مظبي كبده+ سلطة طحينة+ مظبي لحم .........هووووووووم ميد

[شقران]

كثيراً مانتمنى ان نقوم بالشواء عندما نرى بربسة عمال المظبي خصوصاً الهنود منهم والبنغال....ولايهونون ابو يمن!

ومنذ ان اهداني حبيبنا فرد حمزه هالحصاة
http://www.mekshat.com/pix/upload/images2/hasa1.jpg
وانا مطلق محلات المندي و المظبي ولله الحمد والمنه...فكل ما طرى على بالي او بال الاصدقاء ازهب مثل مابتشوفون...

اولا المكونات
اللحمه كيلوين حليله حق 4 نفر وقطعهن مثل كذا
http://www.mekshat.com/pix/upload/images2/lahm1.jpg
http://www.mekshat.com/pix/upload/images2/lahm2.jpg
بسماكة الكف
ملح وملحقات نهاية الشوي (مايونيز كتشب خبز شطه وخلافة على كيفك)
http://www.mekshat.com/pix/upload/images2/moka1.jpg
فحم
حصاة مثل هالسميراء
http://www.mekshat.com/pix/upload/images2/hasa1.jpg

[شقران]

شب ضوك وصهللها
http://www.mekshat.com/pix/upload/images2/nar1.jpg
لين تجمر هاللون تصير بالنهار
http://www.mekshat.com/pix/upload/images2/nar2.jpg
يابعدي وبالليل تغدي جميراته حمر
ركز حصاتك اللي جبته
http://www.mekshat.com/pix/upload/images2/hasa2.jpg
طبعا من اسمر ضلع يقابلك يما بالدوادمي ولابقعاء ولا بالمدينه وهذي مناطق الحصى الزين اللي يتحمل درجات حرارة عالية ويخزن حرارة النار ولا يبرد بسرعه.
حطلك شحيمه من الحوايا هاللون
http://www.mekshat.com/pix/upload/images2/shahma1.jpg
واذا ساحت معناته حصاتك جاهزه
نبدى بالكبده والقلب والكلاوي (قطعتني الكلاوي:D)
http://www.mekshat.com/pix/upload/images2/kabda1.jpg
http://www.mekshat.com/pix/upload/images2/kabda2.jpg
http://www.mekshat.com/pix/upload/images2/kabda3.jpg
رصهن على الحصية هاللون وتعاهدهن بالتقليب كل دقيقتين وقبل تستوي ترشهن بملح شوي لاتسثر ثم قلبهن ليمن تستوي هاللون.
http://www.mekshat.com/pix/upload/images2/kabda4.jpg
وحطهن بحافظة احفظ للحراره والا كلوها من على الحصية

[شقران]

http://www.mekshat.com/pix/upload/images2/lahm3.jpg
http://www.mekshat.com/pix/upload/images2/lahm4.jpg
http://www.mekshat.com/pix/upload/images2/lahm5.jpg
وقلبها كل 5 دقايز لمده 35 دقيقه ليمن تشقر هاللون من المفضل ان الملح يكون قبل آخر تقليبتين للحمه عشان تستوي اللحمه بسرعه.

طبعا في مال ماتستوي اللحمه وبين كل تقليبه وأخرى نجز يدك وحركها وازبط سلطة المظبي وهي كالتالي

1- نصف علبة طحينه
2- ثلث علبة لبن منزوع الدسم
3- بيالة خل صناعي
4- ليمونتين معصورات (ان حصل)
حرك الطحينه قبل تصبها بالغضاره (هاللون)
http://www.mekshat.com/pix/upload/images2/tahena1.jpg
ثم صب عليه اللبن هاللون .
http://www.mekshat.com/pix/upload/images2/tahena2.jpg
ثم حط بيالة الخل
http://www.mekshat.com/pix/upload/images2/tahena3.jpg
وحرك ليمن يتغير لونه وتصير طلقه ثم لازم بين كل تحريكه وأخرى تحط اصبعك بالغضيرة عشان يعطيه ملح (كانك مملوح وكانك ماصل ماله داعي:D).
المهم استمر التحريك والتذوق والملاحة ليمن تغدي طلقة
http://www.mekshat.com/pix/upload/images2/tahena4.jpg
بالحيل وطعمه مامثله حانطن بالحيل .وحطه بالبراد ليمن تجهز لحيمتك الي بالحصاة والا على كبوت السيارة كانك بالبر عشان مايجي واحدن ماصل ويغط اصبعوه بها وهم غطه عن الذبان .
http://www.mekshat.com/pix/upload/images2/lahm6.jpg
وبالهناء والعافية

