بعد كم كيلو المفروض تغير زيت السيارة

[ارحم يا مسلم]

تكفون ياأخوان الموضوع هذى محيرني وهوتغير زيت السيارة
البعض قال كل 5000 كيلوا
والبعض قالوا كل 7000 كيلو مع الفلتر

[northstar46]

مدة تغيير الزيت تعتمد على كمية الزيت التي تضعها للمحرك مثلا الامريكي بدون فلتر 4ل يجب تغييره صيفا كل 3000كلم وشتاء كل 3500كلم
اما الياباني مثل الجيوب يتسع ل 7 لتر بدون فلتر فلا بأس ب4000 كلم صيفا و 5000كلم شتاء
وعموما انت تستطيع تحد المسافة المناسبة فما دام الزيت جيد اللون فلا داعي لتغييره الا اذا تغير لون الى الرمادي او الاسود

[علي101]

الموضوع محيرك طيب سأسألك وجاوب
بعد كم كيلو تغير زيت الجربكس وزيت الدفرنس؟؟؟ ( كلها زيوت )
للمكينه 5000 والله أعلم

[العقيد حويلان]

تيوتا بعد 5000
تقاس علي جهد المحرك في وضع اقصى طاقته
تقبل تحياتي

[الكلاسك]

انا اغير في الشتاء كل 5000 كلم والصيف كل 4000 والفلتر كل تغييرتين بدون فلتر والثالثه بفلتر ولا هنا الا العافيه

[بارود برنو]

4000 كيلو والافضل شيك على اللزوجه ان كان الزيت متماسك لا تغيره الا بعد 5000 كيلو

[عاشق النداوي]

السلام عليكم موضوعك حلو مره انا معي جيب سفاري تدري متى اغير :confused: ؟؟؟؟
والله بلى مبالغه بعد 10000 كيلو وحياناً9000 والفلتر على حسب المسكه اغير ولى لا والحمد لله الموتر مهن ازين منه ...

[احب البرواهله]

حسب ماهو مبين بكتلوج السيارة ومقترح الوكيل وبالنسبة لي أن مربي سيارتي الحاليه أني أغير بين 5000 إلى 6000 حسب التفرغ والمزاج ومره كنت زعلان على السياره غيرت زيتها حول 7000 بس مره وحده ومعاد كررتها وأغير عند الوكيل ومقترحهم اني أغير الزيت كل 5000 وبالفعل هذه المسافة محدده بكتلوج السيارة وتحيتي للجميع

[alerter]

حسب ماهو مبين بكتلوج السيارة ومقترح الوكيل وبالنسبة لي أن مربي سيارتي الحاليه أني أغير بين 5000 إلى 6000 حسب التفرغ والمزاج ومره كنت زعلان على السياره غيرت زيتها حول 7000 بس مره وحده ومعاد كررتها وأغير عند الوكيل ومقترحهم اني أغير الزيت كل 5000 وبالفعل هذه المسافة محدده بكتلوج السيارة وتحيتي للجميع


انا مع اخوي شوف الكتالوج حق السياره ولا عليك من او واحد يقول لك غير
3000 ولا 1500 والهرج اللي ما يشبع
العلم الاكيد تغيير زيت السياره من 5000 الى 6000
هذا على حسب الكتالوج.
واضحكني بعض الشباب يوم يقول في الصيف حرارة السياره اعلى ولا زم
تغير كل 3000
ابي اسال الشباب هل حرارة المكينه اعلى من الحراره الخارجيه ولا اقل؟؟؟؟؟

لازم الواحد يشغل الكمبيوتر حقه!!!
بالنسبه لي انا غير من 6000 الى 7000
والحمد الله

[مقلع الرمث]

اخوي انا معي باترول وياخذ 7 علب وانا راعي اخطوط يعني الموتر يمشي 7000 بالاسبوعين بالثلاثه تقريبا مع ان راعي الخطوط المفروض يغيره قبل بس وش السوات الزيت نيران مع اني اشري بالكرتون لكن والله مايمدين ادور بها الكرتون الا باقيبه علبه علبيتن بالصييف اغير كل 5000 مع الطريق طبعا

[الكونترولCONTROL]

يقولون : لكل 1000 كم علبة زيت .... يعني حسب حجم المكينة
=========================
انا موتري ياخذ سبع علب مع السيفون
أغير في الصيف بين 6000 و 8000
و في الشتاء بين 7500 و 10000
و لكن أغير السيفون في كل مرة
===============

[1400]

وانا حاليا ما اغير الزيت إلا إذا مشى 10000 تقريبا

مع انه خطر ((اتوقع)) لكن الله اعلم

بس بالصيف افضل 5000

[القاسمي]

