مقطورات مخصصة للبر والطلعات

[ابو عقلين]

اليوم ابي اطرح لكم مفاجأة حلوة مرررة قد تكون للبعض عادي وشافوه ، لكن إستخداماتها مرررة مفيدة، :good:
وهي عبارة عن مقطورة ، تنجر خلف الموتر ووزنها متفاوت حسب الحجم
وما تاخذ من قوة سحب الموتر غير 10% فقط اي نعم 10 % فقط مهيب زي المقطورات حقت الصناعية إلى كلها حديد ووزن الوحدة قد وزن سيارة نص نقل ،وتاخذ من قوة سحب الموتر... الله وحدة يعلم ، وتقدر تنصفت بجنب الجدار وما تاخذ مكان بالبيت وخصوصاً إلى حوش البيت شوي على القد.

وكمان تقدر تشيل فيها مما لذ وطاب واي شي بخاطرك حطب ، رمل ، حجار ، طيور ، صقور ، كلاب الصيد غنم، بعير، ألخ إلخ إلخ

ولها إستخدام آخر ، مررررررررة عجبني ، لمن تجون في المكان إلى تبون تكشتون فيه تقدر تقلبها سرير أي مكان تفرشة ويشيل اثنين على القد ومرتاحين بفراشهم حقت البر

وتصير القربعة وحاجيات الطلعة كلها بالمقطورة ، لمن ترجع تفصلها وتقدر تدفها داخال الحوش وتخلي الشغالات ينظفونها ويغسلونها ويرتبون أغراض البر في مكانها للطلعة الجاية ،ويضل موترك نضيف من الشيل والحط .

المهم ماطول عليكم اتركم مع الصورة وإن شاء الله تعجبكم

انا شريت وحدة وصافتها عندي بالبيت وكل ما أبي طلعة للبر اضف فيها الدباب ولوازم البر كلها وما يصير بالجيب غير الركاب وترامس الشاي والقهوة والأكل .

وأي إستفسار أنا حاضر وموجود أرحبوا

[bobdr3]

وين الصور وكم سعرها لو سمحت؟

[سندباد الخليج]

ماطلعت الصور بارك الله فيك

[ابو عقلين]

وين الصور وكم سعرها لو سمحت؟

والله لسة بأحاول انزل الصورة لكن كل مرة يعطيني ملف خاطي ابعطيكم موقع المقطورة إلى بــفرنسا وللمعلومية لها وكيل بالرياض صناعتها فرنسية وفي الأصل تمت صناعتها للجيش الفرنسي ابان الحرب العالمية الثانية ولازال المصنع شغال لحد الحين

سعرها شوي غالي لكن لمن جربتها على الطعوس والخطوط (ماشاء الله) وهي محملة اغراض حلال فيها كل ريال (ثمانية الآف وتسعمائة ريال) للمقاس إلى شريتة ابو مترين طول

النوع إلى شريته 239 يعني مقاسات الأطوال كتالي 45سم ارتفاع الضلف في 135سم العرض في 230سم الطول

الوزن فارغة كغم 260 ، للنوع إلى شريته الكفرات 13 أر 70 /185
وفي نوع اربع كفرات بالفرامل والهاند بريك

الموقع لا يفوتكم www.erde.tm.fr
:good: لمن تدخل علية في إختيار للغة قم بإختيار اللغة الإنجليزية

والله ماهيب دعاية لكن من مجرب :)

وإذا حبيتم تشوفونها على الطبيعة انا حاضر واوصفلكم موقع الوكيل إلى بالرياض

[سداااااح]

العربات هاذي ماهيب الفرنسيه اخوي

[تميم5080]

السلام عليكم اخوي ابو عقلين ولا يهونون الربع انا العام طلعت لصمان مع شباب وجاب واحد من الشباب قلص فرانسي الظاهر انه نفس النوعيه بس هذاك له غطا فيبر بس والله اتعبنا وتفكك والكفرات الستبنا حقته انقلعت من مكانه وتراها كانت المنيوم والغطا الفيبر انكسر مع النص والله يوفق الجميع

[ابو عقلين]

العربات هاذي ماهيب الفرنسيه اخوي

الله يسلمك من كل شر والجميع ، ترى وكيلها موجود بالرياض وشاري من عندهم وحدة بو مقاس مترين وثلاثين سم طول ، وموجود من سنين بس الناس شايفينها غالية شوى لكن مع تجربتها بالطلعات على الطعوس والبر ، حلال فيها الفلوس مع الضمان لمدة سنتين من الوكيل ضد اي قطع سيئة الصنع ، وما اظن ان الوكيل يقولي كلام غير الكلام إلى قلته (فهي صناعة فرنسية 100%) حتى الصواميل والوردات والكفرات (على طاري الكفرات تراها تجي معاها شاملة السعر بكفر إحطياطي مركب على الجنب ولمبات خلف المقطورة مع لمبات إشارة يمين ويسار) وتشتغل مع فلشر السيارة ما شاء الله تقول عرس لمن تشغلها بالليل بالبر :good:

وحاضرين إي سوؤال

[ابو عقلين]

السلام عليكم اخوي ابو عقلين ولا يهونون الربع انا العام طلعت لصمان مع شباب وجاب واحد من الشباب قلص فرانسي الظاهر انه نفس النوعيه بس هذاك له غطا فيبر بس والله اتعبنا وتفكك والكفرات الستبنا حقته انقلعت من مكانه وتراها كانت المنيوم والغطا الفيبر انكسر مع النص والله يوفق الجميع

ايه اخوى تميم إذا كان إلى تقول غطاه فيبر اظن والله أعلم لأن هي الوحيدة لحد ألحين إلى لها غطاء فيبر لكن غطا الفيبر له إستخدام آخر غير انو يعزل المقطورة عن الغبار ويخلي اغراضك سليمة من التراب والغبار والسوائل و الأمطار، والفيبر يجي حسب مقاس المقطورة في نوع يجي الضلف 80 سم ارتفاع والغطا اما فيبر قصير او طويل او غطا جلد صناعي قصير على المقاس كلش على المقاس لا تفصل ول تقص ولا تلزق ولا تلحم وكل نوع اطار مصنوع خصيصاً حسب مقاس المقطورة ومن مواصفات الإضافية للفيبر ،يتم تحميل سيكل اطفال عدد 2 (لاحظ مقاس سيكل اطفال يعني مو تحمل خروف توك ذابحة ولا صحن مفطح على ظهر الفيبر المسكين بعد العشاء ) وبعدين تقول انكسر و ما يتحمل! لكل شي لزوم شيئ

لكن إلغطاء الى شارية للمقطورة غطاء على شكل خيمة نوع القماش جلد صناعي لون رصاصي للخدمة الشاقة على شكل ثمانية بإرتفاع 70 سم من الضلف ويتم فكة وتركيبة دقائق معدودات ،

ولاتنسى صيانتة وتنظيفة من غبار البر والطلعات ، بالله عليك لمن تطلع للبر بموترك بعد كم طلعة مش يتفكك وتروح للورشة وتربط الموتر بـ 200 ولا بـ 500 ريال .

كل ما عليك لمن تحس ان المقطورة متفككة شوى وديها للوكيل وخلال ربع ساعة يربطها لك بالمجان وانت واقف عندة، وهذا مش كلامي ، ذا كلام الوكيل لمن شريت مقطورتي من عندهم

وسلامتكم

واي استفسار حاضرين

[ابو عقلين]

ماطلعت الصور بارك الله فيك

اخوي سندباد الخليج شيك على ها اللنك وان شاء الله بيطيب خاطرك
حاولت تنزيل الصور لاكن مو راضي مركز الرفع، على العموم هاك اللنك
http://www.erde.tm.fr/implant2.html
وأي خدمة حاضرين
سلام

[Mohammad]

عمود وكفرتين وفوقهم صندوق والجزء الخاص ببالربط بالسياره متوفر ..طيب ما هى العبقريه التى بها؟؟؟؟؟؟؟؟؟؟؟؟؟ غير نوع الحديد او نوع الكفرات..

هذه العربات يمكن تقليدها وانتاج مثلها واجود منها الف مرّه محليا!!

الا يوجد صاحب ورشه يشترى واحده من الفرنسى وواحده من الشركات الاخرويصنع مثلها با لمقاس وبكل التفاصيل...

على العموم يوجد محل يصنع عربات من الحديد واعتقد يعطى ضمان بعد الله ..المحل اسمه "الرجم" وتلفونه 038187799

والله اعلم

[ابو عقلين]

عمود وكفرتين وفوقهم صندوق والجزء الخاص ببالربط بالسياره متوفر ..طيب ما هى العبقريه التى بها؟؟؟؟؟؟؟؟؟؟؟؟؟ غير نوع الحديد او نوع الكفرات..

هذه العربات يمكن تقليدها وانتاج مثلها واجود منها الف مرّه محليا!!

الا يوجد صاحب ورشه يشترى واحده من الفرنسى وواحده من الشركات الاخرويصنع مثلها با لمقاس وبكل التفاصيل...

