تكفى المسفهل تكفى يالحر تكفى يالشيخ تكفون يأعصاء المنتدى أنا في ورطة

[فرد]

تكفى المسفهل تكفى يالحر تكفى يالشيخ تكفون يأعصاء المنتدى أهلي كلفوني إني أدور لهم قبل عيد الفطر المبارك وأناماني خبير مثل خبرتكم مآشاء الله ابي منكم طلب بسيط أنكم تعطوني مكان مزركشأنا معتمد على الله وعليكمت تكفون أبي الفززززززززززززززززززززززززعة وهذا بريدي وأبي الرد السريعM_92_algareh@gawab.com:confused: :confused: :confused:

[((( الحر)))]

وش العلم يالفرد والله ودنا نفزع خاصة عقب (((تكفى ذباحة الرجاجيل))) لاكن مافهمت وش المطلوب...!!!

[المسفهل]

والله وأنا مثلك ياالحر ما فهمت شيء :what: بس يمكن يبحث عن مكان جميل وصالح

للتخييم فيه في إجازة العيد .

[فرد]

أولاَ مشكور على الردود أقصد إني أبي مكان أخيم فيه علشان العجوز تستانس وتذكر أيام أول تعرفون سواليف العجزان ماتنتهي فهمتو قصدي:eek:

[((( الحر)))]

طيب وين ساكن او وين تبي تكشت وكم تبي تجلس من يوم وانتم واجد او بس انت والوالده ؟؟؟؟؟؟؟؟
وابشر بالي تبي انشاء الله...!!!

[فرد]

حنا في الرياض وونبي نكشت في الصمان ولا في الزلفي والعايلة كبيرة يمكن نبي نجلس ثلاث أربع أيام

[badr97]

السلام عليكم ورحمة اللة وبركاتة
المكاشيت وانا اخوك كثيره حول الرياض وفي الصمان وسدير
بس الى الحين ما بعد جا الخيرو الامطار الله يجيبه
وانا من رايي انك ماتستعجل.
والاخوان .الحر و المسفهل اعلم مني...وانشاء الله يفيدونك

[حفيد أبو الليول]

الآخ الكريم: فرد
السلام عليكم ورحمة اللة وبركاتة:
وأنا أثني وأوكد على رأي أخوي (badr97) الذي يرى أن أماكن المكاشيت وانا اخوك كثيره حول الرياض وفي الصمان وسدير وفي الدهنا
بس الى الحين ما بعد جا الخيرو الامطار الله يجيبه
وانا من رايي انك ماتستعجل.
والاخوان .الحر و المسفهل اعلم منا بهذا الأمر...وانشاء الله يفيدونك
ولكن إذا تأخرت الأمطار فلا تعقب الدهنا من جهة التنهات أو الحيرى آخر شعيب العصل
وخلكم قريبين من أم رجوم للماء وما قد ينقص احتياجاتكم التموينية
وندعوا لكم بالهنا والسعادة الدائمة
أخوك
حفيد أبو الليول

[حفيد أبو الليول]

تصحيح لغوي

لكن إلى الآن لم تبدأ هطول الامطار والخيرات عسى الله يجيبها للمسلمين ويغيث البلاد والعباد

وإن شاء الله يفيدونك.

[الجوني]

انا عندي لك مكان يحبه قلبك وكذكلك المكان ماهو بعدي والمكان ارضه نفد وكذلك قريب منك المحطات اذا بغيت شي المكان هو سعد تبعد عن الراياض 100 كم وارضه زينة واحسن شي بالوسيع عند ارامكو شف رأيي الشباب وكذلك هي قريبة وهناك تكثر العوايل اللي يكشتون هناك وحنا احدى العوايل اللي كشتت العام وكذكل من ناحية الامان ولله الحمد لأن عندك سيارة المجاهدون يدورون اربعه وعشرين ساعه عشان الابار فماعليك خوف هذا رأيي وان شاء اكون عند حسن ظنك واني اكون اجبتك