شاص
11/02/2002, 05:21 PM
السلام عليكم حياكم الله يالربع بعض الاوقات ومع العجلة والخرشة يمكن يكشت الواحد وينسى له بعض الأغراض أو انه يطري عليه ان يطبخ لكنه ما يلقا معه شي يطبخ به وبعض الأوقات تمسك مع الواحد غلط ويشتهي يمحوق و يمطلس ويبربس فهذي الله يطول عماركم على الطاعة – وعمري طويل- بعض الأمور التي تعبر الواحد وتمشي حاله إلين يسنع عمره ويدبر نفسه(طبعاً لم تكتب بلغة يفهمها الجميع!)
نمرة واحد: الطبخ بواسطة القواطي :
1- خذ قوطياً كبيراً- إن حصل قيطو نودي – قوطي نيدو- فتراه يبرد التسبد- و نظيفاً وسبِّعه جيداً بالماء وان تسانك (موسوس) بالصابون.
2-أخبص الأكل اللي تبي تطبخه بعدما تتبله وتقطعه حتت مضبوطة واحلته بوسط القوطي.
3- صب عليه شوي ماء ، بس لا تكثر عشان ما تمحوق الدعوى.
4- غط القوطي واكتمه مضبوووط بالقصدير وإلا بقوطيٍ ثاني ، وحط به فتحة صغيرة غشان مايثوّر في خشتك إلى ماانه استوى.
5- حط القوطي باللي فيه على الضو بعد ما تجمر.
6- رج القوطي كل شوي الله لا يهينك إلى ما يستوي .
7-اظهر القوطي من على الجمر وخله يبرد شوي وانتبه لا يلذعك ثم عاد الله لا يعيده من غدا ، ولا عمرك تنسى مواعينك مرةٍ أخرى.
على طاري القواطي مرة من المرات اخذت لي بيضة وكسرتها بوسط علبة كرافت وجدعتها بالملة والله ياهي جت شي تاكل براطمك وراها.
نمرة اثنين :الطبخ على الحصي:
1) شب لك ضون على قد حاجتك .
2) دور لك فوش حصى تسبيره وزينه ونظفها والا تدري خل الضو تنظفها و حطها على الضو إلى جمرت .
3) إلى احتمى الحصى مضبوط ادهنه بزيت أو سمن والا ودتس(شحم) .
4) اصبر شوي إلى ما يحما الزيت ثم حط النعمة علية وقلب فيه ياطويل العمر إلين يستوي.
ها الطريقة مثل شغل إخوانا الحضارم بالمظبي.
أنالو بالتمني تســــان ودي*** أروح لبرها واهجر وطنها
أدوج بالفياض اللي هواها*** يرد الـــروح من هم زبنها
نمرة واحد: الطبخ بواسطة القواطي :
1- خذ قوطياً كبيراً- إن حصل قيطو نودي – قوطي نيدو- فتراه يبرد التسبد- و نظيفاً وسبِّعه جيداً بالماء وان تسانك (موسوس) بالصابون.
2-أخبص الأكل اللي تبي تطبخه بعدما تتبله وتقطعه حتت مضبوطة واحلته بوسط القوطي.
3- صب عليه شوي ماء ، بس لا تكثر عشان ما تمحوق الدعوى.
4- غط القوطي واكتمه مضبوووط بالقصدير وإلا بقوطيٍ ثاني ، وحط به فتحة صغيرة غشان مايثوّر في خشتك إلى ماانه استوى.
5- حط القوطي باللي فيه على الضو بعد ما تجمر.
6- رج القوطي كل شوي الله لا يهينك إلى ما يستوي .
7-اظهر القوطي من على الجمر وخله يبرد شوي وانتبه لا يلذعك ثم عاد الله لا يعيده من غدا ، ولا عمرك تنسى مواعينك مرةٍ أخرى.
على طاري القواطي مرة من المرات اخذت لي بيضة وكسرتها بوسط علبة كرافت وجدعتها بالملة والله ياهي جت شي تاكل براطمك وراها.
نمرة اثنين :الطبخ على الحصي:
1) شب لك ضون على قد حاجتك .
2) دور لك فوش حصى تسبيره وزينه ونظفها والا تدري خل الضو تنظفها و حطها على الضو إلى جمرت .
3) إلى احتمى الحصى مضبوط ادهنه بزيت أو سمن والا ودتس(شحم) .
4) اصبر شوي إلى ما يحما الزيت ثم حط النعمة علية وقلب فيه ياطويل العمر إلين يستوي.
ها الطريقة مثل شغل إخوانا الحضارم بالمظبي.
أنالو بالتمني تســــان ودي*** أروح لبرها واهجر وطنها
أدوج بالفياض اللي هواها*** يرد الـــروح من هم زبنها