يا اهل الباث كليت مطب وصار الكفر الامامي الايمن يحك وش المشكلة؟؟؟؟؟

[.أبوعبدالرحمن]

بسم الله الرحمن الرحيم



السلام عليكم ورحمة الله وبركاته



اخواني الغاليين



مرة رحت انا ولوالد الله يحفظه حول الصوامع وانا مسرع في ذاك الشارع الفاضي بالليل



والا وقدامي جفرة عمقها تقريبا 30 سم وانت طالع نطلت السيارة يسار وكلها الموتر من جهة اليمين



لانه ما امداني اتفاداها كلها وعقبها رحت لاحد المحلات يوم خلصت شغلي دقيت ريوس وكسرت الطارة



يمين والا واسمع صوت قررررررررررررررر انا والله خفت وش السالفة والا والكفر يحك بالرفرف من جوا



وش تتوقعون حلها ايضا يطلع الصوت اذا دقيت ريوس صرت امشي تقريبا من 20 وفوق بالريوس وضربت فرامل


ولفيت الطارة يطلع الصوت \\



وش تتوقعون منه ؟؟؟؟؟



ووش حلها ؟؟؟؟؟


ووين الورشة اللي تتوقعون يشوفها ؟؟؟؟؟



علما ان السيارة باثفندر

[الدحبول]

يمكن المقص يلي قدام أو ركبة
انصحك تتوجه إلى أصحاب تربيط قبل ماتزيد المشكلة
هل كانت تجيك قبل فترة هزة قوية في الموتر وسرعة من 40 إلى 60 ؟؟
وإذا لفيت ابسط لفة تسمع صوت تفحيط كفرات ؟؟
إذا الجواب نعم
ان عندي لاندكروزر تكسرت مسامير الركبة وطاح الذراع والحمد الله كانت مسرعة 20 والطريق فاضي
الهزة له شهر وأقول بكره أوديه ولا بعدها
وفي الخير طاح الذراع وكلفني التصليح 400 ركبة تشليح لايوجد إصلي ولا تجاري
و 120 رمانات + مسامير الركبة + الوجه + شحم + إلخ....
و 300 سعي العامل في التركيب وهو يلي جاب القطع من التشليح وركبة وضبطها
وقالي لوجبتها من بداية الهزة كان كلفتك أقل من 200 ريال
ومن ذاك اليوم تعلمت لا تاجل عمل اليوم إلى غدا
انصحك تعرضها على أصحاب التربيط
ودور لك على واحد أمين

[.أبوعبدالرحمن]

هلا بك اخوي الدحبول بيض الله وجهك على مساعدتك وكنت متوقع انك بتكون متواجد جعل ربي يوفقك


هل كانت تجيك قبل فترة هزة قوية في الموتر وسرعة من 40 إلى 60 ؟؟

الله يوفقك ولله الحمد ماشفت اي رجة لا 40 ولا 180 الحمدلله مشية ولا ازين منه ماشاء الله تبارك الله




وإذا لفيت ابسط لفة تسمع صوت تفحيط كفرات ؟؟



ابد مابه صوت ولله الحمد والمنة


وبيض الله وجهك وماقصرت

[Abo Nader]

كان عندي صوت إذا دقيت ريوس وكسرت يسار يطلع صوت..حتى يومه على كفرات الوكاله..رفعته من قدام ولله الحمد راح الصوت..وغيرت الكفرات ولا صار شي..

[المتهني]

هذا الله يسلمك المساعد منعوج

غيره وان شاء الله تزين ، والا قبل ما تغييره شيك عليه

والله يوفق ،،،

[خلفهم]

أبو عبدالرحمن مركب كعك قدام ..

[escape_man]

سلامات يابو عبدالرحمن وسلامات للوالد

وده لميزان اليرموك ولا العضيب او اي ميزان تميل له وانشاء الله ان امرك سمح

هذي شكلها رمان العكس وغالبا رمان العكس باول خرابة ماتسمع له صوت وانت بسرعة عالية

فقط بالسرعات الخيفة ومع الزمن يكبر

[sawa900]

اولا السلام عليكم

اسئل مجرب ولا تسئل حكيم
انا صار لي مثلك ومعي باثفيندر وانا بعد انفجر الكفر مع الضربه وبعدين رحت ميزان العضيب او اي ميزان تثق فيه وبشرط الامور كلها تزين
يبدو لي سحبو المقص ووزنو الاذرعه والامور تمام

[.أبوعبدالرحمن]

أبو عبدالرحمن مركب كعك قدام ..

هلابك يا خلفهم ويا بعدهم

ابدا ما احب اسوي الحركات هذي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ


اشكركم اخواني على الحلول وبيض الله وجيهكم

وان شاء الله اليوم افضى واروح اشوف احد الميازين واسأل واعطيكم خبر

[ولد وايل]

ابوعبدالرحمن لاتضيق صدري بالحفر والله اعدمت عندي بالاندكروزر كراسي المكينه واديتر الميف الحار واشياء واجده ذكرتني بماضي راح عموما رح لورشة المجد للميزان افضلهم وريح راسك

[عبدالرحمن السالم]

انا معي باث2005 مركب عليه دنللوب 265/65/17 واذا دقيت ريوس وانا لاف الطاره يمين يطلع لى هذا الصوت .. صوت حكحكه وطرررر على قولتك ههههههه
.. اعتقد انه طبيعي جداً اذا انت مركب كفرات كبار غير كفرات الوكاله .. لكن مايمنع انك تكشف عليه يمكن انعدم عليه شي لكن ما اعتقد بأذن الله موترك سليم
زدام انك تمشي طبيعي ولا يطلع معاك الصوت اعتقد ان مافيه شى .. طيب جرب لف الطاره يسار يطلع معك الصوت والا لا .. انا جربت ولا طلع
وبالتوفيق

[بن محفوظ]

سلامات ابو عبد الرحمن ....... ماتشوف شر

وكلام الاخوان في محله ... رح لميزان العضيب او اليرموك


ولاهنت على رسالتك في الخاص

[ابا الأفلح]

ياابو عبد الرحمن ماتشوف شر العلم افحص الموترعند ميزان العظيب ترا فحصهم ابلاش ورح للميزان القديم (حق العظيب المعلم الباكستاني) ويعطيك العلم

[شمالات نجد]

أكشف على المقص وأنا أخوك يمكن مع الضربه مال شوي

الله يوفقك

[.أبوعبدالرحمن]

الحمدلله مافي السيارة الا العافية بس اذا صارت السيارة نازلة شوي من الحمولة او اذا فيه بعض التجاعيد على الطريق ولفيت الطارة وان داق ريوس يحك الكفر بشيء بسييييييييييييييييط واشكر كل من ساعدني

[العشة]

انا عندي باث فايندر ونفس الشي

اذا رجعت ريوس يحك الكفر بالربلة اللي قدامه


لكن الامر سهل

نزل العفريته ودخله بين الربلة والكفر وارفع العفريته

الين تحس ان الربل ابعد عن الكفر ..