فزعتكم يا اصحاب الفورتشنر

[صقر باهله]

السلام عليكم

صبحكم الله بالخير

محتاج شوركم يالربع انا ناوي على جيب وبيني وبينكم الميزانيه ماتسمح

والا ماعني وعن الباترول لكن يقولون مد ايديك على قد كمومك

<== طولها وهي قصيره

ابي رايكم يالربع في الفوتشنر الـ 4 سلندر قير عادي دبل

وعلى فكره تراي شغال بالشرقيه والاهل بالرياض

يعني بيجيه كرف خطوط

ومابيه للمراقى والفجر ابيه يزبن في الطعوس يعني ما يوهق

اللي مجربه يعطيني رايه تكفون؟

[Khalid AlGhamdi]

وعليكم السلام ورحمة الله

مانصحك فيه الاربعة سلندر لاحظت كثير يشتكون من ضعف عزمه

انا معاي 6 سلندر توماتيك وموتر خط وديره وبر ، وبعدين كلنا الميزانية ماتسمح وماخذين تقسيط وش نسوي :)

[najazy]

مثل ماقالك ابو معاذ
إذا تبي شي ماهوب ناقص خذ 6 سلندر
ولا راح تندم بإذن الله
وقبل كل شي إستخر
والله يوفقنا >>>حتى أنا أبشتري واحد بس أحتري الدراهم يكملن الله يرزقنا وإياكم

[بن نويشر]

أنا معي واحد 4 سلندر قير توماتيك وما فيه إلا العافية ، يعني العزم شوي ضعيف في القومة وفي الرمل ما عندك مشكلة . أما إذا كنت ناوي تسابق الريح فخذ 6 سلندر ، وعسى الله يوفقك لما فيه الخيره .

[.أبوعبدالرحمن]

الـ 4 سلندر زين اذا بتاخذ عايدي ولا عليه اخلاف

والـ 6 ازين منه تبي تماتيك والا عايدي


لكن اتوقع اذا على استخدامك اللي ذكرت فهو ان شاء الله ببيض وجهك الـ 4 سلندر


لكن انصحك بالسته سلندر افضل فقط

ولا تنسى الاستخارة

[مقلع الرمث]

اخوي كانك راعي اخطوط خذلك 6 اسلندر قوه وعزم ومرتاح الموتر اما 4 سلندر مافيه فرق عن الهايلكس نفس محركه وضعيف جدا مع واحد من زملائي بدوام مايمدحه طبعا هو كل يوم يتردد عليه مسافه 70 كيلو ويقول عزمه مش ولابد يعني ممكن الهواء يأثر عليه خذلك 6 الموتر مرتاح مع الطريق وماااعليك واستخر قبل كل شي

[التسعاوي]

صرفية الاربعه والسته بالخط متقاربه

[صقر باهله]

وعليكم السلام ورحمة الله

مانصحك فيه الاربعة سلندر لاحظت كثير يشتكون من ضعف عزمه

انا معاي 6 سلندر توماتيك وموتر خط وديره وبر ، وبعدين كلنا الميزانية ماتسمح وماخذين تقسيط وش نسوي :)

ماقصرت يالغالي

ماشاء الله يطعمك من خيره ويكفيك شره

اوكي تقسيط بس ماقبل راتبي الا الـ 4 سلندر لان علي التزام مالي

[صقر باهله]

مثل ماقالك ابو معاذ
إذا تبي شي ماهوب ناقص خذ 6 سلندر
ولا راح تندم بإذن الله
وقبل كل شي إستخر
والله يوفقنا >>>حتى أنا أبشتري واحد بس أحتري الدراهم يكملن الله يرزقنا وإياكم

ودي بالسته بس الراتب مقصقص وبالياله يقبل الاربعه

ماقصرت يالغالي

والله يوفقك ويرزقك

[صقر باهله]

أنا معي واحد 4 سلندر قير توماتيك وما فيه إلا العافية ، يعني العزم شوي ضعيف في القومة وفي الرمل ما عندك مشكلة . أما إذا كنت ناوي تسابق الريح فخذ 6 سلندر ، وعسى الله يوفقك لما فيه الخيره .

