اريد ارجاع سيارتي 2008 هايلكس للوكالة وابدالها كيف؟؟!!!!

[abowesam2006]

السلام عليكم ورحمة الله وبركاته

الي الخبراء الاعزاء في هذة الامور لي قريب اشتري هايلكس 2008 ديزل دفرنشين

دبل يعني من اول مااخذها وهي لها صوت في القير في الاول والثالث

المهم اخذها وراح للوكالة وبعد مافكوا القير لقو التروس متكسرة للمعلومية السيارة مامشت اكثر من

10000 كيلو

يعني وكالة جديدة بدلو التروس وغيروها على حساب الوكالة وبعد 10 ايام طلعت من الوكالة ولكن نفس


الصوت موجود ولما رجعها للوكالة فكو القير وركبوه بنفس اليوم ولا يدري وش سووا ونفس الحكاية الصوت

موجود وقالوله هذا الصوت عادي بس توكل على الله مع العلم ان الصوت صار اعلى من قبل قال لهم كيف

عادي وانتم لاقين التروس متكسرة وبعدين قالوا غطى القير مو موجود من اصل يعني طلبنا لك غطى للقير

وراح نركبة المهم هو يريد ارجاع السيارة لهم وابدالها بجديدة لاني سمعت انها على الضمان

وهذا عيب مصنعي وهم معترفين بذلك كيف الطريقة الرجاء الرد باسرع وقت

وجزيتم خيرا

[سلطان بن محمد]

شف وأنا أخوك قل لخويك يروح لمكه و يسأجر له عبد من عبيدها
وكلنا عبيد لله ( أقصد الأفارقه ) :no:
ويتكيبه على الهلي بعد مايلبسه فنيله بدي أحمر :director: ويروح للوكاله اللي شرا منهم السيارة وينحر مديرهم على طول لا يكلم ولا واحد
أول ماياصله على طول بس يقوله أبي أبدل السياره :eek: . . . وتشوف النتيجة . . . صدقني راح يدعي لي . . . :D الله يستر أن ماعطوه فكس فل كامل
.
.
.


والله وأنا أخوك مدري لكن شفت موضوعك ما رد أحد قلت أنكت شوي .:D . . ومعليش على التميلح

أتمنى لك ولـ خويك التوفيق

[الأبرق2006]

والله وانا اخوك اذاكانت من وكالة عبداللطيف جميل فلاتحلم اخوك سابقك في التجربه ولالقيت الاالبيع خارج الوكاله والشكوى لله

[الدبل الثقيل]

انه يقعد على روسهم ويطفشهم وكل يوم وهو مداوم عندهم ويكثر الشكاوي<<<<<<صارت مقادير طبخه !

[.أبوعبدالرحمن]

وانا اخوك مافيها شيء

ابد رح للادارة واطلب المدير العام واللي يقول لك وش تبي به قله عندي شكوى


واللي يسألك وش الشكوى قله الشكوى تعرفها بعد مايسمعها المدير وخل الاخلاق شوي معدومة


وابد الله معك والله ييسر امرك وان شاء الله ما تطلع والا والعلم طيب



لكن نصيحتي لك لا تجلس اكثر من كذا لانه كل مامشى الموتر اكثر كل ما تعقدت الامور

[رجل كريم]

سمعت انها على الضمان

وهذا عيب مصنعي وهم معترفين بذلك كيف الطريقة الرجاء الرد باسرع وقت

وجزيتم خيرا


وعليكم السلام ورحمة الله وبركاته:

لاتروح الوكالة ولا تعصب ولا شي .. على طول قدم عريضة دعوى قضائية لدى ديوان المظالم وطالب باسترجاع المبلغ كاملا + تعويض مالي كبير عن الاذى النفسي الذي اصاب صاحب السيارة ومالحقه من تعطيل لمصالحه .. وهم اللي بيركضون وراه ويحبون على راسه .. وبتقول داكار قال ..

الله ينصره عليهم ..

