ادخل وسجل احسن شريط سمعته عن المقناص والبر ! [الأرشيف]

نجمة سهيل

21/10/2003, 02:57 PM

السلام عليكم ورحمة الله وبركاته ،

الاخوان الغالين اعضاء مكشات , راعي المقناص والكشتات ، قد لاتخلو سيارته من شريط يحوي قصائد او اغاني عن المقناص ، وفيه اشرطه كثيره تنزل باستمرار واشرطه سابقه قديمه مااحد يعرف عنها الا القليل:) .
فحبيت في هالموضوع انه الي سمع منكم شريط قصائد او اغاني عن المقناص او البر عموما يذكره لنا هنا في هالموضوع مثلكم عارفين الوسمي دخل:) وعسى الله يجيب الخير ، وودنا نحصر الاشرطه هنا عشان كل واحد وهو رايح للبر يسمع من هالاشرطه السنعه:) , وعشاني طرحت الموضوع بأبدأ معكم ببعض الاشرطه الي مرت علي :
1/ حورنيات 1 + 2 (( شريط اسلامي يحوي بعض قصائد المقناص )) ,

2/ ود الخبر (( مشعان بن مجول )) ربابه .

3/ شعراء من الصحراء , هذا الي يحضرني الان ، واول مااذكر شي زود ابكتبه على طول:)

ننتظر مشاركاتكم ،،

المرصاع

21/10/2003, 03:13 PM

أخي

كيف يكمل الأنس في الرحلة بوجود معاصي...فالأغاني محرمه ويجب تكريم هذا الموقع من دنس ابليس...

من الأشرطة الممتازة ((( صوت من الصحراء )))

ونبشركم بأنه سوف ينزل شريط حامد الضبعان قريبا واسمه ((( المقناص )))

تقبلوا تحياتي...

صقر

21/10/2003, 04:27 PM

بالنسبة لي احسن شي اسمعه هي اشرطة الشاعر بدر الحويفي كلها قصايد بالمقناص وبصوته.

سرحان

21/10/2003, 10:03 PM

نجمة سهيل الله يعطيك العافيه .

يوجد اشرطه كثيره ولا يحضرنى منها الان الا صوت من الصحراء من الجزء الاول الى الرابع . صوت من الباديه . شعبيات . يا اهل الباديه . فيه شريط للشاعر فلاح القرقاح لايفوتكم فى قمة الروعه .

راعي بر

21/10/2003, 11:06 PM

مشكور يا نجمة سهيل على هذا الموضوع

والله يجزاك خير يا المرصاع على كلمتك الطيبة

بالنسبة للاشرطة

حورنيات الأول والثاني فيهم كم قصيدة حلوة

مباشر فيه اول قصيدة حلوه

المقناص اتوقع وبإذن الله تعالى سوف يكون جميل

ابو عمر اللاحم

22/10/2003, 12:41 AM

حيا الله الجميع ... اما الاشرطه التي تشتمل على اغاني موسيقية فنرجو عدم ذكرها في هذا المنتدى المبارك لأن هذا فيه اشاعة للمنكر واعلاناً به وهذا يزيد حرمته ووباله وشؤمه .

فنرجو من اخونا الكريم والغالي نجمة سهيل تعديل هذه المشاركة والاقتصار على ما هو مباح .

وللجميع احلا تحيه واحترام،،،،

((( الحر)))

22/10/2003, 12:53 AM

مشكور يانجمه سهيل على هالموضوع المناسب...!!!

