محتار اشتري(نافارا نيسان)4x4 والا (ايسوزو دي-ماكس)4x4 ارجو المساعده.......!!

[هشام005]

السلام عليكم جميعا:)


انا يا شباب ابغى اشتري سياره بس اني محتار بين


:confused: (النيسان نافارا)4x4 :confused: والا :confused: (ايسوزو دي-ماكس):confused: 4x4


وفي نفس الوقت محتار :rolleyes: :confused: هل الدبل الالكتروني زين والا


تحصل منه مشاكل :(


فاذا ما عليكم امر الي عنده معلومه :p او انه مجرب حدا


هالسيارتين


يفيدني الله يجزاكم خير ويكون بأ سرع وقت



وشـــــــــــــــكـــــــــــــرا لــــــــكـــــــم
:D

[alkongrs]

ديماكس افضل والنيسان نافارا ضيق من وارا وتبي الي يمشي هايلوكس هو المرغوب ولا تنسى الاستخاره

[سحاب تميم]

وعليكم السلام ورحمة الله وبركاته

اخوي وش المواصفات وكم الاسعار

ملاحظة* موجود نافار دبل

[.أبوعبدالرحمن]

اول شيء اذا كنت من اهل السعودية

نافار دفرنسين ما فيه

اما الديماكس موجود


وشوري عليك خذ ايسوزو علما ان الهايلكس افضل منه بمراحل


لان النافارا المرتبة اللي ورا ضيقة جداجداجدا
ايضا توه نازل ولا انتشر الى الان يعني يمكن به خربات وتتورط به

[مساير الليل]

والنيسان نافارا ضيق من وارا

أستغرب من البعض يحكم كذا بالعكس المرتبه الخلفيه واسعه جدا بخلاف القديم

وأحتمال تكون أوسع من الهايلكس


**للمعلوميه السعوديه على حسب معلوماتي لم يصل لها نفارا دبل

[هشام005]

الله يعطيكم العافيه جميعا
وشكرا على المساعده

[alkongrs]

أستغرب من البعض يحكم كذا بالعكس المرتبه الخلفيه واسعه جدا بخلاف القديم

وأحتمال تكون أوسع من الهايلكس


**للمعلوميه السعوديه على حسب معلوماتي لم يصل لها نفارا دبل

شف اخوي مساير الليل انا ركبت نيسان نفارا ورا ضيق ورح لم الوكاله الي بشارع الستين واتشوف :D احتري ردك

[gsb]

على العموم نافارا لوتجي 6 سرندل زي المواصفات الأمريكية راح تغطي على بعض الجيوب

في امريكا تجي بكثرة 6 سرندل (مكينة الباث الجديد والاكستير ) لو الوكيل يجيب المكينة ذي

فخذ نا فارا ولا تشاور احد اذا كان مقصدك القوة والعزم ولا عندك استعداد للتنازل

موجوده نافارا 4x4 وارد الأمارات لكن المكاين عادية 4ويقولن العزم قوي بالحيل على ذمتهم.

[salehhd]

السلام عليكم

الشباب ماقصرو وزي ماقالو مافي نفارا دبل في السعودية حتى الان والسيارة مروفة من زمان في السوق ا لاوربي وحصلت على جوائز عدة
كذلك في رالي حائل حصلت نفارا على المركز الثاني وكذلك ا لرابع

شوف هذه التجربة ان شاء الله تفيدك

تجربتي المصورة لنيسان NAVARA 2008 (http://www.assayyarat.com/forums/showthread.php?t=117203) ‏

والديماكس سيارة ممتازة وماتنعاب وخاصة الديزل تيربو

ولا تنسى الاستخارة
بالتوفيق

[nashad]

انا استخدم حاليا اسوزو دي ماكس
وبصترحه ممتازه

[هشام005]

الله يعطيكم العافيه
جميعا

[سيف الظفير]

الدبل الكهرب لا تقربة تراه نكبة ويفصل اذا طولت عليه او شبيت على الموتر وانت عالق في النفود والافضــل خذ لك هاااايلوكس دبل

[MeL7]

ليش ما تفكر في المستوبيشي 6 سرندل
سياره اعتمادية وشكل خطير لا وفيها مميزات حلوه مره
مثل القزاز اللي ورا راس الراكب الخلفي ينفتح اتوماتيك وفيها كمبيوتر رحلات
كل هذا بــ80 ألف طبعا 190 احصان

[س هـ ى دماكس]

من خلال تجربتي للديماكس 2005 و مقارنتها بالهايلكس 2006 تبين الفرق الشاسع في قوة المحرك و الأداء في النفود فقد جربت السيارتين في طلعة واحدة للنفود و كان الديماكس يطلع مع أماكن لا يستطيع الهلي الطلوع معها

ناهيك عن خروج رائحة الكلتش في أول دخولنا للنفود من الهلي مع أن الديماكس كان يحمل معه تانكي ماء 180 لتر و خيمة البيرق و خيمة صغيره و غزبتين و الغماره فيها 3 أشخاص .

أخوي لا تقارن الديماكس مع الهلي أبدا ،، نعم الهلي يتميز فقط بهدوء المحرك و هذه تداركتها شركة سوزو في الموديلات الحديثة 2007 فما فوق

لكن النيفارا لا أعرف عنها شي ...

أما من يقول الدبل الكهربائي يوهق .... فكلامه غير مبني على دليل

ما أظن أحد مثل طلعاتي للنفود و لم تحدث لي أي مشكله في الدبل ولله الحمد ،، ناهيك عن أن الدبل الكهربائي يفصل عامود الدبل عن الدوران في الديماكس .

تحياتي ،،،

[معشوقي الصمان]

أنصحك من باب تجربة عندي ديماكس2005 السيارة ماشاء الله ممتازة جدآ وعملية
من مميزاتها مريحة عن غيره واسعة في المرتبة الخلفية
الله يوفقك...

[الربذي]

وعليكم السلام
هل نزلت نفارا دبل
الي اعرفه انها مانزلت دبل 4*4 بعد الا ماادري عن2011 على كلام وكالة نيسان

[moog2006]

النافارا دبل موجود بس ديزل فقط.....علم اكيد

[المرزم]

اخوي اسمع من انصحك تاخذ
نافارا

[عبدالرحمن1980]

الموضوع من 2008 الله يحيينا حياه طيبه