تحياتي

[السمح]

لعنبو بليسك يابوسلطان .. وش ذا الشغل ؟؟ ;)
وينك ما عطيتنا من هالحكي على الطبيعة .. أو على النت وبس ؟؟
في تصوري مع الشغل العدل والحركات لو تبي تقطع حصاتك يمكن أكلتها :D
لو إني داري عن هالحصاة تسان سرقته من أول يوم عطاك إياه أبوهمام
وأنا أقول الرجال وش يبي بهالحصاة يشيلها ويحطها ؟؟ أثاري تسوي كذا ؟
تسلم إيدياتك على هالشغل ، لا وليلة دخول رمضان ؟

أحلى تحية

[شقران]

واحدن رادكم ياهملالي ....ترانا من طلعة العام ماتخاوينا يابوتركي وابشر بعزك طلعتنا القادمه بتسبقني مالك الا حلالك يااميرنا...الحصاة وراعيها...تحت تصرفكم... في رمضان وغيره

دمت لنا ابوتركي

[أيمن]

وش هالزين يا أبو سلطان ..
وش هالسنع وهالقرامة ..
والله خوش شغل، وخوش تكتكة :) ..
هنيّا لك :D

تحيتي

[أبو داحم]

مشكور أخوي أبو سلطان على هالشغل العدل شغل متعوب عليه ودي أدخل يدي مع الشاشه وألقطلي قطعة كبده :D جعله مدخيل العافيه

[صقر]

تسلم يمينك يا بو سلطان

والله اني ابكتب موضوع مستقل ابسأل عن طريقة المظبي وجبتها يالغالي جاهزة مجهزة بالصور والشرح الممتاز.

تسلم وبالهني والعافية .. والله يعين اللي يبون يشوفونها باكر بالنهار مدري وش يصير لهم وهم صّيام لكن على اجر ان شاء الله....

بارك الله فيك..............

[معمرها]

......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيك ألف عافيه اخي



((( شقران )))

على شرح طريقة المضبي


شـــكـــراُ

[desprado]

يعطيك العافية بصراحة شهويتني وان صايم

متى تسحرنا؟؟؟؟؟؟؟؟؟؟؟؟؟؟

[al-nashmi]

الحمد لله على السلامه يابوسلطان.....

تدري الساعه كم اللحين؟؟؟؟؟؟؟ 12.30 عني عز وقت الغداء....... اللهم اني صايم...

اخوي مشكور على الجهد الكبير اللي قمت فيه ..وتوضيح وتوثيق طريقه عمل المظبي...

صراحه شغل جيد... ( والاعشاني جوعان:D :D )

تدري يابو سلطان مايصلح اتخاوى انا وياك.... لاني اقدر المشوي وانت ماشاءالله عليك شغلك في المشوي
ممتاز. ثم والله لاهج بحصاتك وللي عليها وتشوفني وياك طردي مع روؤس الحزوم:D :D :D



عفاك الله ابوسلطان........