من الاشرطه الممتازه والتي انصح الاخوان باقتنائها مايلي...>

حورنيات 1 + 2:good:

وسم 1 + 2:good:

صحارى.............جديد وممتاز:good::good::good:

مهنديات.............جديد وممتاز:good::good:

وفقكم الله لكل خير....
اخوكم
(( الحر)))

ذيب البر

22/10/2003, 01:38 AM

مشكوووووووووووووور اخوي نجمة سهيل

معليش ابتلقف اخوي المرصاع الظاهر ان اخونا نجمة سهيل يقصد قصائد مغناة

وليست كل قصيدة مغناة حرام وفيها معاصي الا اذا صاحبها موسيقى

عموما انا من احسن الاشرطة حورنيات

وكان عندي شريط قديم شعر مغنى بصوت الشاعر حبيب العازمي

بس مشكلته مهوب صافي مره

تحياااااااااااااااااااتي

مسافر

22/10/2003, 10:47 PM

مشكور اخوي نجمة سهيل على الموضوع اما احسن شريط هو
http://www.anashed.net/pic/poster/hawrnyat_2.jpg

معلومات عن الشريط

المنشد : حامد الضبعان

أداء المسامع : عيد سعود - خميس عبد العزيز

شعر : أ عبد المحسن الضبعان - أ فهد المبلع - أ بدر الحويفي

انتاج : بارقة للشريط الإسلامي - المجمعة

وكذلك حورنيات 1
http://www.geocities.com/nofode/38.jpg

مشكور مرة اخرى

اخوك مسافر

ابو عايد

22/10/2003, 11:26 PM

الرسالة الأصلية كتبت بواسطة صقر

بالنسبة لي احسن شي اسمعه هي اشرطة الشاعر بدر الحويفي كلها قصايد بالمقناص وبصوته

:good: :good: :good: :good:

نجمة سهيل الله يعطيك العافيه

وتقبل تحياتي // العاشق الولهان

قناص القرائن

23/10/2003, 08:48 AM

لا يفواتك شريط اسم المراجل يزينه مشاء الله

الأشهـــــب

24/10/2003, 05:50 AM

مع الشكر والتقدير لأخينا العزيز نجمة سهيل .
الحقيقة أنا أأيد ماقاله وماذكره بعض الإخوان من عدم ذكر أشرطة الأغاني ، وغيرها من الربابة وماشابه لأن هذا بلا شك فيه إعانه على الباطل ، وبلا شك أخونا الغالي نجمة سهيل لايقصد ذلك .
هناك شريط جميل يحتوي على قصيدة جميلة جداً .
إسم القصيدة : ( متى على الله تنطفي جمرة الصيف )
المنشد : ( أبوعبد المجيد )
إسم الشريط : ( آمال ).

تحياتي للجميع .......................

نجمة سهيل

25/10/2003, 12:06 AM

المرصاع:heart:

اجل تقول مانبي اغاني وموسيقى لاتخليني افظح واعلمهم وش انت حاط في درج الهيلوكس ! على فكره

كم شريط لعزازي عندك:D . امزح لاتصدق:) ، مشكور يابعدي على مرورك وعلى الاشرطه وعلى كلمتك الطيبه ،
والمشاركه مفتوحه للجميع والرأي الاول والاخير لكم:) .

صقر :heart:

مشكور ياعزيزي على ذكرك للشريط ، وان شاء الله قريب اشتريه :) .

سرحان:heart:

الله يسلمك على هالاشرطه ، وأول ماتذكر شي زود لاتبخل علينا فيه :) .

راعي بر:heart:

تسلم على المشاركه ، وشريط المقناص باذن الله راح يكون جميل لانه حورنيات الاول والثاني كلهن زينات:) .

نجمة سهيل

25/10/2003, 12:09 AM

نهار:heart:

ترى ابعلمهم عن اشرطة بشير شنان وعبدالله فضاله الي موزينهن بثلاجة الجكسار عن المعزبه:D ، امزح لاتزعل:)

ومثل ماذكرت المشاركه تحت أمركم والي تامرون فيه حنا حاضرين :) .

