ياأهل الفتك الفزعة

[ولدزايد]

السلام عليكم صباحكم الله بالخير الله لايهينكم ولاعليكم أمر ودي بخبرتكم وارائكم وش عيوب الفتك مثل نقص الزيت ومشاكل القير وخاصة الاوتوماتيك لأني سمعت ان فيه مشاكل هل الكلام هذاصحيح وشكرا.

[باترول 585]

هلا اخوي ولدزايد
شف انا رجال معي فتك وكان معي قبل باث وسمعت كلام الناس(وكالة يقولون) ان الباث ينقص زيته وترتفع حرارته ونفس الكلام سمعته عن الفتك يعني زي واحد من الشباب يقول وانت تطاعس تاصل الحراره لا النص وهذا طبيعي با الفتك وبعد الباث
يعني لايهمك كلام الناس وانا سعت كلام الناس وبا الاول صدقت لاكن يوم جربت السياراتين عزا الله انهن مواتر خصوصن الفتك موتر حطه على جرح يبرا موتر مافيه اي عيوب ونقص الزيت تلقا واحد بعز الصيف ماشي على الزيت 7000 وينقص نص علبه ويقول ليش ينقص شف اخوي ولد زايد عن تجربه الفتك موتر وانا لازم كل خميس اروح للنفود والعن الموتر واجور عليه والحمدلله ماشالله مافيه الاالعافيه وهالحين له معي حول السنه والموتر ماشي من احسن مايكون وانصحك انك نشريه لانه موتر راحة بال والي يقولك ان فيه عيوب قله ماعندك ماعند جدتي.

وتقبل تحياتي.

[ولدزايد]

وين أهل الفتك نبي نصيحة وش دعوى مافي احد رد الااخوي باترول 585.

[مقلع الرمث]

اخوي انا معي فتك بالنسبه لمشكله زيت القير هو بس انك تروح لم الوكاله وتعاير الزيت لما يصير ناقص يزودونه ومايحتاج تغيره لانه من النوعيه الممتازه وفيه ورشه الحسن بالصناعيه القديمه بالرياض يعايره لك بخمسين طبعا لا تكلم معه لا نه حرااامي بس قله ابعاااير اذا كان يبي زود قله يزودلك وبس وبالنسبه للسياره تراااه موتر وانا معي الحين واحد قرابه 6 شهور ولا تقيس علي لا كن فيه كم واحد معه فيتك والي الحين وهو شغااال زي الحلاوه

[المميـز]

ماعمري سمعت عن هذي المشكله

توكل على الله وطق لك واحد

وعليك بالاستخاره بعد الاستشاره

[طحنون]

مايمدح السوق ألا من ربح فيه ونا ربحت يوم شريت الباترول مديل 2005 والى الان ماشي 144الف كيلو
الى الان ماشفت منه ألا كل خير ونقص الزيت غير صحيح ماينقص والحراره عال العال وأكيد اي سياره تمحطها بامطاعس لازم ترتفع الحراره وهاذا امر طبيعي في كل السيارات
والباترول عن تجربه قرابه الثلاث سنين ممتازه جدا جدا والكامل وجهه الكريم سبحانه العيوب لاتعتبر عيوم بمقارنه الاداء العالي للسياره بشكل عام
1- السلبيات نسبه عزل الصوت بالخطوط السريعه تعتبر بالنسبه لي أقل من المتوسط
2- عامود الدركسون يبغاله تغيير بعد الـ 100الف كيلو (تعتمد على حسب نوع القياده )
3- فلتر الهواء بسرعه يدخله الغبار والاتربه مقارنه مع الكروزر محكم الاغلاق
4- يحرق الزيت بسرعه مع اني اغيره بعد الـ5000 الاف يعني الزيت يتغير لونه بسرعه وجربت عده انواع من الزيوت ونفس المشكله والسبب اعتقد من قوه المحرك وكثره استهلاك السياره (طبيعي )
5- عند القياده في الظروف الصعبه جدا (ركز على كلامي الظروف الصعبه جدا جدا جدا والعنيفه جداجدا)
يعني انك تمشي على السياره في ظروف خطيره جدا سرعه عاليه على الطرق الغير معبده مسافه تزيد عن الـ300 كيلو ( او من دون تحديد ) تطلع اصوات من الربلات بسبب تتغييرها عن موقعها (وأعتبره طبيعي )
من الجور اللي جاه
.................................................. .................................................. ...............
وكل ماذكر مااعتقد انه يعيب السياره

وأي سوعال انا حاظر