كفرات Bf Goodrich

[الزين غالي]

السلام عليكم
ياشباب ابي اركب كفرات bf goodrich ولا حصلت من عنده علم عن وكيلها او مكان يبيعها مع العلم اني لفيت شارع الغرابي ما لقيت

[ونااااسه]

وعليكم السلام ..
انا شفتها عند القحطاني (ماريتم) على طريق خريص
ياليت تفيدنا ياخوي عن هالكفرات
جزاك الله خير

[السائل]

نصيحة لوجه الله حاول تلقى لك غير النوعية هذي لأنها قاسية على السيارة جداً ....

[.أبوعبدالرحمن]

والله يااخوي شوري عليك لا تشري ذا الكفرات


لانها على كلامك ماهي موجودة بالغرابي وتعبت انت مالقيتها


طيب اذا بكرة لا قدر الله وضرب عليك كفر من وين بتجيبها


والله يسهل امرك وانت ورايك

[الزين غالي]

الشكر الجزيل لكل من رد علي الموضوع
وسبب اختير هذا النوع من الكفرات لان الكفر يجي دعسه عالية والكفر البديل له البالون 900 والمشكلة اني راعي خطوط ومثلكم اخبر بالبالون في الخط كيف يلعب بالسيارة.
ولو احد منكم عنده مشوره لايبخل علينا
وجزاكم الله كل خير

[سيف نجد FJ]

هممم عندنا كوجوده بكثره انصحك تروح عند محلات الجمله الي يبيعون الزيوت بالبراميل بتلقاها عندهم

وتأكد من شغله انا كنت افكر اركبها لانه في نوع دعسته رهيبه بس الي ردني التحمل لدرجة الحراره ثلاث ارباعها S يعني ثلج ما اظن انها بتكون مناسبه لخطوط في اجوائنا والله اعلم

[s3ed]

السلام عليكم

اسمحولي اخواني اني اكتب تجربتبي عن ال bf goodrichrain هذة الاطارات لها عدة انواع وانجح نوع هو
bf goodrich all terrain متعدد الاغراض والاستخدامات

http://www.mekshat.com/pix/upload02/images60/mk11661_bbf.jpg



هذا الاطار ممتاز اذا كنت راعي رمول ونفوذ بس للخطوط لك علية يطلع صوت وغير مريح


ونصحيتي لك اذا تريد اتركب ركب الميشلان ممتاز جداا وهو الافضل للخطوط والنفوذ ناعم ومريح ويفرش معاك اذا نزلت عنة الهوا في النفوذ بشرط انك تشترية من الوكيل ...احذر انك تشترية من المحلات العادية

السبب

المصنع بعد التصنيع تقوم بعملية فرز ويخرج من التصنيع انواع غير صالحة للاستخدام يقوم المصنع ببيبعة
ويقوم التجار بيبعة مرة اخرى في السوق ويحلف لك انة اصلي

خذ من الوكيل وتوكل على الله :good:


http://www.mekshat.com/pix/upload02/images60/mk11661_ms.jpg

[ونااااسه]

انا اشوف النوع هذا ياليت احد يعطينا عنه معلومات
http://www.bfgoodrichtires.com/images/ts-dl/tires/large/rugged-trail-t-a.jpg
وعلى فكره هذا انا شفته عند القحطاني بس غالي
واشوفه على بعض السيارات الجديده مثل xterra يجي شد بلد

[سواق شيوخ]

السلام عليكم
ياشباب ابي اركب كفرات bf goodrich ولا حصلت من عنده علم عن وكيلها او مكان يبيعها مع العلم اني لفيت شارع الغرابي ما لقيت
//////////////////////////////////////////////

السلام عليكم ورحمة الله وبركاته
عزيزي الوكيل عندنا بالخبر واضنه والله العالم انه التميمي وكيل كفرات فايرستون وهو قبل اشارة الدي اتش ال عن طريق الخدمه المتجه للخبر, وعلى فكره اخوي انا معي اكسبلورر وجايه معه شد بلد ولا فيها اي مشاكل ومع الاستخدام تفرش معك و مريحه جداً واذا بغيت اي خدمه انا احاضر

تقبل تحياتي

[sdshahrani]