((( الحر ))) :heart:

سلمت أناملك يامعلمي القدير على ذكر هالاشرطه ، وباذن الله سأستمع للذي لم استمع له منهم (( متعقد من مدرس العربي:D))

ذيب البر:heart:

مشكور على فزعتك معي . تعال قرب لااحد يسمعنا . قرب اذنك ابقولك شي .

قرب

بعد شوي

بعد شوي

بس وصلت

بعد وحده

وش رايك نتلطم ونجي بشاص ونفكك اللوح ونحجر للمرصاع ونهار ونرضهم لين يعضون الارض:D عشان اخذ حقي منهم.

امزح لاتصدقون:) ، وبالنسبه للشريط الي ماهوب صافي عطنياه وانا اركب له فلاتر ويصفى:p ،

نجمة سهيل

25/10/2003, 12:10 AM

مسافر:heart:

مشكور على هالشريطين الجميله ، ولاتبخل علينا بالجديد :) .

ابو عايد:heart:

حياك الله ياغالي ، وان شاء الله احصل الشريط واسمعه باذن الله :) .

قناص القرائن:heart:

ابشر وانا اخوك ، بأقرب فرصه راح اسمعه ان شاء الله :) .

الأشهـــــب:heart:

في الحقيقه ياغالي القصد من هذه المشاركه الانتفاع بما هو سنع:D من قصائد مخصصه للمقناص والكشتات،

ومشكور يابعدي على هالشريط السنع ، صراحه القصيده هذي رائعه جدا :) ,

تحياتي للجميع:)

وبانتظار المزيد من المشاركات ...

الذيابي

25/10/2003, 12:26 AM

ولا هانو الجميع

بالإضافة لي ماذكروه الأخوان هناك شريط جدا" رائع وهو :

شريط ...... صحاري

إنشاد / إبراهيم التميمي

وإنشاء الله راح يعجبكم

أخوكم الذيابي

راعي الحزم

25/10/2003, 12:29 AM

الرسالة الأصلية كتبت بواسطة ابو عايد

الرسالة الأصلية كتبت بواسطة صقر

بالنسبة لي احسن شي اسمعه هي اشرطة الشاعر بدر الحويفي كلها قصايد بالمقناص وبصوته

:good: :good: :good: :good:

نجمة سهيل الله يعطيك العافيه

وتقبل تحياتي // العاشق الولهان

ابوصالح*

25/10/2003, 02:24 AM

للمعلومية شريط المقناص لحامد الضبعان سيصدر في شهر شوال باذن الله ..
واجمل الاشرطة الي سمعتها حورنيات و مهنديات واشعار الحويفي وصوت من الصحراء

سليم

26/10/2003, 10:50 PM

اشكراخونا نجمة سهيل علي هذا الموضوع الجيد00كما اشكرالاخوه الذين نبهوا علي الزله التي حصلت من اخونابارك الله فيه00واعتقدان من الاشرطه اللي تصلح لاهل البران والقنص< شريط شعراء من الصحراء>لغازي بن عون00وكذلك<حورنيات>لحامدالضبعان00و< صحاري>لابراهيم التميمي00و< مجلة الصحراء>لمجموعه من الشعراء0

عاشق الصفاري

28/10/2003, 09:03 AM

الرسالة الأصلية كتبت بواسطة مسافر
مشكور اخوي نجمة سهيل على الموضوع اما احسن شريط هو
http://www.anashed.net/pic/poster/hawrnyat_2.jpg

معلومات عن الشريط

المنشد : حامد الضبعان

أداء المسامع : عيد سعود - خميس عبد العزيز

شعر : أ عبد المحسن الضبعان - أ فهد المبلع - أ بدر الحويفي

انتاج : بارقة للشريط الإسلامي - المجمعة

وكذلك حورنيات 1
http://www.geocities.com/nofode/38.jpg

مشكور مرة اخرى

اخوك مسافر

جهام القصيم

02/11/2003, 02:33 PM

بسم الله الرحمن الرحيم [/ALIGN]

