المساعد الشخصي الرقمي

مشاهدة النسخة كاملة : رجة بـ جنوط الجيب ( الفراشه ) 17" وش السوات ؟ ؟ ؟ !!!


سلطان بن محمد
04/02/2008, 01:02 AM
السلام عليكم ورحمة الله وبركاته

مسائكمـ / صباحكمـ بكل خير أعزائي أعضاء منتدى مكشات

أنا عندي رجه بالجنوط 17" الفراشة وش المشكلة هل كل الجنوط كذا وإلا وش السالفة :confused:
.أبوعبدالرحمن
04/02/2008, 11:36 AM
طيب اخوي متى مركبها ؟؟؟؟

وهل الجنوط جديدة او مستعمله شاريها ؟؟؟؟؟


ايضا الكفرات جديدة او مستعمله شاريها ؟؟؟؟؟


ومتى ظهرت الرجة بعد التركيب بمده او اول ما ركبتها ؟؟؟؟؟؟
سلطان بن محمد
04/02/2008, 11:57 PM
طيب اخوي متى مركبها ؟؟؟؟

وهل الجنوط جديدة او مستعمله شاريها ؟؟؟؟؟


ايضا الكفرات جديدة او مستعمله شاريها ؟؟؟؟؟


ومتى ظهرت الرجة بعد التركيب بمده او اول ما ركبتها ؟؟؟؟؟؟

الله لا يهينك ياأبو عبد الرحمن
الجنوط شاريها مع الموتر
راعيه الأول يقول شاري الكفرات والجنوط جدد
من شريته وهو بعد 130 كم تروح وتجي
فرغالي
14/04/2008, 06:41 PM
الان جنوط الفر اشه تجاريه فيه فراغ الازم تركب جلب عند المخرطه
سرابوه
15/04/2008, 12:21 AM
شوف اخوي .. تبي نصيحه من اخوكــ مجرب

انا عندي هدد اول ماطلعته طقيت له جنوط نجمة 17 لكزس موديل 2007 وعلى وقتها واطق لها كفرات دنلوب

المهم طلعت من المحل كل شيء تمام بس شغلت السياره وانا امشي 60 الا ياولد رجه غير طبيعيه امشي 90 الدركسون يمين ويسار وارجعه .. قال ابد مافيها شيء ولا تقدر ترجع

رصصت ترصيص عادي مازبط ترصيص لاصق زبط فترة وبعدين رجع

اخرتها وهو الحل الاخير هو ترصيص ارضي

هو بيريحك من الرجه بس مو انو ما يرج انا عندي يرج على 150 الى 166 تقريبا بعدين خلاص ما عاد يرج اسدح الامبير ما تحس بشيء


خلاص المووضوع رصص ارضي وان شاء الله تخف الرجه مو انا تروح سالفه تروح هذي انسى

لانها جايه بشد بلادها كذا
سطام vip
15/04/2008, 02:15 AM
والله مشكله هالجنوط الكبار

الوالد معه تاهو جنوط 19 مدري 18 يقول بعد على 120 يرج الموتر

يبيله ترصيص ارضي بناخذ بشورك اخوي سرابوه

والف شكر لك

والله يكون بعونك ويسهل امرك يا صاحب الموضوع
شاص1988
15/04/2008, 03:18 AM
حن الفتك عندن كن يرج من 80 الى 120 وديناه عند القحطاني حق الكفرات ورصصه ترصيص مضبوط ولا يومك مافيه رجه بس نحن ماركب عليه ال كفرات حجريات دنلوب
ســـرحـــان
15/04/2008, 02:03 PM
السلام عليكم ... انا انقلك تجربتي ولعل فيها افادة ... عندي من فضل الله شاص اللي تبين صورته ركبت له جنوط تجاري .. وصار يرج رج مو طبيعي لدرجة انك تكره الموتر .. عجزت ماخليت ميزان الا ورحت له ... واخرها طلع مثل ماقال بعض الاخوان ولا ازيد عليهم .. فضاوة وحلها بتركيب ( رنج ) Ring يملي هذي الفضاوة ويكون عند المخرطة بس احرص على الزينة .. ارجوا اني اكون قد افدتك .. والسلام