وش الكفر اللي راكب على سيارتك؟؟ وماهي انطباعتك عنه؟؟

[.أبوعبدالرحمن]

بسم الله الرحمن الرحيم



السلام عليكم ورحمة الله وبركاته




اخواني في الله



من هذا الموضوع الذي سنجعله ان شاء الله مرجع لكل من اراد ان يركب كفرات لسيارته



**واللي جعلني اكتب الموضوع هذا هو كثرة اللي يسألون عن الكفرات وماهو الافضل




فأبغى منكم ان نتعاون على ان يكون هذا الموضوع هو المرجع لكل سائل عن الكفرات




طبعا نبغى



مقاس الجنط ونوع الكفر ومدى ليونته وما هو صناعته وذكر بعض المواصفات التي تحضرك عن الكفر وماهي مميزاته ويا حبذا ذكر مقاس الكفر



واتمنى ان نجد تفاعل من الاعضاء

[دله وفنجال]

السلام عليكم...
موضوع جميل اخوي الغالي تشكر علية...
اما بنسبة لي فلكفر الي راكب على موتري بالون ماكسس 17 لاند كروزر .
مواصفاتة انه ممتاز بشكل عام حيث انه لين بلمطبات والمطناج ويهضم الحصا هضم وبنفود لقيتة افضل البالون وزينهن مشي وقوي التحمل بلارض الوعرة حيث انك تشكك بعض الوقت هل هو بالون نايلون او مصنوع من حجر.
بس المشكلة انه ثقيل على الموتر ولازم ماينزل هواء الموتر عن 35 لجل مايتمسح بسرعه ومع ذالك فهو الكفر المفضل لدي ولا ابدلبة كفر ثاني . ومن مواصفاتة انه يرفع الموتر بلا يايات او كعكات ...
ومع ذالك الماكسس مايضاهي السيام تير بتحمل والصبر وكذالك الشكل ولو يوجد سيام تير ركبتة ولاشاورت...
هذا الي عندي يالحية الغانمة وارجو اني افدتك؟؟؟
تشكراتيي يالغالي...

[.أبوعبدالرحمن]

الكفر عندي يوكوهاما طبعا مقاس 265/65/17

الكفر نوعا ما حليل


ويميز الكفر انه بدون صوت ومتماسك وفيه كتابات


ويعيب الكفر تلقيط الحصى قليل من القساوة ثقيل نوعا ما


واتمنى ان نستفيد من هذا الموضوع

[ملاعب الريح]

الكفرات اللي على موتري Vx-r 1997

بالون Maxxis أبو جمل مقاس 900 و 8 غاط على جنط 16

كفر لين في البطناج وفي الحصا يتحمل بشكل غير طبيعي و في الوعر يبيلك تنزل الهوا اللي قدام 20 واللي ورا 25 عشان ما ينشق مع الحصا

وكفر ما يغطس بالنفود


يعيبه الثقل وقلة العمر


أتمنى إني أكون أفدتكم



ملاعبـــ

[ابو فهد 1]

الكفرات الي على موتري باث فندر 245/65/17


نوع الكفرات هنكوك الصراحه لين وماله صوت الكفرات بلبر وبديره 25 الهواء ومهنا ازين منه

وسعره مناسب الطقم 1600 واكيد صناعته كوري

والسلام عليكم

[الفنطاس]

الكفر الي على السيارة Gxr- J بريجستون ممتاز ليس له صوت ؛ ناعم على الطريق ؛لين ؛ ليس ثقيل على السيارة وسعرة 1375 ريال صناعة يابانيه سنة الصنع شهر 6 (2007 )

[رقبة حاشي]

الكفر عندي ميشلان مقاس 265/65/17

الكفر ممتاز ويميز الكفر انه بدون صوت ومتماسك صناعه فرنسيه
يعيبه تطلع فيه بعد فتره حفر صغيره كبر حبة الفستق وقليله جدا بس ماتاثر عليه لا في سفر او تطعيس

يعيبه كذلك الكفر لازم تنتبه له من نقص الهواء لاته يتشقق ويخرب اذا نقص هواه على طول

واتمنى ان نستفيد من هذا الموضوع
وسلااااااااااااااااااااااااااااااااااااااااام تكم

[شروكي ربع]

كفرات موتري دومنيتر من أفضل الكفرات التي جربتها ..


