المساعد الشخصي الرقمي

مشاهدة النسخة كاملة : إلى ذئاب مكشات عاااااااااااااااجلاَ... الدخان الأسود محيرني!؟!؟!؟!؟!


صقرالعرب2007
03/02/2008, 10:16 PM
السلام عليكم ورحمة الله و بركاته...


أخواني أولاَ مبروك عليكم الإجازه والله الله بالكشتات الي فيها العلوم الغانمه..:good:

ثانياَ واخيراَ سيارتي إذا دعست على البنزين يطلع من الشكمان دخان أسود (كأن الموتر ديزل) للعلم موتري بنزين...

الدخان الي يطلع خفيف و مو كثيف ونا والله محيرني:confused:

و في نفس الوقت خايف:rolleyes:

و متقروش:eek:

يعني تكفوووووون لاحد يردني:no:

أبي ءآرآئكم الله يحرم و جيهكم عن النار...

وش هو منه؟ وهل يضر السياره؟ وش السبب؟ ليش؟ وراه؟ والله حالتي حاله...

قلت أبي أسمه ءآراء ذئاب مكشتات قبل لأسير على الصناعيه....

عااااااااااجلاَ
عاشق هدوء
03/02/2008, 10:21 PM
وش نوع موترك وكم موديله
صقرالعرب2007
03/02/2008, 10:25 PM
أخوي موتري جيب إيسوزو موديله 2002...

و هو بنزين و معي من 3 سنوات ماشاءالله زي العسل مدري وش البلى الحين


على فكره : البنزين ما يدخن دخان أسود الديزل هو الي يطلع منه دخان أسود
ابو كلام
03/02/2008, 10:45 PM
:good:
أخوي موتري جيب إيسوزو موديله 2002...

و هو بنزين و معي من 3 سنوات ماشاءالله زي العسل مدري وش البلى الحين


على فكره : البنزين ما يدخن دخان أسود الديزل هو الي يطلع منه دخان أسود


سلااااااااااااااااااام
غير فلتر الهواء اذا كان قديم غيرة ودائما الديزل يطلع من دخان اسود طبيعي الا اذكان دخان كثير على طول غير فلتر الهواء
صقرالعرب2007
03/02/2008, 10:49 PM
شرفني مروركم...

أخوي ابو كلام أنا قالي واحد من الشباب غير فلتر الهواء ممكن أعرف السبب بالضبط ليش فلتر الهواء؟
لاهنت
أبوعبدالله566
03/02/2008, 10:53 PM
أنا معي باترول 2002 وصار معي نفس السالفه وغيرت البواجي و فلتر البنزين وفلتر الهواء ورجع أحسن من أول ماشاء الله تبارك الله
عاشق هدوء
03/02/2008, 10:56 PM
:good:


سلااااااااااااااااااام
غير فلتر الهواء اذا كان قديم غيرة ودائما الديزل يطلع من دخان اسود طبيعي الا اذكان دخان كثير على طول غير فلتر الهواء
اخوي الرجال يقول موتري بنزين!
اخوي صقر العرب
حصلي نفس المشكله بس موتري نيسان وطلعت المشكله من المكينه تهرب زيت على البواجي اما الايسورز ما اقدر افتيك والعذر والسموحه
m1m
03/02/2008, 10:58 PM
هلا أخوي

لا تخاف ولا تحتار ..

المسألة بسيطة ..

هذا يدل على صرفية بنزين زائدة ..

مع أنك لم تحدد هل سيارتك بخاخ أو كلبريتر ..

غالبا هالمشكلة تظهر في الكلبريتر .. يحتاج تنظيف أو منظم البخاخ .. وقد يكون عبيت من محطة غير نظيفه ..

هناك حل تجريبي لا يضر

خذ من محلات الزينة .. بخاخ إي سي دلكو .. حسب سيارتك كلبريتر أو بخاخ كل نوع له بخاخ
واجعل البنزين شبه فارغ في السيارة .. وبخ العلبتين في التانكي .. وخذ لك مشوار .. وغن شاء الله تضبط أمورك إذا فيه أوساخ
الركبي
03/02/2008, 11:06 PM
اخوي صقر العرب انا اظنك متعب موترك من طول الوقفه وقلت المشاوير

انا أعتقد الموتر مكربن ويبيله خط وهذى أحسن فرصه لك بهالاجازة

مع التحية

أخوك الركبي
صقرالعرب2007
03/02/2008, 11:31 PM
أخواني...
أنا أشهد إنكم تنحطون على الجرح و يبرى...

أنا موتري بخاخات وبالنسبه لي أنا ما وقفته والله إني أكرفه كرف الحمير...
أما البواجي وفلتر البنزين مغيرهن قريب وما غيرت معهن فلتر الهواء...