والصلاة والسلام على نبينا محمد وبعد

الاخوة أعظاء منتدى مكشات ارى ان شريط ( ونة ) من الاشرطة الممتازة ويبع في التسجيلات الاسلامية والرئي لكم والله يحفظكم

نيسان2004

04/11/2003, 10:18 PM

شكرا موضوع جيد

الجوني

19/11/2003, 07:59 PM

يرفع رفع الله قدركم

شاص

20/11/2003, 12:23 AM

بداية أشكر أخوي نجمة سهيل على طرح مثل هالموضوع لأني أشوف أنها من الأمور التي يحبذ اصطحابها في الرحلات البرية .. وأؤيد كلام الأخوة اللي قالوا بقصر المشاركة على الأشرطة المباحة الخالية من المحاذير الشرعية كالموسيقى أو الطبل أوالربابة أو ماكان في قصائدها كلام فاحش أو بذئ
أما بالنسبة للأشرطة عندكم سلمكم الله شريط مواجع وشريط مرثيات

شاص

20/11/2003, 12:29 AM

بداية أشكر أخوي نجمة سهيل على طرح مثل هالموضوع لأني أشوف أنها من الأمور التي يحبذ اصطحابها في الرحلات البرية .. وأؤيد كلام الأخوة اللي قالوا بقصر المشاركة على الأشرطة المباحة الخالية من المحاذير الشرعية كالموسيقى أو الطبل أوالربابة أو ماكان في قصائدها كلام فاحش أو بذئ..
أما بالنسبة للأشرطة عندكم سلمكم الله شريط مواجع وشريط مرثيات

شاص

20/11/2003, 01:02 PM

عفواً الشريط اللي أقصده هو أقدار 2.1 وليس مواجع

نفل

21/11/2003, 04:56 PM

اخواني انا ودي بالاشرطة الخاصة بوصف الفياض والمطر والربيع ان امكن ووين احصل عليها
من عند التسجيلات الاسلامية اومن من عند محلات الرميح او الرماية ؟؟
ويا ليت كل من ذكر شريط يبين نوع الشريط هل يهتم بالمقناص والا وصف الربيع ومكان بيعه

والسلام عليكم

الأشهـــــب

21/11/2003, 09:54 PM

الأخ الفاضل : نفل
حياك الله يالغالي .
وانا أخوك محلات الرماية والرميح مايبيعون أشرطة الكسيت ، لكن بعضهم يبيع أشرطة فيديو وهي غالباً ماتكون عن القنص .
أما الأشرطة الكاسيت الصوتية يالغالي فهذي تباع عند التسجيلات الإسلامية . وإذا بغيت تشتري لاتقول للبائع أبي أشرطة عن الربيع والفياض والمطر ، لأنه ومن خلال أكثر من تجربة لي لايعرفون الأشرطة إلا من أسمائها فقط ، لامن محتوياتها .
عموماً يالغالي هذي بعض الأشرطة الي أعرفها أنا تحكي عن بعض ماتطلبه :

1- شريط (حورنيات) ( 1+2) . من محتوياتها قصيدتين منشدة عن المقناص والصيد .

2- شريط ( أمال ). من محتوياتها قصيدة جميلة عن البر والمكشات .

3- شريط ( صحاري ) . الشريط ككل يتحدث عن المقناص والبر عموماً . وهو شريط جيد

هذه ياأخي الكريم مالدي من معلومات متواضعة جداً ، عسى تكون نفعتك ؟
أيضاً يالغالي قريباً بمشيئة الله سينزل شريط جديد إسمه ( المقناص ) وأعتقد محتويات الشريط واضحة من إسمه .

وتقبل تحياتي .........................

نفل

22/11/2003, 01:11 AM

:good:

اخوي الأشهب السلام عليكم ورحمةالله وبركاته

مشكور اولا على تجاوبك السريع وثانيا على المعلومات الوافية وصدقني انك وفرت علي جهد مهوب سهل
والله يعطيك الف عافية والله يتقبل منا ومنك والمسلمين صيامنا وقيامنا ومن العايدين وكل عام وانت بخير

اخوك نفل

الأشهـــــب

22/11/2003, 05:46 AM

الأخ العزيز : نفل
حياك ربي يالغالي ، وهذي والله الساعة المباركة وأنا أخوك الي نخدم فيها مثلك وشرواك ، وترى ماسوينا شي يستاهل .

وأقول اللهم آمين على دعواتك الطيبة يابعدي ، وبارك الله فيك .

وكل عام وأنت بخير يالغالي .

وتقبل تحياتي .......................

كاتم اللهب

23/11/2003, 05:02 AM

الاشرطة اللي ذكرها الاخوان ممتازة لكن ماشفت احد ذكر شريط

وجـــــــــــــــــــــوم

وشريط اخر

مـــــــــــــــواجـــــــــــــــــــع

اتمنى ان تنال اعجابكم

تقديري...............................

الشحرور

06/12/2005, 06:42 AM

البارح الدمع سايل من فوق خدي ياعرب درلم درلم درلم

جراب

06/12/2005, 03:32 PM

السلام عليكم ورحمة الله وبركاتة

مرحباً بكم في هذا المنتدى الجميل ..........
ياشباب انتم عديتوا كم شر يط وباقي عدة اشرطة لم تذكرونها مثل شريط الشاصي و كذلك عدة قصائد للشاعر العلم ( مرير الحبيل )) وشريط وسم .

اللهم اغثنا اللهم اغثنا يارب العاليمن

النفود الشرقي

06/12/2005, 03:44 PM

أنا ما أقول ألا
شريط حورنيات الثالث
و2700EFi

والسلام ختام

عاشق المزون

06/12/2005, 11:09 PM

لايفوتكم شريط طرايف القصيد زكذلك المقناص تبع الحبيني ومشكورين

صقر البراري@1

07/12/2005, 07:57 PM

بسم الله الرحمن الرحيم السلام عليكم ورحمة الله وبركاته المقناص للمنشد حامد الضبعان

الطرماااااح

10/12/2005, 02:29 AM

السلام عليكم

شريط حورنيات

1
2
3

قمة الروعه

للمنشد حامد الضبعان

:) :)

جو الصمان

12/12/2005, 09:19 AM

لا يوفوتكم من جد
وصف 1
وصف2
طرايف القصيد
طدى نجد
للشاعر مرير بن عبد المحسن الحبيل
وبعضها منشد وبعضها بصوته وافضلها وصف 1
وفيه شريط قوي (البواسل) واحد مايعرف يختم المشاركه ههههههههههههههه

جراب

12/12/2005, 11:15 AM

السلام عليكم ورحمة الله وبركاتة

اشكر اعضاء منتدى مكشات على تفاعلهم معنا في ردودهم لي باحسن شريط سمعتموة واجزل الله لكم الاجر والمثوبة

ودمتم بصحة وعافية

جراب

12/12/2005, 11:23 AM

السلام عليكم ورحمة الله وبركاتة

اشكر اخي icm على مشاركتة وتفاعلة معي في إبراز احسن شريط استمعتة وكذلك حرصة على استماع اشرطة الشاعر (( مرير الحبيل ))

شاكر ومقدر لك اخي icm على النصيحة .