شريت موتر سابق وعليه نفس الكفرات استخدمتها وهي بالية طلعت البر ورحت وجيت ولا ضرها ..

قوي بالحيل , لو تشوفه تقول ما يمشيك كيلو ..


و لما غيرت الكفرات وجدت نفسي لاشعوريا اركب نفسها ..

وسعرها جدا مناسب ..


ليونتها حلوه ومطبها حلو ..

[شروكي ربع]

الا صاحب الموضوع ليش ما ذكر نوع كفر موتره !!!

[التمَاري]

الا صاحب الموضوع ليش ما ذكر نوع كفر موتره !!!





صاحب الموضوع ذكر نوع كفراته في الرد رقم 3

الا انت ماذكرت كم مقاس الجنط ولا مقاس الكفر:D

[.أبوعبدالرحمن]

الله يعطيكم العافية

اخوي شروكي ربع راجع الرد رقم ثلاثة

[شروكي ربع]

صاحب الموضوع ذكر نوع كفراته في الرد رقم 3



الا انت ماذكرت كم مقاس الجنط ولا مقاس الكفر:D




المعذرة ما انتبهت ..

بس ولو لازم يحطه في اول رد مو ثالث رد :p


عالعموم مقاس الكفرات 255/70/15

[رعد الجنوب]

السلام عليكم

اخوي عبالرحمن مشكور على طرح هذا الموضوع المهم للجميع ليكون مرجع للجميع ,
انا سيارتي Gxr2004 قير عادي الكفرات ماكسس بالون 900 على جنط 17 ,الكفر ممتازجدا خاصة بالارض الوعرة معه انس البنشر ,لكن عيوبه مكلفه جدا على السيارة خاصة على العمود والرمان والعكوس , انصح من يريد استخدام هذه الكفرات ان يستخدمها فقط عند الرحلات البرية ولايستخدمها داخل المدن .

تحيتي وسلامي للجميع

[alkongrs]

انا كفراتي برللي طبعاً كفرات هايلوكس ماتمن سنه الى كفرين مغيرهن

الحين 2 برللي و3 هانكوك الهانكوك اوووووووووووووووف كلاااااااااااااااااااااام

بس الافضل عندي ميشلان :)

[راعي العود]

السلام عليكم
انا موتري باترول وكفراته دنلوب والجنط 15وجربت انواع من الكفرات ولا صلحت وخصوصا في حال البنشر لا قدر الله عموما الكفر لين وممتاز في الرمل وفي الخط ومن خلال تجربه انصح بقوه بكفرات الدنلوب لوجود مستوى عالي من الأمان والأمان من الله وذلك من خلال تجربه الكفرات أكثر من عدة مرات ولكن المهم في الموضوع لا تاخذ الدنلوب الاماراتي اللي مالي السوق اذا عطاك الكفر اطلب الضمان لو كان اماراتي لو تنقز ماعطاك فاتوره ضمان عموما هذي تجربتي وأسأل الله السلامه للجميع

[االديحاني]

دنلوب
275/65/17

[sameer_1798]

السيارة جيب Gx.r الكفرات دنلوب 275/70 جنط 16
صحيح أن دعستها قاسية بعض الشي لكن هذه هو المطلوب بالبر ممتازة بالرمل و في الضلع لابد تكون محافظ عليها , أما بالزفلت مايحتاج خذ ولد .. قصدي خذ كفر
مدة التغير كل سنتين و لله الحمد .

