حر أشقر طلع كاشف رأس 17*17

[أبو ممدوح]

السلام عليكم
يوجد حر أشقر كاشف رأس 17*17
طلع راكد على اليد والتكيه
علمه عند راعيه ذابح للكراوين والأرنب وطالع على كروان من ثلاثه كيلو
عندي ما شاف الا كروان أنا ادرجته له وما قصر والحين الطير في الربطه باقي له ثلاث من كل جناح
نخليكم مع الصور

http://www.w0ow.net/uploads/w0ow-9352de3bda.jpg (http://www.w0ow.net/)


http://www.w0ow.net/uploads/w0ow-ecfd531a17.jpg (http://www.w0ow.net/)


http://www.w0ow.net/uploads/w0ow-d17108dcc7.jpg (http://www.w0ow.net/)


http://www.w0ow.net/uploads/w0ow-9a04ab5126.jpg (http://www.w0ow.net/)


وكلكم نظر والي له نظر يسوم ولا تبخسون الطير حقه
ورجائا لا يسوم الا صامل

[المساهر]

الله يوفقك

[اعقاب]

وين صور الظهر؟

[أبو ممدوح]

ما يحظرني الا هذي الصور وانشاء الله بكرة اصور ظهر الطير وانزله
والسوم وصل خارج المنتدى 2500
وهذا رقم جوالي .................... وتكفون يالمشرفين لا تحذفون الرقم

[قلب شاهين]

وين مكانك يابو ممدوح ؟ ؟

[فتى باريس نجد]

كم سن الطير يابو ممدوح

[قعقاع التميمي]

السلام عليكم الطير صايد الحبار علومه سبوق أرتفاعه جيد طبوعوه خالي من الأمراض وأسمحلي على الأطاله

[k.aldossari]

أخوي لو ترفق بعض الصور لظهر الطير وتصوره من زاويه زينه تبين فيها قطعة الطير عدل لأن الصور شوي ظالمته
وش سن الطير هل هو بكرولا ثنو

[أبو ممدوح]

هلا ومرحبا بالجميع
مكاني مكة المكرمه
سن الطير رابع
الطير ما شافي عندي حبارى ما شاف غير كروان واحد وحمام
سبق الطير زين
ارتفاعه جيد
طبوعه زينه من ابدع ما يكون لا يكوش ولا ينقل العلف به صيحه خفيفه اذا شاف العلف في البيت والا خارج البيت ما يصيح
خالي من الأمراض بإذن الله ولا تأخذ الا بعد ما تكشف عليه وانا كاشف عليه أول ما شريته وله ملف والحمد لله خالي من الأمراض
ونسيت اذكر ان الطير مكوي في منخره من راعيه الأول السبب يقول عشان ما يدق الحوم
سبب غريب جدا !!!!

[بوخالد الكعبي]

هلا ومرحبا بالجميع
مكاني مكة المكرمه
سن الطير رابع
الطير ما شافي عندي حبارى ما شاف غير كروان واحد وحمام
سبق الطير زين
ارتفاعه جيد
طبوعه زينه من ابدع ما يكون لا يكوش ولا ينقل العلف به صيحه خفيفه اذا شاف العلف في البيت والا خارج البيت ما يصيح
خالي من الأمراض بإذن الله ولا تأخذ الا بعد ما تكشف عليه وانا كاشف عليه أول ما شريته وله ملف والحمد لله خالي من الأمراض
ونسيت اذكر ان الطير مكوي في منخره من راعيه الأول السبب يقول عشان ما يدق الحوم
سبب غريب جدا !!!!

هلا وغلا اخوى ابومدووح

اخوى تشرط على الطير في الطلع والصيد والركاده

واذا سمته منك في حد بيجيبه صوب قطر

[جارح العين]

اقوول ابو ممدوح رقمك للبيع...هههههه
الله يرزقك بالسومه الطيبه...

[أبو ممدوح]

هلا بك اخوي بو خالد
نعم اشرط لك على الطير الطلع والصيد والركاده
اما من جهت توصيل اعتذر لكن نشوف السومه وما نختلف انشاء الله
اخوي جارح العين
تأمر على الرقم وصاحب الرقم بعد

[أصيل911]

اسوم الطير ياراعيه ب2600 ريال بعد المعاينه والشرط وتراني حولك يعني ما بنختلف على التوصيل
والله يرزقك ويوفقك بالبيعه الطيبه

[نبع الدموع]

اخوي ابو ممدوح نصيحة غير الصور الي انت حاطها او حط صور اوضح
انا ما اشوف غير طير اخضر او حمر من هالصور ولا اشوف به اي زين
يعني يبيلك تدهل الطير زين و تصورة من جديد بعض الرجال هنا يسوم على
الصورة

هذي نصيحة خذها او ارمها و الله يوفقك بالبيعة الي توسع خاطرك

[فتى باريس نجد]

اخوي ابو ممدوح 2700 وش قلت تراي صامل

[أبو ممدوح]

ابو اصايل
سومة طيبه من رجل طيب
نبع الدموع
مشكور على النصيحة وترى التصوير من الجوال ما عندي كاميرا تصوير والا كان صورته لكن ابحاول شوف حل
فتى باريس نجد
سومه طيبه من رجل طيب
وراكم شوي هذا مو بحق الطير

[أبو ممدوح]

السلام عليكم وهذي صور ثانيه انشاء الله انها واضحة


http://www.w0ow.net/uploads/w0ow-e9a0e71eaf.jpg (http://www.w0ow.net/)


http://www.w0ow.net/uploads/w0ow-ddb7f85cd2.jpg (http://www.w0ow.net/)


http://www.w0ow.net/uploads/w0ow-23b2d7e8dd.jpg (http://www.w0ow.net/)


http://www.w0ow.net/uploads/w0ow-5357253559.jpg (http://www.w0ow.net/)

انشاء الله انها واضحة

[بوخالد الكعبي]

وانا اسومه يالغالي 2800 وقلت

بس شرط انك تشرط عليه يالغالي الطلع والصيد

وعلومه معا الحباره ؟؟

[k.aldossari]

السلام عليكم ورحمه الله وبركاته
افرق السومه واقول 3000 ريال
وأن شاء الله يكون في مجال أنك توصله للرياض يا أبوممدوح ..؟

[قلب ذيب]

معقول طير .
صايد الكروان والحبارى
وطلع تكايه
ومقاسه 17/17
وراسه كاشف
ب3000 ريال !!!
------- سؤالي : كيف اطلع الكراوين ثلاثه كيلو ؟

[أبو ممدوح]

بو خالد الكعبي
سومة طيبه من رجال طيب
k.aldossari
سومة طيبه من رجال طيب
قلب ذيب
حياك الله الطير ما شاف الحبارى وكيف طلع على الكروان من ثلاثه كيلو هذا علم راعيه

[قلب شاهين]

أخوي أبو ممدوح ياليت لو تذكر اذا كان بالطير فيه عذروب أو كوية أو جدره أو اي شئ بالطير ،،

واذا تشرط ان الطير صايد الكروان وطلع أسومه 3200 ريال ،،

بشرط توصله للدمام ،،

تحياتي / قلب شاهين ،،

[k.aldossari]

الطير يا أبوممدح علي 3300 ريال

[أبو ممدوح]

قلب شاهين
سومة طيبة من رجال طيب
والطير ما فيه أي عيوب
k.aldossari
سومة طيبة من رجال طيب

والعذر منكم جميعا اليوم رحت شفت الطير لقيته حاذف ريشه وحدة وهي الرابعة والخبر الي جاني من المقيظ فيه خطئ على بالهم ان الطير يبدأ يحذف من الدوغر نزولا الى الأمواس وأنا أعتذر مرة ثانيه أسف جدا جدا جدا

[أبو ممدوح]

السوم وصل عن طريق الجوال من أخونا
k.aldossari
3500ريال
ومن أخونا الصامل 11
4000ريال

[عتيج الصوف]

الله يوفقك

[قلب شاهين]

الله يرزقك بالبيعه الطيبه ،،

[k.aldossari]

الله يبارك لك يا أبو ممدوح
مدري مالك حد في الطير ؟

[الناصر888]

ابو ممدوح اذا الطير شروط ولا فيه عذروب
انا اسوم
4200

[أبو ممدوح]

السلام عليكم ورحمة الله وبركاته
معليش على التأخر ومشكورين على الدعاوي الطيبة وعلى السومه الطيبة من أخونا الناصر888

[بوخالد الكعبي]

اخوى بوممدوح


عندي رفيق يسال عنه اعلومه معا الحباره صايدها او مايرغبها كلش

[أبو ممدوح]

أبد يا بو خالد عندي ما شافها وراعيه الأول ما ذكر لي شي عن الحبارى

[أبو ممدوح]

السلام عليكم ورحمة الله وبركاته
يا جماعة الخير يا مشرفين لازم ولا بد تشوفون حل مع الأعضاء الي يسومون ويبعدون عن سومتهم
أخونا الناصر
ارسل له رساله على الخاص وأبارك له بالطير لكن ولا شي حتى ولا مكالمة تلفون
أخونا k.aldossri
ابارك له واقوله الطير من نصيبك وأوصله لرجال يعرفه في الرياض وهو حاليا في بريطانيا بعد يومين ومكالمات من الصبح الى المغرب وازعاج واتفاقيات وفي الأخير يدق علي خوييه من الرياض ويقول لا تعني نفسك وتجي ترا اذا ما عجبنا الطير نرده !!!
قلت له اذا بترده لا خذها من قاصره تعال قلبه في مكه ان صلح لك الله يبارك لك وان ما صلح لك الله يرزقك
دق علي الرجال من بريطانيا
يقول لا ما عليك يمكن فهمته غلط ورجعنا للإتفاق الأول على أساس اني أوصله الرياض
في الأخير انتظر الرجال يدق علي ولا شي ... دقيت عليه وش قال ؟؟
قال لا يا أبو ممدوح والله ما أدري وش أقولك لكن هونت وما ودي بالطير !!!
ولو تلاحظون ان اكثر من سام هو سام في البدايه 3000 وبعدين سام 3300 وسام عن طريق الجوال 3500
والفترة الي انا اعطيته فيها نيت البيع دقوا علي ناس وساموا الطير الى 4000 وانا اعطيت الرجال نية البيع 3500 واقول هو أولى لكن ما أدري هي مبزرة والا لعب ورعان والا قطع أرزاق
الي أتمناه ان المشرفين يشوفون حل لمثل ها المواضيع
ونرجع ونبدأ من سومة أخونا بو خالد الكعبي ولا هي محسوبه عليه 2800 والي له نظر يسوم
ورجائا لا يسوم الا صامل والي بيسوم يتصل قبل لا يسوم

[اعقاب]

الطير حسب الصور احمر وليس اشقر
الا اذا الصور ظالمته
مالك حد في الطير

[k.aldossari]

أبو ممدوح الله يرضى عليك أنت ماذكرت لي الا بالأخير أن الطير وهو امس السبت أنه معيوب في أحدى صوايده , واتفاقنا كان عن الي ذكرته لي كامل هنا الي في المنتدى الكويه وغيرها .....
وأظن أنه سبب مقنع على رجوعي وعدم الشراء
وماهي حلوه تكتب هذا الكلام بزران وورعان يعني من باب (الرقي الحضاري) في المنتدى

[أبو ممدوح]

الله يحيك يا عقاب
ومشكور على تعقيبك ورئيك
وصلتني رسالتك ومر على الخاص الله لايهينك
هلا يادوسري وحياك الله والله يسامحك رجوعك ما كان على الصايد رجوعك انت وولد أخوك على الكويه تقول خايف منها وولد أخوك بنفسه كلمني وقال لي هذا الكلام يقول انه خايف ان الطير ما يرتفع واحنا بالأحساء نحب الطير الي يرتفع واذا كان على الصايد تراني علمتك من أول مكالمه حصلت بيني وبينك لكن انتهى كل شي والله يعطيك العافيه وحاب أقول لك ثاني مرة لا تأكد مع الرجال على بيعه وبعدين تستشير
أستشير أول شي وبعدين أكيد للرجال اذا انك والله بتشتري والا لا

[أبو نوير]

السلام عليكم
أخووووي الطير الي انت حاط صورته أحمر ماهو أشقر ولا شاف الشقار بشي ...!!!:confused:
الطير صايده مقطوع ...؟:confused:
هل الطير صايد الحباره ولا ماشافها ابد ..؟:rolleyes:

[قلب شاهين]

يا أخوان لحد يعيب الطير الطير بالصورة صحيح لونه الي باين أحمر لكن الصورة ماهي دليل !!

والي يقول ان الطير الي فيه كوية مايرتفع غلطان لأن كان عندنا طير فيه كوية ويرتفع ويلحق الحمام ،،

لحد يبخس الطير ،،

وأنا ما قلت الكلام هذا لأني ابي مصلحه ولا اعرف راعي الطير لا والله اني ما اعرف راعي الطير ولا ابي منه مصلحه لكن حط مكانك على انك انت راعي الطير !!

والسموحه على المداخله ،،

تحياتي / قلب شاهين ،،

[أبو ممدوح]

هلا بك يا أبو نوير
ومشكور على تعقيبك ورأيك عاد هو أشقر أحمر الي شريته من عنده قال لي أشقر وانا على كلامه وللمعلوميه هذا ثاني طير حر أقناه لكن خذني في الوكارى والشواهين انشاء الله افيدك
بالنسبه للصايد ماهو مقطوع (( مقصوص )) نفس المخلب مقصوص من وسطه وهذا ما يظر الطير في نهاية الربطه تلقاه طالع عايدي ما فيه اي خلاف
بالنسبه للحبارى عندي ما شافها ولا ذكر لي راعيه الا الأرنب والكروان فقط
قلب شاهين
الله يحيك ومثل ما ذكرت انا مالي بالحرار نهائيا ولا اعرف الوانها وانا تكلمت على علم راعيه الأول
وبالنسبه للكويه كلامك صحيح 100% والطير ولله الحمد يرتفع
وانشاء الله يكون بيننا معرفه ولي الشرف ان اتعرف على رجال مثلك وشرواك

[أبو نوير]

تقدر توصل الطير الى الخبر (المنطقه الشرقيه )
عشان لا اسوم ولا ارتبط بكلمه

[أبو ممدوح]

حياك الله يا بو نوير
الطير انباع ب5000 ريال والله يبارك للي شراه والي شراه زائر يتصفح في المنتدى
على طول بعد المكالمة جاني وقلب الطير وعلفه على يده وشراه
وانا ما اقول الا الله يبارك له
(( وعسى ان تكرهوا شيأ وهو خير لكم ))

[بوخالد الكعبي]

تساهل الخير بوممدوح

ويستاهل الشراي