اصحاب اللاند كروزر

[رومل]

مساكم الله بالخير
عندي رجه في السياره على سرعة 140 وفوق

واحد من الشباب يقول يلزمك ترصيص عمود الدبل

وعمود السرعه وش رايكم احد جرب او مرت

عليه نفس الحاله ومنكم نستفيد اخواني اعضاء مكشات

[محمد الحريقي]

مساكم الله بالخير
عندي رجه في السياره على سرعة 140 وفوق

واحد من الشباب يقول يلزمك ترصيص عمود الدبل

وعمود السرعه وش رايكم احد جرب او مرت

عليه نفس الحاله ومنكم نستفيد اخواني اعضاء مكشات

شيك على عمود الكردان وعمود الدبل..........

[الشقردي]

أهم مشئ في البداية تتأكد من الكفرات والجنوط انها مرصصه تمام وان الرجه ماتطلع على 80. وان الهوبات مافيها مشاكل من عند احد الميازين المعروفه. واحتمال الموضوع يكون بس طين ناشب في الجنوط

كم موديل سيارتك ؟ وهل تشحم عمود الكردان انتبه له؟
أنا بالنسبة لي معي98 vxr وكانت الرجة تطلع على 140 وكلما زدت السرعة تزيد, غيرت عمود الكردان الخلفي وزانت الأمور.
عموما أنا رحت لورشه في صناعية الرياض متخصص في الكردان(اظن اسمه فريد او وحيد للخراطة), وكان اختباري عنده انه فك الكردان الخلفي ورحت مشيت عليه دفع أمامي بس ولا طلعت الرجة. العمود بحوالي 850 ريال وتجي معه الصليبات غيرتها وزانت الامور

هذي تجربتي ويبيلك تتأكد قبل تسوي أي شي

[جي اكس أر 3]

بخصوص الرجه اول شئ تتئكد من الكفرات ثم الجنوط بعدها تروح الي ورشه بصناعيه القديمه يكشف لك علي عامود كردان ثم عامود الدبل يرفع السياره ويختبر دوران العامود كذالك عامود الدبل وهو نصوح ومتمكن وقد صارت معي قبل اسبوع واذا بغيت اسم الورشه ورقم هاتفه ابشر ولا يهمك نخدمك طال عمرك حتي اني شرطت عليه اذا لم تكن الرجه منه سوف يرجع القديم واخذ فلوسي وذكر هذا بلفاتوره واعطاني اسبوع والله الحمد اختفي الصوت والرجه ،،،

[alkongrs]

شف اخوي يمكن عمود الكردان او كراسي المكينه

[ولد وايل]

شيك على عمود الكردان وعمود الدبل..........



كلام سليم 100% صارت معي قبل كذا العامود شكلك ماقد شحمته من وكالته

[cars]

يمكن الشاص معدل عندك يمكن كانت مصدومة سيارتك كانها ماتصلح حاول تشوف غيرها افصل شي جديد ماتصلح فيها وتريح البال ان شاء الله الله يرزقنا وياك الشي الطيب النظيف

[جارح العين]

السرعه القانونيه 120 وش خلاك تروح 140 ولا مشتهي مخالفه
او انك بايع عمرك
خخخخخخ

[قلب السبع]

بخصوص الرجه اول شئ تتئكد من الكفرات ثم الجنوط بعدها تروح الي ورشه بصناعيه القديمه يكشف لك علي عامود كردان ثم عامود الدبل يرفع السياره ويختبر دوران العامود كذالك عامود الدبل وهو نصوح ومتمكن وقد صارت معي قبل اسبوع واذا بغيت اسم الورشه ورقم هاتفه ابشر ولا يهمك نخدمك طال عمرك حتي اني شرطت عليه اذا لم تكن الرجه منه سوف يرجع القديم واخذ فلوسي وذكر هذا بلفاتوره واعطاني اسبوع والله الحمد اختفي الصوت والرجه ،،،


تكفى تكفى لاتخليني يافي اكس ار

اولا السلام عليكم

ثاني شئي اخوك عنده جي اكس ار موديل 2006 شاريه وكاله

والحقيقه فيه مشكلتين بسيطتين

الاولى اني مره سحبت سياره كانت مغرزه وطبعا سحبتها بدون تعشيق الدبل

وبعده طلع عندي صوت عند تبديل النمره بين الريوس و دي صوت طقه

والمشكله الثانيه هي مشكلة الرجه

والحقيقة ان الكفر لك عليه

اللي ابيه منك ومن الاخوان انك اول شئي تعطيني اسم الورشه وترسل رقم تلفونه

والثاني ماهو الصوت اللي باللي بالقير

[نقا المطوع]

السلام عليكم ورحمة الله وبركاتة
احتمال 90% عمود الدبل يتطلب الكشف عند ورشة متخصصة حيث حصلت هذه المشكلة عندي وتم الفحص عند ورشة الصفدي لفحص الاعمدة في الصناعية القديمة وتم تغيير العمود 980 ريال وذلك بسبب عدم التشحيم ونصح جميع الاخواه بتشحيم السيارة .
واي معلومات اخر يمكن التواصل عن طريق الايميل الخاص

[بدوي جنوبي]

ترا العمود لا صار مقلوب

يسوي رجه انتبه


يعني هل سبق وفكيت العمود

[رومل]

اشكر مرور الجميع وعلى عيني وراسي
انا اشحم العمود بعد فترات

غسلت السياره ولا يوجد طين في الجنوط

الكفرات دنلوب ترصيص ممتاز

الصليبات كويسه نوعا ما الصليب الامامي

فيه فضاوه بسيطه

سبق وفكيت العمود بسبب تغيير صوفه

[Mohammad]

أهم مشئ في البداية تتأكد من الكفرات والجنوط انها مرصصه تمام وان الرجه ماتطلع على 80. وان الهوبات مافيها مشاكل من عند احد الميازين المعروفه. واحتمال الموضوع يكون بس طين ناشب في الجنوط

كم موديل سيارتك ؟ وهل تشحم عمود الكردان انتبه له؟
أنا بالنسبة لي معي98 vxr وكانت الرجة تطلع على 140 وكلما زدت السرعة تزيد, غيرت عمود الكردان الخلفي وزانت الأمور.
عموما أنا رحت لورشه في صناعية الرياض متخصص في الكردان(اظن اسمه فريد او وحيد للخراطة), وكان اختباري عنده انه فك الكردان الخلفي ورحت مشيت عليه دفع أمامي بس ولا طلعت الرجة. العمود بحوالي 850 ريال وتجي معه الصليبات غيرتها وزانت الامور

هذي تجربتي ويبيلك تتأكد قبل تسوي أي شي

اخوى كيف دفع امامى يعنى شغلت الدبل, والقير عادى والا تماتيك

[طير حوران]

وين فيه ورشة الصفدي

[F B I]

يا الغالي انا صارت لي قبل فترة طالع من الرياض وامشي 120 وترج الهيئة الامامية واوقف عند اقرب بنشري وارصص الموتر وحين وصولي الى منزلي رحت لورشة وفحصة وقال عندك جلب مساعد الدركسون متقطعه وتسوي رجة با الموتر

[رومل]

غيرت الصليبات لعمود الكردان ووديت العمود للمخرطه قال سليم 100%

خفت الرجه شوي وبكرا رايح افك عمود الدبل واعطيكم مايحصل معي والله

عقدتني الرجه

[بو نوره]

غالباً الرجة من عامود الدبل ( سبق ان مريت بنفس المشكلة )
والحل لا تغير العمود بسبب غلا سعره ( اعتقد 750 ريال )... وانما ركب فرارات ( 140 ريال ) وبذلك تفصل دوران العمود وتنحل مشكلتك .

[رومل]

مساء الخير اكمالا للمشكله اللي معي بعد عدة محاولات اليوم فكيت عمود الدبل
ومشيت بسرعه عاليه شوي راحت الرجه والحنه المتقطعه اللي من اول وعلى
طول رحت للمخرطه وشيك عليه الا فيه اعوجاج قال مابه فايده ارمه ماينفع المهم
انه بالوكاله 890 ريال مع الصليبات والعرموطه وهذا ماحصل واتمنى انكم اطلعتوا
على مشكلتي واتمنى لكم التوفيق واشكر كل من تفاعل مع الموضوع

[طير حوران]

السلام عليكم يارومل

وش صار عليك طيب تحسن الموتر وراحت الرجة بعد ماغيرت وياليت تفيدنا لان المشكلة عندي نفس مشكلتك

تحياتي

[رومل]

هلا بطير حوران والله اني امشي بدون عمود دبل خذ عمود الدبل وشف مخرطه وخله يشوفه سليم او لا وهذا هو المشكله اللي صارت معي واصبر حتى اركب العمود الجديد واعطيك بالتفصيل الممل

[طير حوران]

يعطيك العافية ياخوي وبانتظارك يالغالي

[رومل]

