حفرلوجيا
25/10/2003, 08:14 PM
سلام يالربع .. ومبارك عليكم الشهر الفضيل
مريت واحد من زملاء العمل بمكتبه .. بغيت استعمل كمبيوتره وأدخل النت أبي مكشات وعلومه ..
بالمناسبة النت عند أخونا كيبل إذا تبي أي موقع لو هو راكبن له ددسن قرنبع مثل حقين جلي البلاط يجيبه لك على ( النية قبل كلك) يعني تحس ان ظهور الموقع وأصبعك يوم تضغط على الماوس يتحدون بعض أيهم يظهر أول ..( الله يرحمنا يالضعوف اللي معتمدين على الاتصالات وبعض مزودي الخدمة اللي هاكين علينا ..)
نسينا السالفة .. أقول قعدت على طاولة كمبيوتر الزميل وإلا الأخ ملزق من الأوراق وحدة فيها الأسم والرقم السري لمنتدى ( ... ) وثانية لمنتدى .. وثالثة .. يجيلهن ست أوراق .. هالزميل ( بيئي ) له مساهمات بعلوم البيئة محليا وعالميا..
قلت له ياأبو فلان اللحين ماتخشى من واحد يلطش أحد هالأسماء برقمه السري ويدخل موضوع وأنت ماتدري ويكون مايناسبك ولا يصلح للمنتدى وش ظنك ما( تنحرج ).. طالعني من فوق نظارتة وقال أولا أي واحد يستخدم كمبيوتري ومكتبي لازم يكون محل الثقة ( دقة .. وأحرجني ) ..
وبعدين أسمي ( وهمي ) يعني ماراح أحرج لأن شخصيتي الحقيقية غير معروفة .. ( بيني وبينكم كلامه هذا غير مسؤل لأن أي منتدى يضع شروط للتسجيل فمن باب الذوق تحافظ على احترامها أو لاتشارك ) ..
عاد يمكن بعضكم أيها الأخوة الأعضاء على شاكلة الزميل .. يعني الأسم والرقم غير مجهول للآخرين .. بهالحالة لو جاك ( لوح ) بزعمه يداعبك او لسبب ثاني .. وحط صورة بها قلة حيا أو موضوع مايناسب باسمك .. وش يصير ؟! .. محاكيكم في يوم ما مر عليه وعانى من مثل هالموقف .. والحل ؟!..
إذا قلت مافيها حرج لأن اسمك غير معروف ( نؤكد مرة أخرى هذا رأي فيه قليل من الواقعية وكثير من اللامسؤلية ) ..
يبي يقول بعضكم الموضوع بسيط غير الأسم وأدخل من جديد .. بهالحالة ماتعتقدون ان ذلك ينطوي على تذبذب ولعب على الحبلين لايليق بواحد يحترم نفسه والآخرين ( حتى لو كان شخصية مجهولة ) ..
طيب اللحين كل المنتديات إذاتبي تكون عضو لازم تمر على الشروط وتوافق .. بصراحة من مر على ( شروط التسجيل بمكشات (http://www.mekshat.com/vb/register.php?)) وتمعن فيها جيدا .. يعني المعتاد يمر الواحد شطف على الشروط ويحط موافق ..
خاص بالأعضاء( ممنوع على المشرفين ) : بيني وبينكم انا شبه متأكد ان بعضكم ماجاب خبر شروط التسجيل بمكشات .. لكن الله لايضركم .. رأيي المتواضع في متابعتي البسيطة أشوف المشاركات مغلفة بإحترام النشر والذوق العام .. ياليت نستمر عليه. .
:good:
مريت واحد من زملاء العمل بمكتبه .. بغيت استعمل كمبيوتره وأدخل النت أبي مكشات وعلومه ..
بالمناسبة النت عند أخونا كيبل إذا تبي أي موقع لو هو راكبن له ددسن قرنبع مثل حقين جلي البلاط يجيبه لك على ( النية قبل كلك) يعني تحس ان ظهور الموقع وأصبعك يوم تضغط على الماوس يتحدون بعض أيهم يظهر أول ..( الله يرحمنا يالضعوف اللي معتمدين على الاتصالات وبعض مزودي الخدمة اللي هاكين علينا ..)
نسينا السالفة .. أقول قعدت على طاولة كمبيوتر الزميل وإلا الأخ ملزق من الأوراق وحدة فيها الأسم والرقم السري لمنتدى ( ... ) وثانية لمنتدى .. وثالثة .. يجيلهن ست أوراق .. هالزميل ( بيئي ) له مساهمات بعلوم البيئة محليا وعالميا..
قلت له ياأبو فلان اللحين ماتخشى من واحد يلطش أحد هالأسماء برقمه السري ويدخل موضوع وأنت ماتدري ويكون مايناسبك ولا يصلح للمنتدى وش ظنك ما( تنحرج ).. طالعني من فوق نظارتة وقال أولا أي واحد يستخدم كمبيوتري ومكتبي لازم يكون محل الثقة ( دقة .. وأحرجني ) ..
وبعدين أسمي ( وهمي ) يعني ماراح أحرج لأن شخصيتي الحقيقية غير معروفة .. ( بيني وبينكم كلامه هذا غير مسؤل لأن أي منتدى يضع شروط للتسجيل فمن باب الذوق تحافظ على احترامها أو لاتشارك ) ..
عاد يمكن بعضكم أيها الأخوة الأعضاء على شاكلة الزميل .. يعني الأسم والرقم غير مجهول للآخرين .. بهالحالة لو جاك ( لوح ) بزعمه يداعبك او لسبب ثاني .. وحط صورة بها قلة حيا أو موضوع مايناسب باسمك .. وش يصير ؟! .. محاكيكم في يوم ما مر عليه وعانى من مثل هالموقف .. والحل ؟!..
إذا قلت مافيها حرج لأن اسمك غير معروف ( نؤكد مرة أخرى هذا رأي فيه قليل من الواقعية وكثير من اللامسؤلية ) ..
يبي يقول بعضكم الموضوع بسيط غير الأسم وأدخل من جديد .. بهالحالة ماتعتقدون ان ذلك ينطوي على تذبذب ولعب على الحبلين لايليق بواحد يحترم نفسه والآخرين ( حتى لو كان شخصية مجهولة ) ..
طيب اللحين كل المنتديات إذاتبي تكون عضو لازم تمر على الشروط وتوافق .. بصراحة من مر على ( شروط التسجيل بمكشات (http://www.mekshat.com/vb/register.php?)) وتمعن فيها جيدا .. يعني المعتاد يمر الواحد شطف على الشروط ويحط موافق ..
خاص بالأعضاء( ممنوع على المشرفين ) : بيني وبينكم انا شبه متأكد ان بعضكم ماجاب خبر شروط التسجيل بمكشات .. لكن الله لايضركم .. رأيي المتواضع في متابعتي البسيطة أشوف المشاركات مغلفة بإحترام النشر والذوق العام .. ياليت نستمر عليه. .
:good: