صوت في السيارة؟....أعتبروه لغز وحلوه....

[عرش السفاري]

السلام عليكم ورحمة الله وبركاتة


ودي أعرض عليكم مشكلتي ولها فتره معي

وهي صوت في السيارة ما أدري من وين؟؟

وبعطيكم تقريب للمشكلة.......الصوت يطلع مع بداية المشي وبسرعة خفيفة........ويطلع مع لف الدركسون

بأي اتجاه.......ومع المطبات......يروح ويجي.......ولكن بأستمرار!!

الصوت كأنه من الكفر أو المساعد......وبنفس الوقت كأنه من الدركسون!!


وسبب هذا الصوت من (الحفر) طحت بكم حفره........وبعدين طلع هالصوت معي!!!!!!!


فودي للي عنده خبره يطلعنا عن سبب هذا الصوت.....

ولا ودي أروح كم ورشة وكل واحد يقول لي شي وأصلح وبعدين يطلع مو منه الخلل (الصوت)


علما أن الصوت كأنه (بوري أمريكي مزكم) بوري بصوت هادي!!



وجزاكم الله كل خير.......

[151]

اخي العزيز
وعليكم السلام ورحمة الله وبركاته


اخي ماهي نوع سيارتك ؟

اذا الصوت في مقدمة السياره فهذا رمان الهوب (( توقعات قبل معرفة نوع السيارة ))

[ولد وايل]

اخي الكريم شيك على عامود التوازن الامامي اي ورشه يقولك تغيير قله اظمن واغير واذا ماراح الصوت تعطيني حق التغيير

[shaheenshah]

السلام عليكم
وشلون بوري امريكي مزكم

شيك على زيت الدركسون

[cute]

غسل بطن السياره = غسله من تحت بس لاتخليه يكثر ماء
بعدين شحم سيارتك وان شاء الله يروح هذا والله اعلم

[الجزوم]

غسل بطن السياره = غسله من تحت بس لاتخليه يكثر ماء
بعدين شحم سيارتك وان شاء الله يروح هذا والله اعلم


لا تتعدى هالراي

[مقلع الرمث]

اخوي كانك سامع الحس بالشتاء تراء السيارات يطلعلهن اصوات واقرشه بالشتاء الواحد وده يبيعه ولا جاء الصيف يروح كل شي اما بالنسبه لمشكلته ففمكن من ربلات المساعدات او ربلات الرباطات وغيره من ربلات اماميه

[Black VTC]

اذا كان يلع الصوت مع اي مطب فممكن يكون من الربلات اللي فوق اليايات .. شيك عليهن بدون ما تفك الياي شف اعلا الياي و شف الربل ان كان متقطع فالحديد يحك مع بعض بدون ربل و يسوي صوت مع كل مطب او بطناج :)

[.أبوعبدالرحمن]

اتوقع ان احد المساعدات الامامية منفقعة


لانك تقول جا للموتر مطبات وعقبها صار ماهوب اللي انت خابر

[سفير القلوووب]

السلام عليكم
اخوي شيك على كراسي المكينه والكير احتمال قوي جدا ان احد هذا الكراسي تحركت الربله حقته والسياره في حال الاستمرار ما يطلع الصوت واحيانا يطلع الصوت معاك من تخفف السرعه او من تلف دركسون السياره وهي تمشي اما اذا السياره متوقفه لا يضهر الصوت معك في حال تحريك السياره لليمن او اليسار او الاندفاع للامام يظهر الصوت اتمنى ان تشيك على كراسي المكينه والكير ولك احترامي

[SilverSniper]

هذا صوت دودة الدركسون.. زود الزيت ويروح.. بس تأكد من وين يهرب..

[ذهلان 1]

سيارتك وش هي قبل كل شيء؟
اذا لاند كروزر شيك على ركب المقصات
لكن
بعد ماتغسلها وتشحمها
سلااااااااااام

[عرش السفاري]

جزاكم الله خير على كل الآراء اللي طرحتوها.......

وبالنسبة للي قلته نفس الشي يصير معي!!!!!بس الله يستر من اللي قلته (كراسي مكينه وقير) مشكلة

علما أن السيارة (باترول 2006)........للي سأل!!

وبصراحة زادت الحيره؟!كل واحد يقول شي......

ولا أتوقع غسيل السيارة ولا الشتاء له دخل لأن السيارة ترتفع حرارتها مع المشي!!

وجزاكم الله خير مره آخرى.......

[ebn-aljazerh]

أنا توقعاتي مثل الأخ 151 سبب الصوت هو الهوب
للفحص أرفع المودر من قدام ولف الكفر إذا طلع الصوت
تراه من الهوب .

