المساعد الشخصي الرقمي

مشاهدة النسخة كاملة : عندي باث فايندر 4 سلندر ....ابي اركب عليه 6 سلندر..مشورتكم


بـــ نجد ـــرق
23/02/2008, 02:10 AM
السلام عليكم ورحمة الله وبركاته

اخباركم؟

ياشباب الله لايهينكم عندي باث فايندر 94 سعودي ومكينته 4 سلندر

ومعروف الباث القديم انه ثقيل وعزمه ردي

فالصراحه فكرت اركب عليه مكينة 6 سلندر

فالله لايهينكم وش المكينه ال 6سلندر اللي تركب عليه من دون تعقيد يذكر؟

وهل يحتاج الى تغير قير ؟

وكم سعرها تقريبا؟


وهل اللي جربوها ترتفع معهم الحراره



والله يعطيكم العافيه
.أبوعبدالرحمن
23/02/2008, 12:09 PM
عندك مكينة السدرك والله اعلم انها تركب بدون اي ترهيم ايضا عشان تصير بعيد عن وجع الراس سقط عليها بعد قير سدرك وعلى كلام واحد من الشباب انها تكلفك من 4 الاف ريال الى 6 الاف ريال


واتمنى انك تلقى من يفيدك اكثر مني
escape_man
23/02/2008, 12:22 PM
مثل ماقال ابو عبدالرحمن .. مكينة سدرك

شفت واحد مثل موترك .. ماشاء الله تبارك الله .. عزمه هبال الله يحفظه من كل مكروه واستغربت انه يمشي

ممشى ماتمشيه الا الجيوب 6 سلندر
بـــ نجد ـــرق
23/02/2008, 02:02 PM
الله يبيض وجيهكم عالردود

طيب هل مكينة السدرك تحتاج لترهيم ولا تسقط على طوول

وهل يركب عليها قير الموتر ولا لازم قير سدر ك

وكم بتكلف تقريبا مع القير وكل شي

والله يعطيكم العافيه
مساير الليل
23/02/2008, 08:47 PM
أخوي أبوعبدالرحمن لعلك مبالغ في القيمه

مكينة السدرك وقيرها من أرخص المكاين


سعرها مع القير مايتجاوز 2000 ريال غير شغل اليد

وللمعلوميه الباثفندر الأمريكي تحصل قليل في السوق نفس مديلك يجي عليه مكينة 6 سنلدر والله العالم أنها مثل

مكينة السدرك


وأعرف واحد مركبها على ددسن مع القير وماشاء الله قويه المكينه وكذلك رخيصه
بواردي الدلم
23/02/2008, 10:18 PM
طيب والدبل ياحبايب مايتأثر اكيد بيفرط دبله في اسبوعين

انصحك ماتغير مكينته وقيره

غير كربريتره واسلاك بواجيه ( طبعا كل شي اصلي _ بيكلفك 940)
وصدقني بيتغير عليك عزم الموتر بشكل ماتتوقعه
انا كان معي ددسن 89 مكينته 2000 والله مايصقط عليه الا المكسيما والكامري
الوانيتات ( الجموس) والله ماتلحقه
ولا تنسى البواجي
رجل كريم
24/02/2008, 12:49 AM
وعليكم السلام ورحمة الله وبركاته:


نصيحة لوجه الله تعالى خل الموتر على ماهو عليه ..وان كنت معزم بيع اللي عندك وطلع ستة سلندر شد بلد .. الترهيم بيحوسك حوسة وتقول داكار قال ..كل شوي تطلع لك علة ..

اتمنى لك التوفيق ..