كفرات الفورتشنر ( وش تنصحون ) ؟

[Khalid AlGhamdi]

السلام عليكم ورحمة الله

الكفرات اللي تجي مع الفورتشنر برجستون ويبدو انها مخصصة للمناطق الوعرة لان مطبها قاسي ! مع العلم انها جيدة من ناحية التحميل .

ودي اغيرها بكفرات تكون لينة اكثر وتناسب الديرة والسفر بالدرجة الأولى وهل تنصحون بالدنلوب ؟ وش رايكم ؟؟

ووش تسوى كفراتي لو ابيعن ؟ علماَ بانها ماشية 36 الف كلم وحالتها ممتازة

[najazy]

وعليكم السلام ورحمة الله وبركاته
أبو معاذ قريت بالنت إن واحد مبدل برجستون بدنلوب نفس المقاس 265
ولكن الدنلوب أعرض شوي مع إن المقاس هو هو والدنلوب ألين بعد حسب قوله
وكفراته باعهن ب600 - 700 ريال تقريبا وهن ماشيات حول ال 60,000
والله يختارلك الخير منهن
((مادري ليش أحس إنك قاري المقال اللي قريته أنا لذلك منب حاط الرابط))

[wewe150]

أبو عزام معنا في المنتدى بيسير على الموضوع

بس هذا لاطشه منه في منتدى تويوتا العربية





بسم الله الرحمن الرحيم



بالأمس غيرت كفرات السيارة وركبت (دنلوب)


أردت أن أخذ مقاس 275 العريض ولكن حين شرعنا في العمل عليها وبعد تركيب أول كفر


جانا واحد من العمال في المحل وقال (تراها تحك في السيارة وسبق ركبناها على سيارتين مثل سيارتك ورجعوا يبدلونها).


المهم نصحوني بنفس المقاس وأنا استغفر الله ظلمتهم قلت يمكن بيصرفون علي كفرات ثانيه أو شيء من هالقبيل


وقلت لهم: هاتوا الكفر اللي نفس مقاس الوكالة بأشوفه


وبعد معاينة الكفر أتضح لي أنه نفس مواصفات 275 بالضبط ولا يفرق عنه إلا أنه أعرض قليلاً وتاريخه أجدد من العريض.


وبعدين جبت كفرات الوكالة (برجستون) القديمه وحطيتها جنب الكفر الجديد (دنلوب) مع أنهم نفس المقاس ولكن


أتضح أن الدنلوب أعرض من البرجستون.


هذا ما حصل في المحل والحمد لله ركبت مقاس 265 وأشوفه ممتاز جداً على السيارة.


التجربة:-


بعد التوجه للبيت لاحظت الآتي:-


1- صوت الكفر وهو ماشي أفضل من أول.


2- المطب (وهذا المهم): مع أن الكفرات الجديده كان فيها ضغط هواء 35 إلا أنها أفضل من البرجستون السابقة التي كانت حاط فيها ضغط 20


3- الدعسة رائعة وممتده حتى على الجوانب لزيادة الحمايه الجانبيه للكفر.


4- تحكم أكثر ومنظر أجمل.


وهذي بعض الصور


http://meem79.googlepages.com/05022008004Small.jpg


http://meem79.googlepages.com/05022008005Small.jpg





هذا وأشكر جميع من نصحوني في موضوعي السابق وعلى رأسهم أخوي دفع رباعي وأبو حمد ولا يهونون البقية



نصحية أخيرة: إذا كفراتك القديمة ما جابت سعر فلا تفرط فيها لأن أصحاب محلات البنشر يعطون في كفرات الفورتشنر الوكالة 600 إلى 700 بالكثير إذا كانت ماشيه 1000 وزياده


وأنا بعتها أحد الزملاء بمبلغ أفضل من هذه المبالغ



تحيتي للجميع مع الدعوه بالتوفيق



سلام

[Khalid AlGhamdi]

جزاكم الله خير يا اخوان على ردودكم وتفاعلكم

سبق اني كنت مركب الدنلوب على الباترول والحقيقة انها فضيحة ، اذا لفيت ولا ديورت الكل يتلفت يحسبون فيه واحد يفحط !! ولا اني احط فيها 40 عشان افتك من الازعاج !

فهل من بديل :) ؟

ومن وكيل الدنلوب عندنا لو بغيت اشوف اشكال غير الشكل اللي ركبه اخونا ابوعزام ؟ لاني شفت على البرادو دنلوب لكن النقشة والشكل يختلف

[Khalid AlGhamdi]

وانا ابحث عن كفرات مناسبة لسيارتي لقيت كفرات ميشلان ، والحقيقة انها غالية مقارنة بغيرها

الكفر الواحد 550 ريال ! مقارنة بالدنلوب 360 ريال والقوديير لينة بالحيل لكن سعر الواحد 590 ريال ! ولاسعرته باكثر من مكان ،

لكن نقشة الميشلان ناعمة واطرافة انسيابية كانه كفر سيارة صغيرة

فهل احد منكم يسعفنا بتجربته عن الميشلان ؟
كيف صوته هل له ونين في الخط ؟
وشلونه في البر ؟
يتحمل حرارة وسرعة عالية ؟

[راع الوفاء]

السلام عليكم
طيب ما تلاحظون ان الدنلوب فيه أصوات مع المشي