وتقبل تحيات اخوك/ النشمي

[عاشق البابونج]

شهر مبارك للجميع

يا أبو سلطان عندي سؤالين

1- لون اللحم أشقر هل تدهن اللحم بشيء

2 - مثل هذه الحصاة وين ألقاها

اللهم إني صائم

[حفرلوجيا]

على أي ( تردد ) مزاجك ياأخوي شقران .. شكلك ضبطتنا على نفس ( المود ) .. وأغريتنا خاصة الصورة السادسة اللي فيها قطيعات ( الكبدة ) بعد الإستواء كنها تبي تشق الشاشة من زين لونها.. نبي نسوي مثلك .. لكن..
تعال ياشيخ شكل ( موجاتك ) ماتركب إلا على اللحم والشحم والكلسترول.. يارجل توك طالع من المستشفى الله لايردك له ومن يقرأ..
مايصلح ( نمظبي ) سمك أخف للكلسترول..:cool: :what:

[شقران]

الرسالة الأصلية كتبت بواسطة أيمن
وش هالزين يا أبو سلطان ..
وش هالسنع وهالقرامة ..
والله خوش شغل، وخوش تكتكة :) ..
هنيّا لك :D

تحيتي

لاوالله الي مانجي جمب حضرتكم يابو حمد شي وخصوصاً خبيزاتكم الجمرية:D :p :D
يالله جمعونا على قرص ومظبي:D :D :o
تحياتي

[شقران]

الرسالة الأصلية كتبت بواسطة أبو داحم
مشكور أخوي أبو سلطان على هالشغل العدل شغل متعوب عليه ودي أدخل يدي مع الشاشه وألقطلي قطعة كبده :D جعله مدخيل العافيه
لشكر على وجبه:D :p :D يابوداحم دامك تبي تشاركن به وليتك حولي والله لدسم شواربك ياشيخ بس بعد مايطق المدفع ويذن المذن:p :p

[شقران]

الرسالة الأصلية كتبت بواسطة صقر
تسلم يمينك يا بو سلطان

والله اني ابكتب موضوع مستقل ابسأل عن طريقة المظبي وجبتها يالغالي جاهزة مجهزة بالصور والشرح الممتاز.

تسلم وبالهني والعافية .. والله يعين اللي يبون يشوفونها باكر بالنهار مدري وش يصير لهم وهم صّيام لكن على اجر ان شاء الله....

بارك الله فيك..............

اخوي صقر سلمه الله وعافاه
مايمنع ياخلفهم انك تنزل موضوع آخر ولو انه مظبي مادم الطريقة بتختلف عن طريقتي .اما عاد الصوام باتسر فالله يعيني بعد انا على الرد عليهم مادام بشوف مثلهم:p :D :p تقبل الله من الجميع صيامهم وقيامهم

تحياتي

[شقران]

الرسالة الأصلية كتبت بواسطة معمرها
......بسم الله الرحمن الرحيم........



السلام عليكم ورحمة الله وبركاته .............


ــــــــ:: يعطيك ألف عافيه اخي



((( شقران )))

على شرح طريقة المضبي


شـــكـــراُ

لاشكر على وجبه:D :p :D يامعمرها ...سعدت بتعليقكم

[شقران]

الرسالة الأصلية كتبت بواسطة desprado
يعطيك العافية بصراحة شهويتني وان صايم

متى تسحرنا؟؟؟؟؟؟؟؟؟؟؟؟؟؟

يامال العافيه ياديسبيرادو
ابشر بعزك انت اجزم بس:D

[شقران]

الرسالة الأصلية كتبت بواسطة al-nashmi
الحمد لله على السلامه يابوسلطان.....

تدري الساعه كم اللحين؟؟؟؟؟؟؟ 12.30 عني عز وقت الغداء....... اللهم اني صايم...

اخوي مشكور على الجهد الكبير اللي قمت فيه ..وتوضيح وتوثيق طريقه عمل المظبي...

صراحه شغل جيد... ( والاعشاني جوعان:D :D )

تدري يابو سلطان مايصلح اتخاوى انا وياك.... لاني اقدر المشوي وانت ماشاءالله عليك شغلك في المشوي
ممتاز. ثم والله لاهج بحصاتك وللي عليها وتشوفني وياك طردي مع روؤس الحزوم

عفاك الله ابوسلطان........



وتقبل تحيات اخوك/ النشمي
ارحب والله يالنشمي
اقول ترى بعض الربع صامو قبلنا بيوم شف من صام بعدنا بيوم :p

كما قلت سابقا لاشكر على وجبه (بالعادة نقول واجب):p :D :p ....
وليش مانصلح الا نتخاوى ونللاحق عشان نهظم:D :D :p

تحياتي لك تقبل الله صيامكم وقيامكم

[شقران]

الرسالة الأصلية كتبت بواسطة momjam
شهر مبارك للجميع

يا أبو سلطان عندي سؤالين

1- لون اللحم أشقر هل تدهن اللحم بشيء

2 - مثل هذه الحصاة وين ألقاها

اللهم إني صائم

مرحبا بك يامومجام
ج1- لا لم ادهن اللحم بشيء وهو كما هو امامك لم يمسه الا الحراره من الصخرة والملح فقط لاغير

ج2- سبق ان قلت في نفس الموضوع قد تجدها في احى مناطق ثلاث
الدوادمي -بقعاء -المدينه طبعا في الجبال والضلعان
تحياتي

[شقران]

الرسالة الأصلية كتبت بواسطة حفرلوجيا
على أي ( تردد ) مزاجك ياأخوي شقران .. شكلك ضبطتنا على نفس ( المود ) .. وأغريتنا خاصة الصورة السادسة اللي فيها قطيعات ( الكبدة ) بعد الإستواء كنها تبي تشق الشاشة من زين لونها.. نبي نسوي مثلك .. لكن..
تعال ياشيخ شكل ( موجاتك ) ماتركب إلا على اللحم والشحم والكلسترول.. يارجل توك طالع من المستشفى الله لايردك له ومن يقرأ..
مايصلح ( نمظبي ) سمك أخف للكلسترول..:cool: :what:

الاستاذ حفرولوجيا حفظه الله.

استاذي شكلك فاتتك ان (تردداتي .... مفتوحه):D :p ..لكن مايمنع نحدد(المجال) اللي (ينوزن فيه مودكم) .

ياعم على قولتك طلعت من المستشفى لكن لايجي فبالك دكتور طارق ...ضبط المزانية وعطاني الضوء الاخضر (بالمراسل) ....بالشوي :D على كل الترددات العاملة بمافيها (نمسمك مظبينا ونشلوط سمكنا ونغطي مظبينا بطحينه وعسل:p :D :p )
شكراً على مروركم وتعليقكم استاذنا الفاضل
تحياتي

[ابو عايد]

موضوع رائع تسلم ولاهنت يابو سلطان

طرح المواضيع المفيده

بارك الله فيك لذا الله يعطيك العافيه

تقبل تحيات // العاشق الولهان

[desprado]

كفو والله يا شقران

صحيح ان مثل شقران الله يرحمه

[شقران]

الفاضل ابوعايد:
انت الرائع بمشاركاتك وتحفيزك ودعمك للجميع عشت يالعاشق الولهان.

العزيز ديسبيرادو:
ماعليك زود ياخلف ميتي ...الله يرحمنا برحمتوه جميع قل أمين.

تحياتي

[قرناس]

ماشاء الله عليك يا ابو سلطان صاير الشيف رمزي وحنا ماندري من ورانا هالشغلات
لابد نشوف مثل هالشغلات في الطلعة الجاية ان شاء الله
يعطيك العافية

[شقران]

ماتعلمت الا من صويبعاتك...ياخلف من لي

انتم نسقوا مع الامير وابشرو بعزكم..

تحياتي القلبيه

[نجمة سهيل]

:D ماشاء الله عليك ياابو سلطان طباخ فنان والله ياعصيفيرات بطني قامت تزوزي:D والي زاد الطين بله ( الماء:D) اني شفت الصور وانا صايم:D حظك اني شفته قبل الاذان بدقايق والا تسان اعلوم:D

هذي من عوايدك ياغالي ،

[شقران]

نجمة سهيل :
رفع الله من قدرك شهادة اعتز بها.

