أفضل أريل من .... دولة قطر

[فتى المجمعة]

السلام عليكم ورحمة الله ...

أخواني الشقرديه ؛؛؛ أنا ان شاء الله ماشي بكره لدولة قطر ... :D أكيد بتقول طيب وش أسوي لك :confused:

انا أقولك وش تسوي : 1/ دعواتك لي بالسلامه ...:D
2/ وهو الي لا يقل اهمية عن الاول أني أبغى اشتري اريل للسياره لاكن والله محتار بشكل غير طبيعي >> وش افضل نوع استطيع احضاره معي !!! لكي لا يروح المشوار بلوووووشي !

ارجوا من اهل الخبر افادتي ..... ولا يحتاج نسميهم لأن كل من لديه تجربه فهو يملك الخبر .. ولا يهونون كبار كتاب المنتدى .


ودمتم بود ؛؛؛

[فتى المجمعة]

يا جماعة الخير ؛؛؛ نبغى واحد يفيدني ...

وثانياً :
معليش على اعادة الموضوع ... ما ادري وشلون احذفه ارجوا المساعده .

[جفيل]

الأرايل هناك ممتازه ..واغلبها أصليه
وعليك بالكومت 4,5 ديبي sbb ان لقيته تراه زين بالحيل...وخذلك كيبل بلدن الأصلي الخاص بالسياره


وتاصل بالسلامه ان شاء الله وماتشوف شر

[فتى المجمعة]

الله يعطيك العافيه على المرور اخي جفيل ؛؛؛

لكن بعض الشباب نصحوني بـ لارسن الامريكي وش رايك ؟

بعدين الكومت آخذ الطويل او القصير ؟
ومعذرة على الاطالة ولكن مافهمت وش معنى كيبل بلدن ؟؟

ومغذرة مرة اخرى ... ودمتم بود .

[الحرالمهوي]

حسب الخبر لارسن لاصلي لايعلا عليه وهو منقطع عن السعوديه من 3 سنوات على ما أضن

[الحرالمهوي]

وأن ام يوجد كومت وصلتين لكن غير مرغوب الطول بالريل وشكرا

[جفيل]

عندك ثلاث أنواع لاتتعداها :
الارسن: ذي الشركه ممتازه وله خبره بهالمجال ..خذ اقوى اريل من هالنوع من ناحية (الديبي).


كومت : خذلك افضل نوع من الكومت ..شف الي اقواهن في (الديبي) .

الدايموند: خذه ..كانك مالقيت الي فوق .


توجد انواع ممتازه ..لكن هذا الأفضل لأسباب :
1- تركب على القاعده الضغيره المعروفه((تلقاها بكل محل مهيب مثل القاعده الكبيره ))
2- هذا الأنواع جربتها ..(( لكن مهوب اي تجريب ..مجربهن وكلهن اصليات والي تفوق الارسن والكومت))

وعند لك اريل ..لو تلقاه بقطر فهو زين وببيض وجهك وقوته نفس قوة الطوال :
نوعه دايموند طوله 60 سم ..رقم الموديل مااذكره ..لكن بدوره وبجيب لك الموديل



اما كيبل البلدن ..فهو الكيبل الأصلي..يوجد بالرياض لكنه عريض بزياده ..اما الموجود بقطر فهو المخصص للسياره ..انحف من الي موجود عندنا وافضل


وللمعلوميه الكيبل اهم من الأريل في قوة الأشاره ويشترك معه تشبيك روس الكيبل بشكل صحيح خالي من الألتماس .

[فتى المجمعة]

مساء الخير للجميع
ونحص بالذكر >> أخي جفيل :D



الله يعطيك العافيه على المعلومات الي استفدت منها بشكل كبير :good:



ودمتم بود...

[جفيل]

الله يعافيك ..

حق وواجب ...واي استفسار انا حاظر

لاتنسى ..اتحفنا بالجديد عن الأرايل في قطر

[أبو راكان]

بنوصيك تجيب لنا معك كيبل وانتل ممكن ؟
ونحن لك ممنونين
ولك جزيل الشكر

[خشف.]

ان شاء الله يفيدونك اكثر اعضاء الخيمه

[الشنه]

تروح وترجع بالسلامه

[فتى المجمعة]

السلام عليكم ورحمة الله ...


اشكر كل من تواصل معي واخص بالشكر ؛؛؛
اخي التميز جفيل :D


وابشر بعزك ما طلبت شي ان شاء الله بنزل الصور



اما بالنسبه لطويل العمر ابو ركان والله لو داري كان جبت لك لكن انا رحت وجيت
لكن كانك تامر على الي عندي انا حاضر !!:rolleyes:



الاستاذ خشف ...الله يعطيك العافيه ويكفي مرورك يالغالي ;)
ودمتم بود ؛؛؛

[ww4ss]

والله ياخوي من انا اشوف افضلهم الانتينكس (الامريكي) الاسود وفيه سبرنك في اخره عند القاعده وقوته 5.8 دي بي وهو ممتاز وعلى طول الكيس تجد ختم المصنع مسجل عليه انتينكس made in usa خلى بالك هناك تقليد ومسجل عليه style by usa وهذه العماره تعني الشكل والتصميم بواسطة امريكا ولا تعني الصناعه وهو تقليد ولا انصحك فيه
ولا تتعب نفسك فقط ابحث عنه عند الحفر محل كشته وقول له الاصلي الذي استوردتوه من قبل وستجد عنده كم حبه قديمه
تمنياتي لك بالتوفيق

[فلان بن فلان]

اذا بتيي الله يحييك ...بس ما عندنا شئ عد والعدل غالي..روح عند المحلات الى في الحسا بتحصل اريل من دايمند سعرة من 220-250 وخذ معاه القاعدة من نفس الشركه في حدود 280..او اخذ الاتنينكس بعد ممتاز..وسعرة كامل مع القاعده حدود 100-90

[طير شلوى2007]

يعطيك العافيه جفيل الديبي وش معناه

[فتى المجمعة]

اذا بتيي الله يحييك ...بس ما عندنا شئ عد والعدل غالي..روح عند المحلات الى في الحسا بتحصل اريل من دايمند سعرة من 220-250 وخذ معاه القاعدة من نفس الشركه في حدود 280..او اخذ الاتنينكس بعد ممتاز..وسعرة كامل مع القاعده حدود 100-90



هلا بخوي فلان بن فلان ...الله يعطيك العافيه على مرورك ... ولكن ما عندنا في السعوديه شيء اصلي عشان كذا جيت لقطر وابشرك حصلت المقصود اريل لارسن db4.5 وقاعدة دايمند ياباني .

[فتى المجمعة]

اذا بتيي الله يحييك ...بس ما عندنا شئ عد والعدل غالي..روح عند المحلات الى في الحسا بتحصل اريل من دايمند سعرة من 220-250 وخذ معاه القاعدة من نفس الشركه في حدود 280..او اخذ الاتنينكس بعد ممتاز..وسعرة كامل مع القاعده حدود 100-90



هلا بخوي فلان بن فلان ...الله يعطيك العافيه على مرورك ... ولكن ما عندنا في السعوديه شيء اصلي عشان كذا جيت لقطر وابشرك حصلت المقصود اريل لارسن db4.5 وقاعدة دايمند ياباني .:D

[جفيل]

السلام عليكم ورحمة الله وبركاته ..

اخي فتى المجمعه .. لاهنت ..

كم كلفك الأريل مع القاعده ..؟ وبشر عن النتايج :)

وياليت تعطيني ارقام المحلات هناك

تحياتي

[راعي صيد.]

جبلنا معك الي تشتريه فلوسك جاهزه