استفسار من اهل المكشات عن سيارة المكشات

[مربط القعاسي]

بسم الله الرحمن الرحيم
انا ودي اخذ رايكم في سيارة المكشات الى كل واحد يرغبها لن انا بعت سيارتي واحترت مادري وش السيارة الى اشتريها انا بكل صراحت محتار مابين الجيب الشاص والربع التويوتات ومابين الهلكس الدفرنسين والجيب الباثا فندر
الربع والشاص غااااااااااااااااااالي مرررررررررررررررة وعساك تلقاء نظيف

الهايلكس الدفرنسين غالي لدرجه خياليه 2003 سوم 48
2005 سوم فوق 60
99 مقلوب مسمكر جنب 28
99 مصدوب بيبان ووجهيه 26
يعني اسعر خيال
انا محتار في السيارة ودي نصيحه والسيارة الى تنصحوني فيها وماهي مميزاتها

شاكر لكم تعاونكم

[aziz2727]

عندك باترول ربع
او الباجيرو رغم ان قطع الغيار غالي
وعندك الباثر فندر ولو انه غويلي شوي

[ثورة الشك]

من وجهه نظري المتواضعه شف المرغوب لدى الناس حتى اذا زهقت منه او احتجت مثلا وجيت تبعه مايتعبك في بيعه على طول وما يتعبك وانا من رايي تاخذ لك جيب gxمن موديل 97 وانت نازل تراها حسب ما ارى لها رغبه بالحيل سياره جوده وقويه وتقدر تجهزه ويوم تمشي معك العائله مكان واسع او اخذت الخويا معك مثلااو البزارين يبقون ينامون او جيت تبغى تنام مثلا افرد المقاعد وامقط رجليك

اما لو اخذت الشاص مثلا كم واحد يشيل معك فكر وشف اللي اصرف لك

على فكره الموديلات الجديده من 98 وفوق اذاكنت تروح لارض وعره ترا حسب مانسمع مايتحمل يتهربد

اما بالمدينه والبر روحاتك خفيفه ولايوجد وعوره بالطرق تراه زين

بس اهم شي هي ميزانيتك هي اللي تحددنوع السياره


هذي نصيحتي لك وانت ابخص والاخوان اللي هنا راح يفيدونك واختلا ف الراى لايفسد للود قضه

[kellahd]

النصيحة حسب الحاجة و الاستعمال

و يطول الشرح اذا المجال مفتوح