالي وبالنسبه للمساعده ما يحتاج شكر وانشالله انك تحتسب الاجر عند الله
والي يغثك ويقعد يتفلسف قله شوي بس اخذ عزم للموتر وحط رجلك وخله يقشر بصل :D


خالي شقردي
هلا والله يا خلفهم سبحان الله نفس ردة فعلي :)
وعلى قولة القايل بعد
يقولون بس فوق الجدار ولا يقولون بس وطته سياره :)


هواوي
هلا والله صديقي <<<<< متوحش منك :(
يا خوي مثل ذولا السكارى ودك ما تساعدهم ابد لانهم يبلونك بانفسهم وما تدري وش يجيك منهم ،
واما الشايب النصاب انتيكه ذا :D
والصدز ما ودك تساعد اي احد



خشم
هلا بك اخوي
صحيح ان الشكل مهب مقياس لكن هو وسيلتك الوحيده ولو بتوقف لكل واحد تراك بتعرض نفسك لبلاوي
افرض ركبت واحد وكان معه كمية حبوب وتعرضتو لتفتيش تراك معه ويطولك الي بيطوله ومهب مصدقين انك مركبه
ومثل ما تفضل اخوي هواوي بقصه السكارى

الواحد يحب انه يساعد ويفزع للجميع لكن ماوده يدخل في مشاكل لذلك ما لك الا الظاهر للحكم على الناس



الجسار
شكلك من راعين الخامس ;)

[رجال]

بالنسبه لي ما اقول الى تخيل نفسك مكان الشخص المتعطل مهما كان شكله او جنسيته او حتى جنسه .

ثم احكم توقف او دور جهة الهوا وتعطيها خمستين لين يتغير لونه من الغبار


ولكم تحياتي رجال

[راعي كيف]

اما لو القى راعي عنيزة متعطل اففففففففففففففبس أحط التمثال بجبهتة :D
مير منبي مستانس:p والله ياهي امنيه ولى وشرايك يالسمح انت والبتار والقماري وياشقردي وهواوي و خشم والجسار والرجال :rolleyes: والربع كلهم :D
والله ياهي وناسه دعسته خصوصاً بالربع الي بم دبابه






:D






:D :D










:eek: والله يانت بلوغ يسد الي فوق;)

تحياتي وأشواقي

[خــشــــــــــم]

شباب لا اوصيكم لا ني بعيد شوي عنكم ( فى جده)
تكفون اذا شفتوا حبه وربع متعطل او اي جيب اسالوه اول. !!! انت راعي عنيزه او ... ؟
اذا قال ايه!! ..تكفون بالاول وبالثاني وخمسه حوله وبعدين اتركوه ولا ترجعون له ابد.




المعامله بالمثل .




.


..

....

......



لكن اذا صادفته انا ... قلبي ما يخليني .. ارجع له بعد ساعه (بعد ما يغبر ).


أمزح يا بعدهم والله ما اخليك .










:p :p

[راعي عنيزة]

رجال
هلا بك اخوي
صحيح ان الواحد يحط نفسه في ذي الموقف لكن بعد لا تلقي نفسك في التهلكه
يعني قدر وفكر من يستاهل المساعده ومن لا


راعي كيف
اصلا انت لو اشوفك خاطم بالبر كان تحوم تسبدي من البران كلهن وابدى اكشت بالبحر ;)
عاد تخيل رابطين عند باب الخيمه ذبيحتنا هامور والقرش متغبي ورا الشاصي يتختله :D


برطم :D
ادري بقلبك حنون يا خلفهم ;)
لكن من ناحيتي لو اشوفك متعطل ابشر بسعدك باوقف فوق نفود بعيد عنك واقعد ادربل عليك واضحك:)

[خــشــــــــــم]

راعي عنيزه :-)


يا خلف براطمي كلهن , اضحك ودربل على كيفك , لكن طلبتك لا تقابلني بطعسن قريب, خلك
بعيد عن مدى الخرازه ام ليزر.

[جوال^البراري]

السلام عليكم...ويعطيك العافيه يا اخ راعي عنيزه
ومثل ما قلت انا اتفنن باخراج السياره من مأزقها.. وعن ما قلتم عن المساعده وغيره مثل ماقالوا الشباب اذا كانووا عائله لازم اني اساعدهم والا اذا كانوا شباب ينخاف منهم لا والله اتركهم. وحبيت اذكركم سالفه صارت معي قصيره, مره رادين انا ويا الربع ما درينا الا هذا الصومالي مدري الليبي طايح بالرمل السياره من امام قاضبه القار ومن خلف قاضبه الرمل والوكاد اخونا فالله حاطله افراش تحت التواير وكان معتفس جدا . ويوم شفته وكانت السياره شفر مدري جمس ونيته صغير ابو غماره وحده مثل سيارت الهايلكس الوكاد تسمعون مني قلت لحظه واركب السياره واعطيها واحد وتطمر وتطلع بدون اي شيء .. ويعطيكم العافيه.

[الموجه]

. . ... ـ . ـ . ـ ... ـ . ـ . ـ ... . . :D . :p . :mad: :D :p . :mad: . <MARQUEE direction=up> ياراعي عنيزة ترى عظامي تنافض خايف من الموضوع
. . ... ـ . ـ . ـ ... ـ . ـ . ـ ... . . :p . :mad: .
<MARQUEE direction=right><MARQUEE direction=down>الضيف يقلط على العين الراس<MARQUEE direction=left> <MARQUEE direction=down> . . . . ......^.^......^.^...... . . . . </MARQUEE></MARQUEE>
<MARQUEE scrollAmount=3 direction=down>وإن أت رير المركة أو حذا مبة فاط <MARQUEE scrollAmount=4 direction=down> وإن أرت تير المكة أو حذاشرة