مشكلة برادو قير اتوماتيك

[المهذبي]

السلام عليكم أنا عندي برادو 6 سلندر أتوماتيك وفجأه بدون مقدمات:confused: صار ما يبدل يعني بالتعشيقه الأولى فقط وتوقفت وحطيته بالريوس ولكن لا يستجيب كأنك حاطه بn يعني كأنه فاضي مع العلم بأن السياره موديل 2005 وأستخدام ديره ولا جاه بران ولم يمشي سوى 90000 كيلومتر
أرجو من الأخوه المكشاتيين اصحاب الخبره الإفادة وشكراً لكم

[ولدزايد]

هلا بخوي معليش انت وش سويت بعد كذا يعني الموتر رجع لوضعه الطبيعي والا المشكله الى الان.

[صالح...]

وعليكم السلام ورحمة الله وبركاته:
أخي المهذبي انا الآن اعاني نفس مشكلتك في قير جمس ونيت,القير عندي يفضي على النمرة الثاالثة .
نصيحة: 1-لاتمشي الموتر أبداً :no2: .. خذها على سطحة لأقرب ورشة متخصصة في القيور الأتماتيكية .
2- الظاهر والله أعلم .. إن القير يبيله توضيب مادامه يفضي وإن شاءالله أكوون غلطاان.:no:
سؤال؟؟ هل كنت تلاحظ قبل رفسة في قير الموتر .. يعني كأنه يعلق على نمرة معينة وإذا قرصت عليه شوي تغيــر النمرة.
الله ييسر أمـــورك.. :rolleyes:

[المساهر]

السلام عليكم أنا عندي برادو 6 سلندر أتوماتيك وفجأه بدون مقدمات:confused: صار ما يبدل يعني بالتعشيقه الأولى فقط وتوقفت وحطيته بالريوس ولكن لا يستجيب كأنك حاطه بn يعني كأنه فاضي مع العلم بأن السياره موديل 2005 وأستخدام ديره ولا جاه بران ولم يمشي سوى 90000 كيلومتر
أرجو من الأخوه المكشاتيين اصحاب الخبره الإفادة وشكراً لكم


تاااكد من الدبل

تلقاه شابك بدون لمبه او اشاره اليه

ممكن احد دق الدبل دقه خفيفه يشبك فيه بدون اشاره

وتلاحظ قوه البرادوا تقل ينقزبالبدايه وثقيل بالممشى

شغل الدبل وتاكد من قفله

وجرب

وباااذن الله تروح المشكله


(( اخى الكريم هذه المشكله ماينسكت عنها فى حاله عدم نجاح الطريقه اللى قلتلك اقرب فرع لتايوتا او صيانه تايوتا ماتاخذ دقيقه ))

[المساهر]

وانتبه من الورش ااانتبه !!!!!!!

الوكاله سيده

[المهذبي]

شكراً لجميع الأخوه على تفاعلهم ولكن المشكله لا زالت مع العلم أني تأكد من أن الدبل مفصول

[شروكي ربع]

قد يكون انقطع عن القير الكهرب ..


تأكد من الفيوز وشيك عن كهربائي على القير ..


سؤال اذا حطيت عصا القير على 2 او 3 يفز الموتر بـ 1 او تحس ان فزته ضعيفه ؟؟



اذا ضعيفه اكيد من كهرب القير ..
واذا كان الكهرب مو واصل راح يتسمر على نمرة , زي ماقلت يقعد بـ 1 ولا يغيير ابد ..

[المهذبي]

شيكت على الكهرباء حقت القير وقالوا سليم وبالنسبة للقير يعشق عادي لكن بالريوس كأنه فاضي

[الساهر2003]

اخوي اول شيي افصل اصبع البطارية وانتظر 15 دقيقة وغير زيت القير والفلتر او الزيت لحاله وان شاء الله يضبط وانتبه من الورش وحتى الوكاله لانهم على طول يقولون توضيب وهو ممكن كهرب او فلتر متسدد او كتاوت معلق
مع اطيب تحية

[المهذبي]

أخوي الساهر كل شي سويته مثل ما قلت لكن الكتاوت ما أدري عنه ارجو التوضيح بهذا الخصوص وهل لتصليحه يلزم فك القير وشكراً

[أبوطلال2007]

بشر وش صار معك ياراعي البرادو .. تراك خوفتنا ..ودنا نشتري..وش رأيك؟

[ولدزايد]

اشوف اخوي راعي البرادو لاحس ولاخبر ارجو إطلعنا على المشكلة وش صار فيه.

[المساهر]

ياراعى البرادوا

هااا وش صااار يالله عسى خير

[مقلع الرمث]

اخوي اتوقع ان البرادو يحتاج تغيير زيت مع فلتر غيره وجرب وانشاء الله يزبط صارت معي بسياره هوندا اكورد مشيت عليها وااجد ولا غيرت الزيت وخرب عندي القير صار يلعب على كيفه غيرته وزبط

[المهذبي]

السلام عليكم ذهبت إلى الوكاله وفحصوه كمبيوتر وقالوا كهرباء القير ما فيها شي ويتوقعون أنها كلتشات القير ويحتاج القير لفك وطبعاً الوكاله نار اخته إلى ورشه متخصصه في الصناعيه القديمه يبي يفكون القير والله يستر ما أدري وش يطلع كلتشات ولا غيره.

[أبوطلال2007]

أسمعني ياراعيه .. هل سبق وأن غيرت زيت القير والفلتر من قبل .. ولا أنت مهمل من هالناحيه ... يعني ما غيرته من يوم شريته.. أرجو الرد للفائدة.،،

[رجل كريم]

وعليكم السلام ورحمة الله وبركاته:

اعتقد ان الجير سليم وماتحتاجه برمجة او تغيير منظم الجير ولا يمنع ذلك ان تجرب تغيير الفلتر مع الزيت .. اسأل الله ان تنتهي مشكلتك في اسرع وقت واقل خسائر ..

تحياتي ..

[المهذبي]

أخوي ابو طلال انا غيرت الزيت مع الفلتر على 80 وهو ماشي الآن 93

[مخاوي قناص]

اخي العزيز اتوقع والله اعلم ان سبب العطل قطعه صغيره داخل الجرابكس تسمى البدي بلف وهي تعمل كمنضم لنمر وسعرها انشاء الله بسيط وهذي القطعه سبب عطلها هو دعس البنزين ثم تعشيقها من nالىd اخوني الاتمتك حساس مايتحمل مثل العايدي لاكن ابشر ونااخوك بسيطه والله يعينك مخاوي قناص

[المهذبي]

اخواني الكرام السلام عليكم أبشركم لقيت مشكله القير وهي عباره عن قطعه ( تيله كما سماها الميكانيكي ) وقد سقطت على إثر سقوطها انفرطت كلتشات القير مماسبب المشكله المذكوره والحل فرطوا القير للتأكد من سلامته وأعادوا تركيبه بعد تركيب القطعه اللي هبلت بي :confused: وابشركم بدون قطع غيار سوى فلتر القير وزيت فقط والجدير بالذكر أنهم لا يعلمون سبب معين لسقوطها ولكن ولله الحمد والمنه شي أخف من شي يقول الميكانيكي بأنها لو دخلت في تروس القير لاحتاج لتغيير القير بإكمله وابشركم أن السياره رجعت تمام كما كانت

[ولدزايد]

اخوي المهذبي وش صار على الموتر بشر,اناكنت بالوكالة وسألت كبير المهندسين عن مشكلة القير وقالي 2005يجب تغير زيت القير والفلتر عند40الف وليس 80الف لأن 2005يختلف عن الجديد ,الجديد مافيه عيار زيت للقير ولذلك يغير عند80الف مع الفلتر اما2005فيوجد عيارولذلك يجب تغيرالزيت عند40الف مع الفلتر وشكرا.

[المهذبي]

اخوي ولد زايد المشكله وضحت كما هو مذكور أعلاه مع العلم بأن سيارتي ليس بها عيار زيت و أتمنى الفائده للجميع بتثبيت الموضوع من أحد الإخوه المشرفين

[ولدزايد]

معليش اخوي وش صارت المشكلة بالظبط ولاعليك امر لأن معي برادو .

[مخاوي قناص]

الحمد لله على السلامه المهذبي بهذه المناسبه وين بطلعنا:D اناعلي القهوه والشاي لايهمك :p مخاوي قناص

[المهذبي]

أخي مخاوي مقناص أبشر مشينا للصمان بس لا تنسى القهوه والشاي شكراً على متابعتك وبقيه الأخوان المكشاتيين

[المهذبي]

اخواني الكرام السلام عليكم أبشركم لقيت مشكله القير وهي عباره عن قطعه ( تيله كما سماها الميكانيكي ) وقد سقطت على إثر سقوطها انفرطت كلتشات القير مماسبب المشكله المذكوره والحل فرطوا القير للتأكد من سلامته وأعادوا تركيبه بعد تركيب القطعه اللي هبلت بي :confused: وابشركم بدون قطع غيار سوى فلتر القير وزيت فقط والجدير بالذكر أنهم لا يعلمون سبب معين لسقوطها ولكن ولله الحمد والمنه شي أخف من شي يقول الميكانيكي بأنها لو دخلت في تروس القير لاحتاج لتغيير القير بإكمله وابشركم أن السياره رجعت تمام كما كانت
وإليكم صور القطعه
http://www.mekshat.com/pix/upload02/images62/mk68276_copy of 20080217150.jpg
http://www.mekshat.com/pix/upload02/images62/mk68276_copy of 20080217151.jpg
http://www.mekshat.com/pix/upload02/images62/mk68276_copy of 20080217152.jpg

[الساهر2003]

الحمدلله على السلامة
وكنك في غرفة عمليات
الله يسلمك انت وموترك
والف شكر للجميع

[دايموند برادو]

السلام عليكم ورحمة الله وبركاته

أرجو من الأخ صاحب الموضوع ( المهذبي ) أو غيره من نشاما هذا الموقع , إفادتي عن المكان الذي صلح فيه سيارته البرادو , , لأنه حصل لي نفس المشكلة تماما ,,,,,

[دايموند برادو]

الإخوة الكرام :

رفعت الموضوع للأهمية , أرجو أن أجد حلا لهذه المشكلة ...

[دايموند برادو]

الرفع للأهمية , , , , رفع الله قدر من أعان أخاه .

[volcano]

الإخوة الكرام :

رفعت الموضوع للأهمية , أرجو أن أجد حلا لهذه المشكلة ...



ارسله على الخاص والله ييسر امرك

[دايموند برادو]

اخوي جزاك الله خير على ردك الكريم ,,

ولكن للأسف مشاركاتي قليلة , ولا أستطيع الإرسال.

[الباثفايندر3]

للرفع
ارسل رساله خاصة للاخ
لان موضوعه قديم جدا

[دايموند برادو]

بيض الله وجهك اخوي الباثفيندر

[volcano]

اخوي جزاك الله خير على ردك الكريم ,,

ولكن للأسف مشاركاتي قليلة , ولا أستطيع الإرسال.

تم ارسال رسالة خاصة لصاحب الموضوع و بانتظار رده .

[دايموند برادو]

عسى الله يبيض وجهك ,, ياغالي

انا اشهد انك نشمي ,, لاعدمناك اخوي .

[دايموند برادو]

للرفع رفع الله قدركم

[المهذبي]

الأخوة الأعزاء وفقكم الله
أعتذر عن التأخير في الرد.
الورشة هي العضيب لصيانة اللاندكروزر في الصناعية القديمه و وصفها كالتالي:
الدائري الشرق بإتجاة الجنوب - مخرج 17 يمين - استمر إشارتين تم النفق - الإشارة الأولي بعد النفق يسار - استمر حتى يجيك على اليمين البيان الجديد وعلى اليسار شلنجر - تلف يسار بعدين تجيك الورشه قبل الأخيرة على اليسار .
تحياتي

[ابو تركي 211]

مشكوور استفدت من موضوعك