والظاهر انك ماتسحرت:D البارح ...ابشر والله باللي يرضيك ياغالي

تحياتي

[عبار درب]

اخوي شقران هذا وقت هالعرض البنورامي

يالله حلها ربيعك وش يبي يصبرهم الى العيد علشان الطلعات ندور حصاة
عاد شف الله خيرك بين ثنتين ام دور حصاتك علينا نسوي مثلك او اعزمنا واشرح لنا بالتطبيق العملي:D :D :D :light: :light:

[شقران]

يقدرون يجزرون وقتهم بتدوير الحصاة بهالعصاري:d

اما حلها فابشر باللي تامرون به ياغالي...وابركها من ساعه نشوف وجيهكم السمحه.
ونذوقكم مظبي الحصاة:)

شكرا لمرورك.

تحياتي

[اسير البر]

السلام عليكم ورحمة الله وبركاتة.......

(كل عام وانتم بخير ).

هذا الكـلام ..

بالعافيه وبارك الله فيك اخوي --- شقران -----

من يقدر يقاوم هذي الصور الجميله خاصة وحنا بالشهر الكريم..

انا قول ولاتزعل مني :D (امزح) لوانك اجلت الصور بعد رمضان لانه من شافها وهو صايم في النهار

الله يستر بدون شك رايح يسويها ولا يتردد .:D :D

وكل عام وانتم بخير................................

[المشعاب]

والله العضيم انك فنان تراك شهويتنا وحناصايمين على كل حال تسلم يمينك0:p

[عاشق الصحراء]

الله ينطيك الصحة و العافية .

ان شاء الله باجازة العيد الجاية اباجيب رضمتن مصلفحة
سويدا او دهما , و ابااضبط عليه كبيدات العيد.

الله يعافيك يالغالي تعبناك معانا.

تحياتي لك :good:

[الأكحل]

ماشاء الله تبارك الله عليك يابو سلطان كلك ذووق وشرحك وافي شرح( استاذ)
الله يجعل يد صلحته ماتشوف الباس

[شقران]

اسير البر:
تقبل الله منا ومنكم .وامد بعمركم على طاعته

لابأس ياأسير البر في ليالي رمضان يصلح الشواء والمظبي:D لكن عليك بالابتعاد عن البهارات فهي تزيد العطش:p .

المشعاب:
ياجعله بالعافيه عليكم انشاء الله ومن يدق مدفع الفطور جربها تراه منتازه بالحيل معل لبينه على الفطور:D .

عاشق الصحراء:
بالتوفيق ياغالي والرضم بديارنا تسثير بس يبي له دوره...بس هاه لاتصبرنا لعيد الضحيه:D :p .

الاكحل :
شهادة اعتز بها ودعاء اثابك الله عليه...سرني اعجابكم بالموضوع.

شكر على مرور الجميع وتعليقهم.
تحياتي
وافطاراً هنيئا

[مفتش الريضان]

لا لا لا لا لا لا................... ابعدوا عن صديقي شقران:) الشغل السنع والزين وما ادري بعد وش تقولون .... أخوي شقران ترا عندي حصاة ثانية ما تبي نجربها انا وانت..........!!!
ما شاء الله عليك يا شقران صراحة أنا اعتبرها مفاجأة الموسم........ بالهناء والشفاء ولا يدرون عنك مقدمي برامج التلفزيون من الطباخين والا والله تراهم كلهم بيهجون يدورزن مثل ذي الحصاة ويقولون هذا اختراع لبناني مع العلم ان لبنان مافيها حصا اسود :D

[شقران]

مفتش الريضان:
اجل عندك حصاة تبينا نجربها يابعدهم:D ...ابشر والله بمقابلة على الام بي سي...مع هاك الفوال اللي يبربس علينا كل جمعه:p :D >>>امزح

اتشرف انت حدد متى بس ياخلفهم;)

شكرا لتعليقك الظريف:)
تحياتي

[مفتش الريضان]

شكرا أخوي شقران .......... الموعد انشاء الله بعد رمضان.... الطبخة ما تصلح الا بالنهار.... حتى نميز الحصى الاسود عن الصوان....!!

[ابو مساعد]

ويجعلها الله في موازين أعمالك على الشرح الممتاز عن المظبي ويا جعلها عافية عليك مو الحصاة لا المشويات الطيبه والله أنا نيتي أروح أخذ عمره وطريق على الدوادمي راح أجيب وحده من الحصاء وزين الي دليتنا على المكان .

والله لويشوفون شغل مطاعم المظبي راح يسكرون محلاتهم على شانك .

تقبل تحياتي أخوك أبو مساعد .

[الأشهـــــب]

شــــــــــــــــغـــــــــــــــل نظيـــــــــــــــــــــــــــــــف

ماشاء الله عليك ياشقران .
ماتعرف شغل البربسة ابد ، كل شغلك فن وتكتكة .
الحقيقة ماقصرت ياغالي وتسلم على هالشغل الي يوسع الصدر . ولو إنك ماسويت خير فينا وخليت سعابيلنا تتقاطر لكن يبقى الموضوع حلو بصراحة .

تسلم يالغالي ،،،،،،،،،،،،،،،،،،،،،

[شقران]

مفتش الريضان:
ولايهمك الشوف زين يابعدهم ليل او نهار هذا من ناحية التدوير...ومن ناحية الطبخ ازهله حتى ان بغيت برمضان بعد عشاويه حاضرين:) .


اخوي ابومساعد يامال الغناة يجزاك خير على دعاك ويتقبل منا ومنك:
لايفوتك اسيمر ثهلان ولا الضال وان كان عندك وقت بتلقى بحمرور هذي مناطق الحصى الزين بالدوادمي وماعندي لها احداثيات لكن ماتنتضيع ثهلان بالشعراء غرب . والضال على طريق نفي وعرجا شمال وحمرور على طريق القاعده والبدوي يسال ياخلفهم:D . تقبل الله عمرتكم وصيامكم وقيامكم. سرني اعجابكم وشهادتكم لي:) .

اخوي الاشهب:
مالك هم الا شغل يحبه قلبك ..انت بس خلنا نطلع ذا الطلعه الي مواعدنا ابوتركي هو وراعي عنيزه من سنتين بيسونها لاعضاء المنتدى ومالك الا من يخليك تهوجس بهالمظبي الا عودت لبيتك:D ..

تحياتي لجميع المشاركين والزوار
شقران

[الاحور]

]حبيبي شقران ادري ان موضوعك من زمان كاتبه بس حبيت اقول لك انك اكه والله قسم بالله يوم قمت الف وادور بعض المواضيع الحلوه طحت بالموضوع وبغيت اكل الاب توب بس ستر الله ]الله يعطيك الف عافيه عيوني>

[الدفرنس]

الله يعطيك العافيه وبالعااافية
وجعلها يمين ما تشل

[اول 111]

مشكوووووووووووووووووووووووووووووووووور

[علم199]

ما شاء الله شغل نظيف ومتعوب علية

[الطبشي]

ماقصرت على الوصفه الطيبه ...وجعله مداخيل العافيه......

[جبال الهملايا]

شغل مرتب ونظيف

ماشاء الله تبارك الله

مشكور ياشقران على الطبخة الشهية

[aziz2727]

تبي الجد
شغل كااااااااااايف وراعي الشغل بعد كايف
عساه عليكم بألف عافية :)
والله قمت ابولع :):)

[عبد المجيد]

شقران
شغل ما شاء الله تبارك الله مظبوووووووط وعلى كيف كيفك
بس أبي زي هالحصاهـ وين أحصله

[القطاوي 2008]

الله يعطيك العافية

[دهران]

الأخ الغالي / شقران.

ماشاء الله تبارك الله لا إله إلا الله .

موضوع في غاية الروعة وقد طوته الأيام والليالي وصار في بحر النسيان .

للرفع للمزيد من المشاهدة والإمتاع .

مشكور على الموضوع الرائع .

وتقبل أعذب وأرق تحية .

[ابو سعود 002]

ما شاء الله كفيت ووفيت اخوي شقران بالعافيه

[شاص2006]

عافاك الله شغل خيال في خيال ,,,,,,,,,,,,,,,