انــــتبـــــــــه حريـــــــــــق

[ابو ســــاره]

تحيه عطره الي اخواني رواد منتدى مكشات ،،،،
ما اتكلم عنه وهو الحريق المفاجى الذي يتعرض له بعض الناس حفظنا الله واياكم والحريق يكون مفاجئ دون اسباب باختصار اليكم القصة
حدث في حدى المرات اني راجع من البر وكان الجو عجاج المهم وان اتمشي بالسيارة ومريت بالخط على كيس شعير قلت خل اباطاه بكفر يمين كذا لعب بس وبعد عشر دقايق يمكن الاا ذاك الشاص الي يحددني ويقول وقف من شدة صوته اسمعه وانا بالسياره خفت منه بالاول بعدين يوم هديت شوي الا ريحة عطبه كنت ملاحظة قبل بس قلت يمكن محرقة على الطريق يوم وقفت الي الموتر يشب من تحت الجهة الخلفية يمين جلست اتلفت لا حوي رمل ولا حولي مويه وطلع وكيس الشعير بعد ما دعسته لزق بالكنداسه وولع مع الحراره و الرجال الي وقفني طبعاً رجعلي يوم وقف علي طول طلع طفايته وطفا الموتر وعلى فكرة فيه لي تانكي البنزين احترق الا شوي ولا كان مصيبة كبير تشكرت من الرجال وما خليته يرروح الا وانا معطيه صيدي كله بصراحة كان الموتر بيروح مني بس الله لطف واول مارجعت شريت طفاية اتصدقون طفاية مع قاعدة حديد ممتازه ب 25 ريال بس لا والتعبية يقول ب 3 ريال بس الله يحفظنا وياكم اخواني .
واسف علي الاطالة

[Najd^Prince]

بسم الله الرحمن الرحيم


((^ ابو ســـــــاره ^))

الحمد لله على السلامه أولاً :) , والله يجزي اللي وقفك و نبهك كل الخير ;)
وفعلاً كلامك صحيح فالطفايه صغيره وماتاخذ مكان كبير في السياره
و أذكر من زمان صارت لي قصه أنا و أثنين من عيال خالتي على طريق القصيم
واللي صار ,, إنه بعد ماتعدينا التفتيش متجهين للقصيم مادرينا إلا لمبه الدينمو
تشتغل :confused: وقفنا ويوم فتحنا الكبوت
حصلنا الدينمو محترق و أنواع الدخان وأحترق الحامي الداخلي للكبوت
بحكم قربه للدينمو .
وأسكت بس حالتنا صعبه ماندري كيف أنطفي النار :D لان ماكان معنا طفايه
ذاك الوقت .

سلم لي على الالماني اللي من عام السبله حاطين مثلث و طفايه بالمواتر ;)
وكويس الحين عبداللطيف جميل سار على خطاهم في تأمين الطفايه و غيرها .

Najd ^ Prince

[desprado]

الحمد لله على السلامه ابو ساره و نجدبرنس

جزاكم الله خير على التذكير

[ابو ســــاره]

تحية عطره لكم اخواني ،،،
نسيت لا اقولكم اني برضه واجهت مشكله في تثبيت الطفاية بالجيب مالقيت مكان مناسب اكثر من تحت مرتبة الراكب الامامي يعني نفس مكان طفاية المرسدس:good: :good: :good:

[صقر]

مشكور اخي ابو ســــاره على التنبيه المهم

وتصور نفسك في مقطعة واحترق الموتر واحترق ومعه عفشكم ووسائل اتصالاتكم.

الله يستر علينا واياكــــم.

بارك الله فيك........

[Bader-M]

مشكور يابو ساره
على النصيحه
تقبل تحياتي

[ابو ســــاره]

الاخــــــــوه / امير نجد
ديسبرادو
صقر
طاير بالعجه

شكر اً على مروركم وتقبلوا احترامي وتقديري،،،،،،،،،،

[المترو]

الاخوان فعلا الطفايه مهمه جدا للسياره لكن انتبهوا من طفايات تويوتا وخاصه الاندكروزر ترها خرطي وغير سليمه ولا تطفي عود كبريت انا شخصيا جربتها ابي اطفي سياره محترقه بالطريق وفشلتني ثانيه الا وهي منتهيه وخاصه الهواء اللي بداخلها مع العلم ان البودره باقيه فيها بس ما فيها هواء

[ذيب البر]

انتبه انتبه انتبه كل شي تدعس لك شي وانت ماشي خاصه اذا كان قماش ياما شفت اشياء مشابهة

وعندي صورة جيب يحترق مره صورته وابنزل الصوره ان لقيتها لانك ذكرتني

وجزاك الله خير على النصيحة


تحياااااااااااااااااااتي

[nooh79]

السلام عليكم
نحمد الله على سلامتك.
نعم يالربع طفاية الحريق بالسيارة مهم جدا، ونحتاجها احيانا في الظروف الحرجة مثل ما حصل لاخونا ابوسارة.
خطورة طفاية الحريق:
طفاية الحريق هي عبارة عن خليط بودرة ومظغوطة بالهواء داخل اناء ( سلندر)، ويمكن تنفجر في اي لحظة وفي اي مكان، حصلت مرة افجرت طفاية حريق داخل سيارة واطلقت زي القذيفة واستقرت في المقعد الخلفي للسيارة ، حوالي نصف الطفاية دخل المقعد، حمد لله ما صابت احد، فمن اجل السلامة وسلامة الجميع يجب اتباع الأتي :
1-- الصيانة الدورية لطفاية الحريق.
2-- أفضل مكان وضعها داخل الشنطة الخلفي للسيارة .

[اعقاب]

الحمد لله على سلامتك

فعلا الموضوع مهم وانا من الغافلين عنه

الله يذكرك بالشهاده

والشكر موصول لجميع الاخوه

[الحاتمي]

ابوساره الحمد لله على السلامه وإذا سلم العود الحال يعود...... بس ترى فيه انواع لطفاية الحريق/A/B/C/ وكل حرف على ما اعتقد مخصص لإطفاء نار معينه مثل طفاية المواد البلاستيكيه المحترقه تختلف عن طفاية المواد الخشبيه؟؟ ياليت اللي عنده خلفيه اكثر مني ياشباب يوظح لنا انواعهن بدقه وإستخداماتهن؟؟ الحاااااااااااااااااتمي

[الفرعاوي]

مشكور يا ابوسارة

و المفروض يدققون على الامور حقين المرور و ما يجددون الاستمارة الا بفاتورة الطفاية مثل الدفاع المدني في حالة اصدار رخصة محطة اة محل ....

حمد الله على السلامة ...

[فـ(الجـوف)ـتى]

جزاك الله خير

والحمدلله على السلامه


مشكوررررررررررر على النصيحه 0