على العموم يوجد محل يصنع عربات من الحديد واعتقد يعطى ضمان بعد الله ..المحل اسمه "الرجم" وتلفونه 038187799

والله اعلم

صحيح كلامك اخوي محمد، "عمود وكفرتين وفوقهم صندوق":D

معليش اسمحلي ولا تزعل من ردي ، انت بتقارن بين ناس فاتحين مصنع من ايام الحرب العالمية الثانية ، علشان يركبون :p عمود وكفرتين وفوقهم صندوق ولهم وكلاء في 14 دولة :(

إذ كان هذا تفكيرك ، معليش اسمحلي كمان مرة كانك تقول انو ما في فرق بين مبنى المملكة و مبني التأميانت إلى على طريق الملك فهد :D كلها عماير وما فيها أي فرق :no2: ، هناك فرق

1- اي قطعة تخرب من سوء الإستخدام أو من تهالك موجودة، فك القديمة وركب مكانها الجديدة .
2- تعدد إستخدام المقطورة بمجرد فك وتركيب الموصفات المطلوبة للمهمة. (طبعاً لازم تشتري القطع) وتقدر تقوم انت بنفسك بالعملية مثل مفروشات آكيا . بنفسك تركب وتفك وتعدل إذا حبيت ولا يسونها لك بالمجان الوكيل.

3- العامود إلى ماسك الكفرات جاي معاه ضاغط مساعد صنع خصيصاً للمهمة الشاقة ، يعني عفشك ما يتكسر من المطبات ويحافظ على توازن المقطورة اثناء السير .

4- المقطورة بها نظام الفرام دسكات نوع هوب موصل ،بالكرباء عند الرمانة لمن تظغط على الفرامل المقطورة تمسك فرامل. وتولع لمباته كمان:p :p هذا غير الهاند بريك .

5- بصراحة خايف اكمل :j تقولون على مندوب مبيعات :D


وسلامتكم ، ارحبوا

[a.الخثلان]

وين وكيلها

[ابو عقلين]

وين وكيلها

ارحبوا هاك العنوان وارقام التلفونات وبريدهم الإلكتروني
---
BADER ALSUBOHمؤسسه بدر الصبوح

Riyadh
Tél. 4602450
Fax 4602407
Contact Mr. TAHA السيد / طه
Mobil 055671815
erde727@yahoo.com بريدهم

المعرض حقهم على طريق الدمام كأنك رايح للدمام بعد مركز شرطة الحمرا يجي عند النفق سوبرماركت العثيم بعدة النفق تدخل الخدمة وخلك ماشي حوالي 500 إلى 900متر على اليمين ، تلاقيهم ان شاء الله .

وأي خدمة حاضرين

ارحبوا

[لملوم]

اخي الكريم ياليت لو تضع الاسعار حقتهم اكثر الشباب يفر منهم فرارهم عن الاسد يقولون اسعارهم نار نار نار بشكل غير معقول
عموما اخي الكريم الاسبوع الماضي قرب النعيريه فيه واحد يسحب قلص حوض ددسن قلبه بس العواقب سليمه والشكر اولا واخيرا لله سبحانه
فعلا القلوص خطيره وصعبة فى الريوس تبهذل الواحد بس اذا زي ماتقول انها خفيفه ومن مصنع معروف و المواصفات مطابقه للمواصفات الاوروبيه فنعم الواحد اذا سعرها معقول رايح يشتري وحده
دمت بخير

[Mohammad]

صندوق على عمود وكفرتين هذا فى الغالب ما يشتريه الناس ..اذا النتيجه حرام 8000 ريال فى هالصندوق ...

اما اذا كان هناك نظام فرامل فهذه ميزه مهمه ولكن الفرق فى السعر شاسع ونعود ونقول الاكثريه يشرون المواصفات العاديه والتى يمكن الحصول عليها من السوق المحلى بنصف السعر او اقل!!!!

ولكم الشكر على الموضوع وعلى قبول الراى الاخر

[ابوطلال2]

الاخوة الأعزاء يوجد مقطورات بأسعار مذهلة و مواصفات جيدة و لها غطاء فيبر بالمنطقة الشرقية عند القناص بالدمام و عند رفيق الدرب بالخبر الراكة

[فهد 1426]

وجهة نظر :
العربة ممتازه على حسب مواصفاته غير انها غالية الثمن ــ اضف انه يوجد بديل لها يحل محلها في تأدية الغرض ـ وبأقل سعر

واعتقد بأن اغلب المستخدمين يشرونها لأجل حمل الأمتعه ـ فقط بمعنى لا يهتمون للمواصفات ـ

نشكر صاحب الموضوع على هذه المعلومات الرائعه عن هذه العربات

[hasham]

