كفرات اللاندكروزر ؟؟ وش الافضل !!

[جميل جمال]

هلا بالشباب ...

انا اشتريت جيب GX-R سعودي 2003 =====> جنط 16

وابي اغير جنوطه لمقاس 17

وبغيت اسال الشباب اللي منكم مجربين كفرات حقت جنوط السبع طعش ..

وش الافضل ؟؟

انا الصراحه كنت ناوي اركب برجستون لكن واحد من الشباب قال لي لا تقرب البرجستون خصوصا اني راعي نفود ..

هل الدنلوب كويس ؟؟

اهم شي عندي التحمل وانه يكون لين وينفع للنفود ..

الله لايهينكم لا تقصرون معي بالردود.

[القناص]

مبروك

الله يعطيك خيرها ويكفيك شرها
تبي كفرات لــيـــنـــه ويعتمد عليها
ميـــــــشلان وبس
ميـــــــشلان وبس
ميـــــــشلان وبس
ميـــــــشلان وبس
ميـــــــشلان وبس
ميـــــــشلان وبس
ميـــــــشلان وبس
يازيد خل الشفر ..يمشي على هونه..
نقضي الوقت مع ...مدعوج الاعياني.

http://www.mekshat.com/pix/upload/images2/Power Full.jpg


http://michelinman.com/images/catalog/tires/ltx_ms_large.jpg


17 انش وتشهد له جيوب مرسدس



http://www.mekshat.com/pix/upload/images2/Reaching The Sky.jpg
يالله من فضلك تغفر لنا وتغيثنا بصب السحاب

[جميل جمال]

الله يعطيك العافيه يا القناص ,, ومشكور على الرد .


لكن حبيت اسالك هل هن ممتازات للنفود ,, بمعنى اصح هل الهوا اذا كان على 20 يمشي وهو مرتاح

شي ثاني بالنسبة اذا انصلخ الكفر لو سمح الله ..

هل هو يعدم البدي لان الكفرات ميب واحد ؟؟ وسمعت ان الميشلان انفجاره قوي

ولو اني طولت عليك ..

لكن من الاشيا اللي تهمني هل كثرة رفع الهوا وتنزيله تظرها وتحبل بسرعه ؟؟

انا ما كثرت عليك الاساله وانا اخوك الا وواضح عليك انك باخص ومجرب ..

والله يعطيك العافيه وعز الله ما قصرت .

[مخاوي الصقور]

اخوي جميل جمال اسعد الله اوقاتك بكل خير
اخوي القناص ماشاء الله عليه
اعطاك افضل شي بالسوق
ميشلان وبس ابو خمسه خطوط انا مركبها عندي في الفكسار لها سنتين الحين
وكأنها جديده ويصير الموتر كأنه سياره صغيره من المرونه سواء على اسفلت وانتم بكرامه
او طعس يحبه قلبك
توكل على الله وخذ ميشلان بس الخطوط لازم تكون خمسه
لأن اللي في الصوره المرفقه من عند اخونا
القناص اربع خطوط وانا نصيحتي لك كتبتها
واسف على الإطاله

تحياتي,,,

[جميل جمال]

الله يعطيك العافيه مخاوي الصقور ..

لكن سؤالي .

كم مقاس الكفرات اللي انت تقول ؟؟

وهل هي تركب على جنط 17

[مخاوي الصقور]

اخوي جميل جمال
ايه نعم مقاسها 17 وتركب على جنوط الفكسار
تحياتي,,,

[الدبل الثقيل]

دنلوب افضل كفر على الجيوب في الرمل والحصى والخط وسعره متوسط بين باقي الأنواع .... وهو اللي يجي على الاندكروزر من بلده........... والمقاس اللي تبغاه هو 17 / 65 / 275 وسعره اقل من 400 ريال اما الميشلان سعره ماينزل عن 500 ريال للكفر الواحد .. وصراحه مايستاهل لأنك راعي بر ومن الأفضل تغيير الكفرات بعد كل سنتين للسلامه ... وفي كفرات هنكوك ممتازة ولينه في الرمل ورخيصه ... لكن ماادري هل يجي منها على جنط 17 ....
وجزاك الله خير..

[جميل جمال]

الله يعطيكم العافيه ياجماعه ..

وعز الله ماقصرتوا وكفيتوا ووفيتوا ..

عاد انا باشوف السوق اليوم ولا بكرا انشالله وباناظر الاسعار وباستخير واتكل على الله .

ومشكورين مره ثانيه.

[Mohammad]

معلومات طيبه جزاكم الله خير

كم سعر جنط 17 وهل تنصحون تركيبه على ال VXR الموديل القديم وكم سعر مشلان 5 خطوط

[جميل جمال]

هلا اخوي محمد ...

انا لقيت جنوط 17 الطقم بـ 1700ريال تقريبا بالغرابي .. الاسعار من محل لمحل تختلف لكن هذا متوسط السعر .

طبعا تجاري موب اصلي ..

اما عن نصيحتي انك تركبهن ولا لا والله مادري انا ما بعد جربتهن حتى احكم .. والظاهر انهن ما يركبن على اللاند القديم ..

وسعر الميشلان ابو خمس خطوط انا مركبه العام على جمس ..

سعره حول الاربعميه وعشرين .

اتمنى اكون خدمتك اخوي ...

