المساعد الشخصي الرقمي

مشاهدة النسخة كاملة : سيارة جديدة .. بأستلام سواق


سهيل واحد
15/02/2008, 01:15 AM
السلام عليكم

الأخوان الكرام ..

انا ان شاء الله ناوي اشتري سيارة جديدة لعائلتي و بتصير بأستلام سواق و صراحة محتار وش اشتري ؟؟؟
السيارة الوحيدة اللي فكرت فيها هي الانفوي (تويوتا ) .. صراحة هي تكفي العائله .. لكن شكلها ما يشجع و ابي اذا احد منكم جرب هالنوع من التويوتا و كذلك ابي فزعتكم اذا تزكون نوع ثاني سواءً تويوتا او غيرها.. بس لا تكون من النوع اللي قطع غياره غالي او سيارة حساسة من ناحية الصيانة لانها بتكون بأيد سواق و انتم تعرفون ان معظم السواويق ما يرحمون السيارات ..
السعر اللي اقدر اصل له من 70 الى 85 الف ريال

الله لا يهينكم و عساكم للقوة


و السلام ختام

أخوكم
سهيل واحد
ابو وتين
15/02/2008, 01:21 AM
اخوي انا عنديلك سياره نظيفه استعمالي كامري بوكس 2001 تماتبك جي ال
aboodi1212
15/02/2008, 01:24 AM
مادام وصلت لهذا السعر فانصحك بسيارة تويوتا بريفيا مستعملة استخدام بسيط جدا وهي افضلك بكثيييييييييييييير وانا خبير . وتصحيحا السيارة التي تبغاها اسمها اينوفا وليس انفوي . ومبروك مقدما .وانا تحت الخدمة
اسد نجد
15/02/2008, 01:32 AM
انا انصحك بسيارة تويوتا ( انوفا) Inova

سعرها جديدة 60.000 ستين الف

تجي جنوط كروم وكشافات

وسيارة عملية وتكفي للعائلة وتستحمل مع السواقين

(( خالى شراى وحدة جديدة 2006 مع السواق ومن ايامها وهي ممتازة ))
.أبوعبدالرحمن
15/02/2008, 04:11 PM
اذا كنت تقصد هذي

http://www.up4vip.com/up/uploads/b6749fc9b4.bmp (http://www.up4vip.com/up)


فعز الله انك عرفت تختار موتر ما عليه ملام ابد ابد


ولد عمتي معطين السواق واحد 2006 والحمدلله ماشيء معهم تمام التمام


طبعا دفرنس وقير ومكينة كلها حقت هايلكس وقطع غيارها الداخلي للمكينة


قطع غيار هايلكس طبعا اذا صارت بيد السواق عطه عايدي اول شيء ارخص


في الشراء وعملي اكثر بكثير من التماتيك وارغب عند البيع والله يرزقك
مرقاب
15/02/2008, 06:06 PM
اخوي صدر من الهونداي سياره فان-H1- عائلية بشكل جديد ورائع والفان موجود من قبل وحقق شعبيه .وللاستزاده انظر للرابط التالي
http://www.3rabty.com/vb/showthread.php?t=3079
الوسيطاء
15/02/2008, 06:11 PM
الا انفوي الي ذكرتم ممتازه وش يدلك انها ممتازه مع اللموزينات ها الايام والموزين حمار مكده محشومين
ابا الأفلح
16/02/2008, 01:03 AM
اسمحلي ولوفيها بجاحه اذا سواقك بنغالي عزالله لو تشريله دبابه خربها 000 اما بالنسبه لسياره فالذي ذكرها الخ ابو عبدالرحمن موتر يستاهل واشفه مع الموزينات الي بمكه المكرمه0000000000
بدوي جنوبي
16/02/2008, 09:16 PM
اذا كنت تقصد هذي

http://www.up4vip.com/up/uploads/b6749fc9b4.bmp (http://www.up4vip.com/up)


فعز الله انك عرفت تختار موتر ما عليه ملام ابد ابد


ولد عمتي معطين السواق واحد 2006 والحمدلله ماشيء معهم تمام التمام


طبعا دفرنس وقير ومكينة كلها حقت هايلكس وقطع غيارها الداخلي للمكينة


قطع غيار هايلكس طبعا اذا صارت بيد السواق عطه عايدي اول شيء ارخص


في الشراء وعملي اكثر بكثير من التماتيك وارغب عند البيع والله يرزقك
ورد ابو عبدالرحمن وافي ما شاء الله
لكن احب اضيف ان الموتر دفع خلفي وهذا ما يميزها اكثر
الدحبول
16/02/2008, 09:25 PM
موتر ممتاز جدا وإختيار موفق
يلي في رد اخوي عبد الرحمن
أبو مسفر
16/02/2008, 09:33 PM
بانسبة للاخ اللي اقترح سيارة تويوتا بريفيا انا لا اؤيده بسبب ان الباب الخلفي منزلق وفي حالة الحوادث والسمكرة لا قدر الله صعب يضبطونه

انا اؤيد انوفا تويوتا مثل ما قالوا الاخوان سيارة رخيصة نوعاً ما ما تعدى 65000 باي حال وابوابها وطريقة ركوبها سهلة واهم شي هو توزيع المكيف الخلفي في السقف وليس مثل مكيف فورتيشر السيء في الشنطة

وان بغيت رايي الشخصي المتواضع

لو ابسلم موتري سواق مانيب متعدي جمس سفاري سيارة قوية وتحصلها استعمال امريكي من موديل 2003 وفوق ما تعدى 30000 ريال ومراتب مريحة وتوزيع مكيف ممتاز وسيارة تحمل وقطع غيار رخيصة جداً