أخواني أفضل باترول ربع أو اف جي تويوتا [الأرشيف]

saudi_saudi

11/02/2008, 12:43 AM

أخواني انا ابغى اشتري سياره جديده ومتردد بين نيسان باترول ريع طبعا سلق أو اف جي في البر وكذلك في المدينه فأيهما افضل من جميع الجوانب وشكرا لكم مقدما

MyName

11/02/2008, 01:01 AM

أرشح الـ Fj ...

وبدون أي تردد !

المشكله بالـ Fj بالوكاله مافيه وانسى تحجز السياره وتوصل قبل شهرين او ثلاثه ! وبالمعارض غالي ورافعين سعره ...

تحياتي وبالتوفيق أخوي ...

المميـز

11/02/2008, 01:21 AM

من وجهة نظري خذ لك باترول سلق

وهو افضل من الاف جي من جميع الجوانب على قولك

ولا فيه شيء يعيبه

لكن الاف جي ما اعرف شيء عنه

loqpol666

11/02/2008, 04:40 AM

السلام عليكم ورحمة الله وبركاته ...

انا عندي لك رايين..

طبعا لك الخيار ...

1- انك تاخذ باترول النيسان..<< معروف اصله وفصلة يعني له سنوات وجرب ويثنى علية بالنشاط..

2- تروح لشركة نيسان - وتويوتا...
وتطلب الكاتلوجات ..

وتقارن بينهن بــ
.قوة الاحصنه
.عدد السلندرات ((لاتغرك ناظر الفتك 6 سلندر والفكس ار 8 وقطع وجهه ))
. تانكي البنزين كم لتر ياخذ ..
. السعر الانسب ..
او .. ادخل..
http://nissan-me.com/Arabic/Pages/default/index.htm

http://www.toyota.com.sa/

بس لاتفكر بسعر البيع اذا جيت تبيع ..

وخل الرأي رايك لا احد يوديك منا ومنا..

MyName

11/02/2008, 05:20 AM

ربع نيسان

المحرك ( تي بي 45 اي ) اللي بالوسط مكتوب ديزل غلط من الموقع نفسه ! :

http://www.mekshat.com/pix/upload02/images61/mk62276_nissan1.jpg

http://nissan-me.com/Arabic/Pages/vehicles/patrol/specifications.htm (http://nissan-me.com/Arabic/Pages/vehicles/patrol/specifications.htm)

-------------------------------------

تويوتا FJ Cruiser :

المحرك ( 1GR-FE ) :

http://www.mekshat.com/pix/upload02/images61/mk62276_toyota2.jpg

http://www.toyota.com.sa/showroom/fj_cruiser/specs.html (http://www.toyota.com.sa/showroom/fj_cruiser/specs.html)

تحياتي

مخاوي قناص

11/02/2008, 05:30 AM

السلام عليكم اشكرك اخوي على طرح الموضوع الجميل اف جي سياره جمعة الخفه والقوه وفرشيته على الخط روعه وفي فخامه تطفي عليه جمال الي تهمه الموصفات هذي ياخذ ولا يتردد اما الي يبي المرامع والقنص وطرد الصيد وسيارت البر الباترول الباترول الباترول اخوكم مخاوي قناص

عاشق السيل

11/02/2008, 09:39 AM

سيف الظفير

11/02/2008, 10:02 AM

تبي وساعه الصدر في النفووووووود والبر خذلك باترول

والا الدوران في العليا والتحلية خذ اف جي

عاشق السيل

11/02/2008, 10:36 AM

أخوي الغالي سيف الظفير ،،،

يعجبني تأييدك !!!

بيض الله وجهك يالذيب .........

رعد النجدي

11/02/2008, 10:44 AM

النيسان زين ما اقول فيه شي لكن اذا ذكرت ان وكيله الحمراني الخايس تعرف ليش الناس ما تحرص عليه
تايوتا ورح لهلك
خذ التايوتا وبس

salehhd

11/02/2008, 10:53 AM

السلام عليكم

المافس الحقيقي للاف جي من نيسان هو نيسان اكستيرا

تجربتي المصورة للمغامرة Nissan Xterra (http://www.mekshat.com/vb/showthread.php?t=115584)

يشتركون في سعة المحرك والحجم مع تفوق نيسان بالقوة

اما منافس الربع الباترول فهو الكبسوله

مقلع الرمث

11/02/2008, 11:36 AM

والله انا اقول حرام انك تقارن باترول سلقه مع Fj قارنه مع باترول فيتك يمكن اكون معك ويكون فل كامل ياخي FJ سياره بعدين فيه موصفات تماتيك مثبت قزاز كهرب السلقله وش فيه مافيه شي مع اني كد شريت اسلقه لاكن مانصحك فيه صح انه سياره عمليه لكن ماتقارن مع FJ