جزاك الله كل خير

الكونترولCONTROL

12/12/2005, 11:42 AM

انا ما سمعت ازين من شريط (( دار حاتم )) محكووووووووووووووور صح و يصحصح المخيخ

النفود الشرقي

13/12/2005, 05:40 PM

لا يفوتكم شريط طرايف القصيد
اللي ذكرة أخوي عاشق المزون
تراه زييييييييييين بالحيل
سمعت منه شوي مع ولد عمي بس على طول طفاة
قلت وراة خلنا نسمع
قال يبي يجوزلك وتاخذة ولاعاد ترجعة لي ألا السنة الجاية

يعني تراة زين
والسلام ختام

الدهماني

13/12/2005, 05:50 PM

شريط مهنديات
حورنيات
Vxr
وأمسية شعرية بعنوان أمسية العمر للشاعرين الكبيرين احمد الناصر وخلف العتيبي وهو عباره عن شريطين

ابو شكاع

13/12/2005, 10:48 PM

مساكم الله بالخير ياجماعة الأحبة

مثل ماقال أخوي Icm

بس أنا اراهن على شريط وصف 2 للشاعر المبدع مرير بن عبدالمحسن الحبيل العتيبي ... وحداء مهنا العتيبي
يوصف الجيوب مثل الفي أكس آر ويوصف الطير ويوصف المطر
ومع احترامي لأخوي Icm انا أقول وصف 2 أزين من وصف 1 ولا الفرق لأختلاف المؤدي
مثلا يقول في المطر في وصف 2
قافي بنات الفكر يوم حضرت به @ نويت أجرب عجز قافي على أش
نويت مدحـن بالربيـع التفتـــ بـه @ والمدح أحبه في مزاجي ليا خش

ويقول بعد
يابنات الفكر دقن لي تحية @ ان بغيتن غصب وان جيتن مودة
مثل ماتضرب تحية عسكرية @ حضرن عندي علومن مستجدة
وصفن المعنى مثل صف السرية@وكل واحد خلن الثاني يشده

ويقول في منتصف قصيدة عن الفي اكس آر

وقام يلعب في قفاه أنتل جهازه @ لعب صف شاش في حفلة كريمي

لاحظوا جمال ودقة الوصف عند هذا الشاعر ماشاء الله عليه
ياليته قاصدن باليوكون :(

وشريط وصف 2 كله جميل وأنا انصحكم به

أما الشريط الثاني الرائع فهو ( مكشات ) وأراهن عليه << الأخو شكله متعود على صالات لاس فيقاس مغير يراهن :d
ومنه االأبيات اللي في توقيعي
ومنه أيضا
يازين طلعة المكشات @وايامه الربيعية
ياما حلا ذيك الأوقات @ في جلسة أخوية
البر يعطينا حزات @ننسى هموم المدنية
قرقاص ونبت وخيرات @ والعدة ماهي منسية

الأبيات اللي كتبت يمكن تكون مهيب مرتبة ...

والله يوفقنا وأياكم لكل مافيه خير

القصيم-الرس

13/12/2005, 11:11 PM

أنا أقول المقنننننننننننننننننننناص
(يأبو فهد قلبي تقل فيــ...........)
الصراحه تهيض

راعي المجد

13/12/2005, 11:40 PM

انا أقول إن المقناص 2 شريط جميل كذلك شريط نزل اليوم با لأسواق بعنوان (هبوب الشمال)للمنشد أبوعبد المجيد

وهذا رابط مقدمة هبوب الشمال0

http://forum.ma3ali.net/showthread.php?t=156548

ابو سلامه

18/12/2005, 11:19 AM

السلام عليكم ورحمة الله وبركاته

اغنيه خالد عبد الرحمن ياطير :(
وحورنيات
والمقناص

المطلق

18/12/2005, 02:52 PM

أفضل أشرطة سمعتها تصلح لمكشاتيين
وصف 1
وصف 2
2700
صدى نجد
هماليل
طرايف القصيد
Vx-r
الشاصي 1
الشاصي 2
وشكراً

بين الجهات

24/12/2005, 09:53 AM

نزل شريط جديد بعنوان القنص للشاعر ضاوي العصيمي. في نظري الإصدار رائع ويستحق الإستماع.

http://www.alnadawi.org/images/4.jpg

ابو شكاع

24/12/2005, 07:05 PM

أخوي بين الجهات
بما أن الحادي هو مهنا العتيبي فتأكد أن الإصدار كما قلت يستحق الإستماع

عاشق البران99

24/12/2005, 07:12 PM

هناك شريط جديد وهو (المقناص2) للمنشد حامد الضبعان وهو في رئيي شريط أكثر من رائع والجيد في الموضوع انه موجود في محلات الرحلات والمحطات بالإظافة لجميع التسجيلات.