لازم يا شباب نفرق بين المدينه والخط اذا كان الواحد متواجد بالمدينه تكون المكينه ماهي شاده تشد وترخي مع الزحمه والاشارات وهذا ما يأثر على الزيت كثير اما الخط فتكون السياره شاده 300-400 كيلو وهي مسافه مش بسيطه وثأثر على الزيت ونصيحة مجرب الزيت غيره بالمدينه كل 3000 كيلو وكل ثلاث تغييرات تغير سيفون اما الخط غيره كل 1000 كيلو الى 1500 مع السيفون
وهاذي نصيحه واهل مكه ادرى بشعايها

[نبع الدموع]

كنت اغير زيت موتري كل خمسة الاف و غيرتة العام في شهر سبعة في جدة
و سافرت علية حول 10,000 بلا مبالغة غير مشاويري اليومية لين مشى
15,000 من دون لا اغير الزيت و يوم جيت قبل عيد الحج باسافر من
الخبر لينبع حسيت اني ضغطت على الموتر و انا اروح للبنشري و اقولة غير
سالني قالي تبي تغير ولا تزيد بس قلتلة لا غير و يوم غير الزيت و القى ان
لون الزيت ذهبي على بني بسيط قلتلة كيف الزيت محروق قالي لا جديد
و انا مثل ما قلت اسافر كثير و مسافات طويلة و اطلع كشتات شبة اسبوعية
و رجلي حاااااااارة على الموتر اقصد ان ممشاء من 140 و فوق في الخط
و الحين موتري ماشي تسعة الاف منها حول 6,000 خطوط طويلة و
الزيت كني مغيرة البارح.

لا هنتم

[مكشاتي الجزيرة]

من
10000
الى
15000 :alarm:

[سمي الزعفران]

من 5000 الى 6000

[hdd4004]

كل 5000 الاف كيلو مع السيفون

[بدوي جنوبي]

ق

من
10000
الى
15000 :alarm:


اكثر من كذا وخاصة في فصبل الشتاء

[ghamdiaam]

انا اقول
بالنسبه للسيارات الي تستخدم بالتطعيس والمرهمات لازم تغير كل1000 او 1500
نظراً لما يجيها من مرط وعرط وكر وفر
وكت اوف
لباقي السيارات عادي 5000

والسيارات القديمه الي تصرف زيت ينصح بصب علبه STOP الثقيل

والله اعلم

تحياتي لكم

[وسيـع البـنايد]

بالنسبة لموتري اغير لـه كل 7000 كم .. مع فـلتر الزيت
وكل شيء يعتمد على نوع الزيت بعض الزيوت تمشي 10.000 كم
والآن يوجد زيت جديد يمشي معك إلى 20.000 كم لكن يحتاج لمكينة تكون جديدة

أما الإخوان اللي يغيرون كل 3000 كم أقولهم يا حظ اللي يأخذ الزيت من بعدك
لأن صاحب غيار الزيت يحفظه لـغيرك ويبيعه بنص القيمة .. وهو الرابـح

[شرق الصمان]

تغيير الزيت يبدأ من 8 آلاف إلى عشرة آلاف هذا هو المفروض
لكن حنا يالخليجيين يلعبون علينا يقولون 3 آلاف بعدها غير الزيت
ومقياس تغيير الزيت من عدمه يعرف من لزوجة الزيت فإذا كان
الزيت ذو لزوجة جيدة فلا يحتاج تغييرة
هذا مالدي وشكرا

[.أبوعبدالرحمن]

بالنسبة لموتري بالصيف والا بالشتاء امشي به من 5000 كم الى 6000 كم بالكثير طبعا يزيد تشيكي على الزيت بالصيف اكثر من الشتاء وخبرك الزيت بالصيف ماهوب مثل الشتاء وبالنسبة للفلتر عشان الموتر جديد اغيره كل مرة تغير واما كان معي هايلكس موديل 2000 الله يذكره بالخير اغير الفلتر كل مرتين والزيت من 5000 كم الى 7000 كم

[د ك م 586]

موضوع جيد وانا ارى ان تغيير الزيت يحكمه عدة اسباب

استيعاب السيارة للزيت مثل ماقالو الشباب كل مازادت الكميه زادة المسافه.
نوعية السياره فالامريكي يمشي اكثر من الياباني مثلا.
درجة حرارة السياره الطبيعيه فبعض السيارات مكاينها اكثر حراره من الاخرى ولا اقصد بالضبط امبير الحراره لان مقياس الامبيرات ليست واحده لكل السيارات فمثلا تجد الباترول واللاند كلها على الربع بينما الحرارة الفعليه للاند اكثر.
راحة الموتر في الخط فمثلا التماتيك بالباترول يمشي اكثر من العايدي لانه يريح اكثر على الخط لذا نجد الاربعه نقل(مثل الددسن القديم) يحرق الزيت بسرعه ويمكن مايمشي اكثر من 1500.
واخيرا نوعية الزيت لها دور ايضا.

[ارحم يا مسلم]

مشكورين اخوانى على التفاعل مع الموضوع

[nashad]

والله انا اشوف انه حسب لون ولزوجة الزيت