الحقيقية أن مقطورات دكسارا اللي يتكلم عنها الاخ ابوعقلين جيدة من حيث أنها خفيفة الوزن وحديدها مجلفن وفيها مساعدات . ولكن من عيوبها فيما ارى:
1- سعرها المرتفع بحث أن اللي فيها فرامل سعرها بعد التخفيض 12800ريال يعني تجيب ددسن غماره بالراحه.
2ـ الحد الاقصى للحموله لا يتجاوز 750 كم . للمقطور الاكبر اللي بأربع كفرات .
3- الكفرات صغيره والسست حبه وحدة أو حبتين فيما اذكر وصغيرة الحجم.
4- لايوجد فيها تانكي ماء وغير قابلة للاضافات.
5. المحور مضلع واصغر من محاور المقطورات المصنعة محليا. رغم أنه قد يكون اجود في مادته.
وختاماً فأنت تستخدم المقطور مرات محدودة في السنه فلماذا تدفع اسعار مبالغ فيها. إضافة الى أن التصنيع المحلي جيد خصوصاً عندما تختار المواد بنفسك ( وأنا أقصد التفصيل وليس الجاهز). ويتيح لك أن تضع الاضافات التي ترغبها .

وفي النهاية : اكرام النفس هواها .

[ابو عقلين]

الحقيقية أن مقطورات دكسارا اللي يتكلم عنها الاخ ابوعقلين جيدة من حيث أنها خفيفة الوزن وحديدها مجلفن وفيها مساعدات . ولكن من عيوبها فيما ارى:
1- سعرها المرتفع بحث أن اللي فيها فرامل سعرها بعد التخفيض 12800ريال يعني تجيب ددسن غماره بالراحه.
2ـ الحد الاقصى للحموله لا يتجاوز 750 كم . للمقطور الاكبر اللي بأربع كفرات .
3- الكفرات صغيره والسست حبه وحدة أو حبتين فيما اذكر وصغيرة الحجم.
4- لايوجد فيها تانكي ماء وغير قابلة للاضافات.
5. المحور مضلع واصغر من محاور المقطورات المصنعة محليا. رغم أنه قد يكون اجود في مادته.
وختاماً فأنت تستخدم المقطور مرات محدودة في السنه فلماذا تدفع اسعار مبالغ فيها. إضافة الى أن التصنيع المحلي جيد خصوصاً عندما تختار المواد بنفسك ( وأنا أقصد التفصيل وليس الجاهز). ويتيح لك أن تضع الاضافات التي ترغبها .

وفي النهاية : اكرام النفس هواها .

اخونا hasham صادق ما في شي كامل والكمال لله سبحانة وتعالى ، لكن في النظرة العامة هي افضل وأقل مشاكل واسلم من حيث الإستخدام وهذا هو العنصر الأهم ولقرار الشراء في ناس العنصر الأهم عندها السعر وفي ناس العنصر الأهم عندها كم تشيل طبعاً هذا راجع إلى المواصفات إذا كانت حمولتك مابين 300 كيلو هه 300 كيلو إلى 600 كيلو يعني الضعف يعني تقدر تشيل بعير وبالك مرتاح ، وعلى فكرة المصنع يقول 750 كيلو حد اقصى لكن تقدر تحملة إلى 1000 كيلو لأنهم عاملين حسابهم لمواضيع مثل ذلك ،

وبعدين وش ذي الأوزان إلى بتحملها، دباب اربع كفرات عدد 1، خيمه ام عامود و وراقها انبوبة غاز جوالين ماء عدد 4 ام 20 لتر، كراسي حقت الرماية عدد 4 + طاولة متنقلة ، منقل شوي فرش نوم عدد 2 حافظة ثلح ، حطب وأخيرا اهم شيئ الملقط مقاس كبير وش بعد إذا نسيت شئ ذكروني ، اه تذكرت عدة شاهي وقهوة والمعاميل ....
يعني كل هالعملية ما تتعدي 750 كيلو خلو بالكم 750 كيلو ماهيب هينة 750 كغم ، والله ماهيب شينة كل هالشغل في المقطورة لسة ماجيب يم الموتر لسة فاضي مابة شيئ غير حنا والعزبة (يعني الأكل) شاهي قهمة سكر ملح ليمون برتقان تفاح ممكن ثلاجة البيبسي وثلاجة الماء
يعني كلش تمام :good:


أما انة غير قابل للإضافات، عاد اسمحلي شكلك ما شفت المعرض وانواع المقطورات الموجودة ومواصفاتها طب وتخير (ما هو نوع المهمة ) اقولك ايت موديل تشتر :cool:

وين تبونا نكشت شباب وين تبون بس ، ارحبوا :good: