المساعد الشخصي الرقمي

مشاهدة النسخة كاملة : استفسار عن مساعدات جيب الباثفندر ؟؟؟


هواي البر
18/02/2008, 10:07 AM
السلام عليكم ورحمه الله وبركاته

الله لايهينكم

قدر الله علي وانفقع مساعد خلفي لسيارتي الباثفندر 2005 طبعا مساعد واحد

رحت امس وسالت عن مساعد الوكالة سعره 390 انهبلت !! طبعا سعر الحبة الواحده

وراعي المحل قالي فيه مساعد مونورو ضمان سنة وغاز ! طبعا سعر الواحد 95 ريال

ياشباب مكشات وش تنصحوني في المساعدات الي نفس الوكاله

وهل احد منكم جرب مساعدات مونورو الى لونها اسود بس حجمها اعرض من الوكاله


لان اخبر مونورو قاسية وانا ماودي تصير قاسية مره تكسر الظهر

وللمعلومية انا مركب بالون في سيارتي

أريد المساعد المناسب !!


ولا تبخلوا علينا بالمعلومة المفيدة

وشكرا
عبدالرحمن السالم
18/02/2008, 01:03 PM
وعليكم السلام والرحمه
هلا والله ومسهلا اخوي هواوي البر

انا والله مثلك انفقع واحد والثاني على وشك .. رحت للرماليه وركبت مساعدات استراليه إلى لونها اصفر والحمد الله ماشيه معي مثل الحلاوه مع مطامر النفود والبر ولا هي قاسيه ذيك القساوه

وبالتوفيق ان شاء الله وان شاء الله الشباب يفيدونك على مساعدات مونورو
هواي البر
18/02/2008, 03:11 PM
هلا والله اخوي (( دحيم اخر لفة ))

طيب انا اخبر لون المساعدات اصفر ,,, وانا ماودي بلون اصفر ما يجي منها لون اسود

وبكم سعرها المساعدات الي شريها طبعا للحبتين ؟؟


والله يعطيك العافية
مطاربروق
18/02/2008, 04:25 PM
شف اخوي الله يسلمك انا حصل لى مثللك تماما وركبت المساعدات مورنو الى لونها اسود والله انها تمام معي توكل على الله وركبها وماراح تندم رخيصه وقويه من تجربه اتكلم
هواي البر
18/02/2008, 04:32 PM
اخوي المساعدات الي مركبها انت عليها ضمان !!

و الشئ الثاني هل هي غاز ولا زيت

وبكم شريتها

طيب هي قاسية مطبها لان انا مركب بالونات !!!


ومشكور والله يعطيك العافية
أبوناصر
18/02/2008, 06:50 PM
اخوي أنا مركب مساعدات منرو من اكثر من سنه

وللباث ما فيه الا نوع واحد منها زيت وغاز


والمطب بحكم تجربتي معها لم يتغير ولم يقسى


مثل ما كان بالضبط



ممكن تشوف بعد فتره تنديه فيه لا تهمك أنا مندي وفكيته قبل اسبوع


وشيكت عليه ولم يتعطل


أتمنى لك التوفيق
الساهر2003
18/02/2008, 10:56 PM
اخوي ممكن تركب مساعد في اكس ار 97 ممتاز لكن اذا الموتر فاضي يكون قاسي شوي ورخيص جدا ولكن يجب تبديل الروس وتلحيمها واي واحد يغيرها لك يقدر يسويها
الاثنين مع التركيب اقل من 200 ريال واطول من شد البلد
هواي البر
20/02/2008, 09:31 AM
مشكوررين والله يعطيكم العافية

ونطمع بمعرفة المزيد !!!
المنتفش
20/02/2008, 02:13 PM
سلام عليكم ورحمة الله وبركاته
مسيكم الله بالخير جميعا
اخوي هواوي البر ولا يهونون الجميع...انا مركب مساعدات مونرو وكذلك مركب بالونات الحمد لله المساعدات ممتازه تصبر وتتحمل الكده ولم ألاحظ فرق من ناحية الراحه عن حقات الوكاله....لذلك توكل على الله وخذهن.
وحنا بأي خدمه..
نمر 33
20/02/2008, 02:22 PM
من تجربه المنرو ألين من الوكالة

وشكرا
.أبوعبدالرحمن
20/02/2008, 03:38 PM
والله وانا اخوك اشوف الشباب يمدحون المونورو

لكن ايضا ودي اسأل عن مساعدات جبريال وش رايكم فيها طبعا الغاز


لاني سبق وجربتها والصراحة رووووعة واتمنى انك تلقى مقاس الباث


طبعا بعد اخذ راي الاخوان لاني ما اشوف احد تطرق اليها

ايضا السيارة اللي انا مجرب الجبريال هي الهايلكس
التمَاري
20/02/2008, 04:29 PM
السلام عليكم

مثل ما قالو الشباب منورو افضل شي بس في نوع لونه اصفر افضل من الاسود بكثير يجي غاز وزيت
وتراه مجرب وممتاز جدا

...لا تتعداه...