مشكلة الإديتر للباثفندر

[الصقر 2000]

ياجماعة ....
أنا عندي باثفندر 2003 والمشكلة بالإديتر ومعروف إن الباثفندر فتحات الإديتر له صغيرة وبالتالي يحتاج إلى تصيخ لكي يذهب السدد كل فترة ... وإذا لم يتم التصييخ ترتفع الحرارة خاصة بالنفود ......

عطونا حل يالرررررررربع .............

[م.أبوإبراهيم]

مال إلا تصيخه وإذا ما نفع لازم تغيره لأني اعرف كم واحد يحتمي موتره وسيخه ولا نفع وغيره وظبط موتره لأن الرديتر الألمنيوم الظاهر إذا احتمى مره يكمش ولا ينفعبه التسييخ

[salehhd]

السلام عليكم

الله يعينك
مالك الا تصيخ وتحط ماي رديتر اصلي
موتري 2004 والحمد لله حتى الان ماعندي مشكلة

[هــبــص]

اخوي لازم تغيره
هذي مشكلة موديل 2003

لي ابن عم معه نفس موترك ماظبط موتره لين غير الاديتر ..

[أبوناصر]

معي 2003 ونفس المشكله يحتمي صيخته وضبط


بعد اربع شهور رجعت الحرارة وصيخته وضبط


المشكله من الماء مبعد لقيت ماء ما يملح


لا تغير للنحاس أبد يذمونه يقولون يحمي على طول


لا تغير الاديتر لأن المشكلة في ظني من نوعيه الماء كل الموجود في السوق مغشوش ولو غيرت الاديتر بتبقى المشكله زي ما هي

والله يعين كل مره صيخ الاديتر


أتمنى لك التوفيق

[الصقر 2000]

مشكور ياشباب على الرد

طيب ما أقدر أغيره وأركب اديتر فتحاته أوسع ......

[M.A.N]

انا قد رحت لورشه وقال الباثفايندر كل 100 الف لازم يغير رديتره

[أبوناصر]

لا يهمك هذا الي قالك شكله نصاب


ما هيب من القطع الاستهلاكيه


عشان يغير كل 100 ألف


وقريت الكتلوج ولا لقيت فيه ذكر للاديتر

[بحيرةشمس وقمر]

من رايي يا اخوي الصقر2000 أنك ما تغامر بالموتر اذا الحرارة ترتفع .. لأنك تبي تخسر شيء واجد .. احسن لك عالج المشكلة قبل الصيف

[edar]

طيب ليش ماتحطون مويت الرديتر حق التويوتا افضل مويه خذي لانه فيها نسبة بسيطة زيت ومواد مانعه للتأكل وسعره مرتفع لجودته
ودي اجرب بس متخوف انا عندي نيسان 2003
وياليت احد اذا جرب يبلغنا

[عاشق الغضا]

نصيحتي حط موية تويوتا الاحمر الاصلي تقريباَ سعره 40ريال بشرط لاتحط المويه كلهاحط نصف العلبة ثم تظيف مويه مقطر الباقي ثم يضبط بأذن الله تعالى

[بواردي الدلم]

انا من رايي تحط مويه مقطره بس لانها خاليه من الاملاح وكرتونها رخيص اخبره بعشره الحين يمكن ب 13
فيه 12 حبه


ولا تضيف لا مويه حمرا ولا خضراء وجرب اذا ضبط تمام ماضبط فك البلف الداخل وانس الحراره مثلي

الشي الثاني اذا فضيت الرديتر وجاء يعبيه خله ينسم له الهواء تلقى لك بلف وراء المكينه في النص يشبه بلف الهواء عليه سداده ربل شلها وخله ينسم هواه وراح يضبط انشاء الله

[zzz714]

ترى الباث فندر فيه بلفين حرارة واحد ورا المكينه والثاني عند الخرطوش الداخل للرديتر انتبه قد تكون المشكه منه ولا احد ينتبه له

[واثق الخطوة]

ياساتر يا شباب والله خوفتونا من الباث
قسم بالله ناوي اشتري إلا شوي
بس هالحين براجع الحسابات

جزاكم الله خير

[الساهر2003]

شباب ممكن استفسار بسيط
انا اليوم وانا رايح للعمل ودرجة الحرارة 34 الظهر شغلت المكيف وتقفز الحرارة مثل الغزال لفوق الخط الثاني باث 2005 تماتيك ووسوست وقلت ماينفع لزم نفك ونربط وممكن تدلونا على مكان البلف الثاني حتى نجرب نغيره ببلف 74 او نخرمه بريشة 2 ملم ونخرم البلف الامامي ونغسل الاديتر ولعل الحرارة تستقر
وابعدونا عن التسييخ وفك الرديتر و وارتفعة الحرارة وتونا ماجا الصيف ولا التطعيس القوي والشد على الموتر والله مشكلة
مع اطيب تحية للجميع

[أبوخطاب]

حط ماء اديتر أحمر الأصلي تلقاه عند قطع الغيار (تيوتا) سعرة ب25 للجالون الواحد والجالون 4لتر أنا مجربه ممتاز بلا أمريكي بلا هم

[بواردي الدلم]

طيب نسيتو شي مهم وانا اولكم

يمكن من غطاء الرديتر

ترى قد صار لي مشكله في حراره الددسن

غيرت الغطاء وزان كل شي

بعدين قربه المويه لاتملاها مويه لانك اذا مليتها وبدت مويه الرديتر تحتمي غطاء الرديتر يرتفع من ضغط حراره المويه ويتحول الماء من الرديتر الى القربه واذا برد يرجع من القربه الى الرديتر
فإذا كان الغطاء مايرتفع او القربه مليانه النتيجه هي ان الحراره بترتفع فوق الحد المعقول

وإذا تبي تجرب عب الرديتر فل والقربه فل وشف بنفسك