شيهانه تركيه بكر 14*14 مشروطه

[أبو ممدوح]

شيهانه تركيه مشروطة على الكراوين ذابحة خمس كراوين تلعب على الملواح طيارها للحمام طيب بالحيل مقاسها 14*14 والبيع لأعلى سوم
والله الله بالسومة الطيبة
ونخليكم مع الصور (كحلو عينكم ) بس هاه اذكرو الله


http://www.w0ow.net/uploads/w0ow-27389f106f.jpg (http://www.w0ow.net/)


http://www.w0ow.net/uploads/w0ow-cb202be6d7.jpg (http://www.w0ow.net/)


http://www.w0ow.net/uploads/w0ow-6b1078a960.jpg (http://www.w0ow.net/)



http://www.w0ow.net/uploads/w0ow-e9501505c7.jpg (http://www.w0ow.net/)


http://www.w0ow.net/uploads/w0ow-85e9eaec8f.jpg (http://www.w0ow.net/)

تكفون الجدية والسومة الطيبة

وهذا الطير للعضو (صاحب الطير)..ولكن نظرا لإنشغاله كلفني ولي الشرف أن أخدمه..وهذا رقمه..................

[سماره]

ما شاء الله تبارك الله..

بكم حادها هو ياخوي...

ننتظرك

[صاحب الطير]

ما شاء الله تبارك الله..

بكم حادها هو ياخوي...

ننتظرك

أولا الشكر الجزيل للأخ أبو ممدوح وما قصرت با ابو ممدوح كفيت ووفيت..

وانت يا اخ سماره حيك الله وكما ذكر الاخ ابو ممدوح ان الطير لي وما احد يحد رزقه بس في امر اريد ان يطلع عليه الجميع وهو اني هديت الطير على دجاج بلدي وكبسه بالارض..والنايفه الخامسة رمتها وطلعت بدالها ريشه جديدة..والكلام ذا حتى اكون صادق في البيع والأخ ابو ممدوح ما يدري عن هالامرين..

أكرر شكري للاخ ابو ممدوح..

والله الله بالسمه الطيبه يا سماره

[صاحب الطير]

يا جماعة الخير باركوا للأخ والعضو الجديد عقاب الحوم بيعة الطيره من خلال الهاتف الجوال وأعطاني قيمة زينه والله يبارك له..وعساها صايده وفايده بإذن الله

[ابرق العزاف]

يا جماعة الخير باركوا للأخ والعضو الجديد عقاب الحوم بيعة الطيره من خلال الهاتف الجوال وأعطاني قيمة زينه والله يبارك له..وعساها صايده وفايده بإذن الله


لله يبا رك له ويعطيه خيرها

[أبو ممدوح]

أول شي شرف لي اني اخدمك وهذا شي بسيط اقدمه لك وبالتوفيق
ومبروك لأخونا عقاب الحوم وعزالله انه يستاهلها وانا اشهد للطيره عزالله انها شيخت الشواهين

[الاشعل 316]

الله يباركله فيه

وبالتوفيق

[المري]

الله يبارك له فيه ويعطيه خيرها ويكفيها شرها..

اخوك - المري

[راعي عدوان]

مبروكه انشاءالله وجعل فاله جول الكراوين

[عقاب الحوم]

الله يجزاكم خير

ولا هنتوا

[سماره]

الله يبارك له فيه ويعطيه خيرها

[الظغط العالي]

سلام عليكم يا خوي نباعة شيهانه ولا بعده وكم حدك فيه

[أبو ممدوح]

السلام عليكم
ياشباب الطيرة ما انباعت
اخونا عقاب الحوم قال ان حصلت له ظروف ومعا هذا كله اتفق هو وصاحب الطير على انها توصل له لكن الله المستعان
وذكر صاحب الطير الجديه في السوم
واخر وقت للسوم صلاة فجر يوم الخميس بإذن الله
والي وده يسوم يتصل على صاحب الطير ورقمه موجود في الصفحة الأولى

[ابو سفيان]

ههههههههههههههههههههههههههههههههههههههههههههه
هذي الي بغيتم تبادلونها بالحر الله يوفق الي اشتراها وياكل من صيدها

[راعي المطاريش]

السلام عليكم ورحمة الله ....

أخوي راعي الطير كم وصلت آخر سومه ؟ وين مكانك ؟؟؟

[لهيب الشوق]

عزيزي ابو ممدوح مع التحية والسلام

لايوجد رقم نهائياً في الصفحة الاولى

فلا تستغرب من الاعضاء الكرام

كثرة السؤال عن السعر....

للتنويه والإيضاح....

دمتم بود

[أبو ممدوح]

هلا حياك الله يا ابو سفيان كيف اجواء الطائف عندكم انشاء الله زينه
الله الله هي الطيره الي بغينا نبادلها بطيرك مدري طير القثامي مدري طير المسعودي
والي خلى الرجال يبطل ما يبادل كثرة أصحاب الطير كل واحد يقول تعال الله يحيك قلب الطير لكن الأرزاق بيد الله
بس ما قلت لي عسى المرض الي في عينه طاب واخبر اخونا صاحب الطير يقول وده يكشف على عينه قبل لا يبادل هل هو صحيح الكلام هذا ؟؟
على العموم الله يرزقك ويرزق صاحب الطير

[أبو ممدوح]

السلام عليكم ورحمة الله ....

أخوي راعي الطير كم وصلت آخر سومه ؟ وين مكانك ؟؟؟

الحمد لله انباعت الطيره بعد الإعلان مرة ثانية والي شراها رجال من قناصة الساحل الغربي الله يبارك له فيها

[أبو ممدوح]

عزيزي ابو ممدوح مع التحية والسلام

لايوجد رقم نهائياً في الصفحة الاولى

فلا تستغرب من الاعضاء الكرام

كثرة السؤال عن السعر....

للتنويه والإيضاح....

دمتم بود



صحيح ان الرقم انمسح لكن الحمد لله انباع الطير والله يبارك لراعيه

[طال الصبر]

ما اقول الاماشاء الله عليها والله يذوقه من صيدها

[صاحب الطير]

الله يبارك للبايع والمشتري وابشروا يقرناسه عما قريب احط صورها بالمنتدى

[ابو سفيان]

هلا حياك الله يا ابو سفيان كيف اجواء الطائف عندكم انشاء الله زينه
الله الله هي الطيره الي بغينا نبادلها بطيرك مدري طير القثامي مدري طير المسعودي
والي خلى الرجال يبطل ما يبادل كثرة أصحاب الطير كل واحد يقول تعال الله يحيك قلب الطير لكن الأرزاق بيد الله
بس ما قلت لي عسى المرض الي في عينه طاب واخبر اخونا صاحب الطير يقول وده يكشف على عينه قبل لا يبادل هل هو صحيح الكلام هذا ؟؟
على العموم الله يرزقك ويرزق صاحب الطير
ياهلا والله اجواء برد تفصل اسلاكك
وثانيا الطير مافي عيونه شي والدليل يوم هديناها على الحبش تخبطه من اليمين واليسار هذا يدل على انه يشوف بعنين لو بعين وحده ما يضر الحبش إلا مع جهة العين الي يشوف بها صح الكلا ولا مو
والطيرة رجعتها لراعيها والله يرزقة