السلام عليكم

ليش التحطيم في الكفرات في ناس اعرفهم يقولون انهم مجربينها

ويقول انها ممتازه . غير كذا قويه ولاهي ثقيله

ولما سألته فيها ازعاج في الخط يقول مافيها ازعاج

انا ادورلها والي يعرف مكانها يقلي وانا شاكر له

اخوكم ابوضيف الله

00966509191199

sdshahrani@hotmail.com (sdshahrani@hotmail.com)

[بيق مان]

الوكيل في الرياض هو: الجفالي
ويعطيك ضمان مفتوح
والكفرات ممتازة جدا
وتجدها ايضا في المحلات الكبيرة في الصناعية ويعطونك ضمان الوكيل وسعرها معقول.
تحياتي وتمنياتي لك بالتوفيق.

[باثفندر]

هذه الكفرات ممتازة أخبرها عند واحد من العيال شاري موتر من حوالي 8 سنوات من أمريكا وعليه الكفرات ،، ومازالت على الموتر ،، ماشاء الله تبارك الله ،،

بس أظن اللي على موتره تختلف عن اللي في السوق !!! لأنها ماعليها تاريخ إنتاج ،،

وأذكر إني رايح وياه ندور على كفر خامس ( إحتياطي ) ومالقينا غير مستعملات من راعين المرهمات ، وعلى فكره كل راعين المرهمات يستخدمونها ،،

وفيه نوعيه موجوده عندنا بالخبر منتشره يجوبونها موزعين ( مالها وكيل ) وهذه النوعيه تقليد عليها بس صناعه إندونيسية !!!

وإذا تبي مستعملات مليان في التشاليح ( لغير الإستعمال اليومي ) وجميع المقاسات ،،، تلقاها عند تشاليح الهمرات ،، والقطع العسكرية ،،،

[4*4]

فيه بنشر اسمه باوزير في نهاية شارع الريل تخلي حقين البطاريات على يمينك وتمشي بعد التقاطع والزحمه
جنب سوبر ماركت كبيره اسمها سن سيتي
تلقاه عنده ان شاء الله

[Abu Mryea]

الوكيل في الرياض هو: الجفالي

ويعطيك ضمان مفتوح
والكفرات ممتازة جدا
وتجدها ايضا في المحلات الكبيرة في الصناعية ويعطونك ضمان الوكيل وسعرها معقول.

تحياتي وتمنياتي لك بالتوفيق.



وين مكانه بالضبط

[abo_basil]

السلام عليكم

للي عنده علم وين نحصل الكفرات يفيدنا وياليت اذا لهم رقم افضل

[ateeq7]

بي اف قودريج اطار قوي و الاستعمال اف رود خارج الطريق ممتاز بس شوي غالي يعمل صوت نعم
في بدايل ارخص و جيدة مثل الكوبر اهم شي في الاطار يكون خفيف الوزن عشان ما ياثر على عزم السيارة

[بني سعد]

السلام عليكم



فيه بديل مناسب ان مجربه له معي اكثر من سنتين و ماشي عليه اكثر من

50 الف و ما زال فيه حول النصف... و مستخدمته في نفود و جبال ومن ابدع

ما يكون و اسمه كوبر AT3



http://us.coopertire.com/CooperTiresConsumer2013/media/TireImages/FullLarge/discovererat3.png?width=400&height=559&ext=.png

[دوواس]

السلام عليكم ورحمة الله وبركاته
افضل كفر على الاطلاق ميشلان ، خدمه تحمل توازن على الطرق.
اما كفرات كوبر فانصحكم منها مجرد زيادة الهواء او نقصه تحبل على طول حتى وهي جديده
ودمتم سالمين .

[القناص الشامي]

كفرات Bf Goodrich أنا مركبها على سيارتي ما شاء الله عليها كفرات قوية وتتحمل ونقشتها تنفع للطرق العادية والطرق الوعرة ... بس فيها صوت خفيف بسبب النقشة فقط

شريتها من الدمام (حي البادية ) بالقرب من شركة المعجل من الوكيل ميشلان

[1824]

تعرفون اسعارها طيب الجود ريتش بكم حسب المقاس الي ركبتوه انتو يعني اسعار بشكل عام

[حسين السبيعي]

فيه نوعيه اسمه مستر كرفت صناعه امريكيه عتقد نفس النوعيه المذكوره