لمبه في طبلوووون الباثفندر .. من لديه الحل ..؟؟؟

[الساهر2003]

السلام عليكم ورحمة الله وبركاته ..


كيف الحال اخواني اعضاء منتديات مكشات ...


الله لايهيينكم عندي استفسار بخصوص مشكله او بالاصح اشارة طلعت في طبلون موتري وهي
( AT Check ) وباللون الاصفر .. طبعا موجوده بالضبط تحت نمر القير اللي في الطبلون ..!!

طبعا فصلت اصبع البطاريه يجي ربع ساعه ونفس الوضع ...


السياره باثفندر 2005 قير اوتوماتيك .. وش تتوقعون المشكله ووش الحل الله لايهيينكم ...؟؟؟؟؟


والسلام ختااااااااااام ,,,

[ترتر]

الوضع سهل وعندي لها حل

[الساهر2003]

كفووو يالذيب ... وش الحل ..؟؟؟

[northstar46]

متى غيرت فلتر القير آخر مرة ؟ونوع الزيت في القير اصلي والا بالبيد وطقته ؟

[الساهر2003]

والله الفلتر ماغيرته << الموتر ماشي 100000

واخر مره غيرت الزيت مع زيت الموتر وماشي حدود 6000 وحاط الظاهر انه موبيل ون << اليماني اعرفه ويقول هذا افضل نوع لاني كنت استخدم زيت حق تويوتا قبل وقال هذا افضل منه ..

[northstar46]

AT Check تعني افحص القير واعتقد انك لا زم تغير الفلتر وافضل زيت اي سي ديلكو لأنه الوحيد اللي ما يسوي رغوة ولا يطلع صوت واتمنى من الاخوة اللي يعرف شي يساعد ك يتكرم به مشكورا

[الساهر2003]

بيض الله جهك اخوي على السرعه في الرد .. وجزاك الله خير ..

وهذا عشمنا في منتدى مثل مكشات واهله .. كلهم خير وبركه .. وان شاء الله نشوف حل .. والله يحييك

[باترول 585]

السلام عليكم

اخوي الساهر صارت المشكله ذي بسيارة ولدعمي وطلع السبب من الزيت الي هو حاط (زيت تايوتا) والفلتر وعاد غير الزيت والفلتر وطفت اللمبه.

وتقبلوا تحياتي.

[الساهر2003]

مشكووور اخوي باترول 585 على المرور

وبيض الله وجهك على المعلومه وان شاء الله جاااااري العمل على التنفيذ وهذا عشمنا فيكم ياأهل مكشات

[الساهر2003]

ابشركم صليت الجمعه ورجعت اشغل السياره وحصلت اللمبه طااافيه ..

وش المشكله هل اغير الدعوى ولا وش الراي ...؟؟؟؟

[رجل كريم]

( AT Check ) وباللون الاصفر .. طبعا موجوده بالضبط تحت نمر القير اللي في الطبلون ..!!





وعليكم السلام ورحمة الله وبركاته:

اخوي الساهر3 اذا كانت اللمبة الصفراء اللي مرسوم عليها مكينة فهذا معناه وجود خلل في النظام الكهربائي ضعف او زيادة كذلك تعمل هذه اللمبة اذا اصيبت دبة البيئة المحول الحفاز او انتهت صلاحيتها ..

انصحك تفحصها عند كهربائي جيد .. والله ييسر لك امرك ..

تقبل تحياتي ..

[الربذي]

وشلون ماشي 100 الف وماغيرت زيت القير لا ويسبون التامتيك يقولون يخرب ياخي اعرف ناس كل 10000 كم يغيرون الزيت والفلتر حق القير وانت 100000؟؟ الا غيره بدل الاف الريالات

[الساهر2003]

مشكور اخوي داكار على المرور واللمبه كتابه فقط وليست رسمه ..

اخوي الربذي .. انت فاااهم غلط .. انا اقووول الموتر ماشي 100000 للحين .. لكن التغيير مغير اكثر من مره الله يجزاك خير ... ومشكور على المرور

[.أبوعبدالرحمن]

اخوي توكل على وغير الزيت بس وحط زيت اي سي ديلكو والفلتر ما يتغير الا اذا لا قدر الله ضرب القير ويحتاج له توضيب وهذا كلام وكالة الحمراني


الزبدة غير زيت القير وحط اي سي ديلكو بدون فتر لان الفلتر حديد

[بواردي الدلم]

الراي انك تغيره لانه لازم يغير

لاكن ابسئلك مادام موتري وموترك اخوان من ام وابو

فيه تنسيم هواء للرديتر وين موقعه

انا سمعت انه فوق المكينه

ممكن توصف لي محله بالضبط وكيف الطريقه في تنسيم الهواء

لاني فكيت الرديتر وصيخته ويقولون لازم تنسم هواه ولا عرفت وين مكانه ما ابي اوديه ورشه ابي انسم هواه انا بنفسي

[Y A S S E R]

تدري ان هذه اللمبه تقدر تطفيها انت ؟!

انزل تحت الدركسون وشف في النص ضغاط لها يمكن معلق او شي جرب وشف

[الساهر2003]

مشكووورين اخواني على المرور ..

واليوم مريت لي فلبيني رفيق لي يشتغل في ورشه ومعامله منذو مبطي واول ماشاف اللمبه (( طبعا صارت تطفي )) قال ليش انت بي خووف هادا كويس بس منكن سياره رووح بر كتير بعدين رمل يجي زياده .. وسالني انت فصلت البطاريه وقلت إيه .. قال خلاص لان الاشاره اللي ولعت كان يحتاج برمجه << وشو .. مدري ,, لكن قال خلاص روووح وبلا دموع وخوف << دعاية شمبو ..

الزبده ان الرجال الله يجزاه خير عيى يغيير الزيت وقال الزيت عندك جديد وفل بس هذا دلع من موترك

** نفس كلامك اخوي ابوعبدالرحمن ان الفلتر حديد وقال لاتغيره ابد

وشاكر لكم مروركم وتشريفكم لموضوعي

** بالنسبه لك اخوي بواردي الدلم والله ماعندي عنها خبر **