[.أبوعبدالرحمن]

الله يعطيكم العافية


ونرجو التفاعل مع الموضوع

[مساير الليل]

نوع الكفرات


هانكوك 235/70/16

السيارهـ ددسن دفرنسين جنوط باترول


لكن مافكر أركبها مرهـ ثانيه لينه بزيادهـ أي شي يشقها


أول ماركبتها غيرت كفر جديد بعدها بسبوع الأنه أنشق


ألا وش رايكم في ماكسس الأني ناوي أركبها

[غيث]

راعي العود طيب الله ايامك
ماعلمتنا عن دنلوب وشهي من كفر في الطرق الحجريه وكيف صوتها مع السرعات باالطرق السريعه.....ٍٍٍٍٍٍٍٍٍٍٍ
سلام

[السعساع]

ناى سيارتي جمس كنت استخدم شاهين ممتازة جدن بس بشرط في البلد وفي رمل اما الخط وتحميل متصلح بعده ركبت ميشلان صناعه امريكي لاحضت نهاجيدة بس انكان احد استخدم ميشلان مريكي يشارك انكان عنده علايهاملحضة

[السعساع]

ناى سيارتي جمس كنت استخدم شاهين ممتازة جدن بس بشرط في البلد ورمل اما الخط وتحميل متصلح بعده ركبت ميشلان صناعه امريكي لاحضت نهاجيدة بس انكان احد استخدم ميشلان مريكي يشارك انكان عنده علايها ملا حضه

[رملان]

DUNLOP SAND 245X85X16
الجنط R16X6.5 تيوبلس
المميزات: ممتاز على الرمل 100%-الفرامل جيد جدا-لايوجد اي صوت-خفيف على الموتر-لين جدا-ممتاز بالترصيص.
السلبيات:الجنب ضعيف نسبيا -صوت عيون القطط مزعج(لان الدعسه قويه)-قريب من البالون من ناحية الاستقامه على الطرق.
بشكل عام افضل من البالون لانه يجمع مميزات الراديال والبالون ...ابن عم الشاهين الا انني لاحظت انه يتحمل اكثر.
http://www.mekshat.com/pix/upload02/images63/mk15534_dunlop-sand.jpg

[مقلع الرمث]

السيارة جيب باترول امركب كفرات بالون مكسس ابو جمل جنط 16 مقاس 900 8 غاط اكويسات يعبرن المضطر بس ماينغزابهن مع الطرق وبالنسبه للنفود لامنك غرزت الله يعينك لازم تحط بالهواء تقريبا 15 لإني غرزت الخميس الماضي وجلس انسم وعياء يطلع اخرته فشيت الكفرات فش والسبب لان الكفر املس يعني ناعم يزلق بالرمل اما بالحجره والحصى ماعليه كلام وانا افضل عليها دنلوب الي تجي مقاسها 245 85 16 ارجو اني افت و

[بيرتا]

DUNLOP SAND 245X85X16
الجنط R16X6.5 تيوبلس
المميزات: ممتاز على الرمل 100%-الفرامل جيد جدا-لايوجد اي صوت-خفيف على الموتر-لين جدا-ممتاز بالترصيص.
السلبيات:الجنب ضعيف نسبيا -صوت عيون القطط مزعج(لان الدعسه قويه)-قريب من البالون من ناحية الاستقامه على الطرق.
بشكل عام افضل من البالون لانه يجمع مميزات الراديال والبالون ...ابن عم الشاهين الا انني لاحظت انه يتحمل اكثر.
http://www.mekshat.com/pix/upload02/images63/mk15534_dunlop-sand.jpg


نفس كفراتي علا باترول 96
المميزات / بالنفود ما عليه كلام حتى لو ما تنسم يمشي - خفيف علا الموتر - خالي من الاصوات - مريح

العيوب / غالي :( سعر الواحد 500 ريال - عمره الافتراضي سنه فقط - بالحجره لك عليه -بعد فتره تحدث تشققات خفيفه :eek:

[راعي العود]

مرحبا أخوي غيث انا اشوف انها ممتازه جدا بالطريق وآمنه بإذن الله وبالنسبه للصوت ما اسمع لها صوت اما في الرمل خذ ولد والله ماشفت منها الا كل خير وبالنسبه لي اشوف انه الكفر المثالي يعني متكامل لصاحب الاغراض المتعدده مثل خط ورمل وحصى والله يكتب اللي فيه خير

[ابوعقل]

هلا والله بالشباب

انا معي جمس 2006

عليه كفرات الوكاله

ابي اركب زي كفرات جموس ارامكو

يمكن شاهين بس مهو عريظ ساطور

[ابوعقل]

يمكن نفس الكفر اللي عند العضو((رملان))

[بواردي الدلم]

بالنسبه للكفرات ترى متعبه شوي

يعني الطعس يبيله كفر ( الشاهين _ سومو تومو _)طبعا ماشفت اطيب منه

اما الوعر في كفرات واجد تصلح منها الدنلوب والبريدج ستون

والحياه صعبه عشان كذا لا اشوف احد يتشكى منها ثم ازعل عليه

[.أبوعبدالرحمن]

الله يعطيكم العافية اخواني وبإنتظار البقية للاستفادة منهم

[الكيان]

هنكوك 225/75/15

وسيئة للغاية بالمرة

لانها كوري

واريد ان اركب كفرات جدد ومحتار ما بين البرجستون والميشلان وبنفس المقاس...

[عبدالرحمن السالم]

كفراتي دنللوب 265/65/17
ممتازه في الرمل وفي الحصى
حالياً ماشفت لها عيوب
وهي من افضل الكفرات لدي حيت تمت تجربتها على باترول باب واحد

وبالتوفيق للجميع

[moaaad]

هانكوك / كوري /16/165/70
حليلة ، وسعرها مناسب ،، حيث أن الياباني قد يصل إلى 500 للكفر ، وسعر الهنكوك 340 ريال ,,,

والله يستر ..،،..

[ولد مزينة]

شــــــــــــــــــــــاهين

[صحيح]

كفرات ناشنوال تعبانه مره ومحبله ( عيب مصنعي).
صحيح.

[مرقب المشراف]

انا اشتريت سيارة جديدة دي ماكس وكفرات الوكالة وحدة ضربه حجر وانفجرت ودورت كفرات شاهين بس ماحصلت لانه بصراحة اعتبرها احسن كفرات واللي عنده علم عنها يخبرنا

وتقبلوا مروري

[مرقب المشراف]

:confused: انا اشتريت سيارة دي ماكس وكفرات الوكاله وحده ضربه حجر وانفجرت ودورت كفرات شاهين بس ما حصلت لاني اعتبرها احسن كفرات بر وراسيه و لا لها صوت بالخط واللي عنده علم عنها يخبرنا

[اول الوسم]

السلام عليكم ورحمة الله وبركاته

انا انصح اخواني اهل الجيووب عليكم بكفرات يوكوهاما ياباني ممتاز جدا جدا وفوق ماتتصورون
المقاس اللي ركبته 265/ 70 مالها صوووت ولا لجه بالخط اسالوني عنها ولا رجفه على ميزانها من سنه ونص تقريبا ناعمه ولاشفت بحياتي مثلها ولنصيحه ببلاش :)

[اول الوسم]

نظرا لتفاعلي مع الموضوع
ارجع واقوووول لكم ان طعتوني مافيه احسن من كفراات يـــــوكـــــوهــــامــــا يـــــابــــانــــي

والنصيحه ببــــــــــــــــــــــــــــــــــــــلاش

[.أبوعبدالرحمن]

الله يعطيكم العافية والف شكر على ردوكم


وبإنتظار البقية على تفاعلهم لنستفيد منهم

[رحّال 9]

للرفع :D

حتى لو التاريخ 2008 يستفيد الاعضاء ويفيدونا .

[.أبوعبدالرحمن]

للرفع :D

حتى لو التاريخ 2008 يستفيد الاعضاء ويفيدونا .



جزاك الله خير

وإن شاء الله إنه يستاهل الرفع لتعم الفائدة لجميع الاعضاء الذين تم إنضمامهم بعد عام 2008 :D :good: :good2:

[لهايب نجد]

هلا بالغلين
انا معي لاند كروزر ومركب عليه بالون (اي سيم ) طبعا نوع جديد ولكن اكتشفت انه روعة في الاستخدام وفي البر واشبهه بالسيام تاير لكنه سخيف نوعا ما وارتفاعه ممتاز
والدليل اني فكيت الماكسس وركبته ولا حظت انه ارفع من الماكسس واخف منه على السيارة

[مجنون نحم]

:good2::good2: :D

[.أبوعبدالرحمن]

هلا بالغلين
انا معي لاند كروزر ومركب عليه بالون (اي سيم ) طبعا نوع جديد ولكن اكتشفت انه روعة في الاستخدام وفي البر واشبهه بالسيام تاير لكنه سخيف نوعا ما وارتفاعه ممتاز
والدليل اني فكيت الماكسس وركبته ولا حظت انه ارفع من الماكسس واخف منه على السيارة


هلا بك والله

وشاكر لك على هذه الاضاقة

[.أبوعبدالرحمن]

:good2::good2: :D



:D :) ;) :good2: :eek: :p :( :mad: :good: :s :c :lr :r :l :f


ههههههههههههههههههه

[هواوي صيد]

موضوع رائع تشكر عليه

مركب كفرات رن وي بعد نصيحة مجربين

16/245/75

استخدام في منطقة جبليه

اعجبني كثير في قدرته على التحمل

لكنه قاسي نوعا ما

يصلح لاصحاب الصيد في المناطق الجبليه والحره

[سفاري 9]

هانكوك 270/70/16
كفر شكله حلو ولين في المطب وسعره حليو
مشكلته يتمسح بسرعه

[التعـ King ـديل]

ماكسس 900 .. احلا كفرات خفه وتخفيف من استهلاك البنزين وحمايه بعد الله سبحانه من الانفجارات والتصلخ بالخطوط

[.أبوعبدالرحمن]

موضوع رائع تشكر عليه

مركب كفرات رن وي بعد نصيحة مجربين

16/245/75

استخدام في منطقة جبليه

اعجبني كثير في قدرته على التحمل

لكنه قاسي نوعا ما

يصلح لاصحاب الصيد في المناطق الجبليه والحره


حياك الله وشاكر لك مرورك

[.أبوعبدالرحمن]

هانكوك 270/70/16
كفر شكله حلو ولين في المطب وسعره حليو
مشكلته يتمسح بسرعه



هذي مشكلته فعلا ،،

وحياك الله

[.أبوعبدالرحمن]

ماكسس 900 .. احلا كفرات خفه وتخفيف من استهلاك البنزين وحمايه بعد الله سبحانه من الانفجارات والتصلخ بالخطوط




هلا بك أخوي ملك التعديل

و شاكر لك المرور لكن عيب الماكسس 900 ما تركب على كل سيارة ، والله يهنيك بها

[mr.قهد]

السلام عليكم اخوي ابوعبدالرحمن موضوعك جميل وشيق لتناقش حول الكفرات ونوعياتها واستخدامها
\ انا موتري جيب ربع تايوتا2004 اركلبه يوكوهاما الحجري لاْن منطقتي جبال الوحده ب730 بس كفرات على مستوى الجبال والحصى ماتسوي فيها شئ ابد ولينه على الموتر وزينه وصناعتها اصلي (ياباني) وافضل كفرات للجيب الربع او الجي اكس اليوكوهاما رقم1 ثم الدانلوب رقم2
تقبلو تحياااتي!

