المساعد الشخصي الرقمي

مشاهدة النسخة كاملة : مشكلتين في السفاري الربع


الجمس الحمر
17/02/2008, 10:36 AM
أعزائي اعضاء مكشاتنا الغالي

السلام عليكم ورحمة الله وبركاته

لدي مشكلتين أرجوا ان اجد لها حل لديكم حيث أنني اشتريت جيب ربع نيسان سفاري2003 ومع المشاوير الطويلة اجد حرارة مرتفعة جدا خلف مقعد السائق (عند أرجل الراكب في المقعد الخلفي) ولا اعلم السبب، والمشكلة الثانية هي أنني إذا كنت امشي بسرعة تزيد عن 100 ك/م ومريت على مطب ولو خفيف تهتز السيارة اهتزاز عنيف ويهتز أيضا القير بشكل يدعو للتخفيف السرعة ...


أرجوا من لديه الحل طرحه هنا مشكورا مأجورا
ابو ريان الصقر
17/02/2008, 02:00 PM
السلام عليكم
للحراره ركب كنداسه يوكن
الرجه غير جتد الذراع اللي بين الكفرات
ابو ريان الصقر
17/02/2008, 02:08 PM
السلام عليكم
للحراره ركب كنداسه يوكن
الرجه غير جتد الذراع اللي بين الكفرات
الشعيبات
17/02/2008, 02:18 PM
بارك الله فيك ونا عندي نفس المشكله تقريباً وزود عليها رجه قويه مااقدر ازيد السرعه عن 110
وسويت ترصيص ارضي راحت الرجه فتره ورجعت وغيرت اأذرعه بس مافيه فايده
ياليت احد يفينا
بدراان
17/02/2008, 04:42 PM
جلد عمود التوازن تسبب رجة فظييييعة تحس ان الموتر خطر وينقلب !!!!

احتمال كبير جدا
ابا الأفلح
17/02/2008, 08:13 PM
با النسبه لمشكلة الحراره حصلة معي 2003 ايظااا المشكله اظنها من الصاجه الي بين الكنداسه والبدي تنحل من الموتر وتطيح ومافيه منها بالوكاله لزوم تدورها بالتشليح وبالنسبه لرجة القير اعتقد والله اعلم كرسي قير وشكراااااااااااااااااااااااااااااا
مقلع الرمث
17/02/2008, 09:36 PM
اخواني الرجه مره انا فكيت باترول شف الذراع الي قدام الدفرنس الاماامي تحصل ذراع هذا المايل الي ماسك بمساعد الدركسون تحصل ربلات مكبوسات كبس تفكه ياطويل العمر وتوديه لم المخرطه عشان يفكه لك وبعدين يركبلك جدد طبعا اصلي الظاهر مايجي الا مع العامود كامل لكن تحصل نوع ياباني عند المحلات يكبسهن لكن ويصير الموتر مزبوووط وااسف على الاطاله مجرب تراي زيكم انا لكن انا ازود منكم غيرت كل شي بالموتر اخر شي صارت ربلتين حتى الرباطات ماااسلمن واسف على الاطاله للمره الثانيه اخوي نسيت اقولك سبب الحراراه الي تحت السياره يكون في علمك ان الكنداسه حقت الباترول وقزوزه وقشه يكون تحت مرتبت السوااق يعني الله يكون في عون الي راكب وراك وانت تحس بعض الاحيان رجلك ضياان من الحراراه اخوي انصحك انك تعزل الموتر كامل وراح تلاحظ الفرق وانا عزلت سيارتي عند النافوره بعنيزه لكن شغلهم تماام بس فيه افضل اكيد لكن فيه عازل مزبوط الي يجيك اسفنج وفوقه شي مثل القصدير اسف على الاطاله للمره الثالثه
الجمس الحمر
18/02/2008, 10:08 AM
الاخوة

جرح الضمير

الشعيبات

bdran

ابا الأفلح

مقلع الرمث

اشكركم على إضافتكتم وكريم تعاونكم

ويتضح من كلامكم أن مشكلة الحرارة تتلخص في سقوط عازل الكنداسة والحل هو إما تركيب عازل للكنداسة (في التشليح) أو بعزل السيارة كاملة وأظن أن عزل السيارة بالكامل مكلفة مقارنة بتركيب عازل الكنداسة



أما مشكلة الرجه فهي إما من:
1- جلدة الذراع اللي بين الكفرات
2- جلد عمود التوازن .
3- كرسي القير.
4- ربلات ذراع مساعد الدركسون.


والظاهر إن بين الأقتراحات الأربعة فرق فياليت من تعرض لنفس المشكلة وقدر يحلها أن يكتب ما حل له هنا


شاكرا لكم أضافاتكم
عاشق الغضا
18/02/2008, 10:19 AM
مشكلة الحرارة هي الصاجة الي فوق الكنداسه الي بالبدي ومشكلة الرجة اتوقع من مساعد الدركسون فاانصحك تركب مساعد قوي حق امريكي جمس ويضبط ان شاء الله