في انتظار مزيد من الآراء و حرم الله وجيهكم عن النار...ءآآآآآآمين
الكاسر23
03/02/2008, 11:37 PM
اخوي صفر العرب
السلام عليكم

كان عندي نفس مشكلتك، نظفت الكربريتر وغيرت البواجي وغيرت اسلاك البواجي بعد (عشان العزم) وغيرت البنزين من 91 إلى 95 وضبطت معي السيارة وصارت من ابدع ما يكون والحمد لله.
ابدء بالابسط وهي غير البنزين عندما يفضى التانكي وغيره الى 95 وبعدين غير البواجي ونظف الكربريتر (اذا كان اللي عندك كربريتر).
ونسمع منك النتيجة.
ولك تحياتي
رجل كريم
03/02/2008, 11:43 PM
أنا أشهد إنكم تنحطون على الجرح و يبرى...





الكلمة هذي تحمل محذور شرعي رعاك الله ..

انصحك بتغيير فلتر الهواء ووزن الديلكو ان احتاجت السيارة لذلك وتأكد من صلاحية اسلاك البواجي ..

تقبل تحياتي ..
ebn-aljazerh
03/02/2008, 11:49 PM
أخوي صقر الجزيرة بدل فلتر الهواء

علشان الفلتر المتسخ يمنع أو يقلل من دخول الهواء مما يأدي
إلى قلة الإحتراق في المحرك

والسبب الثاني قد يكون من أتساخ البخاخات

لكن دائماً نبدأ بالإحتمال الأرخص .
الركبي
04/02/2008, 12:06 AM
أخوي صقر العرب
اجل تراك متعبها نفسيا :d

ارجو التأكد من الاتي :

1) بنزين زائد يدخل غرفة الاحتراق ( تسييل بالبخاخات )
2) شيك على حساس الاكسجين ( يمكن يعطي اشاره الى كمبيوتر السيارة ان بان البنزين ضعيف فيزيد البنزين


مع التحية

أخوكم الركبي
صقرالعرب2007
04/02/2008, 12:07 AM
الكلمة هذي تحمل محذور شرعي رعاك الله ..



انصحك بتغيير فلتر الهواء ووزن الديلكو ان احتاجت السيارة لذلك وتأكد من صلاحية اسلاك البواجي ..



تقبل تحياتي ..










أخوي شرفني مرورك أولاَ...

ثانياَ إن كنت تقصد أنها بيت أغنيه فأنا الحمدلله من الله علي بأني لا أسمع الأغاني و نفس الموقف قلت الكلمه هذي لواحد من الربع وانتقدني نفس الانتقاد... الله يحرم وجهك عن النار و يجزيك الجنه...


في انتظار مزيد من الآراء:)
صقرالعرب2007
04/02/2008, 12:09 AM
أخواني حسب كلامكم أتوقع المشكله من الفلتر حق الهواء.. صح ولا أنا غلطان؟؟؟؟

بيني و بينكم بجرب كلها 40 ريال ونشوف النتيجه...
راع الطويلات
04/02/2008, 12:12 AM
اتوقع اخوي شيك على الزيت اذا ينقص بسيط و الدخان بسيط ويميل للزراق فاتوقع انه جلد بلوف و الله يعينك
NuMaS
04/02/2008, 12:21 AM
لا تشـيل هم أبـد مـثل ما قالـوا لك الشـباب
كـفــوا و وفـوا ،،، بـارك الله فـيكم
صقرالعرب2007
04/02/2008, 12:22 AM
أخوي راعي الطويلات...
الله يصلحك توها السياره ما بعد مشت وما فيها دخان أزرق ولا هم يحزنون...

شرفني مرورك...
رجل كريم
04/02/2008, 12:25 AM
أنا أشهد إنكم تنحطون على الجرح و يبرى...





السموحة اخوي انا اقصد ان اللي يبري الجرح ويعافي هو الله سبحانه وحده .. بينما الكلام في الاعلى ينسب الشفاء الى غير الله عز وجل ,, وانا متأكد انك لاتعني ذلك المعنى مطلقا ولكن جرت العادة على ترديد هذه العبارة منذ زمن بعيد لاغلب الناس دون التركيز على محتواها ..


تقبل خالص تحياتي ..
ابوحماد
04/02/2008, 12:48 AM
أول شي

غير نوع البنزين

من 91 المخيس

الى 95 الحلو

شيك على أسلاك البواجي وعلى تركيبت البواجي يمكن تكون سنه غير مضبوطة

فلتر الهواء مهم
F B I
19/02/2008, 08:00 PM
مشكور اخوي با النسبة للدخان عندي وعندك خير وبركة مثلك انا جيبي تويوتا 94 والدخان الصباح وفي كل وقت اسود