تكفون الفزعة ابي مساعدت.......... للبــاثـفــنــد ر

[هذا الكلام]

.


بالخير يا شباب تكفون ابي فزعة بالنسبة للمساعدات حقت الباثفندر لانهن الحقيقة تفقعن علي ثلاث مرات وسعر حقات الوكالة غاليه مره اللي قدام (700) واللي ورا (220) :mad::mad::mad: وبالسعر هذا اركب اطلق مساعدات بالعالم وانا الصدق محتار بين ابو ساق الاستراليه والا جبريل وما ادري وش اركب وانا رجال غالبا كل اسبوع اطلع البر واعطيه السياره حقه وخاصة ان الشتاء جاي فاللي يخبر مساعدات ممتازه مريحة نوعا ما بالديرة وتتحمل با لبر فالله لا يهنه يتكرم علينا ويعطينا اسمهن واسعارهن وين احصلهن والف شكر لكم :cool:.


.

[بـــدر]

أنا جربت مساعدات( Gabrial ) خلفي وكانت ممتازه بس الي اعرفه ان حقت الوكاله نظام غاز يعني اريح مطب من نظام الزيت الي يستخدم في مساعدات ( Gabrial ) , بالنسبه لمساعدات الاماميه حسب علمي ما يورده الوكيل حق ال قابريال في السعوديه .
وقيمة المساعد الابيض ( 70 ريال) .
عموما المساعد Gabrial الابيض يجي ثلاث درجات يعني تقدر تتحكم في مستوى إمتصاص المطب ( عادي، ثقيل، أثقل) وهذه صوره للي كنت مركبه لسيارتي الباثفايندر
http://www.mekshat.com/pix/upload/images2/gabrial.jpg

[هذا الكلام]

الف الف الف شكر اخوي بدر وما قصرت الله لا يهينك :)

[ابو ســــاره]

تحية طيبة اخواني ،،،
االاخ هذا الكلام انا مركب المساعدات الصفر معي باثفندر 2000 واول ما شريته بثلاثة اشهر تقريباً تفقعت مساعدته وعند الا ستفسار ليه تفقعت بسرعة من كذا مهندس توصلو الي ان الياي اصلاً خفيف وما يستحمل الثقل فارحت وركبت ياي استرالي ثقيل مع المساعدات الصفر حقاته من عند الرماية اخذتهن وعلي فكرة الرماية هو الوكيل لهن بس الامامي ما يوجد في السوق الا حق الوكالة وسعر الساعداد الخلفية مع الياي الخلفي تقريباً تسعمية ريال . واحب اضيف لك اني اول ما شريت السيارة ذيك الايام حصلي موقف الا وهو اني قطعت عقم وانا امشي ثمانين تقريباً وطمر الجيب نزل كانه نازل علي مخده مدر هذي الميزه يمكن ما تحصلها الا بمساعدات الوكالة.

واسف علي الاطالة،،،،

والله يحفظكم ويرعاكم ‘‘‘‘:rolleyes: :rolleyes: :rolleyes:

[هذا الكلام]

.

أبو سارة شكرا على هذي المعلومات الحلوه يا حلو وعندي سؤال يا خلفهم يقولون ان تركيب المساعدات عند الرمايه مب بالحيل يعني شغلهم مب مره انت وش رايك ؟؟ هذا اولا .

اما ثانيا ياخي حتى مساعدات الوكاله ما بهن هاك الراحة او ما بهن راحة ابد خاصة اللي ورا لكن هل فيه فرق بينهن وبين الاستراليه من ناحيه الراحة (يعني فرق كبير) وهل هن اريح والا جبرايل وتحملن كان ثقلت عليك :mad: :mad: ودمــت:cool:

[ابو ســــاره]

بصرحة ما كان لي نية اصلاً اني اركبهن عند الرماية ويوم شف الا يركبونهن عند محطة بجنبهم اضاهر ومدري بكم التركيبب اضاهر حول خمسمية المهم رحت لم خوينلي شايب سوري ركبهن الطقم الاربعة يايات ومساعدات امامي وخلفي بميتين ريال فقط
اما من ناحية الرحة اظاهر ان حقات الوكالة اريح من الاسترالي لاني مركب ياي ثقيل حق تحميل يعني لو هزيت موترك من ورا تلقاه يلعب بس عندي صعب تقدر تحرك السيارة واحمل عليه الي 2000 كيلو تقريباً جركل موية وجركل بنزيم وعفش.
وعموما ً تري الياي الاستراي يجي مقاسات التحميل عليه .
بس الفايدة الوحيدة الي شفتها من الاسترالي الثبات في المنعطفات وتقدر تتحكم بالجب بقدره هائله بس الرحة:rolleyes:وانا ما افيدك عن الجبريل لاني اسمع به بس ،،،

وتقبل خالص التحية ،،،

[الشاقي]

طيب ليش ما تدبل المساعدات يا هذا الكلام؟

[الزعيم]

الاخ هذا الكلام
السلام عليكم

ودي اسألك عن النيسان باث فنيدر
من جميع النواحي العزم صرفيت البنزين القطع القوة
تقبل شكري

[بــرق الشمال]

هلا اخوي هذى الكلام باالنسبه للمساعدات رانشو........
والله ياهن مهبولات ويوجد 5طقات و9 طقات انت ورغبتك
وتأكد ايظا هن يركبن ولا لا وان كانك تبي يايات لانهن
يساعدنك ياي استرالي(عاشت ايامه) انا مركب ياي استرالي
حق VXRومساعدات رانشو 9 طقات وانواع الوناسه اتحدى
النيسان باالراحه(لا تصدقون) المهم فرق قوه عن شد البلد
جرب واحكم ولا أسال اللي مركبين........:good: :good: :good:

[هذا الكلام]

هلا والله بالخيريا شباب والله كفو الصدزاحرجتون:p :p


الاخ ابو سارة الف شكر وما قصرت وفيت وكفيت
الاخ الشاقي مالك هم ان شاء الله بغيرهن
الاخ الزعيم ابشر باللي يسرك
الاخ برق الشمال الف وخمسمائه شكر

الاخ الزعيم السياره من ناحيه العزم ممتازه جدا لا بالديره ولا بالبر يعني بالبر يبيلك بس تنسم شوي وان تسان ردك شي على مسؤليتي واما الصرف والله يصرف بانزين ماعليه يعني تعبيه 65 ويمشيك من 400 ــ 420 واما القطع والله غاليه شوي والمشكله مافيه لا تجاري ولا ياباني لكن فيه محل بالصناعيه اسمه ابن ماضي حليله اسعاره لكن بالباثفايندر ميزه مب بكل السيارات حيث انه وذف بالحيل بالديره وممتاز بالبر هذا ماعندي واتمنى ان اكون افدتك لو بشي بسيط :rolleyes: :rolleyes:

الاخ برق الشمال بالنسبه للمساعدات رانشو انا الصدز اسمع ناس واجد يمدحونهن لكن بكم هن وين تلقاهن وانا سامع انهن غاليات شوي وماقصرت ياحبيلك :good: :good:

[بــرق الشمال]

هلا أخوي هذا الكلام وياحبيلك انت.اسمع باالنسبه للرانشو
9 طقات عدد 2 بـــ650 و 5 طقات عدد2 بـــ حوالي 400 وشوي
بس هذي الاسعار باالأمارات انا شاريهن بها السعر وتلقاهن باالرياض
بس أغلى شوي تخبر هاالشباب يتضربون...........:D :D

[الزعيم]

الاخ هذا الكلام
السلام عليكم ورحمة الله

جزاك الله خير ما قصرت وفيت وكفيت

لك تحياتي

[شرقاوي]

ياشباب انا معي باث فندر 2003 وله تقريبا سنه كامله الحين معي
وياشباب صراحه رفع ضغطي كل ماحطيت اي غرض بالسياره نزلت من ورا ولا ركبتلي ثنين ولا ثلاثه نزلت ووناس نصحوني ادبل المساعدات وناس قالولي غير المساعدات وانا محتار ياشباب وابيكم تشورون علي وش ازين ادبل ولا اغير ؟؟
وبغيت اعرف وشلون تعرف عن المساعدات متفقعه ؟؟

[بـــدر]

الي،،، اعرف ان المساعدات مالها علاقه بنزول الموتر و ارتفاعه
المسؤل هو السبرنق (الياي) على تسميتنا الشعبيه:D بعدين غريبه انا كان معي باث فياندر 2003 م عمري ما اشتكيت من نزوله اذ حملت عليه شي

بس تقدر تحل المشكله بحلين:
الاول. انك تغير السبرنق بواحد اقوى
الثاني تركب مساعد سبرنق( يعني مساعد يجي عليه لفه سبرنق ) بس ترى بيصير الموتر عندك مطبه تقيل شوي .

اما كيف تعرف ان المساعد منفقع ناظر حوله اذ لقيت زيت يسيل منه معنا منفقع او انك تفكه مره وحده وتجربه على الارض

والي اعرف ان الباث فايندر مساعداته كلها نظام غاز يعني مالك الا الوكاله او (مساعدات جبريال)

[شرقاوي]

بالنسبه ان المساعداات مالها دخل غير صحيح وكم واحد مغيرين مساعدات على باث فندر وبعضهم مدبلين موتره زي الشاص لو يعبيه لين بكره ماينزل
بعدين سيارتي مافيها ياي ورا بس مساعد ؟؟

[ابو ســــاره]

وانا اخوك ترى كلام بدر صحيح المساعدات وضيفتها تخفيف نزول السيارة عند المطب ولو مسكت مساعد جديد مثلاً بيدك ولعبت فيه راح تستوعب كلامي اذا سحبته من الاطراف بسرعة ينسحب لكن اذ عكست العملية راح يكون نزوله هادي وبطيئ والمساعد المنفقع تلقاه يرجع بسرعة وعلى فكرة الشاص سست مهوب ياي وانصحك انك تركب ياي استرالي تلقاه عند الرماية فيه منه درجات تحميل حسب الثقل الي تبي .:good:

[بـــدر]

السلام عليكم ورحمة الله وبركاته
الاخ شرقاوي:( مافي سياره في العالم الا وفيها سبرنق( ياي) او سست ، وانت اذ موترك باثفيندر ففيه ياي على قولتك مع مساعد ، والحمل كله على الياي فقط .
المساعد فقط يمتص الصدمات يعني يبط حركة نزول وصعود السياره

ويكفي كلام ابو ساره مايبي توضيح::good: