وش رايكم في هالجيب .. ابي مشورتكم

[o k]

صبحكم الله بالخير ,,

يا جماعة الخير نويت اشتري جيب شيروكي ليبرتي 6 سلندر والمكينه 3.7 استعمال امريكي موديل 2004 مثل اللي بالصوره .
عاد حبيت اخذ رايكم فيه .. لأني بستخدمه لمشاوير المدينه وللبر اثنين في واحد:)
وبالنسبة لطلعاتي للبر قليله .. يعني منيب راعي بر بس ختات بسيطه .. واخاف اشتريه واتوهق لأني ما اعرف هالنوعية من المواتر .. مع العلم بأن الموتر عليه ضمان اربع سنوات

وياليت اللي عنده فكره عن هالجيب يفيدنا عنه مشكوراً ,,
http://www.cardotcom.com/cars/images02/06jeep-liberty.jpg

[z a n h o r]

والله يالغالي

الحين انا ابحث عن مساعدات اماميه لهذا الجيب

طبعا مساعدات رياضيه

الى الان ما حصلت طبعا لنا فتره

الموتر اذا انت تبي تخليه شد بلد يمكن اقولك خذه لكن اذا انت راي تغير قطع فانا اقولك ابعد

الموتر ماله رغاب فطبيعي ماله ناس تفهم فيه

بشكل عام اقولك ابعد عنه

واتوقع فيه بسوق بديل له

[بدراان]

كانه نظيف توكل علي الله بس ترا عند البيع ماله ناس .

[الفتكي]

السلام عليكم
شوف اخوي اوكي من رأيي انك تبتعد عنه الموديل الاول افضل منه بكثير من حيث الوساع في الداخل وكذلك عند الصيانه يتعبك وكثير خرابه انا لي زميل معه واحد فاكه وكاله موديل 2002م ولم يذهب به الى البر يوم واحد الا اذا كان فيه طلعه قريبه من بريده والدبل لم يستخدمه الاقليل جدا ولا يمدحه ابدا . اذا تبي رأيي انك تاخذ بقيمته باترول موديل 2000م او 2001 م لأنه اي مكان فيه الصيانه عكس الشيروكي وارجو اني افدتك.
ولك تحياتي

[o k]

الأخوان
z a n h o r
bdran
الفتكي

حياكم الله .. ومشكورين على هالشور .. وشوركم وهداية الله .

الجيب كان جاااايز لي وكنت متردد اشتريه والا لأ ؟ ومن ناحية النظافه الموتر نظيييف .. لكن قلبي ناغزني منه لكن بعد شوركم تغيّرتي نظرتي له .. والظاهر يبي لي ادور على جيب غيره

لكن وش البديل ؟؟
لأني ابي جيب بحجمه ويكون ( وذف )

الله يعيييييييين ,,

[شروكي ربع]

والله يالغالي





الحين انا ابحث عن مساعدات اماميه لهذا الجيب


طبعا مساعدات رياضيه


الى الان ما حصلت طبعا لنا فتره


الموتر اذا انت تبي تخليه شد بلد يمكن اقولك خذه لكن اذا انت راي تغير قطع فانا اقولك ابعد


الموتر ماله رغاب فطبيعي ماله ناس تفهم فيه


بشكل عام اقولك ابعد عنه


واتوقع فيه بسوق بديل له






بالنسبة للمساعدات رح يم جبريل وان ماحصلت ..


قطعا ستحصل في منرو ..



وكلها قريبة من بعض في الصناعية القديمة ..



*********



اما صاحب الموضوع : انا لا اعرف عن هالموتر شيئا البته ..



عليك بمشاورة ممن جربه شخصيا أما الاقاويل ووكالة يقولون تكثر هذه الايام ..



لما اردت ان اشتري شروكي وكالة يقولون قالت ان الموتر ماينبغى ولا بريال ..



وان خراباته كثيرة وان حرارته ترتفع وان .. وان ..



ولكن الحمد لله شاورت من جربوا فنصحوني ارشدوني ..



وبحمد الله رب العالمين توفقت جدا بالموتر ..