واخيراً ركبت البطارية الإضافية... صورر؟؟

[ظنى مرزوق]

السلام عليكم..


ما اطول عليكم ابشركم ركبت البطارية الإضافية وبنصف سعر الورشة المعروفة ومكونات الشغلة هي كاالتالي:


* بطارية بسعر 250ريال وحجم 80 امبير
* قاعدة تفصل عند حداد مظبوط لانها تعتبر الاهم
* الاسلاك وغيرها من الاضافات على حسب حاجة الشخص


وإليكم الصور
*
*


هذي القاعدة وتكلفتها 50 ريال مع التركيب وعدم تخريم الرفرف بل استبدال الكلبسات البلاستيكية بصامولة حديد


http://www.mekshat.com/pix/upload02/images60/mk6894_101.jpg


وصورة للقاعدة من زاوية اخرى


http://www.mekshat.com/pix/upload02/images60/mk6894_102.jpg


هنا قمت وازلت المسمار البلاستيك وتم وضع صامولة الحديد مع القاعدة


http://www.mekshat.com/pix/upload02/images60/mk6894_103.jpg


افتح ياسمسم،، هذي المبروكة جعلي اشفطها (الكهرب وليس الاسيد) بالعافية


http://www.mekshat.com/pix/upload02/images60/mk6894_104.jpg

وهذا سلك التفريغ تم وضعه في الرفرف وبدون تخريم


http://www.mekshat.com/pix/upload02/images60/mk6894_106.jpg


وهذي الصورة الاخيرة للبطاريتين و التوصيل بينهم بالحلال الله يوفقهم بالذرية الصالحة من الاجهزة و اللمبات


http://www.mekshat.com/pix/upload02/images60/mk6894_107.jpg




ولاتحرمونا من الملاحظات القيمة والنادرة ....


ودمتم

[altheeeb79]

بس كيف شبكت الاسلاك الله يعطيك العافية

[النيترو]

عندي ملاحضه بسيطه الحديده اللي تمسك البطاريه من فوق مفصله والا شاريها جاهزه

ومشكور على الصور والمجهود

[هواي البر]

ماشاء الله تبارك الله

الشغل مضبووط

اخوي ابسألك وش نوع السيارة الي مركب عليها البطارية !!!

[بن نويشر]

الحقيقة ومع إحترامي الكبير لك أخي (ضنى مرزوق) ولا يهون الأخوة القراء ..

أنا لا أرجح فكرة البطارية الإضافية والتوصيلات الكهربائية الزائدة والتي أعتبرها حمل زائد على كهرباء السيارة والتمديدات وما شابه وخل الموتر على ما هو عليه يعني (شد بلاده) أحسن .

ويتواجد عند محلات العليان بطارية محمول تصل قيمتها إلى 400 ريال تشحن في عن الطريق الكهرباء خط 220فولت من فوائدها أنها متنقله وتقوم بتشغيل السيارة ومحول الكهرباء وبالإمكان شحنها أيضاً عن الطريق السيارة بواسطة توصيلة الولاعة ومجربها شخصياً فهي ماطور كهرباء صغير في نظري .

والرآي لكم والسلام عليكم ...

[.أبوعبدالرحمن]

ماشاء الله تبارك الله


لكن اتمنى تذكر لنا نوع الموتر

[صحيح]

أخوي ضنى مرزوق ما شاء الله عليك بس لو تعطينا فكرة الاستخدام والغرض منها انا اذكر ان البطاريه الاضافيه كانت تجي في الجموس والشفرات القديمه بس محد عطاني الفكرة منها هل هي احتياط او قوة في التوصيل كهرباء واشوف في الصورة فيه توصيل بين الموجب للبطاريات .
وهل البطاريه الاضافيه مع شد البلد ما تحرق دينمو الكهرباء .
وشكرا لك

[ابوبدران]

بارك الله فيك ايه شغل عدل ان شاء الله يقتنع الي في بالي:D
بالنسبه لسياره شاص باترول الي في التوقيع صح
http://www.mekshat.com/pix/upload/sign/images/mk6894.gif

[salehhd]

السلام عليكم

تجلك تفظيها بالعافية

بس ماقلت كم التكلفة النهائية
حسب معلوماتي من 800 الى 1300 هل هذا صحيح وهل فعلاً تستحق هذا المبلغ

[ظنى مرزوق]

اشكر الجميع على التفاعل وبالنسبة للأسئلة

altheeeb79
تشبيك الاسلاك واضح من الموجب للموجب الاضافي وكذلك السالب على طول للرفرف، طبعاً صلحه لي كهربائي لكن الشغله بسيطه ما تحتاج كهربائي .
معسف الشوازن
هذا سلمك الله تأخذه من حقين الزينة اللي يبيعون قطع الزينة للسيارات .
هواي البر
اللي في التوقيع باترول شاص .
بن نويشر
كلامك سليم، وفي محله لكن بعدين إن شاء الله راح اركب محول ثابت على البطارية الاضافية وامدد للكنود وغيرها من الاجهزة وكذا بطاريك ما راح تنفع معي لانه لازم اثبته بمكان معين .
ابوعبدالرحمن الصفيان
اللي في التوقيع باترول شاص .
صحيح
البطارية الاضافية سلمك الله على حسب احتياجك في البر اما في الديرة فالعادة إنك ما تحتاج لها والبعض يحط على الثلاجة دايمة مشبوكه طوال السنه واما الجموس ما ادري عنها واما تأثيرها على الدينمو فالله اعلم
salehhd
سعر التكلفة 400 ريال فقط وخلك من الورش النصابين صلحها انت يارجال في الصناعية وبس

ودمتم..

[بن محفوظ]

ما شاء الله تبارك الله ابو راشد .. طلعت شيخ انكحة بطاريات ..

مبروك ... وتخلصها بالعافية ..

والظاهر ان هالسنة مافيه ام سنينه

[sameer_1798]

ماشاء الله عليك بصراحة طريقة مختصرة للتوصيل و تؤدي نفس الغرض بحيث لو تعطلت الرئيسية تنوب عنها و مع ذلك يتم شحنها من الدينمو بواسطة البطارية الرئيسية .
لكن يجب عليك تغطية سلك التفريغ بالصورة رقم 5 .

وهذه صورة توضح طريقة توصيلك للبطاريات
لكن مع بطارية 1.5 فولت ( توصيل على التوازي )
وتستخدم هذه الطريقة للحصول على قدرة أعلى " زمن تشغيل أطول "
http://www.qariya.com/images/battery-packs3.GIF

أما الطريقة الأخرى فهي على التوالي و هذه لو استخدمتها لنتج عندك 24 فولت (تستخدم في مكاين الديزل )
توصيل بطاريات 1.5 فولت
http://www.qariya.com/images/battery-packs1.GIF

[barracuda]

مشكور على الفكره

[سداااااح]

اخوي ظني مرزوق
بس لازم يكون فصل سوى يدوي او دقمه ليكون عند عدم تشغيل السياره وتسحب من البطاريه سواءن للاناره او غيره
لكى لا تفضى البطاريتين سوى
وبالنسبه للبطاره اللي عند العليان عندى وحه ولا كن لاتقارن بالبطاريه الاضافيه
بالنسبه لي

[altheeeb79]

أخي أقصد هل أنت مشبك أسلاك من الدينمو للبطارية الاضافية لشحنها وفي نفس الوقت مشبكها بالبطاريه الاساسيه000أ وعلى طول مشبكها بالبطارية الاساسية (وفي هذه الحاله لن تستفيد من البطارية الاضافية في حاله خراب الاساسيه بدون إكتشاف الخراب لأن الاحتياطية سوف تمد الاساسية التي خربت بالكهرباء المخزنه بها حتى تفضى ومن ثم تقعد بها ولا تنفعك البطاريتين)

[camaro]

وين الكيت آوت والدايود ولا كيف مركب الزائد

[ظنى مرزوق]

يامرحبا بالمشاركات الحلوة...


بن محفوظ
الله يقطع سوالفك يابو فهد مأذون انكحه على طول، وام سنينه الله يجيبه ياكريم..


sameer_1798
افضل تحيه لك على الشرح المصور


barracuda
لاشكر على واجب


سداااااح
مشكور ومثل ما قلت النقطة محل الاهتمام


altheeeb79
لا ما شبكت اسلاك من الدينمو مباشرة للبطارية الاضافية، الاسلاك من البطارية الاساسية على طول وبالنسبة لاقتراحك إذا ما انت مستخدم البطارية الاضافيةمدة طويلة قم وإنزع اصبع سلك التفريغ السالب منها وتوقف الشحن وكذا تحافظ على البطارية الاساسية . وشكراً


camaro
بالنسبة لسؤالك لم افهمه .. وشكراً

[رعد النجدي]

ارتكبت غلط واحد وفادح
وعيب شرعي في نظري وقد تندم عليه مستقبلاً انت تحملت الكثير وباقي هالشي
اطمر لشارع الأربعين في الصناعيه الكبيره شارع تجد فيه محلات تبيع قطع غيار للقلابيات والسيارات الكبيره
اشتر قاطع كهرب او فاصل 24 فولت ( ما فيه مشكله شغله قطع الكهرب)
وركبه بين البطاريتين ( ركبه بنفسك)
هذا يخدمك لا تنسحب الكهرب من البطاريه الأساسيه
اذا جيت لمحلك في البر اقطع الكهرب خل الشغل على الأحتياطيه
واذا تحرك الموتر وصل الكهرب علشان تشحن الأحتياطيه
قيمة القاطع 50 ريال