الله يطعمك من خيره ويكفيك شره

بالله يالغالي ودي اسالك عن توازنه وثباته

ويزبن في الطعوس والا لا

والدبل يثقله والا لا؟

مشكور يالغالي على مرورك

[صقر باهله]

الـ 4 سلندر زين اذا بتاخذ عايدي ولا عليه اخلاف

والـ 6 ازين منه تبي تماتيك والا عايدي


لكن اتوقع اذا على استخدامك اللي ذكرت فهو ان شاء الله ببيض وجهك الـ 4 سلندر


لكن انصحك بالسته سلندر افضل فقط

ولا تنسى الاستخارة

اكيد السته افضل بواجد

ماقصرت يابوعبدالرحمن

[صقر باهله]

اخوي كانك راعي اخطوط خذلك 6 اسلندر قوه وعزم ومرتاح الموتر اما 4 سلندر مافيه فرق عن الهايلكس نفس محركه وضعيف جدا مع واحد من زملائي بدوام مايمدحه طبعا هو كل يوم يتردد عليه مسافه 70 كيلو ويقول عزمه مش ولابد يعني ممكن الهواء يأثر عليه خذلك 6 الموتر مرتاح مع الطريق وماااعليك واستخر قبل كل شي

اي والله راعي خطوط وحتى دوامي من البيت لمقر العمل سفر حول 50 كيلو

ماقصرت يالغالي بس للحين مدري اخذه والا لا؟!!!

[صقر باهله]

صرفية الاربعه والسته بالخط متقاربه

هلا التسعاوي

ماتفرق معي الصرفيه

انا ابي اشوف مكينته تتحمل خطوط على وزنه الثقيل والا ابعد عنه؟

[مساير الليل]

أخي صقر باهله

أنت تبي موتر عزم قوي ورخيص بأنصحك بسيارهـ وعلى حسب معلوماتي أنه مسوين عليه عرض في حدود 80 ألف يعني مثل قيمة الفرتنشر

وأنت أسئل عنه إذا كان ماعليه عرض مالك ألا الفرتنشر

السيارهـ 4 لتر 291 حصان قوهـ هائله جدا

السيارهـ قير عادي 6 نمر

أكيد راح تسئل وش نوع هالسياره

هي نيسان أكس تيرا الجديد

صورهـ للسيارهـ إذا كنت ماتعرفها
http://www.mekshat.com/pix/upload02/images60/mk53963_64870686.jpg

[صقر باهله]

يما للعافيه والله يامساير

والله انا اقدر نيسان ومواترها بس بيني وبينك الموتر شكله قبيح شوي

والباث السياحي بـ 103

بصراحه فيه ناس نصحوني بالباجيرو بس مدري كم اقيامه

لاهنت والله يالغالي على مرورك وتشريفي بهالرد

[رفيق الكشتة]

.


اخوي .. الفورتشنر 4 سرندل حليل .. صحيح ثقيل شوي لكن ما تنشب به في الطعوس

هو ماهو موتر مراقى ولا سباقات لكن يوصلك لأي مكان تبيه ماعندك مشكلة ..

واستخر قبل كل شي ...

[مساير الليل]

والباث السياحي بـ 103

أخوي هذا مو باث هذا أكستيرا أصغر من الباث فندر

[الكلاسك]

يؤيؤ مسكين الرجال توهق طبق المعادله هذي اربعه سلندر+ جيب = غباء + تخلف الجيب اربع سلندر ما ينفع ولا بتسلب هل تعلم انه يصرف اكثر من السته سلندر ( انا عارف محد مقتنع الا اصحاب التجربه والمختصين فقط ) ضعييييييييييييييييييييييييييييييف ضعيييييييييف لا ينفع لا خط ولا تطعيس ولا مرتفعات ولا توفير فااااااااااااشل

المعذره بس انا مقهور من الجيب اربع سلندر مره مره مع انه وكاااااااااااله على الزيرو

[المهذبي]

أخوى جيب 4 سلندر ليس بجيب مع احترامي لجميع ملاكه تبي نصيحة أخوك لا تأخذ جيب إلا 6سلندر

[بن نويشر]

أخي الكريم لا تتردد ، أعقلها وتوكل !! ولا تهلك نفسك بالأقساط ،،، نصيحتي لك إذا كنت قادر على شراء 6 سلندر فتوكل على الله . ولو أني أحس أن مويلك 4 سلندر تراه مو شين بس خذ Gx2 صحيح 4 سلندر بس السلندر أكبر من سلندر 6 .

أما من ناحية السيارة فالسيارة جيدة وما بها شيئ .

وتقبل سلامي ..

[صقر باهله]

ماقصرتوا يا شباب

بس ابي شخص يتكلم من واقع تجربه

يعني احد ملاك الفورتشنر