[hightech]

اتوقع مثل ماقال الأخ SilverSniper

دودة الدركسون

[بارود برنو]

السلام عليكم ورحمة الله وبركاتة


ودي أعرض عليكم مشكلتي ولها فتره معي

وهي صوت في السيارة ما أدري من وين؟؟

وبعطيكم تقريب للمشكلة.......الصوت يطلع مع بداية المشي وبسرعة خفيفة........ويطلع مع لف الدركسون

بأي اتجاه.......ومع المطبات......يروح ويجي.......ولكن بأستمرار!!

الصوت كأنه من الكفر أو المساعد......وبنفس الوقت كأنه من الدركسون!!


وسبب هذا الصوت من (الحفر) طحت بكم حفره........وبعدين طلع هالصوت معي!!!!!!!


فودي للي عنده خبره يطلعنا عن سبب هذا الصوت.....

ولا ودي أروح كم ورشة وكل واحد يقول لي شي وأصلح وبعدين يطلع مو منه الخلل (الصوت)


علما أن الصوت كأنه (بوري أمريكي مزكم) بوري بصوت هادي!!



وجزاكم الله كل خير.......



لو جبت السؤال بالانجليزي يمكن احله
السؤال صعب لكن يمكن يكون صوت الحفره هههههههههههه
ان شاء الله الاخوان يفيدونك
تقبل مروري يالغالي

[االديحاني]

كـــــــراسي الغمــــاره
كـــــــراسي الغمــــاره
كـــــــراسي الغمــــاره
كـــــــراسي الغمــــاره
صـــارت معي بالانــــد كروزر

[عرش السفاري]

أشكر الجميع على المرور........

لو تعلمني أخوي الديحاني وش (كراسي الغمارة)؟؟

[الكونترولCONTROL]

هذي رمانات العكس الخلفي
=======
و الله أعلم

[عرش السفاري]

ما أتوقع الخلل من الخلف!!

[altheeeb79]

توقع والله اعلم المشكله حول الدبل لأنك تقول المكينه ترتفع حرارتها مع المشي ومعروف ان الدبل اذا استخدم ترتفع الحراره وخصوصا اذا كانت مغرزه 0

[abdulmajeed]

كراسي الغمارة هي كراسي البودي وهي مثل كراسي المكينة تماما ولكن في كل جهة من السيارة على حسب إذا كان جيبك صالون طويل ستكون ست كراسي في كل جهة وعموما لا أتوقع المشكلة منها لأن كرسي البودي تظهر مشكلته على شكل صوت مع المطب فقط

[اقديد]

شيك على صليبات العمود تصير احيانا منها وحط لك سجاده والى فرشه وادخل بنفسك تحت موترك وقلبه وشف بنفسك اذا فيه شي مرتخي والى منفك بعدين ياخوي 2006 حرام يلعبون فيه الورش وده للوكاله وشرط عليهم يروح الصوت لو ما راح يرجعون لك حقك

[ali_11]

السلام عليكم بالنسبه لي ابي اعرف اذا ممكن الصوت من الامام والا من الخلف
وايضا انت كنت معشق الدبل يوم مريت بالحفر اللي تقول عنها
وهل درجت حرارة السيارة ترتفع وانت واقف
========== تنخفض اذا مشيت
في رجه في السيارة والا لا
ويمكن اتوصل لشي ان شاء الله

[محسن اليامي]

أنا معي باترول وطحت في الحفره والحمدلله الله ستر

وبعدها طلع صوت معي أحسه في السياره كلها حتي في الدكسون

وبعد جهد جهيد بين هالقرجات وكلن يعطي على كيفه خفت على سيارتي

وديتها الوكاله قالوووولي كرسي المكييينه صلحوه والحمدلله رااااح الصووووت

[عرش السفاري]

توقع والله اعلم المشكله حول الدبل لأنك تقول المكينه ترتفع حرارتها مع المشي ومعروف ان الدبل اذا استخدم ترتفع الحراره وخصوصا اذا كانت مغرزه 0

ما أقصد المكينة!!

أقصد الأصوات في الشتاء ما تأثر لأنك اذا مشيت السيارة تكون حاره كلها!!

[عرش السفاري]

الحفر كانت بشارع مزفلت........

ولكن كانت كثيرة!!

ومن بعدها طلع الصوت

والصوت كأنه من الكفر على الدركسون ومع الالتفاف<<ما تتقدر تحدد!!

والصوت واضح حتى اللي بره يسمعه!!

وأشكركم جميعا على المرور........

[القناص366]

أسأل أهل الأختصاص وأنا اخوك
ولاتنسى الحكمه (مالخبر كالعيان)

[الوافي0]

احتمال حسب وصفك يكون الصوت في البودي اذا الزيوت كامله لانه يمكن صوت احتكاك رفرف مع حديد او ماصورة مكيف شيك على الشيالات والكلبسات يمكن انكسرت مع مطب والرمانات ما يجي صوتها كذا تاكد من الرمانات بهز الكفر بعد رفعه شي بسيط