نيسان بكب 2003

[المري]

السلام عليكم


كيف الاخوان عساكم طيبين ,,,


اليوم جاءني الوالد وقال : في نيسان بكب موديل 2003 جديد توه مامشى شي للبيع يمكن نشتريه,


والمشكلة مااعرف اسعارها وكيف تجربتها لاني ماأشوفها بكثرة فما رايك؟؟؟؟



في انتظار مشاركاتكم...

اخوكم / المري

[صقر]

اخوي المري

السلام عليكم ورحمة الله وبركاته

النيسات البكب يعتبر اكثر راحة من التويوتا واوسع غمارة وراسي اكثر

بس عيبه سعره ينزل بسررررررعة يعني مهوب مثل التويوتا يمسك سعره.

هذي معلوماتي عن النيسان البكب.

وبانتظار المزيد من الشاركات.

بارك الله فيك..

[المري]

هلا اخوي ابو احمد

وتسلم على الرد, بالنسبة لسعره يطيح ماهمنى بس ابي الاستعمال والعزم

والبدي يعنى ابي للاستعمال فقط...........


شكرا لك مرة اخرى وفي انتظار مزيد من المشاركات..


ملحوظة: ابو احمد اخر سطر عندك مكتوب: بأنتظار المزيد من ((الشاركات)))


ويش هالكلمة الشاركات يمكن تقصد الشركات ؟؟؟


اخوك /المري

[صقر]

اقصد ((المشاركات)) بس العجلة الله يكفينا شرها..

[عاشق البسمه]

مرحبا اخوي المري..........


بالنسبه للنيسان البكب ممتاز وماعليه اي كلام بس اهم شي انه يكون مكينته نظام بخاخ


والله يعطيك من خيره ويكفيك شره

تحياتي:)

[بـــدر]

الي اعرفه ان النيسان داتسون بيك اب ( ددتسن) على تسميتنا العاميه انها شيك ما يطيح سعرها فلا تهضم حقها يا صقر وخلك على اسمك صـقر:D

عموما اذ كانت بخاخ مكتوب على بومتها HP 160 يعني (160 حصان اشترها وانت مغمض:good: ) اما الموديل الي بدون بخاخ ما ينفع صرفيتها عاليه للوقود. من واقع تجربه:mad:
وهذه صــوره للموديل 160 حصان
http://www.mekshat.com/pix/upload/images2/nissan.jpg

[Bader-M]

والله ياطويل العمر السلامه
...............
انا ماعندي شي اضيفه على قولة الشباب
ورد الاخ بدر ( سميي )
عطاك كل المعلومات عن السيارة
...........
والله يعطيك خيرة ويكفيك شرة (مقدما )
.........
تقبل تحياتي

[المري]

ياجماعة جزاكم الله خير

بس انا قصدي ماهو العراوي قصدي نيسان بكب 4x4


وتسلمون

[بـــدر]

فقط الدبل يعني ماهنا فرق . لاكن من ناحية الاستخدام واحد وإن كان تبي نصيحتي:
صل ركعتين اخر الليل يعني الساعه 0100 ثم قل ها الدعاء (( إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " )) .
وإنشاء الله انك مانت خسران.

[محمد محمود]

السلام عليكم ورحمة الله وبركاته .
أنا جربت الداتسون على مدلر 4 سنوات أبعد عنه ‘ذا بغيث الراحة ـو خذ بداله هايلوكس الجديد البخاخ والله العظيم ماراح تندم على شراه من المتعة بعد الشراء والله الهايلوكس ممتاز ولا يطيح بعد البيع .



للتواصل على الماسينجر : lord_yasir11@hotmail.com

[المري]

يالربع الله يبارك فيكم ماهو الددسن الدبل اللي اقصد انا اقصد النيسان الشاص



عساكم فهمت السالفة...............

[بـــدر]

هالحين تخلي الواحد يمغط يمين ويسار واخرتها يطلع جيب نيسان شاص،،:p :p
عموما سالت مره واحد شغال في( خفر السواحل) سلاح الحدود يقول انه اخو الجيب الشاص التويوتا الفرق بس في الاسم يعني ما هنا فرق في النفود،
بس التويوتا اكثر احصنه من النيسان من ناحية القوه. والله اعلم من ناحيتي ما عمري ركبته في حياتي لاهو ولا التويوتا.

[شاص&نص]

نصيحتي لك لا تقربه لأن سعره يطيح على طول و لا له رغبة في المعارض



و الله يوفقنا لما يحب و يرضى

[المري]

هلا اخوي بدر تسلم يالغالي وماتقصر


هلا اخوي شاص & نص

تسلم بس انا ماابغى ابيع اريد استعمل لانه يقولون انه اريح من الشاص التويوتا

[طيـــ بر ـــر]

أريح من الشاص ..
وأفضل في الرمل ... والربع الخالي ...... يشهد

[الباهي]

هلا والله بأخوي المري

اذا تبي العلم تراه اريح ميه مره من التويوتا وماعليه زين يتحمل
وفي البر خفيف وما يرده شي

لكن التويوتا يتحمل ويكد معك اكثر

اخوك
الباهي