ساموده والا الصمان

[ناجز]

السلام عليكم ورحمة الله وبركاته
ناوين نمشي في الاجازة للبر ودي اشوف تصويتكم
ترشحون سامودة والي بعدها
او الصمان وفياضه
وساخبركم يوم الاربعاء ان شاء الله عن النتيجة بس الله الله بالتصويدت

[الأجردي]

بسم الله الرحمن الرحيم
أخوي / ناجز أذا كنت راعي دوجه فساموده ماتصلح لك حدها يوم ويكفي وكمل باقي المده بالصمان .وإن كنت تهاب برد الصمان فخل وقفكم ومبيتكم بالجيان أدفا (رمل ورمث) مثل جو زعير وابا القبور ولا دكاكة مويثل.

[دغيم1]

السلام عليكم ورحمة الله وبركاته

حياك أخي الكريم

الصمان أفضل لوجود خيارات كثيرة منها التنقل بين عدة فياض وأماكن

أما بالنسبة لسامودة فالأماكن شبه محدوده ومتباعده

ولكن ...

إذا قررت ساموده .

فعليك بالمرور على الأماكن التالية من باب العلم بالشيء

* الزعبيات

* القصوريات

*الحدقة

تقبل تحياتي

ورحلة سعيدة وآمنه

دمت بخير

[hasham]

الحقيقة يا أخ ناجز مابينهم فرق من حبث الربيع . فلا يوجد ربيع لاهنا ولاهناك.
يبقى الفرق بينهم من حيث طبيعة الارض في كل منهما . وهذي يحددها رغبتك الشخصية وما يناسب سيارتك وبعد المسافه وقربها.
وبأمكانك تجمع الطريفين . حيث أن اطراف الصمان الشمالية هي الافضل من ناحية الباذر وهي قريبة من ساموده. أنا شفت المناطق اللي جنوب من البطيحانية هي الافضل من حيث الباذر.
وهناك ذكر لانعلم صحته عن فياض وشعبان الشعبه والهباس.

[ابومحمدالراحل]

دج في فياض الصمان وبتسمح ان شاء الله

[رحـ R ـال]

لا تقرب ساموده غبار الله يغيثها برحمته << كلام من واحد ثقة

وحتى الصمان ما به شئ ..

يا رجال عندك الدهناء جايه مطر

[الخادم]

اخوي
الله يوفقك و يدلك لما فية سعادتك ووناستك
الصمان مافية فياض تستاهل العنوة اما سامودة فلا اعلم عنها شيء

[501]

لا تفكر ولا تحتار
الصمان يا بوي غير
الروض الخضر والفياض
ما سمعت ابن علوش ويش يقول
بحبك يا الصمان اكتير اكتير
مايهمني ويش بيصير
501

[ريف النشاما]

الدهنااااااااااااااااا

[مسكين]

شف ياخوي ولا يهونون الربع

رح لسامودة عن طريق ام الجماجم دوج هناك مثل ماقال الاخوان


ثم انزل على فياض الصمان الشماليات ( العودة وأم صحن ) وانت نازل


ثم اطلع للدهناء و وسع صدرك بالرميلة يالله من فضلك


وكذا تكون جمعتهم كلهم وهذا يكفيه أربعة أيام

وسلامتكم

[العريني1]

انا رأيي ان الكشته بها العطله لاتحرص تبحث عن ربيع .. تتعب نفسك ولاحولك شيء .. دور عن سعة الصدر والكيافه ومادامك بالرياض فالصمان والدهناء قريبه لك وازين لك ...وان كانك تبي تبعد فرح لحائل ..

[aziz99]

أنا اقول عليك بالاستراحة ....وشب الحطب زين وكل يوم ازين لك...من ارض كلها قحط وزبايل...وبرد....الله يرحم الحال بس

[* الخطيب *]

العمرة ،،،،، وبس .

[طراد 1]

شف يآخوي ماودي اغير وجهتك اذا كنت ناوي شي ...بس ابي اشور عليك وهدآية الله
شف عندنا الغضا وبه مهرجانات بالأجآزه ...تعال وانبسط وفل وآلدينه ...والقطيه الي تبي تقطه مع ربعك رح سدد الخباز الي يطلبك من عيد الضحيه :rolleyes: ..هههههههههههههههههههههههههههههههههههههههه ترآآي يآخلفهم آآمزح بروــب

ودمت بود

[ابوبدران]

العمرة ،،،،، وبس .

يازينه من راي وازيد عليها المدينه النبويه الصلاة فيها و السلام على خير البشر

[القاريء]

اقتباس:
المشاركة الأصلية كتبت بواسطة * الخطيب * http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=1409112#post1409112)
العمرة ،،،،، وبس .



يازينه من راي وازيد عليها المدينه النبويه الصلاة فيها السلام على خير البشر


وأنا أضم صوتي لاخواني


ولكن مع تعديل بسيط وهو أن تقسم هذه الاجازة إلى


قسمين :


القسم الأول مثل قال الاخوان أعلاه


والقسم الثاني بفياض الصمان والدهنا ء

وأتوقع الدهناء بعد العمرة لايعلى عليها يالغالي

[يازين القنص]

السلام عليكم ورحمة الله وبركاته
الصمان وبس حتى لو مافيه ربيع وساموده مرور الكرام

[جبل حبشي]

الأخوان جزاهم الله خير كل واحد عطاك رأي وأنا أبي أعطيك رأيي
أذا أنت من أهل الرياض وماودك بالبعيد اللي ما يسوي عليك بالدهناء اللي قريب للرياض ,,
أما أذا ماعندك مشكلة بالمسافة فعليك بسامودة ونفودها ممطورة مطر طيب والباذر فيها وبعدين تمر علي فياض الحاصبيات بالصمان ...

[ابو خالد 2006]

حياك الله اخوي

اولا لابد تعرف ان ما فيه ربيع لا في الصمان ولا ساموده
لكن الاهم هو ما تهواه النفس
انا شخصيا لو تخيرن بين اقعد عن اهلي او اروح للصمان لاخترت اهلي
لانه بيني وبينك ما هي وجهتي
ولا احب ذيك الجهة سبحان الله

لكن لو تقول روح لنفود الدهنا والحجرة من سامودة وام عشر ولينه والجهات ذيك والمناطق قحط
اروح لها وانا مبسوووط

وفيه ناس العكس
يمكن يضحكون علي الان وهم يقرون الرد
المهم اللي تهواه نفسك روح له
مع علمك المسبق ان ما فيه ربيع

وانا الاسبوع الماضي قمت برحلة هناك
سامودة ونفود الدهنا والحجرة وقمت بتصوير الرحلة
عل هذا الرابط
http://www.mekshat.com/vb/showthread.php?t=122065 (http://www.mekshat.com/vb/showthread.php?t=122065)
ممكن يفيدك

الله يجعي طلعتكم كلها وناسه وفله

[ami1948]

الأخ ابو خالد؛
أسعدالله أوقاتك ؛ تسألنا وأنت صاحب التقرير المميز عن الأمطار والسيول قبل أكثر من اسبوع ؛هذا تواضع منك ياأستاذ .
ما علينا يظهر إن شمال غرب الصمان وجنوب ساموده هي أكثر مناطق جاها مطر ؛ ولو إن البرد متوقع فى كل مكان وهو اللى رادنا عن التجوال ؛نتمنى لكم رحلة ممتعه وتردون بالسلامه ؛وتكحلون عيونا بتقرير ممتع كما عودتونا ؛الله يحفظكم .

[أبن طيبة]

السلام عليكم ورحمة الله وبركاته

يعطيك العافية

أنا اطرح عليك فكرة تقسيم الإجازة بين الاسرة العيال وأم العيال

زيارة إلى مكة المكرمة وتأخذ عمرة ثم إلى المدينة المنورة وكذا عندك الساحل الغربي جدة

ثم الجزء الثاني مع الوناسة والكشتة في المناطق القريبة والجميلة وخاصة الدهناء وبعد مدة

تكون جميلة وفيها ربيع


تقبل تحياتي