[القناص]

ديون المظالم ما له شغل
لان ديوان المظالم ينظر في القضايا اللي ضد الوزارات والهيئات الحكومية

القضية ما لها الا المحكمة المستعجله
اقرب محكمة وارفع عليهم دعوى وارضى بحكم الشرع

[فرخ الشاص]

أخوي لا تبيعها بالمعارض وتضر أحد غيرك .... ثم ما يبارك الله في فلوسك ....

أنا أقترح أنك ترفع دعوه بالمحكمه وهم بيتصلون عليك ويحلون الأمور بينكم بالتفاهم إما إرجاع المبلغ أو إستبدال السيارة...

[abowesam2006]

جزاكم الله خير على الرد

وبيض الله وجيهكم

طيب ليش مافيه محاكم لوكالات السيارات في الامور هذى علشان نرتاح

وانا والله ماني راعي مشاكل ولا قيل وقال لكن حسبي الله ونعم الوكيل وش اسوي راح اصبر على هالمصيبة

انا ماني قادر اصير ضد شركة اصبر على قدري

واشوف وش اللي يصير معاي

والله ياخذ حقي

[أبو LAMeS]

شف الله يسلمك من كل مكروه
عندك حلين أما إنك تروح للغرفة التجارية وتعرض عليهم المشكلة
أو إنك توكل محامي
وفيه نقطة مهمة قل لقريبك يخلي الموتر عند الوكالة ولو يسد باب الصيانة بالسيارة يكون أفضل
وشكرا

[ظنى مرزوق]

نفس كلام الشباب استقعد للشركة عن طريق المدير وهذي تحصل كثير ومنها شركة الجميح واحد قريب شراء جمس 2007 ويوم استلم الموتر لقاء فيه الصدام مرشوش وطاحت اشياء من السيارة ، المهم راح لغرفة التجارة إدارة مكافحة الغش ومن نشيط لنشيط ولا احد نفعة بعد الله الا ازعاج مدير الفرع اللي شراء من السيارة اتصلوا عليه بعد شهر ونصف تقريباً واعتذر منه وعطاه شيك بقيمة الموتر وانتهت المشكلة .
وين التعويض للتعطيل يخلف الله على المسلمين

والله يوفقك عليهم ..

[احب البرواهله]

اعتقد والله أعلم وانشاء الله مايصير كلامي صحيح أنك لن تأخذ منهم حق ولا باطل وهم اطول منك نفس وبيماطلون فيك ليه ؟! لأنهم عارفين أن ما فيه أحد بينصفك وبيجيبلك حقك وأقترح عليك أنك تكرر زياراتك لهم لتصليح العطل وفي أكثر من فرع ولأكثر من منطقه لعلها تصدف معك وتطيح في مهندس يخاف الله يصلح موترك ومن الأفظل أنك تدور لك معرفه عندهم وبالتوفيق وحقك علينا الدعاء لك

[hightech]

اللة يعينك على هالمشكلة وحسبي اللة عليهم من شركات
مايخافون اللة ومن ردودك اخوي على الأخوة انك منت
راعي مشاكل ومطالبات (طلبي) واعتقد كلام الأخ
احب البر واهلة اسهل الحلول واسأل اللة ان يعوضك خير.

[عبدالرحمن السالم]

الله يكون بعونك يالغالي لكن لاتسكت رح لهم واصر عليهم بأنهم يعطونك سياره جديده وبأنك غير راضي عن هذا الشى وان السياره جديده 2008 ولا لى ذنب بأن فيها عيب مصنعي .. طفشهم وصدقني راح تمشي امورك

وبالتوفيق ان شاء الله

[المزروعي]

غصب عنهم يرجعون السياره !! عندي أخوي الكبير شاري مرسيدس 2007 و من شراه و هو في مشاكل مره في الهودرليك و مره في القير المهم من شهرين رجعوا السياره و عطوه و حده جديده . أيضا واحد من الربع شاري تويوتا 2005 كان فيها مشاكل في الحراره دائما مرتفعه في النهايه بدلوه بوحده جديده . يعني لا تسكت عن حقك أبد . حتى لو تحط محامي .

