من له خبره( اليوكن الدبل يصلح فى الرمال)

[kal440]

هل اليوكن الدبل يمشى فى الرمال بدون خوف من التغريز اوعطل السياره :good:

[ذهلان 1]

خفف هواء الكفرات ولو تبي تروح الامارات قطوع بعون الله
مع ان سيارتي لاندكروزر الا ان اليوكون أثبت جدارته مع واحد من الربع في نفود أم رقيبة
طبعاً موديله فوق الألفين
أعطاك الله من خيره وكفاك شره
تحياتي

[سفاري نجد]

حياك الله أخوي ،،،


إن شاء الله ما من خوف أهم شي تنزل من هواء الكفرات أريح للسياره تنزل لحد 20 أو 15 وخذ ماطور أحتياط
وتشغيل الدبل قبل دخول الرمل ، ونصيحه لا تسحب فيه أحد متعلق تعليقه قويه ،،،


التعليقات القويه ما ينفع لها الا القير العادي ،،،


ويفيدونك الأخوان اصحاب اليوكن ، انا كان معي جيمي صغير نفس النظام اعتقد ازرار الدبل


H4 دبل خفيف
L4 دبل ثقيل
وما يشتغل الثقيل الا إذا شغلت الدبل الخفيف قبل ،،،


الله يعطيك من خيره ويكفيك شره ،،،

[kal440]

مشكور على مرورك وردك الجميل

[alkongrs]

اذاكان كهرب انتبه زين يعني وقف وشغل الدبل وتوكل

[صالح...]

ممتاز واحــرص على أن يكون الدبل أرضي .لأنه عملي أكثر وأقل مشاكل من الكهرب .
(بعد لو يحصل باب واحد يــــوكن) :cool:

[skyhawk]

السلام عليكم،

حياك الله وبياك أخوي kal440

بالنسبه لي، عندي يوكون 2003 دبل والحمد لله ماشفت أي مشكله بالتغريز أو بالرمال وبالعكس جربته في أكثر من مكان بالرياض وبالشرقيه وبالصمان وبحمد الله أثبت قوته...."للقوه هيبتها"، وبالمناسبه الدبل كهرباء (أزرار) وماشفنا إلا كل خير، أهم شي مثل ماقالوا الأخوان تخفف بالهوا شوي ويكون معك منفاخ....!!! وبإذن الله ما تشيل هم....

وبالتوفيق،

[مقلع الرمث]

اخوي بالنسبه لليوكون انا كان معي موديل 2004 2005 وكله دبل والله ممتازه وحتى مشيه بالبر بس عليك بتنسيم الكفرااات اهم شي والله لو معك همر لا زم تنسم تروح للي تبي بعدين الموتر جمس يكفيك يعني جدارته وقوته وهيبيته يعني مثبت نفسه لو تشوف موديل قديم تلقاه ماايحتاج يروح لا اي مككاان مافيه خوف وبالنسبه للدبل الخفيف اشبكه وانا امشي عااادي اما الثقيل لا زم اوقف مع اني ناسي الموتر مره

[إبراهيم فوده]

ماشاء الله المواتر ماعليها كلام "ممتازه"

وعلي قولة راشد الماجد : ينحط علي الجرح يبرى

[سداااااح]

اخوي اليوكن ماعليه كلام معي واحد من عام 98
والى الان ولله الحمد ماشي
ولاكن نصيحه
لزم تخفف الهواء وتبكالدبل وتوكل على الله
واذا غرزت لا تزره على الدبل الخفيف حول تشبك الثقيل اريح للسياره واذا خلصة وقف وقوف كامل وافصل الدبل وارجع لو مترين زيادة تامين انه يفصل
اقول زيدة تامين علشان لا يجي واحد ويقول مهوب لازم

[.أبوعبدالرحمن]

ان شاء الله ما عليك خوف


ابد بس اهم شيء هو تنسيم الكفرات من 20 الى 10 وان شاء الله تلقى اللي يسرك من اليوكن

[معلم 1]

اليوكن ممتاز معي يوكن مديل 2003 سعودي ، لاتنقل هم في الرمال بس مثل ماقالوا الشباب نسم الهواء وتوكل على ربك

[الوافي0]

