المساعد الشخصي الرقمي

مشاهدة النسخة كاملة : وجود بعض الاتربه والغبار في الشمعات


aziz2727
20/02/2008, 07:39 AM
السلام عليكم
بخش في الموضع على طووووووووول
عندي لاندكروزر واشوف في الشمعات الاماميه وجود غبار بسيط
مدري اذا احد عنده خبر هل يمكن تنظيف الشمعات من الداخل ؟
او احد جرب ونظف الشمعات من الداخل وكيف الطريقة
لان وجود الاتربه والغبار داخل الشمعه يجعل نورها باااااااااهت
ارجو من الجميع المشاركة مع الشكر
الكابتن
20/02/2008, 10:15 AM
صبحك الله بالخير اخوى
والله انا اخترعتلى فكره من راسى وجابت نتيجه وماعليك الا انك تفك الشمعه وتدخل لى المنفاخ وان شاالله

راح يطلع الغبار وترى انا اقصد الشمعه فقط وليس النور بالكامل والا اذا فكيت النور بالكامل ماعاد فيه مشكله وتنظيفه بيصير سهل
ارجو انى افدتك
ذهلان 1
20/02/2008, 10:36 AM
مالك الا تفك النور كامل
تفك الشبك 3 مسامير من فوق
بعدين الأنوار كل وحدة 3 مسامير
بعدين تفك الشمعات من الأنوار
بعدين لو تبي تحطها بالغسالة
لكن أهم شيء تجفيفها من الماء قبل أعادة تركيبها
سلااااااااام
aziz2727
20/02/2008, 11:50 AM
اخوي الكبابتن
صبحك الله بالرضا والعافيه وتسلم على الرد الله يبارك فيك
:)
اخوي حريب الردي
يا هلا فيك وشكراً على المشاركة والرد

واذا فيه تجارب احد الاعضاء عن تنظيف الشمعات ودنا نستزيد ويفيدنا واذا فيه اي مشاكل يعلمان
بارك الله في الجميع
عاشق السيل
20/02/2008, 12:18 PM
وعليكم السلام ورحمة الله وبركاته ،،

خذ العلم من واحد مجرب لاندكروزر وباترول سوبر سفاري ،،

الطريقة إنك ((( لازم ))) تروح للغرابي فيه أبو يمن كذا واحد متخصص في تنظيف وتلميع الشمعات أول شي يفك الشبك وبعدين الشمعات وياخذها معه داخل المحل ويجيب منفاخ يطلع هواء حار جدا علشان يلين الغراء المثبت الزجاج بالبلاستيك وبعدين تنفك الشمعة ويبدأ يلمعها بالبخاخ الخاص بالتلميع وينظفها تمام التمام ويلمع الزجاجة من الداخل والخارج وبعدين يحط غراء جديد ويثبت الزجاجة مكانها ويرجع ويركبها بالسيارة ويركب الشبك الأمامي وترجع لك مثل الوكالة بالضبط وتبي تشوف فرق شاسع بقوة النور ،،

اللاند : الشمعتين بـ 50 ريال لأنه سهل الفك والتركيب ،،،
الباترول : بـ 100 ريال لأنه زينون وفيه صعوبة بالفك من السيارة ،،

هذا اللي عندي وتراها عن تجربة والله يوفقك وأنصحك لاتحاول تفكها بنفسك لأنها تحتاج خبرة عالية !!

وتقبل مروري يالغالي ....
النجم الهاوي
20/02/2008, 02:00 PM
عاشق السيل

ياليت تحدد لنا اسم المحل ووصفه ،، لانه فيه فائده لنا بدل بربسه البنقال والعمال الثانيين
ابوبدران
20/02/2008, 02:08 PM
وعليكم السلام ورحمة الله وبركاته ،،

خذ العلم من واحد مجرب لاندكروزر وباترول سوبر سفاري ،،

الطريقة إنك ((( لازم ))) تروح للغرابي فيه أبو يمن كذا واحد متخصص في تنظيف وتلميع الشمعات أول شي يفك الشبك وبعدين الشمعات وياخذها معه داخل المحل ويجيب منفاخ يطلع هواء حار جدا علشان يلين الغراء المثبت الزجاج بالبلاستيك وبعدين تنفك الشمعة ويبدأ يلمعها بالبخاخ الخاص بالتلميع وينظفها تمام التمام ويلمع الزجاجة من الداخل والخارج وبعدين يحط غراء جديد ويثبت الزجاجة مكانها ويرجع ويركبها بالسيارة ويركب الشبك الأمامي وترجع لك مثل الوكالة بالضبط وتبي تشوف فرق شاسع بقوة النور ،،

اللاند : الشمعتين بـ 50 ريال لأنه سهل الفك والتركيب ،،،
الباترول : بـ 100 ريال لأنه زينون وفيه صعوبة بالفك من السيارة ،،

هذا اللي عندي وتراها عن تجربة والله يوفقك وأنصحك لاتحاول تفكها بنفسك لأنها تحتاج خبرة عالية !!

وتقبل مروري يالغالي ....
وعليكم السلام
اذا ولا عليك امر تنصحني بواحد مجرب اروح له لان تخبر الغرابي كل شوي طالعلك واحد
فنان وهو من جنبها ارجوا الرد ولو عن طريق الخاص بارك الله فيك :)
.أبوعبدالرحمن
20/02/2008, 03:42 PM
انصحك تروح لأبومشعل في الغرابي

اول ما تدخل شارع الغرابي أسأل عن محل ابومشعل تلقاه داخل حارة والرجال تخصصه


انوار وما انوار وشغله نظيييييييييييييييف بالحيل لكن سعره غالي شوي لكن تشتغل عنده ما تندم ان شاء الله



الوصف / اول ما تدخل بداية الغرابي اسأل عن محله أسم المحل ( ابومشعل ) داخل الحارة اليسرى
aziz2727
20/02/2008, 04:39 PM
بيض الله وجه الجميع
حقيقها الحين الواحد على بينه .. كان عندي طاري افكها بنفسي بس عقب ذا الكلام بروح للغرابي وخل الواحد يدفع له 100 ولا يدفع طقم شمعات بذيك العده
الله يسلم الجميع دون ذكر اسم
النجم الهاوي
21/02/2008, 12:42 AM
انصحك تروح لأبومشعل في الغرابي

اول ما تدخل شارع الغرابي أسأل عن محل ابومشعل تلقاه داخل حارة والرجال تخصصه


انوار وما انوار وشغله نظيييييييييييييييف بالحيل لكن سعره غالي شوي لكن تشتغل عنده ما تندم ان شاء الله



الوصف / اول ما تدخل بداية الغرابي اسأل عن محله أسم المحل ( ابومشعل ) داخل الحارة اليسرى

اخاف يكون هناك اكثر من ابومشعل ويماني بعد في الغرااابي

ياليت تعطينا اسم المحل

ووصف الرجال يعني كبير متين صغير نحيف

ودخول الغرابي من الشمال والا جنوب

ماعليش ثقلنا عليك بس ياخوك اعذرنا نخاف نطيح في واحد ويلعب بسيارتنا
عاشق السيل
21/02/2008, 12:14 PM
ياشباب لاتشيلون هم أبدا ،،

الشغلة مستحيل أحد يسويها إلا واحد فاهم جدا ومكانهم مثل ماقال أخوي أبو عبدالرحمن أول ماتدخل الغرابي (( طبعا من الجنوب لأنه إتجاه واحد )) يجيك محلات الخيام على اليسار وبعدها محلات المسجلات ادخل الحارة اللي خلفهم بالضبط تلقى أكثر من يماني ولاتخاف كلهم فاهمين لأنهم مايتجاوزون خمسة أشخاص تقريبا واسأل عن أبومشعل لو إني ماأعرفه بس من كلام أخوي أبوعبدالرحمن وأنا أثق فيه ،،

والله يوفق الجميع .....
ولد وايل
21/02/2008, 06:39 PM
الغسيل بما حلو الافضل باخر شي تحط ما مقطر عشان مايبقى املاح
رومل
21/02/2008, 07:27 PM
فيه طريقه للتنظيف فك مداخل الانوار الخلفي
واستعمل الريش الطويل حق الاثاث بتنظيفها
واستعمل المكنسه الكهربائيه لسحب ماتبقى من غبار
اتمنى اني قدمت مايفيد
الشقردي
21/02/2008, 07:31 PM
السلام عليكم

انا سويت نفس طريقة الشباب (من الغرابي). وهم في الأخير يمسحون الشمعة بمنظف أو ملمع قزاز. عشان ما تبين الأملاح

عموما تأكد ان غطيان الشمعات اللي من داخل الكبوت تتتبك على قاعدة الشمعات عشان مايدخل الغبار من داخل مرة ثانيه, واذا الشمعة فيها شعر أو نقرة غيرها وتلقى عندهم قزاز لحاله بدون قاعدة.

وبالتوفيق
aziz2727
29/02/2008, 10:48 AM
انصحك تروح لأبومشعل في الغرابي

اول ما تدخل شارع الغرابي أسأل عن محل ابومشعل تلقاه داخل حارة والرجال تخصصه


انوار وما انوار وشغله نظيييييييييييييييف بالحيل لكن سعره غالي شوي لكن تشتغل عنده ما تندم ان شاء الله



الوصف / اول ما تدخل بداية الغرابي اسأل عن محله أسم المحل ( ابومشعل ) داخل الحارة اليسرى

ابو عبدالرحمن
الله يجزاك خير على النصيحه ،،
انا رحت للرجال البارح حقيقه رجال نصوح وراعي ذمه وشغله زين مره فك الشبك وبعدين الشمعات والاركان وجابها للمحل واشتغل فيها اول شي جاب جهاز يطلع هواء حار ولين الغرا حق الوكاله ثم فك القزازه حق الشمعه واشتغل فيها تنظيف بماده موجوده عنده ورجع القزازه للشمع مره ثانيه وبنفس غرا الوكاله كبس الشمعه لان غرا الوكاله هو افضل شي ولا يسمح بدخول الهوا للشمعه بعدين اشتغل على الاركان تلميع وصنفره .
الحقيقه رجعت الشمعات مثل حق الوكاله .
الحقيقه انا انصح عدم العبث في الشمعات الا من ذوي خبره علشان ما تتكبد خساير في شراء شمعات جديده اخس 100 او 200 ريال ولا اخسر 1500 او 2000 ريال ونصيحه لحد يغسل الشمعه بالمويه لان الماده الي داخل الشمعه ماده بلاستيك قابله للتلف اذا استخدم فيها ماء لانها ماده حساسه وتقشر .
الكلام من واقع تجربه يوم امس وحبيت انقله لكم واي استفسار ان مستعد .
تركي الضرغام
26/09/2010, 11:24 AM
السلام عليكم
يالربع ترى ما أحد عطانا وصف واضح للرجال للي بالغرابي
سهم قيادي
26/09/2010, 05:45 PM
السلام عليكم
يالربع ترى ما أحد عطانا وصف واضح للرجال للي بالغرابي

اذا دخلت من اول شارع الغرابي من جهه الجنوب بالتجه الشمال وحقين الخيام والشرع خلفك بعد ما تتعدا تقاطع الغرابي مع حقين الشرع والخيام ثاني سكه يسار( الماريه مقابلها من الشرق محل الصديق ) ثم اول سكه يمين اخر محل على اليمين بالماريه جنبه براده ومدخل عماره هو قبل المدخل والبراده
وانته يمكن ما تقدر تدخل بالسياره لان الشوارع ضيقه جدا يعني تقدر توقف عند محل الصديق او حوله وتروح مشي يمكن 60 متر
تركي الضرغام
27/09/2010, 07:44 AM
أخوي سهم قيادي
الله يجزاك خير
MNH
27/09/2010, 09:55 AM
لاهنت وارشح تنظيفها بالمسح فقط بدون ماي
المصلحي
27/09/2010, 10:20 AM
وعليكم السلام ورحمة الله وبركاته ،،

خذ العلم من واحد مجرب لاندكروزر وباترول سوبر سفاري ،،

الطريقة إنك ((( لازم ))) تروح للغرابي فيه أبو يمن كذا واحد متخصص في تنظيف وتلميع الشمعات أول شي يفك الشبك وبعدين الشمعات وياخذها معه داخل المحل ويجيب منفاخ يطلع هواء حار جدا علشان يلين الغراء المثبت الزجاج بالبلاستيك وبعدين تنفك الشمعة ويبدأ يلمعها بالبخاخ الخاص بالتلميع وينظفها تمام التمام ويلمع الزجاجة من الداخل والخارج وبعدين يحط غراء جديد ويثبت الزجاجة مكانها ويرجع ويركبها بالسيارة ويركب الشبك الأمامي وترجع لك مثل الوكالة بالضبط وتبي تشوف فرق شاسع بقوة النور ،،

اللاند : الشمعتين بـ 50 ريال لأنه سهل الفك والتركيب ،،،
الباترول : بـ 100 ريال لأنه زينون وفيه صعوبة بالفك من السيارة ،،

هذا اللي عندي وتراها عن تجربة والله يوفقك وأنصحك لاتحاول تفكها بنفسك لأنها تحتاج خبرة عالية !!

وتقبل مروري يالغالي ....
ي عاشق السيل هل يوجد فرع للغرابي في
جدة اللة لايهينك