[alkongrs]

ادخل على مدير شركته تويوتا وسو لجه ويغيروه لك

[مقلع الرمث]

اخوي انا عندي نفس مشكلك كان معي هايلكس موديل 2002 شاريه جديد على وقته المهم الموتر مامشى الا اشوي اذكر بس نسيت الممشى المهم خرب القير رحت لمهم نفس الطريق يدخلونه وتقعد اسبوعين شهر ويطلعونه نفس المشكله اخرته جيت وصااارخت عليهم انا وواحد من العياااال ولعناااهم تلعين وكانت الصيانه بنفس الصاله الي عند المبيعات السيارات وكانت الناس تناظرنا وحنا نصارخ ويقولون وشبهم هذولا وقلت للناس الي تبي تشري سياارااات لا يشرون تراااهم نصااابين مافيه ضمااان ولا شي واذا صار عندهم عيب مصنعي ماايصلحون السياره المهم الكلام هذا باااقوى صوت عندي بالصاله حقت عروض السيااارات والله ووعينك ماااتشوف الااالنوووور جو ودخلونننا بمكتب وقالي وش تبي قلت ابي سياااره وابيكم تصلحون سيااارتي قاال ابشررررررررر جااابولي كاامري وقالي رح عليها وقض لزومك وحنا لاخلصت سيااارك ندق عليك قلت تمااام المهم دقو علي ولا هم امغيرين الظاااهر القير كااامل والموتر بعده زبط الكلام ماااااينفع الا السااانك تااخذ حقك وقعدو ينصبون علي يقلولون ادفع مدري كم صيانه عن مدري 5000 الاف قلت ماادفع ولا ريااال انتم تعطوني فلوس المفروض يعيااال الكلب هذا كله بوكله عبد الللطيف جميل على وقت موديل2002 ارجوااا اني افتك طللللع الساااااااااااااااااااااااااااااااااااااااانك

[صالح...]

نصيحة : أرســل رسالة للمركز الأقليمي في الامارات وهو تابع للشركة مباشرة وماله علاقة بالوكيل .
وقلهم كل الي في الموتر وانه تحت الضمان وفيه عيب مصنعي ، و الوكالة اعترفت في هالعيب ، وسوو صيانة ولاظبط ورفضوا يرجعون السيارة.
https://secure.toyota.com/cck/ssl/start.do
Phone: 800-331-4331
Fax: 310-468-7814
Mon - Fri: 5:00 am - 6:00 pm PT
Sat: 7:00 am - 4:00 pm PT

[woqaili]

سلام عليكم ورحمة الله
اخوي عندي لك حلين
الاول وهذا اللي انا اقول ادع عليهم و حتسب الاجر عند الله لان هذا غبن وغش وهم عارفين هذا

الثاني
رحل لم الشرطه وقدم فيهم بلاغ واطلب إحالته للشرع لان هذا غبن في البضاعه وغش وطالب بحقك الشرعي واذا ما اعترفو ارجع للحل الاول

[ابوعزيزm]

الله يعينك

لو حنا في بلاد أوروبا كان أقولك رح قلهم يغيرون لك السيارة لأن هناك يوجد حماية للمستهلك

أما هنااااا

الظاهر ما لك فايدة أبداً . . إلا إذا كان لك واسطة . . ويمكن بعد ما تقدر

لأن نظام الوكالات تصليح أي قطعة بدون أستبدال السيارة

[سنعوسي111]

اجلبه للمعارض وبيعه على اعلى سوم من اول يوم

[salehhd]

السلام عليكم

الله يعينك

انشب لهم وخلهم يغيرون القير كامل على الضمان وهذا هو اقرب حل ممكن تحصلة
اما تغيير السيارة فصعب كثير ومن رايي تتوجة لاكبر راس في المنطقة مباشرة ولاتكلم الصغار واهم شي تكون عندك نسخ من الفواتير
وكلم الادارة الاقليمية في الامارات