المساعد الشخصي الرقمي

مشاهدة النسخة كاملة : الفزعه يا جماعة الخير الي عنده خلفيه عن رش الموتر من تحت


yazeed999
01/02/2008, 01:27 PM
السلام عليكم ورحمة الله وبركاته
يا جماعة الخير عندي لاندكروزر وسافرت عليه والطريق كان فيه عج ودمر السياره من تحت وصار بطن الموتر لونه ذهبي من الرمل وابي الفزعه من الوجيه الطيبه بأفضل واحد يرش بطن الموترمن تحت اسود زي الوكاله
yazeed999
01/02/2008, 02:47 PM
يا جماعة الخير الحين الواحد يشوف سياره قديمه وبطن ها اسود زي سواد الوكاله اب اعرف وشلون رجع اللون الأسود وتلقاه بعد الدفرنس عليه استكرات جديده تقل الموديل 2008وهو موديل 90وفيها
لن أمل من العطاء
01/02/2008, 08:21 PM
يا حبيبي تروح لمحل بيع بويات السيارات

فيه الوان خاصة بالشاصات ولباطن السيارات وفيها مادة عازلة واختار اللون اللي تبغي اسود رصاصي غامق جدا
على فكره انا كنت راش بليزر معي برتقالي عازل لفتره وبعدين غيرته للاسود

وفيه ماده عازلة على شكل بخاخ تجدها عندهم او عند ساكو اسمها اندركوت تشبه الزفت (اسف) ولكن شرطها انك لا ترش على المحرك او الجيربوكس او الشكمان ترش كل شيء غير هذي المذكوه والشرط الثاني 5 ايام ما تتحرك السيارة واعتقد الان في البرد اكثر من 5 ايام لازم ما تتحرك السيارة
yazeed999
02/02/2008, 02:46 AM
مشكور اخوي على وقفتك معي وبيض الله وجهك وما قصرت يا جعلك تسلم بس الغريب الحين تشوف بعض السيارات من تحت اسود وبلمعه مع العلم ان السياره قديمه وش لون سوها زي الوكاله زأنا ما اتوقع انه زي ما تفضلت لأن الماده الي تقول عنها مطفيه
NuMaS
02/02/2008, 03:16 AM
حــدد موقـعـك بـأي مـدينـة و أبشـــر ،،،
yazeed999
04/02/2008, 01:44 AM
فييييييييييييييييي
yazeed999
04/02/2008, 01:45 AM
فيييييييييييييي الرياااااااااااااااااااااااااااااااض
yazeed999
04/02/2008, 02:31 AM
الفزعه ياجماعه الخير
shababi
04/02/2008, 08:29 AM
والله اني مثلك عندي الدفرنس الامامي شهب من العج واخاف يصدي ياليت احد عنده حل للمشكلة
رعد النجدي
04/02/2008, 08:36 AM
فيه ماده ترش تحت البودي راجع محلات البويه في الصناعيع واقصد بوية السيارات وزي ما قال احد الأخوان هي عازل ومصادر الحراره لازم تغطيها ما تجيها البويه بس مدري عن مسألة الوقفع 5 ايام ولا تعطي لمعه هذي ماده زفت او قار ففيف
رقبة حاشي
04/02/2008, 08:50 AM
محلات التلميع كالساطع وغيره.
انا سويتها عند محل التلميع اللي جنب ورشة الجميح بطريق خريص (نسيت اسم المحل بس مافيه الا هو بجنب ورشة الجميح ) ، نظفوا السياره بمزيل لاي صدأ وبعدين رشوها بمادة سوداء خاصه ولها الان 8 سنوات زي الحلاوه علما ان السياره امريكيه وكان فيها صدا شديد.
علما انني وديت السياره الصباح واخذتها 10 ليلاَ ..
ارجو الفائده .............. والسلام عليكم ورحمة الله
yazeed999
04/02/2008, 02:05 PM
والله ما قصرتو على تفاعلكم معي وبيض الله وجيهكم بس ابي استفسر عن الورشه الي جنب الجميح هل رشو الموتر كامل ولا وش بالضبط مع العلم اني لا اعرف مكان الجميح فإذا امكن التوصيف
سليمان911
04/02/2008, 02:19 PM
ورشة الجميح قبل الوكاله نفسها
مكانها طريق خريص مخرج 13
shababi
07/02/2008, 02:28 PM
مشكورين والله يعطيكم العافيه
الدحبول
07/02/2008, 05:06 PM
يرشون السيارة بمادة تسمى قار ترجع لك السيارة وكالة من تحت
مرة سعرت تلميع كامل لسيارة من داخ والخارج والشاصي ب 1000 ريال لي لاندكروزر عند تلميع هجر
إذا انت فاضي اشترى لك تكرم ملمع احذية يجي بخاخ ويجي فرك انصحك بالبخاخ
قيمة الفرك ب 5 البخاخ ب 10 أو 15 ماذكر
ان سويتها ونجحت لدفرنش الامامي لي كروزر 97 وكان فيه صدى خفيف بس رجعها اسود
.أبوعبدالرحمن
10/02/2008, 06:58 PM
شوري عليك ابعد عن البخاخات واذا تبغى السيارة ترجع وكالة مثل السيارات اللي تقول فيه مغسلة بمخرج 15 اسمها المنصور وفيه ايضا بطريق النهضة بالربوة مغسلة وفيه وحدة بالسويدي وهذولي يفركون السيارة من تحت بصابون بأيديهم بعدين يغسلون السيارة بعد الفرك وبعدين يرشون عليها ملمع وهذي انا جربتها بسيارتي ورجعت سيارتي جديدة كأن مطلعها من المصنع مباشرة واذا بغيت اي استفسار ابشر عندك الخاص
yazeed999
25/02/2008, 02:05 AM
يعطييييييييييييييكم الف عافيه وما قصرتوا
الشقردي
25/02/2008, 02:34 PM
فيه محطة بالرياض قبال بندة المصيف القديمة من غرب اللي عندها صراف الراجحي.
طريقتهم مقاربة للي يقول ابو عبد الرحمن وهو بالأساس عزل صدأ تقريبا يكلفك 160 مع الغسيل.
بواردي الدلم
25/02/2008, 10:14 PM
والله انا رشيت الجمس امس الظهر وخذته العصر البويه ناشفه تماما

عند بنشر

ايه عند بنشر 130 ريال فقط
مر على مغسله ملابس وخذ لك كم كيس ولبس الشكما والكنداسه واي شي ماتبيه يرشه وخلاص

بويه سوداء لمعه خفيفه شبه مطفي

المغسله على شارع الامير سلمان مقابل قصر نواره للإحتفالات