مشكلة انحلال مسامير ثلاجة الباث كيف يمكن تفاديها ؟؟

[شروكي ربع]

السلام عليكم ورحمة الله



حيا الله جميع رواد منتدانا العزيز ..



كما بالموضوع , كيف يمكن تفاديها ؟؟



اخونا العزيز بن محفوظ نزل موضوعين عن مشكلته معها ..


وسبقه كما سمعت تحذيرات اخرى ..



لكن كيف نستطيع تفادي المشكلة !!



او كيف نتكهن او نتوقع بقرب انحلال المسمار ؟؟



هل بمقدار معين من الممشى ؟؟ او بمدة معينة من الاستخدام ؟؟



اتمنى التوضيح بارك الله فيكم ..



ولمن واجهته المشكلة كم كلفه اصلاحها ؟؟



واذا حصل ان يذكر لنا ورشه متخصصه او تعرف حل هالمشكلة اكون لكم من الشاكرين ..



لان الباث كما تعلمون مسبب رعب للورش لا اعلم لما !! لا تقربه اي يد ..



بانتظاركم

[أبوناصر]

اي والله وأنا كذلك في أمس الحاجه لهذا الجواب


أتمنى ممن واجهته المشله يفتينا

[مساير الليل]

أخواني فيه راعي ورشه معروف أسمه قايد إذا كنت ماني غلطان


يقوم بتغيير مسامير الثلاجه بمسامير أطول وكذلك يحط لمسة سلكون


على كلام الشباب


وألي محتاج أحاول أجيب له العلم الأكيد

[شروكي ربع]

أخواني فيه راعي ورشه معروف أسمه قايد إذا كنت ماني غلطان


يقوم بتغيير مسامير الثلاجه بمسامير أطول وكذلك يحط لمسة سلكون

على كلام الشباب


وألي محتاج أحاول أجيب له العلم الأكيد



يا اخي الكريم ان كان هو اللي باالصناعية القديمة فـ فكنا منه ..


الرجل تخصصه شكامين ولا هو ضابط شغله بعد , العالم تشتكي منه ...


ويتعلم على مواتر هالعالم ..


لا وبيجي يشتغل في ثلاجة باث , لا والله الي افلحنا !!


ومشكور على حرصك يالغالي ..


******


ملاحظة :


المطلوب الاساسي كيفية معرفة الخلل و التنبؤ به مسبقا ً ..


يعني هل له عمر افتراضي معين ؟؟


او اي معلومات تفيد ..


والتكلفة الاجمالية ..


ومشكورين

[مساير الليل]

أخواني فيه راعي ورشه معروف أسمه قايد إذا كنت ماني غلطان






أسف أخواني جبت العلم واسمه رشيد وليس قايد

[عاشق الغضا]

السلام عليكم ورحمة الله وبركاته
الورشة المعروفة والمتخصصة بربط وتلحيم المساميرالثلاجة هي ورشة الخضير ببريدة عند التشليح وهومعروف وانا اعرف واجدين من الاصدقاء صلحوها عنده ,,,,,, فالذي يملك باثفاندراو باترول 2005او2006وهونفس مشكلة الباثفندر انصحه لايروح الاهذي الورشة وقيمت التصليح 250 ريال فقط ويجب عليك قبل لاتروح لمه تتصل عليه وتحجز والي يبي رقم الورشه مستعد اجيبه له

[بوفايز]

السلام عليكم

الحل بسيط ان شاء الله. طبعا هذا حل لكل البراغي او المسامير اللي تنحل بسرعة.

تروح ساكو وتشتري الاغراض التالية:

1- WD-40 اظنه معروف اللي هو زيت الصدا
2- Contact Cleaner او منظف موصلات كهربائية
3- Thread Locker وهي مادة تمنع انحلال المسامير او البراغي

الطريقة:

1- تفك البراغي وتنظفها بـ WD-40 وكل ما كثرت كل ما كان احسن. والافضل انك تتركها لمدة يوم مغرقة بهالمادة
2- تنظف البراغي او المسامير بقطعة قماش نظيفة الين تشوفها تبرق مثل المراية. التنظيف مهم جدا جدا
3- تنظف البراغي او المسامير او المكان اللي تركب فيه بالـ Contact Cleaner ترش عليه وتنتظر الين ينشف. طبعا هالمادة تتبخر بسرعة.
4- تجهز كل شي للتركيب
5- تضع نقطة واحد من الـ Thread Locker على البرغي او المسمار وتسكره جيدا.

ان شاء الله بهالطريقة ما راح تحتاج انك تشد على البراغي او المسامير مرة ثانية وان شاء الله انها ما تنحل. تكلفة المواد تقريبأ 35 ريال. اهم شي في التنفيذ ان كل شي يكون نظيف بالذات البراغي والمسامير. وأي سؤال انا حاضر.

كل الود

بوفايز

[شروكي ربع]

بوفايز كل الشكر ..

ولكن من دون فك كيف نعرف ؟؟

عاشق الغضا عطنا الوصف لا هنت ..

مساير الليل كذلك الوصف لاهنت ..

[مساير الليل]

ألي يحتاج رقم رشيد يراسلني الأني أتوقع ممنوع وضع أرقام

ولا أنا غلطان

إذا كان مسموح حطيناهـ

[لمع السحاب]

معليش يا شباب وش السالفة وش اللي تتكلمون عنه هل الثلاجة اللي في الاديتر ام لا لان حصل معي مشكلة في اللي في الاديتر
يتبع بعد الرد

[بوفايز]

السلام عليكم أخ شروكي ربع

هذي الطريقة لأي نوع من المسامير او البراغي ما يفرق ثلاجة ولا غيره. وتقدر تستخدمها في السيارة في البيت في المحركات والادوات الاخرى. هذي طريقة لمنع انحلال المسامير والبراغي اي كان نوعها.

بالنسبة لثلاجة الباث انا ما عندي خبرة

بس على شان تتفدى هالشي يحصل فك الثلاجة استخدم هالمواد وان شاء الله ما تنحل عليك المسامير.

كل الود

بوفايز

[عاشق الغضا]

الوصف يالحبيب تخلي تشليح العجلان ببريدة على يسارك وتروح وجهك جنوب ثالث محل تقريبا بعد العجلان على يمين ورقمه واذا بغيت تأخذ الوصف والحجز هو تشليح الخضير 0500140700