متى أتأكد إن القير عطلان؟؟؟؟

[نجم وسماء]

السلام عليكم

متى أتأكد إن القير عطلان 100%

صراحة القير عندي ماني مرتاح له بالمرة للأسباب التالية
* السيارة تمشي بالواحد مهما كانت السرعة حتى لو مشيت 140كم لدرجة اني اضع القير على D وابعد رجلي عن الفرامل مع ذلك ما تمشي لكن إذا كان القير على الوضع L مافيه مشكلة وكذلك الريوس
*لمبة القير تولع وتطفي بدون ما اضغطها
*اسمع صوت بالكفر يشبه صوت ( الرمان ) مع اني شيكت عليه مافيه مشكلة
*بدأت المشكلة عندما غيرت السلف ( ركبت قطعة ماهي وكالة انما صناعة ماليزية ) لا ادري هل لها علاقة
* غيرت زيت القير والفلتر والبواجي لا فائدة

اتصلت على الوكالة أسالهم عن القير ( اذا كان جديد بعد الخصم 18000 اما اذا اصلاح 14000 لكن بدون ضمان

[الدحبول]

وش الموتر ؟؟؟

[shaheenshah]

اذا كان موترك فيه كمبيوتر فاعتقد اخوي نجم وسماء قير موترك ما فيه الا العافية بس مع تغيير القطعة اللي في السلف تخربطت برمجة الكمبيوتر عشان كذا ما عاد يغير والمشكلة هذي حصلت لاخوي معه قولف وعند تغيير البطارية صارالموتر ما يغير يمشي في الاول فقط وداها الوكاله قالوا له في 14 برمجه في القير ممسحة نتيجة فصل البطارية وعادوا له البرمجة وصارت زي الفل

وبتقول وش يدخل البطارية اقولك عشان يفك السلف لازم يفك الموجب حق البطارية من السلف
الحل: اعادة برمجة كمبيوتر السيارة

تحياتي

[نجم وسماء]

أخي الدحبول السيارة لاند 97 أشكرك من كل قلبي على تجاوبك وفي انتظار نصائحك

أخي shaheenshah السيارة ليس فيها كمبيوتر أشكرك من كل قلبي وفي انتظار نصائحك

[الوسم]

من اللي قال لك إن السيارة ما فيها كومبيوتر؟؟؟؟؟


ووشلون تأكدت من ها الكلام ؟؟؟

[نجم وسماء]

أخي الوسم رعاك الله

أنا بنيت كلامي بان السيارة ما فيها كمبيوتر لأن موديلها قديم 97

اعتقد ان الكمبيوتر في الموديلات الحديثة

انتظر نصائحك الثمينة لك جزيل الشكر والتقدير