سؤال لصقاقير مكشات

[المسافر888]

السلام عليكم ورحمة الله

حبيت اسئل الصقاقير عن افضل طريقه لفك الحمام سلم لطير كلن يدلي بدلووووووه وشكرا.

[mkmk_b]

أخوي مسافر وش طيرك.

[المسافر888]

حياك ابوي
شيهان جبل مثلوث وحر لا هنت

[المسافر888]

اررررررررحب
شيهان جبل وحرررررر لاهنت ابوي وشكرا لمرورك

[mkmk_b]

الله يبقيك أخوي المسافر

شوف أخوي ان كانت الشاهين مجرودة واللياقة فل فأنصحك بالدحل تنتف منه ثنتين والجناح الثاني ثلاث.

إن كانت ماجردت للحين فأنصحك بحمام المحاكر لأنه يتعب إذا طار واجد فبيجرد طيرك.

بالنسبة للحر تعتمد على طياره وأغلب الحرار إذا كانت وافية ماتطرد السلم ولكل قاعدة شواذ ممكن يطلع طيرك سبوق.

[المسافر888]

شكرا لمرورك وشاكرلك
لكن ادعيه من مسافه كيلوو وذا جاء اهدها له اومن مسافه ميه والا ميتين والا بس على طول
واكرر شكري لك اخوي

[mkmk_b]

شوف أخوي المسافر بالنسبة لحذف الحمامة عندك طريقتين:-
الأولى لازم يكون معك موتر ثانية وتتفق معه مثلاً لما تكبس النور يحذف الحمامة وتكون انت الله يطول بعمرك على الطاعة فاك سبوق الطير ومرخي البرقع وفاتح دريشتك صوب الموتر اللي بيهد الحمامة عشان يشوفها الطير وماتروح عليكم, أول ماتكبس النور هو طبعاً خله يشط بعيد عنك مسافة 500 متر مثلاً ويحذف الحمامة شوف الحمامة إذا شفتها عزمت طلع الطير وانت ماسك سبوقه نزل البرقع بشوف الحمامة وخلاص الباقي عليه.



الطريقة الثانية لما تكون لحالك موتر واحد وما معك احد بالسيارة الله يكون بعونك خلك مجهز الطير وهد الحمامة لاشفتها طارت مسافة فرع الطير لأن الحمام عادت إذا شاف الطير ماتطير على طول عشان لو لحقها الطير تزبن تحت الموتر.


تحذيرات:- إحرص دايم لاصار طيرك جاهز فاك سبوقه وارخيت البرقع خلك ماسك سبوقه زين بعض المرات الطير يطير ببرقعه لما يسمع صوت المواتر والهرنات.


والله يوفقك.

[المسافر888]

بيض الله وجهك وعزالله ان علمك غانم ماااقدر اقوولك الا الله يجزااااااك خيرررررررر وتشرفت بحديثي معك والله يوفقك اخوي
شكرا

[mkmk_b]

العفو اخوي المسافر, ولاشكر على واجب وانا بالخدمة باي وقت ياخوي.

[طارق الحربي]

ماقصر الرجال

بالتوفيق

[قناص الجوازي]

اولا ياالمسافر اذا اخوي طيرتك ماجردت اللحين فك لها حمام تدريجيا اول يوم نتف من جناحها ثلاث يمين وثلاث من يسار وفك الحمامه وانت في موترك اذا كنت لحالك وفك طيرتك عليها عايدي اذا مسكت الحمامه علي طول اليوم الثاني نفس الحركه اليوم الثالث نتف ثنتين يمين وثنتين يسار لمده اربع ايام وبعدها نتف من الحمامه وحده يمين وحده يسار لمده سبعه ايام وبعدها فك لها حمام سلم لاتنتف شي وبتشوف طيرتك بتعجبك انشاءللهام بالنسبه للحر تعتمد علي طياره وعلي جناحه واغلب الاحرار الوافيه ماتطرد حمام السلم نفس ماقل اخوي KMKM-b جرب نفس الحركات اللي ذكرتها للك مع الشهانه ذكرت للك النقاط التاليه علشان ماتروح الحمامه علي طيورك وبعدين تفشلها واذ لم تتبع الخطوات المذكوره وفكيت لطيرتك حمامه وطيرتك ماجردت بتروح الحمامه علي طيرك وبتفشلها وجاء اليوم الثاني فكيتلها حمامه بتطير بس ماتلحق الحمامه بتوكر بس اتبع الخطوات اولا بااولا بتشوف النتيجه الله يوفق الجميع