قطاع الفيافي

24/12/2005, 07:28 PM

السلام عليكم ورحمة اله وبركاتة

أعتقد أفضل شريط هو المقناص رقم واحد والمقناص الثاني اللي نزل من قريب ..

ولك أحترامي وتقديري .

قطاع الفيافي

24/12/2005, 07:31 PM

السلام عليكم ورحمة الله وبركاتة

أعتقد أفضل شريط هو المقناص رقم واحد والمقناص الثاني اللي نزل من قريب ..

ولك أحترامي وتقديري .

عاشق VXR

20/01/2006, 08:32 PM

عندك شريط المقناص 1 و شريط المقناص 2 لحامد الضبعان
واناشيد حامد الضبعان اغلبها عن البر والقنص

نجـ*سهيل*ــم

20/01/2006, 08:54 PM

شريط المقناص 1
وشريط حورنيات
وشريط مواجع

سفير الجزيرة

20/01/2006, 09:25 PM

شريط همــاليـــل

للشاعر / مشعل بن شباب العتيبي

وفيه قصيدة إلقاءها جداً رائع من المميز / ناصر المفرج

ابو باسل

01/09/2006, 11:22 AM

احسن شريط

بري

2700

المقناص

عاشق البسيتين

03/09/2006, 02:12 PM

افضل اشرطه هي 3 اشرطه
1- شريط مشعان بن مجول(ربابه)
2- جمال خليف (ربابه)
3-الهدد (جديد) لايفوتكم

تركي0500

03/09/2006, 03:41 PM

المقناص الثاني

ولد المزاحمية

04/09/2006, 03:05 PM

احسن شريك بالدنيا المقناص 2 للمنشد المبدع حامد الضبعان

عيون الغلا

04/09/2006, 10:52 PM

السلام عليكم
أعزائي أعضاء مكشات
أنصحكم بسماع شريط مشعل حمود الحبيني العازمي لايفوتكم تراه زين بالحيل بالحيل خاصه للصقار يصلحله لأن أكثر القصايد عن الطيور ولاكن رووووووووووووووووعه بس به شي واحد أمخربه وهو بين القصايد به مقاطع ماأخفيكم أنه مالغه لأنهم يتميلحون ولا كن القصايد والآداء والشيلات شي لايوصف
وتقبلوا تحياتي
,,,

برق تميم

04/09/2006, 11:19 PM

من افضل ما سمعت

وصف 1 ووصف 2 للحبيل

ملك222الصحراء

17/12/2006, 03:47 PM

فيه موقع لشريط وصف2؟؟؟؟؟؟؟؟؟؟؟؟؟؟؟؟؟؟؟؟؟

ابو درع

17/12/2006, 03:50 PM

وصف

لوحة من الماضي

مقناص زين بس فية نوع من السخفات

تحياتي

محب النياق

17/12/2006, 03:54 PM

لاتنسون الاطلال تراه ممتاز

اخت الشياهين

22/01/2007, 06:53 PM

بسم الله الرحمن الرحيم

الاخ/ الاخت نجمة سهيل

انا سمعت مره شريط اسمه " شاص"

وشريط " انشودة يذكرني فيه قصايد عن المقناص بالمره روعه "
وشريط " القنص " وابشركم انسرق ومامداني اسمع منه الا انشودتين
وعندي شريط للصحراء الجزء الثاني

ولو لوقيتهم بدرج الاشرطه حقتي سويت لهم سكان ووريتكم اياه