أهل النيسان باترول وباثفيندر

[المهذبي]

السلام عليكم أرجوا التكرم بإرشادي لورشة صيانة متخصصه للباترول والباثفيندر في الرياض:confused: مثل جيوب التويوتا ماشاء الله الورش المتخصصة وش كثرها وجزاكم الله خيراً لا تبخلوا علينا بما عندكم.

[Y A S S E R]

والله ياليت احصل ورشه زي الناس

أنا معي باث

والى الان ادور ورشه صح !؟!

[.أبوعبدالرحمن]

تحت البحث والتحري هههههههههههههههههههه


الى الان ما لقيت ورشة خاصة بالباثفندر والباترول

[التاكسي]

السلام عليكم أرجوا التكرم بإرشادي لورشة صيانة متخصصه للباترول والباثفيندر في الرياض:confused: مثل جيوب التويوتا ماشاء الله الورش المتخصصة وش كثرها وجزاكم الله خيراً لا تبخلوا علينا بما عندكم.

السلام عليكم
انا اضم صوتي الي صوت اخوي وابحث عن ورشه لسفاري
سيارتي تبي تربيط وين افضل ورشه لتربيط

[مقلع الرمث]

والله وانا اخوك ورشه متخصصه ممكن ماتحصل لكن قلي وش المشكله الي عندك

[بن محفوظ]

النيسان عفشه واجد ويخافون من مشاكله الورش ...

لكن في ورشه ممتازه في صناعية الرياض القديمه ... أسمها جيركو

بس تراهم حارين شوي ...

وبالنسبة للي يبي تربيط .... فيه ورشة النويصر كذلك في الصناعية القديمة

[المهذبي]

شكرا للاخوه على تفاعلهم وبالنسبه للورشه اللي ذكرها أخوي بن محفوظ سبق أني رحت لهم ولكن يغيرون اللي يلزم والي ما يلزم

[المهذبي]

بالنسبه للتربيط فهناك ورشه متخصصه فيه فقط اسمها ابن مرضاح في شارع الجمعية بالصناعيه القديمه، لكن ورشتنا اللي ندور عليها مالقينها.

[التاكسي]

ياخوان بانسبه لتربيط احد جرب منكم الورش الي قلتوا

لاني ابي ورشه مجربه واسعارها معقوله
الفلوس مهيب ذيك الزود يعني لك عليها

[روافد]

يا جماعة بالنسبة للتربيط انا ربطت عن بن مرضاح اخذ على 1200 ريال شغل يده ولاكن شغلة ممتاز

[نومـ11111س]

روافد هل تربيطه كامل ولا امامي بس

[التاكسي]

يا جماعة بالنسبة للتربيط انا ربطت عن بن مرضاح اخذ على 1200 ريال شغل يده ولاكن شغلة ممتاز



اخوي تقول غالي شوي

انا سيارتي تبي تربيط من الداخل والخارج كل شي فيها يطقطق وكل ما طلعت الي البر طاح شي منها

[ابا الأفلح]

السلام عليكم 000 بالنسبه لتربيط السياره من تحت كامل فيه ورشه بالصناعيه القديمه بجنب ميزان العظيب القديم(الي جاي على الزاويه) اسمها ورشة الخليج فيها هندي وفلبينين ممتازين جدا واسعارهم رخيصه ويتكاسرون بالسعر على فكره الورشه بعد جايه على زاويه0

[المهذبي]

الموضوع مرفوع للرد

[التاكسي]

يا جماعة بالنسبة للتربيط انا ربطت عن بن مرضاح اخذ على 1200 ريال شغل يده ولاكن شغلة ممتاز


تقول السعر غالي شوي

طيب التربيط شامل تربيط الداخل الديكور والابواب والطبلون

[المهذبي]

السلام عليكم شكراً لمن شارك بالموضوع ولكن لم نصل لما نريد وحيث أن الموضوع يهم جميع مالكي تلك السيارتين آثرت أن أتابعه وأقترح من أحد المشرفين تبني هذا الموضوع لتعم الفائده على الجميع.