القير العادي او الاوتوماتيك للجيب اللاندكروزر

[GX2005]

ياشباب اقررت ابيع الجيب gx2005 واشتري GXR بس مادري وش ازين القير العادي او الاوتوماتيك مع العلم ان السيارة يسوقها عدة اشخاص

[االديحاني]

اذا تبي جيب لاند 6 سلندر عايدي
اما اذا ثمان سلندر اوتوماتيك
والعايدي للكرف روعه

[GX2005]

اذا تبي جيب لاند 6 سلندر عايدي




اما اذا ثمان سلندر اوتوماتيك


والعايدي للكرف روعه

مشكور اخوي ما قصرت

[ناصح]

أنا شخصيا أفضل القير العادي ..

لكن القاعدة المهمة هو
إذا كان الاستخدام في البر أكثر فالعادي مناسب والعكس صحيح ..

[M o b d a]

إن كأنك بتأخذ 2008

الـ 8 سلندر ما يجي قير عادي ..

والـ 6 يجي

وإما إنك تأخذ فتحه ولا ونش

إما فتحه وونش مع بعض ما فيه ..

هذا اللى غابني ..

والزود علىىى كذا إنه ما فيه 8 سلندر عادي

[aziz2727]

كلام اخوي ناصح في محله ولا يهون الجميع
حسب حاجتك للسيارة تحدد نوع القير
والله يدلنا وياك على الخير .

[عاشق السيل]

التماتيك : أريح بالمدينة والبر ، أفضل بالتغييرات إذا رقيت النفود ، يحتاج متابعة وتشييك على الزيت وتغيير الفلتر كل 40 ألف كيلو وبكذا يعيش مية سنة حتى لو تعدد الأشخاص عليه ،،

العادي : أقوى عزم وخاصة بالأول ، مايحتاج أي متابعة ويعيش معك مهما شديت عليه ، ممكن تشغل السيارة إذا خربت البطارية ، لكنه متعب جدا خاصة لسكان الرياض أو راعين الجوال !!

هذا الفرق ورأيي الشخصي تماتيك مهما فرق السعر والاختيار لك وتقبل مروري يالغالي .....

[علي عليوه]

أنا أقول كان موترك الـــ gx عادي

ما ودك تبيعه علي ؟؟؟؟؟؟؟

[.أبوعبدالرحمن]

وانا اخوك على كلام اخوي ناصح


اذا انت راعي بر لا تبعد عن العايدي


اما اذا انت راعي مدينة فنصيحتي لك لا تبعد عن التماتيك


ايضا اذا بتاخذ 2008 جي اكس ار خذ تماتيك وعايدي لانها تجي بقير واحد

[المجمعه]

خلاص حلو لك المشكله اليابانيين ... نزلو نظام التروبتنك (تماتيك وعادى فى نفس الوقت)

[GX2005]

أنا أقول كان موترك الـــ gx عادي

ما ودك تبيعه علي ؟؟؟؟؟؟؟

اخوي علي عليوة
انا بعت الGX2005 وناوي اشتري 2006GXR ولذلك اسأل عن القير

لباقي الاخوة
اشكر لكم تعاونكم ولكن اللي مضايقني ان القير العادي مايوجد الا نادرا واهل المعارض يتحججون بان القير الاوتوماتيك هو اللي ماشي هاليومين

[سيف الظفير]

عاااااااااااااااادي

والفكســـــــــــار تماتيك

[علي عليوه]

الله يخلف عليك باللي أحسن منه

وبالنسبة لكلام أهل المعارض لايهمك وانا اخوك السبب هو إن أهل العادي ما يبيعون مواترهم

أنا أدور هدد وما لقيت الا القير الاوتوماتيك أما العادي فنادر جدا

[أبوعلي454]

اخوي اذا تبي تبيع الجيب ارسلي على الخاص وش المواصفات

[راف]

(من واقع تجربه)


خذ قير عادي ولك وللزمن


وعند البيع العادي أفضل بكثير

[M o b d a]

صادقين الشباب ..

ما لك إلا العادي ..

ولو يكون عندك سياره صغيره غيره

بتعيش بنعمه


لا صرت ما غنت رايق أركبها ..

[ابونايف الروقي]

اذا تبي جيب لاند 6 سلندر عايدي

اما اذا ثمان سلندر اوتوماتيك

والعايدي للكرف روعه



كلام سليم 100%

[GX2005]

اخوي اذا تبي تبيع الجيب ارسلي على الخاص وش المواصفات


مشكور اخوي ابوعلي لكني بعت الجيب الاسبوع الماضي

[كادر]

السلام عليكم
انا معي برادو تماتيك واحيانا كثيرة اقول ليته عايدي
لكن لو تقول بعه واشتر عايدي اقول لا مريحني بصراحة معادلة صعبة تعتمد وينك فيه
تغريزة + بر +متعة التحكم في السيارة =عايدي
ديره + تمشي = تماتيك
تبقى الصيانة ميزة مهمة للعايدي
اتمنى لك التوفيق
تحياتي

[سيف111]

واحد من الزملاء عنده فى اكس ار 8 سلندر عايدى 98 مثبت سرعه وزنون واسبيرين ماشى 220 الف صيانه دوريه وكاله فقط...كم يسوى اقصى حد! يقولون هذا المواصفات ستصبح نادره جدا خصوصا مع الموديل الجديد!

[القبقب]

ألاتوماتيك هو ألافضل والدليل سعره أغلا وأنتشاره أكثر.
ومن ألافضل المحاولة بتجربة الموتر قبل ماتشتريه.