[Bader-M]

شف ياقلبي
على حسب حاجك
يعني
اذا كنت راعي مطاعس و نفود
يحتاج كفر ليين
مثل
دنلوب و يوكوهما
ام اذا كنت راعي شعبان و صيد
تحتاج كفر قاسي ويتحمل
مثل
مشلان
........
والله اعلم

[Y&Y_4X4]

اما بالنسبة للجنوط 17 انش والكفرات

فاقول رأيي وبالله التوفيق لاحظو يأخوان انه رأي ولا يلزم احد بالضرورة بالتقيد به واحتفظ به لنفسي©® علشان ما حد ينطل حرف من الي انا كتبت :D !


اولا يجب عدم تغيير حجم الجنط وذلك للآسباب التالية

سرعة السيارة تتغير والي يظهر عندك في الطبلون غير الي انت تمشية هذا اكيد.
زيادة في استهلاك الوقود (ولا بعد لاندكروزر ماهوب ناقص) لأنك اذا تبي تثبت مثلا على 140كم لابد من زيادة في سرعة المكينة.

مع المطبات الكفر يبي يحك بالرفارف.

اما الكفرات اضم صوتي مع صوت اخوي الدبل الثقيل الدنلوب افضل مايكون بس عيبه انه مايبي الهوا الزايد البتة يعني انا انصح 30 PSI كحد اعلى واذا الله سبحانه سلمه من البناشر الواجد يكد بأذن الله الين تمل منه ,,,,,,,,,,,,

[Mohammad]

الله يعطيكم العافيه جميع على المعلومات المفيده جدا جدا

[جميل جمال]

هلا بالغالي Y&Y_4X4 ...

مشكور على النصايح اللي قدمت ..

انا سبب تغييري للجنط انه الجي اكس ار السعودي يجي جنط 16 والخليجي 17 .. يعني ما اتوقع انه فيه فرق بين الاثنين بالنسبه لصرفية البنزين ..

بالنسبه للسرعه ومدى دقتها مالها ذيك الاهمية بالنسبة لي ..

بالنسبة لسالفة المطبات والحك بالرفارف ما اتوقع انه الخليجي يحك بالرفارف ولا اعتقد انه فيه فرق بينهن مثلا بالمساعدات على اقل تقدير .. وعلى فكرة الفي اكس ار السعودي جنطه 17

بالنسبة للدنلوب وانا اخوك هل كثرة رفع وتنزيل الهوا تظره ؟؟ يعني هل يحبل بسرعه ولا لا ؟؟

عموما للجميع خاااااااالص الشكر والتقدير ..

[Y&Y_4X4]

جميل جمال , Mohammad , وجميع الاخوه مرحبمبم

معنى كلامك يأخي ان الانش الي زايد في الجنط تلقاه ناقص في حجم الكفر .

اما بالنسبة للخليجي لو تلاحظ ان الي يجي قير تماتيك الموتر نازل عن السعودي وغيره من الخليجي القير العايدي , فعلا يوجد تفاوت في الارتفاع بينهن حسب المواصفات المرفقه مع السيارة , طبعا مندون السيارات الي فيها هيدروليك , صحيح المساعدات ماتغيرة بس الي متغير هو ( العامود الي يرفع وجه الموتر مادري وش اسمه هذاك ابو مسمار كبير الي ما يشدة الى الكمبروسور حق البناشر ) .

بالنسبة للكفر الدتلوب اذا تاريخة حديث اول ما شريتة ولا طلع فيه تحبيل من وهو جديد فهو بأذن الله عتق من التحبيل .

ومن حسناته انه لين على الموتر ويمشي رمل وحصى وجنوبه قوية على العكس من المشلان الي هو كل ما قيل عنه صحيح من القوه والراحة وغيرة بس عيبه لو تجية شوكه مع جنبه ينبعج.

ومثل ماذكر سابقا لو زاد الهواء عن 30 PSI يقصر عمر الكفر النص .

اما بالنسبة للرقع يقع الناس بين نارين اذا الرقعه من النوع المسمار الي يركبة البنشرجي بدون فك الكفر النوعية لها حسنه ولها سيئة الحسنة ما يهم الكفر نسم او انتفخ والسيئة انه بعد فترة من استخدام الكفر يحبل او تبدا الرقعه تنسم , اما الرقعة الالماني الي تكبس داخل الكفر حسنتها انها تكون مندمجة مع الكفر ومن ابدع مايكون بشرط ماينزل الهواء عن 15 PSI وحتى لو خليت الكفر على 15 PSI مدة طويلة شوي تبدا تنسم همن تنقلع من محلها وكانها ماركبت في هالمحل البته.

آسف على الاطالة,,,

[desprado]

نصيحة مجرب

ميشلان جنط 17 عريض اذا بغيته طعوس عطاك واذا بغيته نفود عطاك واذا بغيته اسفلت عطاك

سعره من 400 الى 500 حسب السوق

[عروان]

أخواني حسب خبرة في أستعمال الثلاثة أنواع من الكفرات دنلوب و ميشلان و بريجستون أقول لكم أن أفضل نوع هو الميشلان ولا حظ أن فيه ميشلان أمريكي وفرنسي بالسوق. الاحسن هو الامريكي.


ثم يجي بعدة البريجستون الياباني

ثم بعدهم الدنلوب.

الدنلوب ما هو لين مثل الميشلان والبريجستون. الميشلان لين بالحيل.

وسعرة بالسوق النوع الفرنسي 480 ريال و البريجستون 335 ريال.

توني مركب أربع كفرات برجستون ياباني في الرابع من رمضان مقاس 275/70 ,16.



تحياتي