مشورتكم بخصوص التاهو Ltz

[راعي الفورت]

بسم الله الرحمن الرحيم


سلام الله عليكم ورحمته وبركاته


http://www.aljomaihauto.com/NR/rdonlyres/CD51363B-5436-4C07-A4D5-DCC2CC2A605F/0/1T_gallery_big14.jpg


http://www.aljomaihauto.com/NR/rdonlyres/AAE9AADC-1AC3-4F32-B900-1D6E9DDFF118/0/1T_gallery_big6.jpg


يا شباب أدعو إن الله يسهل الأمر بالنية اللي نويته وهي شراء التاهو بإذن الله


http://www.uma.com.sa/uma_ar/images/tahoe_small.jpg


يا شباب الله يطول أعماركم على عمل صالح


لقينا التاهو فل كامل م LTZ جنط 20
http://www.capitalwheels.com/images2/07-Tahoe.jpg


الآخرLT جنط 17
http://206.188.197.102/ProductImages/products/wheels/thumb/HOL-TAHOE0717A.jpg
وش رأيكم أيهما أحسن


ومن هو الأفضل في البيع والتقسيط والضمان والصيانة :


http://www.aljomaihauto.com/ar/images/default_r2_c1.gif
.

http://www.uma.com.sa/uma_ar/images/umalogo.GIF
.


http://www.balubaid.com/dev/ar/assets/head1_03.jpg
أو نروح المعارض وندور الصيدة ....

[بدووي]

السلام عليكم
الله ان شاء الله يوفق وتنال مرادك
انا ناوي على التاهو بعد ومن التوكيلات لان ماعندنا الجميح بس وانا اخوك ترى الفرق واجد بين Ltz وlt حول 27 الف على فتحه و Dvd وكم شغله ثانيه وانا كنت ناوي على Ltz قبل كذا بس شفت ان كل الزيادات اللي فيه اقدر اركبها بسعر اقل بكثير وبنفس الجوده فقررت آخذ Lt.

[راعي الفورت]

الله يعطيك العافية ويرزقك من واسع فضله


والله حقيقة أعجبني Ltz

وأعتبره الأفضل وأخذه بهذا المواصفات وأرتاح
وأريح بالي من التركيبات اللي قد تضر السيارة

عموما لا زلنا نريد رأي الأخوان ومقترحاتهم

[M o b d a]

ما شاء الله تبارك الله

أبارك لك مقدماً

وعشان ما تحسف خذ

الفل كامل ..


بس بسأل بكم لقيت سععععره ؟

[ابو نوره]

السلام عليكم

من ناحية ال تي زد ما فيه بالعيسى ولا الجميح الا لون اسود هذا الكلام الاسبوع الي فات ولقيته عند العيسى بـ165 الف كاش دبل فتحه جلد دفيدي كاميرا ونفيقيشن(نظام ملاحه) جنوط 20
والعيسى احسن مواصفات من الجميح بس اغلى والتوكيلات احسن منهم كلهم ولا عندي علم عن الصيانه
والله يوفقك

[anas]

ليش ما تفكر في تاهو z71 تلقاه عند العيسى اللي على الدائري الشمالي بالرياض انا بنفسي شفته عندهم ويتميز عن الـ ltz و lt بالدف لوك اتوماتيك وايضا زيادة في الرفارف وايضا تختلف الأذرعة والشبك الأمامي والصدام ... الخ وصدامه الأمامي مرفوع يعني ينفع للتطعيس وليس مثل البقية صداماتها نازلة ... انصحك فيه :good:

[كاشخ 24 ساعه]

انا اشوف اليوكن أحلى بصراحه

[z a n h o r]

شف يالغالي

انت شف المواصفات الي تناسبك واختر الجنوط عليها

يعني الـ lt جي جنط 17 وجي 20

ونفس الشي الـltz وانا رايي ان كان تقدر على الفل ما مثله صراحه فخم وشكل لا يعلى عليه

بالنسبه لصيانه ترى ما فيه اي مشكله عندك

واحد من العيال موتره مطلعه من الجميح ويدخله العيسى وصلحه على الضمان عند العيسى

انت شف الموصفات والاسعار الانسب وخذها والصيانه اي واحد يقبلك

[.أبوعبدالرحمن]

ابد توكل على الله


عز الله انك عرفت تختار


وابعد عن الالوان الغامقة والتاهو افضل من اليوكن بكثيييييييييييييييييييييييير



والله يوفقك

[لن أمل من العطاء]

التاهووووووووووووو يا اهل التاهو

Z71 افضل اذا كنت راعي مطامر وطعوس وجبال فهو ياتي مصفح من ناحية المحرك والجييربوكس للحماية ويكون اقوه في نظام التعليق


anas

جميع سيارات جنرال موتورز متوفره بالدف لوك منذ عاام 1992 كتجهيز اساسي في سيارات النقل والدفع الرباعي
انا معاي 99 ظاهر بالتوقيع فيه دف لوك ميكانيكي ذاتي التشغيل والاطفاء


مو مثل ابو جميل مسوي له هيبه وكلام كثير ... ومزود في السعر عشان وجوده

[anas]

انا بنفسي اخذت كاتالوج التاهوz71 من الوكالة وذكروا انه يتميز بالدفلوك ويتم تشغيله عند الحاجة اوتوماتيك .. فهمت انه يتميز عن باقي الفئات بهذه الميزة ، واعتقد ان الجمس بتاعك مجهز بالنظام هذا لأنه مواصفات امركية وانت تخبر المواصفات الأمريكية زينتها انها تجي دايما فل كامل

[anas]

آسف مكرر ولا اعرف الغي المشاركة ...

[لن أمل من العطاء]

anas


حبيبي

انا لا اشك في نقلك للمعلومه هذي ولكن المشكله تكون في كاتلوج الوكالة (لاحظ اقول كاتلوج الوكالة ) وليس الكاتلوج حق السيارة الذي يجي من المصنع

مثله مثل عبداللطيف جميل

اتحدى اي شخص يثبت ان اي سيارة لاندكروزر فيها شيء اسمه هزاز واتحدى ان كان ذكر هذا في الكاتلوج المرفق مع السيارة
الادهى والامر ان ابوجميل يكتب في الكاتلوج حق المواصفات الذي يوضع امام السيارة في صالة العرض ان السيارة بها هزاز

طيب انت اش رايك اللاند كروزر يوجد به هزاز او لأ


تذكر ان الخلاف لا يفسد للود قضية
وتذكر انني لن أمل من العطاء

[anas]

لن امل من العطاء
شكلك بتمل مني ولكن عندي تساؤل : كيف عرفت انه يوجد بالفئات كلها دفلوك ؟

[لن أمل من العطاء]

يا خي انا مجرب اربع جمسات ويوكنات من موديلات مختلفه

ولكن كلها من موديل 99 ونازل
2000 وما بعدها ما جربت ولكن لا اتوقع انها تكون في كل الموديلات القديمة ويلغونها بالجديدة

ولكن هناك مخرج من هذا الاشكال بامرين اثنين لا ثالث لهما

1-- ان المصنع قد الغى نظام الدف لوك واصبح اختياري . وهذا ما يفسر وجوده لافي المواصفات

2-- انه يكون موجود كتجهيز اساسي في كل الموديلات مثل 99 وما دون ولكن كانوا يقصدون بوجوده في Z71 انه يكون بالدفرنس الامامي لانه اساس بالخلفي.
( وعلى فكره انا مجرب على الخلفي ومتأكد من وجوده ولكن تساؤلاتك هذا جعلتني اعيد النظر لانه يمكن حتى بالامام عندي موجود)

باسوي اختبار للدفرنس الامامي

انا لن امل منك ولا من غيرك
لان شعاري
لن أمل من العطاااء

[سعد777]

يالربع الفورد اللي معي في التوقيع

اكتشفت ان نظام استقرار الدوران دفلك الكتروني والله جربته في حفر وميلان وتعليق طلع زي السلام عليكم وفصلت النظام وجربته وصارت كفرات الموتر تدور في الهوى وشغلت النظام وطلع دفلك وانا ما ادري وكنت متعقد منه سابقاً بس التجربه خير برهان

ياحظي معي دفلك وانا مادريت