[shaheenshah]

معليش اسمحلي
اللي ركب لك البطارية ما يعرف لانك تستهلك البطاريتين في وقت واحد وبالتالي ما استفدت شي
المفروض فيه كتاوت بين البطاريتين مثل ما قال اخوي كمارو ورعد النجدي

[wewe150]

اللي أعرفه يحطون فاصل أو كتاوت بين البطاريتين

أما كذا سعيد أخو مبارك


الكتاوت يسمونه النذل أو الاناني

لانه ياخذ كهرب من البطارية الاساسية أذا أشتغل الموتر ولا يرجعه (نذل)

[سيف111]

ارتكبت غلط واحد وفادح
وعيب شرعي في نظري وقد تندم عليه مستقبلاً انت تحملت الكثير وباقي هالشي
اطمر لشارع الأربعين في الصناعيه الكبيره شارع تجد فيه محلات تبيع قطع غيار للقلابيات والسيارات الكبيره
اشتر قاطع كهرب او فاصل 24 فولت ( ما فيه مشكله شغله قطع الكهرب)
وركبه بين البطاريتين ( ركبه بنفسك)
هذا يخدمك لا تنسحب الكهرب من البطاريه الأساسيه
اذا جيت لمحلك في البر اقطع الكهرب خل الشغل على الأحتياطيه
واذا تحرك الموتر وصل الكهرب علشان تشحن الأحتياطيه
قيمة القاطع 50 ريال

يا ليت تحط لنا صوره لهذا القاطع او رقم ..الكتاوت هذا يحسبونه علينا فوق 200 ريال

[ظنى مرزوق]

يارعد اكلتني انا وبطارياتي، هذا مشكلة اللي مايقراء الردود قلت في الرد الاخير إن هالنقطة محل الاهتمام لانه قال لي الكهربائي اركب لك قاطع قلت خله بعدين لاني مشغول والورشة في شارع الاربعين في الصناعية القديمة، لكن إن شاء الله راح اركب قاطع او كتاوت ونرفق الصور للشباب .
بس اصبرررررررروو

[camaro]

مافينا صبر ياخوي ابي اسوي نفس الطريقة على سيارتي تاهو بس ناطر صورك

[ظنى مرزوق]

وهذي الصور ياشباب للكتاوت اللي تم إضافتها للبطارية وهي افضل من الفاصل وارخص لانه كلف 30 ريال بينما الفاصل يوم سألت عنه سعر الزين منه الالماني 80 ريال يعني الشغله كلها كلفت 430 ريال فقط وقابلة للخصم ..


ومع الصوررررر
*
*
صورة الاسلاك حقت الكتاوت وهي في بداية الشغل


http://www.mekshat.com/pix/upload02/images61/mk6894_04022008543.jpg



http://www.mekshat.com/pix/upload02/images61/mk6894_04022008544.jpg



http://www.mekshat.com/pix/upload02/images61/mk6894_04022008545.jpg


هنا شبكت الكتاوت على البدي مباشرة وثبته على قاعدة في الرفرف طبعا السلك الاخضر الواضح في الصورة هو للتفريغ للكتاوت عشان ما يخرب البطارية


http://www.mekshat.com/pix/upload02/images61/mk6894_04022008546.jpg


طبعاَ يمكن تتسأل لماذا تم وضع الفيوز؟ لانه الكهرب حق
الكتاوت ماخوذ من كتاوت مروحة المكيف اللي في الكبوت
وعلى كذا لازم تحط شيئ يحافظ على الكتاوت ككل
وبكذا اي إلتماس لاسمح الله يضرب الفيوز وتسلم
الكتاوت والبطارية وكل ماعليك هو إنك تغير الفيوز
وبس


http://www.mekshat.com/pix/upload02/images61/mk6894_04022008548.jpg



وبالاضافة هذي تخلصنا من التوصيل المباشر للبطارية الاضافية واشكر الشباب عموماً على الملاحظات القيمة والنادرة، الكلام كثير لكن رغبة الاختصار


ودمتم..

[khaled1378]

السلام عليكم
وين احصل على الكتاوت وش اسمة ونوعية الكتاوت
الله يجزاك خبر

[عاشق Vtc 4800]

يـــآامــــآال العــــآافية والله يـــآا أخوي ظنى مرزوق


وتفضيهـــآا بالعــــآافيــة


لكـــن لو تكرمت تحط لنـــآا اسم الورشة ومكــــآانهـــآا بالضبط


ولو يحصل الرقم بعد ،، كـــآان تمــــآام ^_^


موفقيــــن