[.أبوعبدالرحمن]

السلام عليكم اخوي ابوعبدالرحمن موضوعك جميل وشيق لتناقش حول الكفرات ونوعياتها واستخدامها
\ انا موتري جيب ربع تايوتا2004 اركلبه يوكوهاما الحجري لاْن منطقتي جبال الوحده ب730 بس كفرات على مستوى الجبال والحصى ماتسوي فيها شئ ابد ولينه على الموتر وزينه وصناعتها اصلي (ياباني) وافضل كفرات للجيب الربع او الجي اكس اليوكوهاما رقم1 ثم الدانلوب رقم2
تقبلو تحياااتي!



وعليكم السلام ورحمة الله


بارك الله فيك يالغالي ، وشاكر لك للإضافة

[هواي البر فهد]

تسلم يمينك على هالموضوع المفيد الله يعطيك العافيه

وماقصرو الاخوان
انا عندي بترول جنوط مقاس 16 بس الكفرات كالن شكل ونواع :
المهم بغير الكفرات ابي افضل مقاس لوه وش افضل نوع لي تصلح للخط وسفر وبنفس لوقت للبر
ولا يكون غالي بلحيل لن لمزينيه حم حم لك عليه شوين;)


وكم قيمتهن
وش امقاس لي يصلح ؟
هذي جنوط
http://www.mekshat.com/pix/upload01/prof020/mk109421_201107141018_800x600.jpg

[ابونبيل]

كان على موتري برجستون شد البلاد هايلكس مقاسها 15-195-70

الكفر جدا ممتاز بالحصا وعمره طوييل مررررررررررره

عيوبه صوته مع المديور تقول قاعد تفحط
وقاسي مره
ومايفرش صح بالنفود


والان استخدم هانكوك خط مقاس 215-75-15

الكفرات ممتازه ولينه و بالنفود تعجبك تفرش وبالخط منتازه
عيبها ان خطها يصفر يعني مو زي اليوكوهاما والمكسس
يعني كل 10 ايام نضفه اذا كنت تهتم بالشكل طبعا

[حسن الشمالي]

اشكر الاخون ماقصرو افادونا....
عندي اكثر من موتر واكثر من نوع من الكفرات...
واكثر ماشد اعجابي هو كفر اليوكاهاما للهايلكس جنط 15 عرض 195
كفر صبوررررررر جدا لدرجة اني امشي عليه في عز الظهر 130
والنقشة رايحة والكفر صار املس ثم تعدا هذي المرحلة وصارت الاسيام حقت الكفر طالعة
ولا قال الكفر شي ابد ,,,,

[.أبوعبدالرحمن]

تسلم يمينك على هالموضوع المفيد الله يعطيك العافيه

وماقصرو الاخوان
انا عندي بترول جنوط مقاس 16 بس الكفرات كالن شكل ونواع :
المهم بغير الكفرات ابي افضل مقاس لوه وش افضل نوع لي تصلح للخط وسفر وبنفس لوقت للبر
ولا يكون غالي بلحيل لن لمزينيه حم حم لك عليه شوين;)


وكم قيمتهن
وش امقاس لي يصلح ؟
هذي جنوط
http://www.mekshat.com/pix/upload01/prof020/mk109421_201107141018_800x600.jpg



هلا بك أخوي فهد

إن شاء الله يجون أهل الخبرة ويفيدونك ولكن أعتقد المقاس هو والله أعلم
285/85/16

وهذا هو أفضل مقاس تقريبا

[.أبوعبدالرحمن]

كان على موتري برجستون شد البلاد هايلكس مقاسها 15-195-70

الكفر جدا ممتاز بالحصا وعمره طوييل مررررررررررره

عيوبه صوته مع المديور تقول قاعد تفحط
وقاسي مره
ومايفرش صح بالنفود


والان استخدم هانكوك خط مقاس 215-75-15

الكفرات ممتازه ولينه و بالنفود تعجبك تفرش وبالخط منتازه
عيبها ان خطها يصفر يعني مو زي اليوكوهاما والمكسس
يعني كل 10 ايام نضفه اذا كنت تهتم بالشكل طبعا



يا هلا بك والله ونورت الطرح

[.أبوعبدالرحمن]