طير حوران اسف على التاخير اليوم ركبت عمود للدبل كامل جديد

وراحت الرجه والاصوات اللي معه بس مايمنع انك تاخذ العمود

وتروح به للمخرطه وتخليه يفحصه لك وبعدين انا حاضر باي سوال

او استفسار ولكم مودتي

[راهي]

صارت لي نفس المشكلة وغيرت العمودين ولا راحت الرجة والصوت وهي بعد 140 وكلما زدت السرعة زادت تركته على ماهو علية تعبت ما عرفت وش فيه
على العموم السيارة vxr 2002 وساكن في الدمام إذا أحد عنده حل يساعد أخوكم جزاكم الله خيرا طبعا صلحت له ترصيص أرضي وتأكدت من الكفرا ما فيه فائدة تعبت

[الشقردي]

اخوى كيف دفع امامى يعنى شغلت الدبل, والقير عادى والا تماتيك

نعم هو فصل عمود الكردان الخلفي وصرت أمشي على الدفرنس الأمامي طبعا لا زم تشغل زر الدبل (الخفيف)

والقير تماتيك.

[طير حوران]

طير حوران اسف على التاخير اليوم ركبت عمود للدبل كامل جديد

وراحت الرجه والاصوات اللي معه بس مايمنع انك تاخذ العمود

وتروح به للمخرطه وتخليه يفحصه لك وبعدين انا حاضر باي سوال

او استفسار ولكم مودتي

الحمد لله

طيب ممكن وصف الورشة يالغالي

دمت بود

[رومل]

مكان الورشه في مدينة حائل

[الحصاة الرقطا]

غالباً الرجة من عامود الدبل ( سبق ان مريت بنفس المشكلة )
والحل لا تغير العمود بسبب غلا سعره ( اعتقد 750 ريال )... وانما ركب فرارات ( 140 ريال ) وبذلك تفصل دوران العمود وتنحل مشكلتك .



كلامك سليم أخوي صار لي نفس المشكلة gxr2000 ورجة قوية جدا .. فكيت عمود الدبل وصار موتري

كابرس :D فقررت أركب فرارات واريح العمود والدبل .. بس نبي أحد يفزع لنا بالفرارات .. أنواعها

وطريقة تركيبها سمعت انها تحتاج ترهيم ! من يفيدنا ؟؟؟؟؟؟ :confused:

[رومل]

اذ كنت ناوي تركب فرارات فيه نوع برازيلي اعتقد انه الافضل

[al-nashmi]

صارت لي نفس المشكلة وغيرت العمودين ولا راحت الرجة والصوت وهي بعد 140 وكلما زدت السرعة زادت تركته على ماهو علية تعبت ما عرفت وش فيه
على العموم السيارة vxr 2002 وساكن في الدمام إذا أحد عنده حل يساعد أخوكم جزاكم الله خيرا طبعا صلحت له ترصيص أرضي وتأكدت من الكفرا ما فيه فائدة تعبت


اخونا رومل الحمد لله ان مشكلتك انحلت

والمشكله هذي عامه وعيب من عيوب التصنيع المفتعله في الاند كروزر..

وياما سببت خساير وتعب نفسي وجسدي وهوشات مع اهل الورش و محلات تشليح قطع الغيار

اعرف واحد غير القير والدبل وكلش سواه بسبب التشخيص الخاطئ من اصحاب الورش النصابين اللي يتعلمون في سيارات عباد الله وياكلون اموالهم بالباطل... وبسبب الاستعجال بالتبديل من صاحب السيارة

.................................

اخونا راهي مشكلت موترك اكيد مو من الكفرات

ممكن من الرمانات العكوس الامامية او الخلفيه

اذا انت مغير العمدان اصلية اكيد وجديدة....

(لا تكون اخذها من التشليح مستخدمه)

ونصيحتي لك تروح الى مخرطة جيده وتخلية يركب العمدان على المكينه ويفحصها( حتى لو عمدانك جديدة... احيانا حتى الجديد فيه ضربه او مطعوج بسبب الشحن.....

وحاول تبدى في السهل وصلحة ولا تستعجل في الاصلاح دايما ولا كل راعي ورشه تسمع كلامه ترا معضمهم نصابين وحرامية بمعنا الكلمة.

واذا لك جية للرياض فيه ميزان اليرموك جيد مر عليه وافحص اعمدان عنده

او مر ورشه في صناعية الرياض القديمه متخصصه في العمدان واعتقد اسمها ورشه وحيد..

واتمنا لك التوفيق

اخوك النشمي