.أبوعبدالرحمن

11/02/2008, 12:04 PM

قلي وش المواصفات اللي في الباترول السلقه؟؟؟؟؟؟؟

مقارنة مع الاف جي

وبعدين الاف جي اثبت جودته وقوته وسيارة قوية للبر وللخط وللوناسة

والاف جي تماتيك قوي ايضا دفلوك ومثبت سرعه وشكله والوانه حلوة

ولا تنسى الاستخارة

نبع الدموع

11/02/2008, 12:26 PM

اي سيارة موديل سنة او سنتين مافي بعدها سواء في البر او في غيرة
لاكن وش الي يتحمل؟؟ انا معي جيب كيا اشوف مافي ازين منة في البر
علما ساحب وجهة تسحيب سواء في بر او خطوط ولا قال شئ لانه موديلة
2006 لاكن ما اضمة بعد سنتين بيتحمل هالكرف او لا النيسان كلنا عارفين
انة في البر حطة على يمناك لاكن فية ثلاث اشياء الله يعينك عليها

الكهرباء دماااااااار
الهربدة سريعة
السعر لو بغيت تبيع

fullmoon68

11/02/2008, 01:01 PM

أخواني
لأهنتوا جميع اللي ماجرب الموتر لايفتي فيه
انا عندي FJ من اربع شهور . تشخيص وشخصنا في التحليه وغيرها بس يوم جاء الجد وجت طلعت البر
صار شغلي الشاغل اني اطلع العالم المغرزه . وللمعلوميه الموتر مافيه مثله وقولوا ماشاء الله تبارك الله
واللي يحب يتأكد زياده يروح لموقع youtub.com ويكتب fj بس ويبحث ويستمتع بمقاطع الفديوا ولاتنسون ذكر الله جزاكم الله خير .:D

saudi_saudi

11/02/2008, 02:06 PM

أخواني اصحاب الردود يشرفني تجاوبكم وبانتظار المزيد وابغى اعرف بالنسبه للاستخدام اليومي للناس اللي استخدمت السيارتين في المدينه واللي جربوها في البر والطعوس واكرر شكري

مخاوي الذيابه

11/02/2008, 03:44 PM

يا أخوي الربع نيسان وغيرة لا تدور بالبر ..

صحيح ما فيه ذيك المواصفات ..

لكنه بالبر يطربك ..

أسأل مجرب ولا تسأل طبيب ..

راس الرعيلة

12/02/2008, 04:09 AM

والله وأنا أخوك الموترين كلها زينه

ومع ذلك مافيه مقارنه بينها كل وحده من فصيلة (حلوة فصيلة ذي)خخخ

لكن رأيي الشخصي واللي أنصحك به أنك ما تتعدى الأف جي

موتر متماسك و أوسع من ربع الباترول

ورساوته أرسى من الباترول بالخطوط

زود على مثبت السرعه والدف لوك اللي ما فيه أمل تلقاها بالباترول السلقة...

وفي النفود ما ركبته صراحة...

لكن سمعت أنه مشابه للباثفندر في الطعوس ...

وهذا شي جميل

بإختصاااااااار إذا دراهمك تطول الأف جي لا تتعداه

والله أعلم

قاطع الفيافي

12/02/2008, 04:43 AM

إذا كنت تبي صقر بالبر ولك وللزمن ويبيض وجهك وين مارحت بالنفود أو الشعبان أو فياض الصمان >>> خذ باترول حبيب القلب ،،،

أما إذا بغيت تدور بشارع التحلية وتشخص على هالعالم ويمكن تطلع للبر مرة بالسنة >> خذ إف جي ( مع إعتذاري الشديد لعشاقها ) ،،

هذي وجهة نظري الخاصة أتمنى محد يزعل علي وترى الإختيار لك يالغالي وتقبل مروري ....
ابد مثل ماقال اخوي عاشق السيل تبي البر والمقانيص عليك بالباترول واذاكنت تبي كشخة ودوران وبران على خفبف خذلكfj وهذا رايي والراي لك وسلامتك(محد يزعل ياشباب)

MyName

12/02/2008, 06:54 AM

الـ Fj صار حق تشخيص ودوران !

99% للأسف من أصحاب الباترول الربع وتويوتا ربع شروه على شان الدوران وتلميع دفرنس وخرابيط !

السياره على حسب حاجتك لشراءها يعني لو بدور بالتحليه مااخذت Fj واجلس اسحب فيه بهالشوارع وانا موب بحاجته ;)

اللي مايعرف الصقر أقرب كاتم ويكبس عليه :d

تحياتي

سيف الظفير

12/02/2008, 10:23 AM

أخوي الغالي سيف الظفير ،،،

يعجبني تأييدك !!!

بيض الله وجهك يالذيب .........

مشكور على المرور يا عاشق السيل

وكلامي للأمانة صحيح والله اعلم

الباترول للوناسة في البر والنفوود والتطعيس وللوصووول للأماكن الصعبه الوعرة

خذ لك يالذيب باترول ربع ابيض او اسووود 2008 وركب له جنووط فل كاااااامل وقارمن وكنود والعزبة والله يسوى الجيوب كلها ....

والا اذا كنت تقدر تدفع اكثر خذ لك الفل ربع وهو اعتقد قليل في السوووووق

وفي الاخير خذ لك باترووول

واستمتع في النفووووووووود ياالذيب طع شووورى خذه ولا تتردد

يكفي ارتفاااعه عن الارض الجيب الوحيد اللي مرتفع عن الارض بهذا الشكــل