vx_r أستفسار ،،،

[راهي]

يالربع بارك الله فيكم وين القى السلة اللي يركبونها على اللاند كروزر اللي لاصقة بالبدي يعني ما هي واضحة ومن الحديد تتحمل كثير
كذلك وين القى اليايات الأسترالية المناسبة لvx_r
يعني لها رقم معين أو تتحمل وزن معين لأن الموتر نازل عندي من وراء وناوي أركب السلة المذكوره أعلاه حلوة أعلاه المهم تكفوووون ساعدوني

أنا من الدمام

[بارق تميم]

س1 ال Vx_r الي عندك هيدروليك ولا لأ

إذكان هيدرولك ماعندي اي خلفيه عنه

وإذا كان عادي (بدون هيدروليك ) رح لرمايه الي على الطريق الساحلي بعد ماتعدا أكسترا على اليمين تلقى عنده اليايات الأستراليه
طبعا فيه يايات تتحمل 120كيلوجرام وترفع الموتر 2سم
وفيه يايات تتحمل 200 كيلوجرام وترفع الموتر 4سم
وسعرها تقريبا من480 إلى 550 تقريبا
اتمنا اني افدتك

تقبل مروري

هدد2007

[راهي]

بيض الله وجهك يالهدد والموتر ما فيه هيدروليك عادي
تبي الصدق والله أني مال من ذاك المصري اللي في الرماية ما يعرف شيئ اسمه حسن التعامل ولا هو فاهم شيئ في شغلة بارك الله في الأخوان في مكشات مثلك وشرواك لكن وين القى محل مخبور يركبها وما هو نوع المساعدات المناسب هل مساعدات شد بلده أفضل ؟


لا نزال نستفسر عن السلة وين ألقاها تكفووون بسرعة

[بارق تميم]

والله ياراهي انا معي هدد ومركب يايات 120 كيلوجرام 2سم والموتر معي احلى شي ماشتكيت منهن إلى الآن والحمدلله بالنسبه لتركيب صناعية الدمام فيه ورشه اسمه صبيا تخصص تويوتا

لكن ماعندي اي خلفيه عن اسعارهم لأني مركب اليايات ببريده عند ورشة الموسى ب50 ريال والتركيب مأخذ ربع ساعه

والسله والله ماعندي اي خلفيه لكن مر شارع الملك سعود (شارع الزينه) اشاءالله بتحصل الي تبي عندهم

وتقبل مروري

هدد2007