مساء الخير حبايبي كلكم انا بصراحه من عشاق الجمس وخاصة الدبل
وانا ولله الحمد جربت سيارات الدبل اغلبها وصراحه لولا اعطال اليوكن الكهربائية كان اقول افضل سيارة
انا باقول لك يابو الحبيب لا تخاف من اليوكن سواء كان دبل كهربه او عايدي هو الدبل نفسه واحد اللهم الا الملقم في الكهربه يشتغل بالكهرب والعايدي تعشقه بيدك والا الدبل من تحت في السيارة نفسسسسسسسسسه
خذ موتر ورح وين ما تبغى انا والله سحبت سيارة مغرزه على البحر ما سحبها لا شاص ولا جيب ولا نيسان كلها غرزت معه بس لا اخفيكم راح عليه كرسي القير وانا ما امدحه لشي بس الحق يقال مع العلم اني بعته من زمان وكان موديله 97 بسسسسسس انا اشهد انه موتر بس عيوبه الكهربه واسف على الاطالة

[kal440]

شكر وتقدير لكل من شارك فى رائيه

[الركبي]

السلام عليكم

أنا عندي يوكون 2002 دبل أزرار ( الجميح ) دائما اذا طلعت للنفود انزل الهواء على 25 واحط الدبل على الاوتو والله ياأخوان انه كأنه ماشي على أرض عزاز واذا نزلت الهواء على 15 تمشي بالنفود بدون دبل لان عزم الموتر قوي وماواجهة أي مشاكل كهرب ولله الحمد ( فقط للامانه حصلت عندي مشكله في عوامة البنزين بعد استخدام خمس سنوات والحمد لله وديته للوكاله وانتهت المشكله )

للامانه أنا أفكر بشراء يوكون جديد 2008 وأتمنى من الاخوة النصيحة على يوكون 2008 اكس ال دبل

وبالتوفيق

أخوكم الركبي

[مشعاب2]

إنشدني عن التاهو دبل ولد عم اليوكون الخميس الماضي بالديسة

واللي جاء للديسة يعرف دروبها

من اصعب الطرق على السيارة فيها جميع انواع التضاريس تواجه السيارة

من طعوس رملية وطرق صخرية حجارة وطين من ماء العين

وكان اللي يسوق اخوي راعي الموتر والله انه يدور العن يدرب ويمشي معه يبي يطرح اللي روسنا عن الاندكروزر

ومير طاحت كروت الجيوب كلها نيسان وباترول

والله ما للجيوب في راسي كرت عقب ما جربت التاهو ابن عمه

لكن السوال هل مكينة التاهو 2002 نفس قوة اليوكون 2002

لأن التاهو اللي معنا كان 2002 استخدام امريكي

[الركبي]

على حسب افادة الوكاله ان مافيه فرق بين محركات اليوكون والتاهو اللاهم الفرق في الشكل الخارجي ( الشبك والانوار والاصطبات الخلفيه )والديكورات فقط

[مسماري]

اليوكن ............ دبل وقصير بعد ولا بلاش

[لملوم]

السلام عليكم ورحمة الله وبركاته
كان عندي 2001 ممتاز جدا فى الرمل وغيره بعته واشتريت 2006 حبا فى 2001 بس بكل اسف واجهتني عدة مشاكل فى كهرباء الطبلون والدبل يوهق احيانا مايشتغل والصيانه فى الوكاله لك عليها ياخذ اسبوعين ماحد فتح كبوته
والسلام عليكم ورحمة الله وبركاته
لاحد يزعل انا صاحب يوكن

[شقران نجد]

السلام عليكم جميعاَ.......

مشكلة اليوكون التالي من 2000 وفوق في ثنتين القير يعني لاتفكر تسحب احد قيره ما يتحمل الجور ابد ابد.....

والثانيه طرمبة البنزين تخرب دايم فيه وسعرها حوالي 750 ريال اما السياره عمليه وجيده لكن انتبه من الشغلتين اللي ذكرت لك وزي ماذكر اخونا لملوم كذلك امبير السرعه يخرب انا معاي 2005 خرب اكثر من اربع مرات اخر شي سطحو اكثر من سياره للأمارات بنفس المشكله لتصليحها هناك وبعدها حولت ياباني وريحت راسي ولله الحمد ...

اخوك
ابونمر