المساعد الشخصي الرقمي

مشاهدة النسخة كاملة : من يعطينا حل لمشكلة البنزين للباترول 96 وهل هو خوي للنفود ؟


ابو ريان .
05/02/2008, 02:09 PM
نبي أهل الخبرة لا يحرموننا من خبرتهم وش حل مشكلة صرفية البنزين للباترول 96
عشق البر
06/02/2008, 12:07 AM
الحل انك تهدي وماتسرع
المتهني
06/02/2008, 12:32 AM
يا ليتك وضحت اكثر ، يعني هل الصرفيه بالخط والا بالديره وكم يمشيك اذا فللت ؟

لكن على العموم شف البواجي ووزنية البليتين وشيك على الكلبليتر وغير الابره وحط ابره التيما (اشوف اكثر الشباب مسوينها) .

ومن ناحية انه خوي للنفود فهو خوي .وانا اشهد
ابو ريان .
06/02/2008, 06:43 AM
مشكورين ........
التاكسي
06/02/2008, 10:59 AM
نبي أهل الخبرة لا يحرموننا من خبرتهم وش حل مشكلة صرفية البنزين للباترول 96

موترك كبليتر ولا بخاخ
الكظيمة
06/02/2008, 01:59 PM
يالحبيب أنا معي باترول 96 ..
الباترول بشكل عام يلهم بنزين.. يعني ما فيه حل جذري..
إما في النفود.. عز الله انه موتر.. بس عيبه ثقله.. لكن الموتر على سعره معقوووووول جداً..
ابوطاقية
06/02/2008, 06:47 PM
لاتخسر نفسك وتتعب نفسك مافيه حل ابدا
الباترول يلهم بنزين تقل بيخلص البترول من العالم بعد ساعه
المصطفق
06/02/2008, 07:26 PM
يارجال البنزين اخضر ووكل الله
اما في النفود مايعتاز
saad8021
07/02/2008, 02:25 PM
انـا اشهد انه خوي للنفووود بس البنزين ماله حل
الا انكـ تخف رجلكـ عليه
وجيب عليه الكلام ووكل الله لاتناظر وراء
مرعش هدب
07/02/2008, 09:22 PM
والله مشكلة الصرفية فاكثر الباترولات نفس الطريقة
واما انه خوي للنفود فما فيها خلاف خوي كفو...
mkmk_b
07/02/2008, 10:15 PM
والله ياخوي فيه طريقة لاكن توفر شي بسيط وهي أنك تغير الأبرة اللي تبخ البنزين من جمه لحجم أقل لاكن بيفل العزم والتوفير بسيط ترا...

والله يوفقك.
هاوي geed
26/12/2009, 01:52 PM
والله انا اشوف ان مال الصرفيه حل .. لكن الموتر انا اشهد انه خوي بالنفود وغيره
سفاري959
26/12/2009, 02:05 PM
ليتك وضحت صرفيته عشان افيدك طبيعي اولا انا استخدمت اكثر من عشر باترولات ما شفت واحد صرفيته عاليه بالعكس كنت اقيس مع بعض الشباب واحنا طالعين سوا ومعهم تايوتا صرفيت الباترول كانت اقل والله اني صادق عندنا جي اكس ار 2003 وكاله من فكيناه وهو مجننا بالصرفيه امشي بسرعه 120 مايوصل 300 كيلو اذا من سكان الرياض رح ورشه ابوصالح التركي في الصناعيه القديمه
مدمن فتك
26/12/2009, 04:14 PM
الباترول يطبق قاعدة (عطه يعطيك)
تبي عزم هات صرف
اخوي ابو طاقيه : كيف الحال؟
التعـ King ـديل
26/12/2009, 06:36 PM
خذ العلم اكلمك عن تجربه

طق له فرارات برازيليه سودا من السليماني + هدرز سويدي + كفرات بالون وجنط خفيف يفضل الهلل + مرواح سوبارو او مكسيما + بنزين 95

طبعا الكل مستغرب من هالطلبات لكن بقطع استغرابكم بمثال انا اول كنت اروح الامارات من الخرج لمنفذ البطحاء 450 كيلو

قبل كنت افلل بالخرج واوصل عند حرض فيه قبل النص بشوي واكمل عليه التانكي واوصل الحدود وفيه تقريبا ربع اذا مو اقل بعد

بعد ماسويت اللي فوق صرت ادقها دعسها وحده من الخرج للحدود واوصل للحدود وفيه تقريبا ابو ثلاثه ريال الى خمسه ريال

اذا موترك بخاخ هالامور تكفي واذا كلبليتر زود عليها غير الديلكو الى الكتروني ويفضل حق 4500 وكويلات الكترونيه
صحصح ذيب
26/12/2009, 07:04 PM
اخوي انا معي نسيان 95 يلحس التانكي في ساعه ولا تعبث فيه لانه التعبث قد يؤثر على عزمه فاحمد ربك ان فله من الاخضر 33 ريال
وتخيل انك في تركيا يمكن تفلله ب600 ريال
واترك عنك الهجوله اذا انك من اصحابها
سوبر VTC
27/12/2009, 04:08 AM
خذ العلم اكلمك عن تجربه

طق له فرارات برازيليه سودا من السليماني + هدرز سويدي + كفرات بالون وجنط خفيف يفضل الهلل + مرواح سوبارو او مكسيما + بنزين 95

طبعا الكل مستغرب من هالطلبات لكن بقطع استغرابكم بمثال انا اول كنت اروح الامارات من الخرج لمنفذ البطحاء 450 كيلو

قبل كنت افلل بالخرج واوصل عند حرض فيه قبل النص بشوي واكمل عليه التانكي واوصل الحدود وفيه تقريبا ربع اذا مو اقل بعد

بعد ماسويت اللي فوق صرت ادقها دعسها وحده من الخرج للحدود واوصل للحدود وفيه تقريبا ابو ثلاثه ريال الى خمسه ريال

اذا موترك بخاخ هالامور تكفي واذا كلبليتر زود عليها غير الديلكو الى الكتروني ويفضل حق 4500 وكويلات الكترونيه



كلامك منطقي جدا
اخبر باترول ربع م99 يمشي بالتانكي حول 500كيلو طبعا مشاوير بالرياض
فرارت مرواح هدرز
لكن
وراك قلت بالون اللي اعرفه ان البالون يهين العزم !!! و يسبب صرفيه
يعني لو قلت شاهين او كفر15 => جنط15 يمكن معقولة اخف
تيمون2
27/12/2009, 12:28 PM
تبي النصيحه انكانك تقول ابستخدم اشتر كلبليتر جديد ونم الصرفيه بتختلف عليك اطلاقا وعزمه يخف ويصفا انا كان معي باترول وصلحت كلبليتره ولا زان وبرضه صلحته ولا زان واخيرا شريت كلبيلتر جديد من ونم بس تحياتي لك