اشكر الاخون ماقصرو افادونا....
عندي اكثر من موتر واكثر من نوع من الكفرات...
واكثر ماشد اعجابي هو كفر اليوكاهاما للهايلكس جنط 15 عرض 195
كفر صبوررررررر جدا لدرجة اني امشي عليه في عز الظهر 130
والنقشة رايحة والكفر صار املس ثم تعدا هذي المرحلة وصارت الاسيام حقت الكفر طالعة
ولا قال الكفر شي ابد ,,,,



حياك الله أخوي حسن

من أقوى الكفرات إللي شفتها في حياتي اليوكوهاما 195 أذكرها على الهايلكس حقي

[ALBDRANE]

جربت الدنلوب والبرجستون على الفتك وما أرتحت الا بعد ما ركبت ميشلان والفرق الي فيه عن النوعين السابقه ليونه في المطبات وتماسك وثبات في المنعطفات والسرعات وكاتم للصوت في الخطوط وعيوبه شوي تصريخ في الدوران وراعي المناطق الجبلية يدور أقسى منه شوي يعني وعر خفيف وردميات وسهل خذ ولد

[.أبوعبدالرحمن]

أخوي هواي البر فهد المقاس اللي كتبته لك خطأ
وإللي أقصده هو 245/75/16

والمعذرة يالغالي

[.أبوعبدالرحمن]

جربت الدنلوب والبرجستون على الفتك وما أرتحت الا بعد ما ركبت ميشلان والفرق الي فيه عن النوعين السابقه ليونه في المطبات وتماسك وثبات في المنعطفات والسرعات وكاتم للصوت في الخطوط وعيوبه شوي تصريخ في الدوران وراعي المناطق الجبلية يدور أقسى منه شوي يعني وعر خفيف وردميات وسهل خذ ولد


شكرا لك أخي الكريم

ومعلومات فيها الفائدة

[هواي البر فهد]

أخوي هواي البر فهد المقاس اللي كتبته لك خطأ
وإللي أقصده هو 245/75/16

والمعذرة يالغالي


بيـــــــض الله وجهك
ماقصرت يابعد راسي
المقاس لي ركب هلحين هو

85\235 R16

بس ابي نوع رخيص شوي وممتاز للبر ولخط لني سافر وجد ويكون خفيف على لموتر

الله يجزااااااااااااااااك خير على موضوعك رائع ولمفيد وهتماااااااااامك على مشركات الاعضاء ورد عليهم بيض الله وجهك يابعدحييييي

[.أبوعبدالرحمن]

بيـــــــض الله وجهك
ماقصرت يابعد راسي
المقاس لي ركب هلحين هو


85\235 R16


بس ابي نوع رخيص شوي وممتاز للبر ولخط لني سافر وجد ويكون خفيف على لموتر



الله يجزااااااااااااااااك خير على موضوعك رائع ولمفيد وهتماااااااااامك على مشركات الاعضاء ورد عليهم بيض الله وجهك يابعدحييييي




اللهم آمين وجزاك الله خير

ولكن في هذي الامور أنا أجهل لأني ما قد جربت المقاس هذا

ولكن أعتقد أنه أنواع فيه إللي 8 غاط وفيه 6 غاط وفيه 10 غاط

وهذا حسب إطلاعي على مواضيع الشباب وكذلك كلام بعض البناشر

وإن شاء الله يجي إللي يفيدك بالافادة المجربة والصحيحة

الله يوفقك يالغالي

[شحرور الدهنا]

هنكوك 17/275/65
خذ رجل بالديره والخطوط ولين مره ومريح وناعم
اما بالبر لايهمك كلشن يشقه ×

[.أبوعبدالرحمن]

هنكوك 17/275/65
خذ رجل بالديره والخطوط ولين مره ومريح وناعم
اما بالبر لايهمك كلشن يشقه ×



يا سلام عليكم قلت الصراحة الله يعطيك العافية

والله يكثر من أمثالك